Genesis44
1जखनी उनकर भाई घर लौटे ला तैयार होलन, तऽ यूसुफ ऊ आदमी से जे उनकर घर के अधिकारी हलन, कहलन, “ऊ आदमियन के बोरा में एतना अनाज भर देतन जेतना ऊ सभे अपन गधा पर लाद सकलन हे। आउर सभे आदमी के बोरा के ऊपर ऊ चाँदी रख दीहऽ जे ऊ अनाज के बदले चुकइलन हल।2तऽ हमर चाँदी के कटोरा के छोटका भाई के बोरा के ऊपर ऊ चाँदी के साथे रखिहऽ जे ऊ अनाज के बदले चुकइलन हल।” एहिसे सेवक ओही कईलन जे यूसुफ ओकरा से करे ला कहलन हल।3अगला सुबह भोर में लोगवन के अपन गधा के साथे घरे जाय के ईजाजत देलन।4जखनी ऊ सभे नगर से बड़ी जादे दूर नऽ गेलन हल, “तऽ यूसुफ अपन घर के रखवाला अधिकारी से कहलन, ऊ सभे आदमियन के पीछा करऽ। जखनी तूँ ओखनी से मिलिहऽ, तऽ ओखनी से कहिहऽ, हम तोरा ला अच्छा काम कईली हे! तूँ हमरा साथे कुछ बुरा कर के हमरा एकर बदला काहे देलऽ?5तोहनी ऊ पियाला चुरा लेलऽ हे जेकरा से हमर मालिक पीयऽ हलन! ई ऊ पियाला हे जेकर इस्तेमाल ऊ, ऊ चीजवन के पता करे ला करऽ हल जेकरा कोई नऽ जानऽ हे! तोहनी जे कईलऽ हे ऊ बड़ी बुरा हे!”6जखनी सेवक ओखनी के पकड़ लेलक, तऽ ऊ ओखनी के ऊ सभे बता देलन जे यूसुफ ओखनी से कहेला कहलन हल।7बाकि ओखनी में से एगो ओकरा जबाब देलन, “मालिक, तूँ अईसन बात काहे कह रहलऽ हे? हम इहाँ तोर सेवक ही, आउर हम अईसन कुछ भी कहियो नऽ करम!8हम कनान से तोरा भीर चाँदी भी ले अईली हे जे हमरा हमर बोरा के उपरे भाग में मिलल हल! एहिसे हम सही ही तोर मालिक के घर से चाँदी काहेला चोरायेम!9जदि तोरा पता चलत कि हमनी में से कोई भीर ऊ कटोरा हे, तऽ तूँ ओकरा मार दीहऽ, आउर हमरा में से बाकि लोगवन हमर प्रभु के दास बन जईतन।”10ऊ आदमी जबाब देलन, “तूँ जे कहबऽ हम ओही करम। बाकि जेकरा भीर कटोरा हे ऊ मार देबल नऽ जईतन। एकर बदले, ऊ हमर दास बन जईतन, आउर तोहनी में से बाकि लोगवन घरे लौट सकलन हे।”11सभे आदमी तुरते अपन बोरा गधा से नीचे जमीन पर उतारलन आउर ओकरा खोललन।12तब नौकरवन सभे बोरा में पियाला ढूंढे लगलन। ऊ सभे से पहिले बड़का भाई के बोरा से शुरू कईलन आउर सभे से छोटका भाई के बोरिया पर खतम कईलन। ऊ बिन्यामीन के बोरा में कटोरा मिलल आउर ओखनी के देखइलन।13भईवन अपन कपड़वन के फाड़ लेलन काहेकि ऊ सभे बड़ी दुखी हलन। ओखनी बोरिया के फिन गदहवन पर लादलन आउर शहर में लौट अईलन।14जखनी यहूदा आउर ओकर बड़का आउर छोटका भाई यूसुफ के घर में दाखिल होलन, तखनी यूसुफ हुँआँ हलन। नौकर यूसुफ के बतईलन कि का होल हल। तऽ भईवन यूसुफ के सामने जमीन पर गिर पड़लन।15यूसुफ ओखनी से कहलन, “तूँ अईसन काहे कईलऽ? का तूँ नऽ जानऽ हलऽ? कि हमरा जईसन आदमी ऊ सभे बात के मालूम कर सकलन हे जेकरा कोई नऽ जानतन?”16यहूदा जबाब देलन, “मालिक, हम का कह सकली हे? हम कईसे सही साबित कर सकली हे कि हम ऊ पाप लागी सजा के भुगतान कर देली हे जेकरा हम ढेर साल पहिले कईली हल। एहिसे अखनी हमनी तोर दास हो जायेम, हम भी आउर ऊ भी जेकरा हीं कटोरा निकलल हे।”17बाकि यूसुफ शांति से जबाब देलन, “नऽ, हम कहियो अईसन कुछ नऽ कर सकली हे। खाली ऊ आदमी हमर दास बनतन जेकर बोरा में कटोरा निकलल हे। तोहनी में से बाकि लोगवन शांतिपूर्वक अपन बाबू जी भीर लौट सकलऽ हे।”18तऽ यहूदा यूसुफ भीर आके कहलन, “मालिक, कृपा कर के हम अपने से कुछ कहेला चाह ही। अपने खुदे राजा के बराबर हथिन, एहिसे तूँ हमरा फाँसी देवे के आदेश दे सकलऽ हे; बाकि तोरा से बात करे के कारण हमरा पर गुस्सा मत करिहऽ।19हमर प्रभु हमरा से पूछलऽ, ‘का तोर बाबू जी अखनी भी जिन्दा हथन, आउर का तोर एगो आउर भाई हे?’20हमर प्रभु के जबाब देली, हमर बाबू जी जिंदा हथन, बाकि ऊ बूढ़ा हथन। उनकर एगो छोटा बेटा हे जे हमर बाबू जी के बूढ़ा होला के बाद जनम होल हल। ऊ बेटा के एगो बड़का भाई हलन, जे अखनी मर गेलन हे। एहिसे सभे से छोटका बेटा अपन माय के बेटा में से एकलौता हे जे आजो जिन्दा हे, आउर ओकर बाबू जी ओकरा बड़ी प्रेम करऽ हथन।21तऽ तूँ हमरा से कहलऽ, अगला बार जहिया तूँ हींयाँ अईहऽ, तऽ अपन छोटका भाई के हमरा भीर ले अईहऽ, जेकरा से हम ओकरा देख सकम।22हमर स्वामी से कहली, नऽ, हम अईसन नऽ कर सकली हे काहेकि लड़का अपन बाबू जी के नऽ छोड़ सकलन हल। जदि ऊ अपन बाबू जी के छोड़ देतन तऽ उनकर बाबू जी दुःख के चलते मर जईतन।23बाकि तूँ हमरा से कहलऽ, ‘जदि तोर सभे से छोटका भाई तोरा साथे नऽ अईतन, तऽ हम तोरा फिनो कहियो हमरा से मिले ला नऽ देम!’24जखनी हम अपन बाबू जी भीर लौट के अईली तऽ हम उनका बतईली कि हमर स्वामी का कहलऽ हे।25केतना महीना बाद हमर बाबू जी कहलन, मिस्र वापस जा आउर कुछ आउर अनाज खरीद लावऽ!”26बाकि हम कहली, हम अकेले लौट के नऽ जा सकली हे। हम तबहिये जायेम जखनी हमर छोटका भाई हमर साथे होतन। जदि हमर सभे से छोटका भाई हमरा साथे नऽ रहतन तऽ हम अनाज बेचेवाला आदमी के नऽ देखम।27हमर बाबू जी जबाब देलन, तूँ जानऽ हऽ, कि हमर मेहरारू राहेल से हमर दूगो बेटा के जनम होल।28ओकरा में से एगो गायब हो गेलन, आउर हम कहली, “पक्का कोई जंगली जनावर ओकरा फाड़ देलक हे।” आउर तहिया से हम ओकरा नऽ देखली हे।29जदि तूँ ई दूसरा के भी हमरा से ले लेवऽ, आउर ओकरा कोई हानि पहुँचइवऽ, तऽ तूँ हमर पकल बाल वाला बूढा बाबूजी के हमर दुःख के चलते मरवा देवऽ।30एहिसे सुनऽ। हमर बाबू जी तबहिये जिन्दा रहतन जखनी उनकर छोटका बेटा जिन्दा रहतन।31जदि ऊ देख लेतन कि जखनी हम उनका भीर लौटऽ ही तऽ ऊ लड़का हमर साथे नऽ हे तऽ ऊ मर जईतन। हम अपन बूढा बाबूजी के उनकर दुःख के चलते मरवा देम।32हम आश्वासन देली हे कि लइका हिफाजत से लौट अईतन। हम उनका से कहली हे, हम जे वादा कर रह रहली हे, तूँ हमरा से ओकरा करे ला कह सकलऽ हे। जदि हम ओकरा तोरा भीर वापस नऽ लायेम, तऽ तूँ हमेशा लागी कह सकलऽ हे कि ओकरा तोरा भीर वापस नऽ लावे के चलते हम दोषी ही।33एहिसे कृपा कर के हमर छोटका भाई के शांति से अपन प्रभु के दास होके हियाँ रहे दऽ, आउर ऊ लईका अपन दूसरा बड़का भईवन के साथे अपन घरे लौट जईतन।34जदि लइका हमरा साथे नऽ रहत तऽ हम अपन बाबू जी भीर नऽ लौट सकली हे! हम ई नऽ देखे ला चाहऽ ही कि हमर बाबू जी केतना दुखी होतन!
Bridge Connectivity Solutions Pvt. Ltd.