Genesis48
1एकर कुछ समय बाद, कोई यूसुफ से कहलन, तोर बाबू जी बेमार हथन। जखनी यूसुफ ई सुनलन, तऽ ऊ अपन दूनो बेटवन मनश्शे आउर एप्रैम के अपन बाबू जी भीर ले गेलन।2जखनी कोई याकूब से कहलन, “देखऽ, तोर बेटा यूसुफ तोरा से मिले ला अईलन हे!” याकूब, जेकरा इस्राएल भी कहल जा हे, कोशिश कईलन आउर बिछौना पर बैठ गेलन, जबकि अईसन करे ला उनका ला कठिन हल।3याकूब यूसुफ से कहलन, जखनी हम कनान देश के लूज शहर में हली, तऽ सर्वशक्तिमान परमेश्वर हमरा दर्शन देलन। ऊ हमरा आशीर्वाद देलन4आउर परमेश्वर हमरा से कहलन, हम तोरा बड़ी सा बाल-बच्चा पईदा करे में सामर्थी बनायेम। तोर बड़ी सा सभे वंशज होत, आउर ऊ सभे बड़ी मनी लोग के झुंड बन जईतन। आउर हम ई जमीन तोर वंशज के हमेसा लागी मालिक होवे लागी दे देम।5आउर अखनी हम समझम कि तोर दूनो बेटा, जौन हमरा ईहाँ आवे से पहिले मिस्र में तोरा से पईदा होलन हल, ऊ सभे हमरे हथन। एप्रैम आउर मनश्शे हमर बेटा होतन, आउर ऊ सभे हमर संपत्ति के अधिकारी होतन, ठीक ओईसहीं जईसन हमर बेटा रूबेन आउर शिमोन आउर दोसर लोग हथन।6जदि अपने बाद में कोई आउर लईका के बाबू जी बनऽ हऽ, तऽ ऊ सभे हमर लइका नऽ बलुक हमर बेटा-पोता मानल जईतन। उनका विरासत में मिलल जमीन के एक हिस्सा के तोर पर ऊ जमीन के कुछ हिस्सा मिलत जौन ऊ इलाका में हे जे उनकर भईवन के विरासत में मिलत।7ढेर साल पहिले, जखनी हम पद्दनराम से लौट रहली हल, तोर माय राहेल के कनान देश में दुखद मौत हो गेल, जखनी हम एप्राता नगर से जादे दूर नऽ हली, तखनी हम यात्रा कर ही रहली हल। एहिसे हम उनकर देह के एप्राता के सड़क के किनारे दफनइलन जेकरा अखनी बैतलहम कहल जा हे। 8जखनी याकूब यूसुफ के बेटवन के देखलन, तऽ पूछलन, “ई सभे लइकन कौन हथन?”9यूसुफ अपन बाबूजी के जबाब देलन, “ई सभे ऊ बेटा हे जे परमेश्वर हमरा मिस्र में ऊहाँ देलन हे।” याकूब कहलन, “ओखनी के हमरा भीर लावऽ ताकि हम ओखनी के आशीर्वाद दे सकम।”10याकूब जादे बूढ़ा होवे के चलते करीब-करीब आंधर हो गेलन हल।11याकूब यूसुफ से कहलन, “हमरा तोर मुँह दोबारा देखे के उम्मीद नऽ हल, बाकि देखऽ! परमेश्वर हमरा तोरा देखे ला अनुमति देलन हे, आउर ऊ हमरा तोर लईकमन के भी देखे ला अनुमति देलन हे!”12यूसुफ लईकमन के याकूब के गोदी में से ले लेलन। तऽ ऊ जमीन पर मुँह कर के दण्डवत कईलन।13तऽ यूसुफ दूनो लईकमन के लेके एप्रैम के अपन दाहिना से कि ऊ याकूब के बायाँ हाथ तर खड़ा कईलन, आउर मनश्शे के अपन बायाँ हाथ तर कि याकूब के दाहिना ओर खड़ा कईलन, आउर ओखनी के याकूब भीर ले अईलन।14बाकि याकूब ऊ कईलन जे यूसुफ उनका से करावे ला चाहऽ हलन। एकर बदले, ऊ अपन दाहिना हाथ के बढ़इलन आउर एप्रैम के माथा पर रख देलन, भले ही ऊ छोटा बेटा हल। ऊ अपन हाथ मोड़ लेलन आउर अपन बायाँ हाथ मनश्शे के माथा पर रख देलन, भले ही मनश्शे बड़ा बेटा हल।15तऽ ऊ यूसुफ आउर उनकर बेटवन के आशीर्वाद दे के कहलन, “हमर दादा अब्राहम आउर हमर पिता इसहाक परमेश्वर के इच्छा के मुताबिक अपन जिंदगी के बितइलन, आउर आज के दिन ला परमेश्वर हमर अगुवाई कईलन हे आउर हमर देख भाल कईलन हे जईसन एगो चरवाहा अपन भेड़वन के देख भाल करऽ हे ओईसहीं ओकर देख भाल कईलन हे।” 16जौन स्वर्गदूत के ऊ भेजलन, सभे तरह के हानि से बचईलन हे। हम प्रार्थना करऽ ही कि परमेश्वर ई लईकमन के आशीर्वाद देतन। हम प्रार्थना करऽ ही कि परमेश्वर उनका ला जे कुछ करतन, ओकरा चलते लोग हमर आउर हमर वंसज, अब्राहम आउर इसहाक के बारे में सोचतन। हम प्रार्थना करऽ ही कि उनकर बड़ी मनी वंशज हे जौन समूचे धरती पर बसतन।17जखनी यूसुफ देखलन, कि उनकर पिता अपन दाहिना हाथ मनश्शे के माथा पर नऽ, बाकि एप्रैम के माथा पर रखलन हे, तऽ ऊ दुखी होलन। एहिसे ऊ अपन पिता के हाथ पकड़ के एप्रैम के माथा से मनश्शे के माथा पर ले गेलन।18यूसुफ उनका से कहलन, “हे हमर बाबू जी, ई ठीक नऽ हे! जेकरा पर तूँ अपन बायाँ हाथ रख लऽ हे ऊ हमर बड़का बेटा हे। अपन दाहिना हाथ ओकर माथा पर रखिहऽ”19बाकि उनकर पिता ई कह के इनकार कर देलन, “हे हमर बेटा, हम ई जानऽ ही; हमरा लगऽ हे कि हम का कर रहली हे। मनश्शे के वंशज भी एगो झुंड बन जईतन, आउर ऊ सभे खास हो जईतन। बाकि उनकर छोटका भाई के बाल-बच्चा उनकर इच्छा से बढ़ के बड़ी महान होतन। उनकर वंशज केतना देश बनतन।”20एहिसे ऊ दिन से ऊ दूनो के आशीर्वाद देलन, आउर कहलन, “इस्राएल के लोग अपन लोगवन के आशीर्वाद देते घड़ी तोर नाम के इस्तेमाल करतन। ऊ कहतन, हम प्रार्थना करऽ ही कि परमेश्वर तोर मदत करतन जईसे कि ऊ एप्रैम आउर मनश्शे के मदत कईलन हल।” ई तरह, याकूब कहलन कि एप्रैम मनश्शे से जादे खास हो जइतन।21तऽ याकूब यूसुफ से कहलन, हम मरे वाला ही। बाकि हम जानऽ ही कि परमेश्वर तोर मदत करतन। कोई दिन ऊ तोर वंसज के उनकर खानदान के जमीन पर वापस ले जईतन।22हम तोरा, जे अपन भयवन से ऊँचा हऽ, शकेम के इलाका में उपजाऊ पहाड़ी देम। हम एमोरी लोग के झुंड से अपन तलवार आउर धनुष आउर तीर से लड़ते-लड़ते ऊ जमीन पर कब्जा कर लेली हे।
Bridge Connectivity Solutions Pvt. Ltd.