Genesis43
1कनान देश में अकाल आउर भी बदत्तर हो गेल।2आखिर में, जखनी याकूब आउर उनकर परिवार मिस्र से लावल गेल सभे अनाज खा गेलन, तऽ याकूब उनका कहलन “मिस्र वापस जा आउर हमरा ला कुछ आउर अनाज खरीदे!”3बाकि यहूदा उनका से कहलन, जे अधिकारियन हमरा अनाज बेचलन, ऊ हमरा चितौनी देलन, कि जदि तूँ अईवऽ, आउर तोर छोटका भाई तोर साथे नऽ रहतन, तऽ हम तोरा फिन कहियो मिले ला नऽ देम।4एहिसे जदि तूँ हमर छोटका भाई के हमर साथे भेजबऽ, तऽ हम मिस्र जा के तोरा ला कुछ अनाज मोल कीनम।5बाकि जदि तूँ ओकरा नऽ भेजबऽ, तऽ हम उहाँ नऽ जाम, काहेकि ऊ अधिकारियन हमरा से कहलन, जदि तोर छोटका भाई तोरा साथे नऽ रहतन, तऽ हम तोरा फिन अपना भीर नऽ आवे देम।6याकूब पूछलन, “तूँ ऊ आदमी के ई बता के कि तोर एगो छोटका भाई हे, हमरा ई दुःख काहे पहुंचईलऽ?”7ओखनी में से एगो जबाब देलन, “ऊ आदमी हमरा बारे में आउर हमर परिवार के बारे में पूछलन। ऊ सभे कहलन, का तोर बाबूजी अखनी भी जिन्दा हथिन? का तोर आउर कोई भाई हे?” हमरा ओकर सवाल के जबाब देवे पड़ल। हम नऽ जानऽ हली कि ऊ कहतन, अगला बार जखनी तूँ हियाँ अईहऽ, तऽ अपन भाई के अपना साथे ले अईहऽ।8तऽ यहूदा अपन बाबू जी याकूब से कहलन, “लड़का के हमरा साथे भेजऽ, आउर हम तुरते चलम, कि हमरा आउर तोरा आउर हमर बाल-बच्चा के अनाज मिले, आउर भूख से नऽ मरतन।9हम खुद एकर जिम्मेवारी लेम कि ऊ वापस अईतन, तूँ हमरा से ऊ करे ला कहऽ सकल हे जेकर हम वादा कर रहली हे जदि हम ओकरा तोरा भीर सुरक्षित वापस नऽ ला सकम तऽ तूँ हमेशा लागी कहऽ सकल हे कि हम दोषी ही।10जदि हम एतना समय बर्बाद नऽ करती हल तऽ अखनी ला हम दुखी बेरा उहाँ जा के लौट चुकली होत!”11तब उनकर पिता याकूब उनका से कहलन, “जदि आउर कोई उपाय नऽ होत, तऽ अईसन करऽ, कि ई देश में जे बढ़ियाँ से बढ़ियाँ चीजवन उपजऽ हे, ओकरा में से कुछ अपन बोरिया में रख के ऊ आदमी भीर भेंट कर के पहुँचा दऽ। कुछ मरहम, आउर मधु, आउर खुशबूदार राल मसाला, आउर लोबान, कुछ पिस्ता, आउर बादाम लऽ।12पिछला बार से दुगुना पईसा ले लिहऽ, काहेकि जे चाँदी कोई तोर बोरियन के उपरे वाला हिस्सा में रख देलन हे, ओकरा तोरा लौटा देवे के चाही। हो सकल हे कि ई गलती से तोर बोरिया में रख देवल गेल हल।13अपन सभे से छोटका भाई बिन्यामीन के ले जा आउर ऊ आदमी भीर वापस जा।14हम प्रार्थना करम कि सर्वशक्तिमान परमेश्वर ऊ आदमी के अपने के परति दयालु बनइतन, जेकरा से ऊ तोर दूसरका भाई, साथे ही बिन्यामीन के भी तोरा साथे वापस आवे देतन। बाकि जहाँ ला हमर बात हे, जदि हमर बेटा हमरा से छीन लेवल जायेत, तऽ हमर बेटा नऽ रहत!”15एहिसे ओखनी सभे लोग ऊ सभे भेंट ले लेलन जेकरा याकूब ओखनी के लेवे ला कहलन हल, आउर अनाज के दाम से दुगुना धन ले लेलन। ओखनी बिन्यामीन के भी ले लेलन। ऊ सभे तुरते मिस्र में गेलन, आउर यूसुफ के सामने खड़ा होलन।16जखनी यूसुफ बिन्यामीन के उनका साथे देखलन, तखनी ऊ, ऊ आदमी से जे उनकर घर के अधिकारी हलन, कहलन, ऊ सभे आदमियन के हमर घर ले आवऽ। एगो जनावर के मारऽ आउर भोजन तइयार करऽ, काहेकि हम चाहऽ ही कि ऊ सभे दुपहर के हमरा साथे भोजन करतन। ऊ अपन सेवक से कहलन कि ओखनी के हमर कतार में बइठे ला हे।17ऊ आदमी ओईसहीं कईलन जईसन यूसुफ कहलन हल; ऊ ओखनी के यूसुफ के घरे ले गेलन।18बाकि ऊ सभे डेरा गेलन काहेकि ऊ ओखनी के यूसुफ के घर ले जा रहलन हल, “ऊ हमनी के ऊ चाँदी के चलते हियाँ ले जा रहलन हे जे पहिलका बार हमनी के हियाँ आवे पर हमनी के बोरिया में रखल गेल हल। जखनी हम खा रहली होत, तखनी ऊ अपन दासवन से हमनी पर चढ़ाई कर के हमनी के पकड़ लेतन, आउर हमनी के अपन दास बना लेतन, आउर हमनी के गदहियन के भी छीन लेतन।”19ऊ सभे ऊ आदमी के साथे गेलन जे यूसुफ के घर के प्रभारी हलन। जखनी ऊ सभे घर के प्रवेस दुआरी पर पहुँचलन,20ओखनी में से एगो कहलन, “कृपा कर के मालिक, हमर बात सुनऽ। हम पहिले हियाँ अईली हल आउर कुछ अनाज खरीदली हल।21बाकि घरे लौटते घड़ी जे जगह पर हम रात बितावे लागी रुकली हल, हुँआँ हमनी अपन बोरिया खोलली। हमनी ई देख के हैरान रह गेली कि हमनी सब के बोरिया के उपरे ओतना ही चाँदी हल जेतना हमनी अनाज लागी भुगतान कईली हल! एहिसे हम एकरा अपन साथे वापस ले अईली हे।22जादे अनाज खरीदे लागी हम अपना साथे जादे चाँदी भी लईली हे। हम नऽ जानऽ ही कि हमनी के बोरिया में चाँदी कौन रखलन।”23ऊ आदमी शांति से जबाब देलन, “आराम करऽ! एकर चिंता फिकिर मत करऽ! जौन चाँदी तूँ ले अईलऽ हे ऊ हमरा मिल गेल। तोर परमेश्वर, जौन परमेश्वर के आराधना तोर पिता करऽ हथन, ओही तोहनी के बोरिया में रखलन होत।” आउर तब ऊ शिमोन के जेल से उनका भीर ले अईलन।24तऽ ऊ ओखनी के यूसुफ के घर में ले गेलन। आउर ओखनी के गोड़ धोवे लागी पानी देलन, आउर ओखनी के गधा लागी भोजन देलन।25ऊ उनका से कहलन कि ओखनी सभे दुपहर के भोजन यूसुफ के साथे करे जा रहलन हे। एहिसे ओखनी यूसुफ के आवे पर उनका देवे लागी अपन भेंट तइयार कईलन।26जखनी यूसुफ घरे अईलन, तऽ ऊ उनका भेंट के देलन जे ओखनी सभे घर से लइलन हल। तखनी ओखनी उनकर सामने जमीन पर गिर के दण्डवत कईलन।27ऊ ओखनी से पूछलन कि का ऊ शांति से हथन, आउर फिन ऊ पूछलन, “तोर बूढ़ा बाबू जी, जिनका बारे में तूँ हमरा बतइलऽ हल, उनकर तबियत कईसन हे? का ऊ अखनी ला जिन्दा हथन?”28ओखनी में से एगो जबाब देलन, “हाँ, तोर सेवक, हमर बाबू जी, अखनी ला जिन्दा हथन, आउर ऊ कुशल से हथन।” तऽ ऊ सभे फिन ओखनी के सामने झुकलन।29फिन ऊ अपन छोटका भाई बिन्यामीन के, जे अपन माय के दूसरा बेटा हल, देखलन। ऊ ओकरा से पूछलन, “का ई तोर सभे से छोटा भाई हथन, जेकरा बारे में तूँ हमरा बतइलऽ हल?” ओखनी के "हाँ" कहलऽ के बाद ऊ बिन्यामीन से कहलन, “जवान, हम प्रार्थना करऽ ही कि परमेश्वर तोरा परति दया से भरल वर्ताव करतन।”30यूसुफ तुरते घर से बहारसी चल गेलन। उनका महसूस होल कि ऊ रोवे वाला हथन काहेकि ऊ अपन छोटका भाई के चलते मोह-माया से भर गेलन। ऊ अपन निजी कमरा में गेलन आउर उहाँ रोलन।31फिन ऊ अपन चेहरा से लोर पोछ के बहारसी अईलन आउर अपन भावुकता पर काबू रख के नौकरवन से कहलन, “खाना परोसऽ!”32मिस्र के लोगवन सोंचलन कि इब्रियन के साथे खाना खाई ला हमरा लागी बेईज्जती हे, एहिसे सेवकवन यूसुफ के अकेले खाना परोसलन आउर मिस्र के दोसर लोगवन के जे उनका साथे खा हलन हल, ओखनी के भी अलगे परोसलन आउर ओखनी यूसुफ के बड़का भयवन आउर छोटका भयवन के भी परोसलन मिस्री अईसन करे ला घृणा मानऽ हलन। अपने से।33उनकर भाई ई देख के हैरान रह गेलन कि ओखनी के बैठे वाला उनकर उमर के मुताबिक धारी करल गेल हल, सभे से छोटका से लेके सभे से बड़का तक के!34जखनी यूसुफ के मेज से उनकर हिस्सा के खाना ओखनी के परोसल गेल, तऽ बिन्यामीन के हिस्सा आउर लोगवन के हिस्सा से पाँच गुना जादे हल! एहिसे ओखनी यूसुफ के साथे खाना खईलन आउर दाखमधु पीलन, हियाँ ला कि ओखनी बड़ी खुश हो गेलन।
Bridge Connectivity Solutions Pvt. Ltd.