Genesis46
1एहिसे याकूब अपन समूचे परिवार आउर संपत्ति के जौरे लेके चल गेलन। जखनी ओखनी सभे बेर्शेबा शहर पहुँचलन, तऽ ऊ परमेश्वर के जेकर उनकर पिता इसहाक अाराधना कईलन हल, बलि चढ़ईलन।2ऊ रात, परमेश्वर याकूब के दर्शन में बुलइलन आउर कहलन, “याकूब! याकूब!” ऊ जबाब देलन, “हम हियाँ ही!”3परमेश्वर कहलन, “हम परमेश्वर ही जिनकर तोर पिता आराधना कईलन हल। मिस्र जाय से मत डेराऽ, काहेकि हम तोरा ठेर सा वंश देम, आउर ऊ सभे उहाँ एगो बड़का जाति बन जईतन।4हम तोरा साथे मिस्र जायेम, आउर बाद में हम तोर वंसजवन के कनान वापस ले आयेम। आउर जहिया तूँ मरबऽ तऽ यूसुफ तोरा साथे रहतन।”5एहिसे: याकूब बेर्शेबा के छोड़ देलन, आउर उनकर बेटा अपन पिता, अपन औरतियन, आउर अपन लईकमन के ऊ सभे गाड़ियन में ले गेलन, जेकरा राजा ओखनी के यात्रा लागी भेजलन हल।6ई तरह से याकूब आउर ओकर समूचे परिवार मिस्र चल गेलन। ऊ अपना अपन पशुधन आउर दोसर सभे संपत्ति ले गेलन जे ओखनी कनान में कमइलन हल।7याकूब अपन सभे बेटवन, बेटियन, पोतवन-पोतियन आउर अपन समूचे परिवार के जौरे मिस्र गेलन।8ई याकूब के परिवरवन के ऊ सभे सदस्यवन के नाम के सूची हे जे उनकर साथे मिस्र गेलन हल: रूबेन, याकूब के सभे से बड़का बेटा;9रूबेन के बेटा हनोक, पल्लू, हेस्रोन, आउर कर्म्मी;10शिमोन आउर ओकर बेटा यमूएल, यामीन, ओहद, याकीन, सोहर, आउर शाऊल, जे कनानी लोगवन के झुंड में से आवे वाला औरत के बेटा हलन;11लेवी आउर उनकर बेटा गेर्शोन, कहात, आउर मरारी;12यहूदा आउर ओकर बेटा शेला, पेरेस, आउर जेरह उनकर दूसरा बेटा एर आउर ओनान कनान देश में मर गेलन हल; पेरेस के दूगो बेटा; हेस्रोन आउर हामूल;13इस्साकार आउर उनकर बेटा तोला, पुब्बा, योब आउर शिम्रोन;14जुबूलून आउर उनकर बेटा सेरेद, एलोन, आउर यहलेल15ई सभे याकूब आउर लिया के बेटा हलन, जे ओकर बेटी दीना के अलावे, पद्दनराम में जनम होल हल। कुल मिला के तैंतीस बेटा आउर बेटियन हल।16गाद आउर उनकर बेटा सपोन, सिय्योन, हाग्गी, शूनी, एसबोन, एरी, अरोदी, आउर अरेली;17आशेर आउर उनकर बेटा यिम्ना, यिश्वा, यिस्वी, आउर बरीआ; आउर उनकर बहिन सेरह; बरीआ के बेटा: हेबेर आउर मल्कीएल;18ई सभे याकूब आउर जिल्पा नाम दासी के जेकरा लाबान अपन बेटी लिआ के देलन हल, ओकर बाल बच्चा आउर पोतवन हलन। ई सभे कुल मिला के सोलह गो लोग हलन।19यूसुफ आउर बिन्यामीन, के बेटा याकूब के मेहरारू राहेल;20एप्रैम आउर मनश्शे यूसुफ के दूगो बेटा हलन। ई सभे मिस्र नऽ गेलन काहेकि उनकर जनम मिस्र में होल हल। ऊ सभे ओन के बेटी आसनत के बेटा हल, जे ओन नगर के मंदिर में पुरोहित हलन।21बिन्यामीन आउर उनकर बेटा बेला, बेकर, अश्बेल, गेरा, नामान, एही, रोश, मुप्पीम, आउर अर्द;22ई सभे राहेल आउर याकूब के बेटवन-पोतवन हलन। एखनी सभे मिला के चौदह लोग होलन।23दान आउर उनकर बेटा हूशीम;24नप्ताली आउर उनकर बेटा यहसेल, गूनी, येजेर, आउर शिल्लेम।25याकूब आउर बिल्हा, जे दासी लाबान अपन बेटी राहेल के देलन हल, ई सभे उनकर बेटवन-पोतवन हलन। एखनी सभे मिला के सात जन होलन।26याकूब के बाल-बच्चा कुल मिला के छियासठ गो होलन। उनका साथे मिस्र के। ऊ गिनती में उनकर बेटवन के औरतियन शामिल नऽ हलन।27याकूब आउर यूसुफ आउर यूसुफ के दूगो बेटवन के मिला के, जेकर मिस्र में जनम होल हल, जखनी ऊ सभे मिस्र में हलन, तऽ याकूब के परिवार के सत्तर सदस्य हलन।28याकूब यहूदा के यूसुफ से बात करे आउर गोशेन इलाका के यात्रा करे के तरीका के बारे में मार्गदर्शन पूछे लागी लोगवन के पहिले जाय लागी भेजलन। तखनी यहूदा अपन परिवार के बाकि सदस्य भीर लौट के इहाँ अईलन आउर ऊ सभे गोशेन क्षेत्र दने चल गेलन। जखनी ऊ सभे उहाँ पहुँचलन, 29यूसुफ अपन रथ तइयार कईलन, आउर अपन पिता से भेंट करे ला गोशेन गेलन। जखनी यूसुफ अईलन, तऽ ऊ अपन पिता के गला में अपन बाँह डाल देलन आउर बड़ी देर तक रोते रहलन।30याकूब यूसुफ से कहलन, हम तोरा देखली हे आउर अखनी हम जानऽ ही, कि तूँ अखनी तक जिन्दा हऽ! एहिसे हम मारे लागी तइयार ही।31तऽ यूसुफ अपन भईवन आउर अपन पिता के परिवरवन के बाकि सदस्यवन से कहलन, “हम राजा भीर जायेम आउर उनका से कहम, हमर भाई आउर हमर पिता आउर उनकर परिवार के सभे सदस्य, जे कनान देश में रह रहलन हे, हमरा भीर अईलन हे।32सभे पुरुष चरवाहा हथिन। ऊ सभे अपन जानवरवन के देख भाल करऽ हथिन, आउर अपन भेड़-बकरी गाय-बैल आउर जे कुछ उनकर हे, सभे अपन साथे ले अईलन हे।33आउर जखनी राजा तोरा बोल के, पूछतन, तूँ का काम करऽ हऽ?'34ई कह के जबाब दऽ, जहिया से हम छोटा हली, तहिये से हम जानवरवन के देख भाल करते आ रहली हे, जईसन हमर वंसजवन करते आ रहलन हल।” जदि तूँ उनका से ई कहबऽ, तऽ ऊ तोरा गोशेन देश में रहे देतन। यूसुफ उनका अईसन कहेला कहलन काहेकि मिस्र के लोग चरवाहवन के घृणा करऽ हलन।
Bridge Connectivity Solutions Pvt. Ltd.