Genesis47
1यूसुफ राजा से बात करे ला अपना साथे चले लागी अपन पाँचगो भईवन के चुनलन। ऊ ओखनी के राजा से मिलईलन, आउर फिन ऊ कहलन, “हमर बाबू जी आउर हमर भाई कनान देश से अईलन हे। ई सभे अपन समूचे भेड़-बकरियन, गाय-बैल आउर अपन सभे कुछ ले अईलन हे, आउर अखनी ऊ सभे गोशेन इलाका में रह रहलन हे।”3राजा भईवन से पूछलन, तूँ का काम करऽ हऽ? ओखनी राजा के जबाब देलन, “हम चरवाहा ही, जईसन हमर पूरखा हलन।”4ओखनी उनका से ई भी कहलन, “हम ई देश में कुछ समय ला रहे लागी ईहाँ अईली हे, काहेकि कनान में अकाल बड़ी भयंकर हे, आउर हमनी के जानवरवन भीर उहाँ कोई चारागाह भी नऽ हे। एहिसे कृपा कर के गोशेन क्षेत्र में रहे दऽ।”5राजा यूसुफ से कहलन, “तोर बाबू जी आउर भईवन तोरा भीर अईलन हे।6ऊ सभे मिस्र में जहाँ चाहतन उहाँ रह सकलन हे अपन बाबू जी आउर भईवन के जमीन के सभे से मुख्य भाग दे दऽ ऊ सभे गोशेन में रह सकलन हे। आउर जदि तूँ जानऽ हऽ कि ओकरा में से कोई भीर जानवर के साथे काम करे के कोई खास योग्यता नऽ हे, तऽ ओखनी के हमर अपन जानवर के भी मालिक बना दऽ।”7तऽ यूसुफ अपन बाबू जी याकूब के महल में ले अईलन, आउर राजा से उनकर जान-पहचान कईलन। याकूब परमेश्वर से राजा के आशीर्वाद देवे ला कहलन।8तऽ राजा याकूब से पूछलन, “तोर भाई के उमर केतना हे?”9याकूब फिरौन के जबाब देलन, “हम 130 साल से यात्रा करऽ रहली हे। हमर अपन वंसजवन जे जिन्दा नऽ रहलन हे, बाकि हमर जिंदगी परेसानी से भरल रहल हे।”10तऽ याकूब फिनो परमेश्वर से राजा के आशीर्वाद देवे ला कहलन आउर उनका छोड़ देलन।11ई तरह से यूसुफ अपन बाबू जी आउर भईवन के मिस्र में रहे के काबिल बनईलन। जईसन कि राजा आज्ञा देलन हल, ऊ ओखनी के गोशेन में जमीन के सभे से बढ़ियाँ हिस्सा में संपत्ति देलन, जेकरा अखनी रामसेस कहल जा हे।12यूसुफ अपन बाबू जी के समूचे परिवार के खाना भी देलन। ऊ उनका जेतना रकम देलन ऊ ओखनी में से सभे के जेतना बच्चा हल, ओकरे अनुसार हल।13समूचे देश में अनाज नऽ उपजल, काहेकि अकाल बड़ी भयंकर हल। मिस्र आउर कनान के लोग कमजोर हो गेलन काहेकि उनका भीर खाइ लागी जादे खाना नऽ हल।14यूसुफ के ऊ समूचे धन मिलल जे मिस्र आउर कनान के लोग ऊ अनाज के बदले में देलन हल जे ऊ ओखनी के बेचलन हल, आउर ऊ ओकरा राजा के महल में ले अईलन।15जखनी मिस्र आउर कनान के लोग अनाज लागी अपन समूचे धन खर्चा कर चुकलन, तऽ ऊ सभे यूसुफ भीर आके कहे लगलन, कि हमनी के कुछ भोजन दऽ; “जदि तूँ हमरा अनाज नऽ देवऽ तऽ हम मर जाम! हमनी के खाना खरीदे लागी अपन सभे पैसा खर्चा कर देली हे, आउर हमरा भीर कोई पैसा नऽ बचल हे!”16यूसुफ जबाब देलन, “तोर सभे पईसा खतम हो गेल हे, एहिसे अपन जानवर हमरा भीर ले आवऽ। जदि तूँ अईसन करबऽ, तऽ हम तोर जानवर के बदला में तोरा खाना बेचम।”17एहिसे ओखनी सभे अपन जानवर के यूसुफ भीर ले अईलन। ऊ ओखनी के उनकर घोड़ा, उनकर भेड़-बकरियन, उनकर जानवर आउर उनकर गदहवन के बदला में भोजन देलन।18जहिया ऊ साल खतम होल, तऽ अगला साल ओखनी सभे उनका भीर आके कहे लगलन, “हम अपन स्वामी से ई बात छिपा नऽ सकली हे, कि हमरा भीर आउर धन नऽ रहल, आउर अखनी हमर सभे जानवर तोर हो गेल हे। हमरा भीर देवे लागी खाली अपन देह आउर अपन जमीन हे। हमरा भीर आउर कुछ नऽ बचल हे।19जदि तूँ हमरा भोजन नऽ देवऽ, तऽ हम मर जाम! जदि तूँ हमरा बीज नऽ देवऽ तऽ हमर खेत बेकार हो जात। खाना के बदला में हमरा आउर हमर जमीन खरीद लऽ। तऽ हम राजा के दास होम, आउर ऊ जमीन के मालिक होतन। हमरा बीच्चा दऽ कि हम पौधा लगा सकम आउर खाई ला उपजऽ सकम, अईसन नऽ होवे कि हम मर जाऊं, आउर हमर जमीन बंजर भूमि के जईसन नऽ हो जाई।”20एहिसे यूसुफ मिस्र में राजा लागी सभे खेत मोल ले लेलन। मिस्र के लोग अपन जमीन उनका बेच देलन काहेकि अकाल बड़ी भयंकर हल आउर ओखनी भीर भोजन खरीदे लागी कोई दूसरा राह नऽ हल। एहिसे सभे खेत राजा के खेत बन गेल।21जेकर नतीजा ई होल, यूसुफ मिस्र देश के एक सीमा से लेके दूसरा नगर के सीमा तक के सभे लोग के राजा के दास बना लेलन।22बाकि ऊ याजकवन के जमीन यूसुफ नऽ खरीदलन, काहेकि याजकवन के भत्ता मिलऽ हलऽ। ओखनी ऊ हिस्सा में से खईलन जौन राजा फिरौन से मिलऽ हल। एही चलते हे कि ओखनी अपन जमीन उनका बेचलन।23यूसुफ लोगवन से कहलन, “हमर बात सुनऽ! आज हम आउर तोर जमीन के राजा लागी मोल लेली हे। तऽ ईहाँ तोरा लागी बीच्चा हे जेकरा से तूँ जमीन में रोप सकलऽ हे।24बाकि जखनी तूँ फसल काटवऽ, तऽ तोरा फसल के पाँचवाँ हिस्सा राजा के देवे के पड़त। बाकि तोरा फसल के तोर खेत में रोपे लागी बीच्चा के रूप में रख सकली हे आउर अपन आउर अपन लईकमन आउर अपन घर के दूसरा सभे लोगवन के खाई लागी खाना बना सकली हे।”25ओखनी जबाब देलन, “तूँ हमर जानऽ बचईलऽ हे प्रभु! हम चाहऽ ही कि अपने हमरा से खुश रहऽ। हमर प्रभु के अनुग्रह के नजर हमरा पर बनल रहे, आउर हम फिरौन के दास रहम।”26एहिसे यूसुफ मिस्र के समूचे जमीन के बारे में एगो कानून बनईलन, जेकरा में कहल गेल कि जे फसल काटल जायेत ओकर पाँचवाँ हिस्सा राजा के होवत। ऊ कानून आज भी मौजूद हे। खाली ऊ जमीन जे याजकवन के हल, राजा के जमीन नऽ बनल।27याकूब आउर ओकर परिवार मिस्र में गोशेन देश में रहे लगलन। ओखनी उहाँ संपत्ति कमईलन उहाँ उनकर बड़ी मनी बाल बच्चा जनम लेलक। नतीजा ई होल कि, उनकर आबादी बड़ी बढ़ गेल।28याकूब मिस्र में सत्रह साल ला जिन्दा रहलन। कुल मिला के ऊ 147 साल जिन्दा रहलन।29जखनी इस्राएल के मरे के समय लगभग आ गेल, तऽ ऊ अपन बेटा यूसुफ के बोलईलन आउर उनका कहलन, “जदि तोर अनुग्रह हमरा पर हे, तऽ जदि हम तोरा खुश कईली हे, तऽ अपन हाथ हमर जाँघवन के बीच रख के ई वादा करऽ कि तूँ अपन बाबू जी के सामने हमरा प्रति विश्वासयोग्य रहबऽ आउर ओही करबऽ जे हम करऽ ही।” अखनी हम तोरा पर भरोसा करऽ ही कि अखनी हम मर जाम, तऽ हमरा ईहाँ मिस्र देश में नऽ दफनईहऽ।30एकर अलावे हम मर जाम, जखनी, आउर अपन वंसजवन के साथे जे पहिले मर चुकलन हे, मिल जाम, तऽ हमर देह के मिस्र से बहारसी ले जइहऽ, आउर कनान में जहाँ ऊ दफनावल गेलन हे, दफना दीहऽ। यूसुफ जबाब देलन, “तूँ जे कहबऽ हम ओही करम।”31याकूब कहलन, "हमरा से किरिया खा कि तूँ अईसन करम। येहिसे यूसुफ अईसन करे के किरिया खईलन। तब याकूब झुक के प्रणाम कईलन।
Bridge Connectivity Solutions Pvt. Ltd.