Genesis42
1जखनी कोई याकूब के बतईलन कि मिस्र देश में अनाज हे जेकरा लोग खरीद सकलन हे, तऽ ऊ अपन बेटवन के कहलन, “तूँ ईहाँ बइठ के एक दूसरा के मुँह काहे देखऽ हऽ? हमरा कुछ अनाज चाही!”2ऊ उनका से कहलन, “कोई हमरा से कहलन, कि मिस्र में अनाज बिक रहल हे। उहाँ जा आउर हमरा ला कुछ खरीदे, जेकरा से हमनी जिन्दा रह सकली हे!” 3एहिसे यूसुफ के दसो बड़कन भईवन कुछ अनाज खरीदे लागी मिस्र गेलन।4बाकि याकूब यूसुफ के छोटका भाई बिन्यामीन के दूसरा के साथे जाई लागी नऽ भेजलन, काहेकि उनका डर हल कि ओकरा साथे भी ओईसहीं कुछ भयानक हो सकल हे जईसन यूसुफ के साथे होल हल।5एहिसे याकूब के बेटा अनाज मोल लेवे लागी कनान से मिस्र चल गेलन, आउर दूसरा भी चल गेलन, काहेकि कनान में भी अकाल पड़ल हल। 6ऊ घड़ी यूसुफ मिस्र के राज्यपाल हलन। ऊ, ऊ हलन जे पूरा मिस्र आउर केतना दूसरा देश से अनाज खरीदे ला आवे वाला लोगवन के अनाज बेचऽ हलन। एहिसे जखनी से यूसुफ के भाई अईलन, तऽ भूमि पर मुँह कर के दण्डवत कईलन।7जईसही यूसुफ अपन भईवन के देखलन, तऽ ऊ ओखनी के पछान लेलन। बाकि ऊ अईसन देखावा कईलन कि ऊ ओखनी के नऽ जानऽ हथिन। ऊ ओखनी से कड़ाई से कहलन, “तूँ कहाँ से अईलऽ हे?” ओकरा में से एगो जबाब देलन, “हमनी कनान देश से कुछ अनाज मोल खरीदे अईली हे।”8जबकि यूसुफ अपन भईवन के पहचान लेलन, बाकि ओखनी उनका नऽ पछान।9तखनी यूसुफ के याद आयेल कि ऊ केतना साल पहिले ओखनी के बारे में का सपना देखलन हल। बाकि ऊ फैसला कईलन कि ऊ ओखनी के अखनी नऽ बतईतन कि ऊ ओखनी के छोटका भाई हथिन। ऊ ओखनी से कहलन, “तूँ जासूस हऽ! तूँ ई पता लगावे अईलऽ हे कि जदि तूँ हमरा पर हमला करबऽ तऽ का हम अपन रक्षा कर सकली हे कि नऽ!”10ओखनी में से एगो जबाब देलन, “नऽ, श्रीमान! हमनी अनाज खरीदे अईली हे।11हमनी सभे एक ही पिता के बेटा ही। हमनी ईमानदार आदमी ही, जासूस नऽ।”12ऊ ओखनी से कहलन, “हम तोरा पर विश्वास नऽ करऽ ही! तूँ खाली ई देखे अईलऽ हे कि जदि हमरा पर हमला होवत तऽ हमनी अपन रक्षा करम कि नऽ!”13बाकि ओकरा में से एगो जबाब देलक, “नऽ, ई सच नऽ हे! सही रूप से हमनी बारह लोग हली मतलब कनान देश में जे हमर भाई हलन, एक ही आदमी के बेटा हलन। हमनी के सभे से छोटका भाई हमर बाबूजी के साथे हे। ओकरा में से एगो अखनी जिन्दा नऽ हे।”14यूसुफ जबाब देलन, “तूँ झूठ बोल रहलऽ हे! हमरा लग हे कि ई ओईसने हे जईसन हम तोहनी के बतईली हे। तूँ जासूस हऽ!15बाकि ई तरह से हम जानऽ लेम कि तूँ जे कहऽ रहलऽ हे ऊ सच हे कि नऽ। हमरा लगऽ हे कि राजा के जिन्दा रहते तूँ जासूस हऽ। बाकि जखनी ला तोर छोटका भाई हियाँ नऽ अईतन तखनी ला तोहनी ई जगह से नऽ जईबऽ!16अपन झुंड में से एगो के भेजऽ कि जईतन आउर अपन छोटका भाई के बोल के हियाँ ले अईतन। हम तोरा में से बाकि के भी जेल में डाल देम, एहिसे कि जे कुछ तूँ कहलऽ हे, ओकरा जाँच कर के ई जानऽ लेम कि जे कुछ तूँ हमरा से कह रहलऽ हे ऊ सच हे कि नऽ। जदि जाई वाला तोर छोटका भाई के नऽ ले अईतन, तऽ राजा के जिंदगी के कसम ई पक्का ही प्रकट हो जायेत कि तूँ झूठ बोल रहलऽ हे कि नऽ, आउर तूँ जासूस हऽ कि नऽ”17तऽ यूसुफ ऊ सभे के तीन दिन लागी जेल में डाल देलन।18ओकर तिसरका दिन, यूसुफ जेल में गेलन आउर ओखनी से कहलन, हम एगो अईसन आदमी ही जे डेरा ही कि जदि हम जे वादा कईली हे ओकरा पूरा नऽ कईली तऽ परमेश्वर हमरा दण्ड देथिन। एहिसे जौन हम तोरा से कहऽ ही ओईसहीं करऽ, आउर हम तोर जान बचा देम।19जदि तूँ ईमानदार आदमी हऽ, तऽ तोहनी में से एगो भाई के ईहाँ जेल में रहे दऽ, आउर तोहनी में से बाकि लोग अपन परिवार लागी कुछ अनाज वापस ले जा सकलन हे जे अकाल के चलते बड़ी भूखल हथिन।20बाकि जदि तूँ फिन हियाँ अईवऽ, तऽ अपन सभे से छोटका भाई के हमरा भीर ले अईहऽ, जेकरा से तूँ ई साबित कर सकल हे कि जे कुछ तूँ हमरा से कहलऽ हे ऊ सच हे, आउर नतीजा ई होत कि हम तोरा मौत के सजा नऽ देलायेम। एहिसे ओखनी अईसन करे लागी तइयार हो गेलन।21ऊ सभे आपस में कहे लगलन, जे कुछ हमनी अपन छोटका भाई के साथे कईली हे ओकरे चलते हमनी दोषी हे! हम देखली कि ऊ बड़ी परेशान हल जखनी ऊ हमरा से बर्बादी नऽ पहुँचावे के विनती कईलक। बाकि हमनी ओकरा पर कोई धियान नऽ देली आउर एही चलते हमरा ई परेसानी हो रहल हे!22रूबेन ओकरा कहलन, “हम तोरा से कहली हल कि लईकमन के खिलाफ पाप मर करऽ, बाकि तोहनी हमर बात पर धियान नऽ देलऽ! अखनी हमरा ओकरा मारे लागी सजा देवल जा रहल हे!”23जखनी ऊ सभे यूसुफ से बात कर रहलन हल, तऽ द्विभाषिया अनुवादक से बात कर रहलन हल, बाकि जखनी ऊ सभे अपने में बात करऽ हलन त अपन भाषा में बात कर हलन। ऊ नऽ जानऽ हलन कि यूसुफ ओखनी के भाषा समझ सकलन हे आउर ऊ सभे जे ओखनी कहऽ रहलन हे ऊ, ओकरा समझ रहलन हे।24ओखनी जे कहलन ओकरा यूसुफ समझ गेलन कि ओखनी मान लेलक हे कि बड़ी साल पहिले ओखनी उनका साथे जे कईलन हल ऊ गलत हल। बाकि ऊ जानऽ हलन कि ऊ रोवे से खुद के नऽ रोक सकलन हे आउर ऊ नऽ चाहऽ हलन कि ओखनी सभे रोते देखतन, एहिसे ऊ ओखनी के छोड़ के घर के बहारसी चल गेलन आउर रोवे लगलन। बाकि फिन ऊ ओखनी भीर लौट के अईलन आउर ओखनी से दोबारा बात कईलन। तऽ ऊ शिमोन के पकड़ लेलक, आउर जखनी ऊ सभे देख रहलन हल, तखनी ऊ अपन सेवकवन से कहलन, कि ओकरा बाँध दऽ। ऊ शिमोन के जेल में छोड़ देलन आउर दूसरा से कहलन कि ऊ सभे जा सकलन हे।25यूसुफ अपन सेवकवन से कहलन, कि ऊ सभे आदमियन के बोरा अनाज से भर देतन, बाकि ऊ ओखनी से ई भी कहलन, कि सभे अनाज लागी जे पईसा देलन हे, ओकरा ओकर बोरा में रख दिहऽ। ऊ उनका से ई भी कहलन कि राह में ओखनी लागी भोजन दे दिहऽ। आउर ओकर भईवन के यूसुफ के सेवकवन से भोजन मिलल।26ओकर बड़का भाई अनाज के बोरियन अपन गधा पर लाद लेलन आउर चल गेलन।27जौन जगह पर ऊ सभे ऊ रात सूते लागी रुकलन हल, ओकरा में से एगो अपन गधा ला कुछ अनाज निकाले लागी अपन बोरा खोललन। बोरिया में अपन पईसा देख के ऊ हैरान रह गेलन।28ऊ अपन भयवन से कहलन, “कोई हमर पईसा वापस लौटा देलन हे ऊ बोरा में हे!” ऊ सभे डर से काँपे लगलन, आउर एक दूसरा से कहे लगलन, “परमेश्वर हमरा से ई का कईलन हे?”29जखनी ऊ सभे कनान देश में अपन बाबू जी याकूब भीर गेलन, तऽ, तऽ ओखनी उनका ऊ सभे कुछ बतईलन जे ओखनी के साथे होल हल। ओखनी में से एगो कहलन,30जौन अधिकारी मिस्र के समूचे देश पर सासन करऽ हथन, ऊ हमरा से बड़ी कड़ाई से बात कईलन। ऊ हमनी के साथे अईसन वर्ताव कईलन जईसे कि हमनी ओकर देश में जासूसी कर रहली हे।31बाकि हमनी उनका से कहली, हमनी ईमानदार आदमी ही! हम जासूस नऽ ही।32मुख्य रूप से हमनी बारह लोग ही जे भाई ही, एक ही बाप के बेटा ही। एगो के मौत हो गेल हे, आउर हमर सभे से छोटका भाई कनान में हमर बाबू जी के साथे हे।33ऊ देश के मालिक हमनी पर विश्वास नऽ कईलन, एहिसे ऊ हमरा से कहलन, हम ई तरह से जान लेम कि तूँ सही में सच्चा आदमी हऽ, कि तोहनी अपन भईवन में से एगो के हमरा भीर हियाँ छोड़ दऽ। तऽ तोहनी में से बाकि लोग भूख से मर रहल अपन परिवारवन लागी कुछ अनाज ले जा सकलऽ हे।34बाकि जखनी तूँ लौट अईवऽ, तऽ अपन सभे से छोटका भाई के हमरा भीर ले अईहऽ, जेकरा से हम जानऽ लेम कि तूँ जासूस नऽ, बाकि सीधा आदमी हऽ। तऽ हम तोरा ला तोर भाई के छोड़ देम। आउर फिन तूँ जे चाहऽ हऽ खरीद सकल हे।35जखनी ऊ सभे अपन बोरिया के खाली कर रहलन हल, तऽ ओखनी के ई देख के हैरानी होलन कि सभे आदमी के बोरिया में पईसा के झोली हल! जखनी ओखनी आउर उनकर बाबू जी पईसा के समूचे झोली देख के घबरा गेलन।36उनकर बाबू जी याकूब ओखनी से कहलन, “तोहनी हमर दूगो लईकमन के हमरा से छीन लेलऽ हे! यूसुफ मर गेल, आउर शिमोन चल गेल! आउर अखनी तूँ बिन्यामीन के हमरा से छीन लेवे ला चाहऽ हऽ! ई हम ही जे एखनी सभे के चलते दुखी हो रहली हे!”37रूबेन अपन बाबूजी से कहलन, “हम बिन्यामीन के तोरा भीर लौटा ले आयेम। हमरा ओकरा देख भाल करे दऽ। जदि हम बिन्यामीन के तोरा भीर वापस नऽ लायेम, तऽ तूँ हमर दूनो बेटा के मार दि हऽ।”38बाकि याकूब कहलन, “नऽ, हम अपन बेटा के तोरा साथे नऽ जाई देम। ओकर बड़का भाई मर चुकल हे, आउर ऊ हमर मेहरारू राहेल के बेटवन में से एगो मात्र हे! जदि तोर यात्रा करते समय ओकरा कोई नुकसान पहुँचत, तऽ तूँ हमरा पकल बाल वाला बुढा के दुःख के चलते मरवा दिहऽ।”
Bridge Connectivity Solutions Pvt. Ltd.