Genesis41
1पूरा दू साल के बाद मिस्र के राजा एगो सपना देखलन। सपना में ऊ नील नदी के किनारे खड़ा हलन।2अचानक सातगो बड़का मोटा गाय प्रकट होल। ऊ सभे नील नदिया के किनारे नटकट चरे लगल।3जल्दी ही दोसर गाय भी, जे बेमार आउर दुबराल लग रहल हल, ऊ नील नदी से ओकर पीछे से आ गेल। आउर ऊ, ऊ सभे मोटकी गइयन के सामने खड़ा हो गेल जे नदी के किनारे हल।4आउर रोगी पतलकन गाय सातगो निरोगी मोटकी गइयन के निंगल लेलक। तब फिरौन जाग उठलन।5राजा फिनो सूत गेलन, आउर ऊ दूसरा सपना देखलन। ई बार ऊ अनाज के सातगो बाल के देखलन जे अनाज से भरल हल आउर पकल हल, आउर सभे एक डंठल पर उग रहल हल।6ओकर बाद राजा देखलन कि ऊ डंठल में से सातगो आउर अनाज के बाल उगल। ऊ सभे पतला हल आउर गरम पूरबईया हवा से सुख गेल हल।7तखनी अनाज के पतलका बालियन सातो पतलकन बाली के निंगल गेल। तखनिये राजा जाग गेलन। उनका मालूम होल कि ऊ सपना देख रहलन हल।8बाकि अगला सुबह ऊ सपना के अर्थ के फिकिर में हलन। एहिसे ऊ मिस्र में रहेवालन जादूगरवन आउर तेज बुद्धिमान लोगवन के बोलईलन। ऊ ओखनी के बतईलन कि ऊ सपना में का देखलन हल, बाकि ओकरा में कोई भी उनका दूनो सपना के अर्थ नऽ बता सकलन।9तऽ खास पिलावे वाला राजा से कहलन, अखनी हमरा कुछ याद आयेल हे जे हम अपने के बतावे ला चाहऽ हली। हम तोरा ई बतावे ला भूला के पाप कईली।10राजा फिरौन तूँ हमनी दूनो से नाराज हलऽ। एहिसे तूँ हमरा आउर पकावे वाला के प्रधान के महल के दरबारी के प्रधान के घर के जेल में डाल देलऽ।11जखनी हम उहाँ हली, ओही रात हमनी में से दूनो एगो सपना देखलन, आउर सपना के अलगे-अलगे अर्थ हल।12उहाँ हमनी के साथे एगो जवान इब्री आदमी हल। ऊ महल के दरबारी के मुखिया के नौकर हल। हम उनका बतईली कि हम सपना में का देखली हे। ऊ हमनी में से दूनो के हमनी के सपना के अर्थ बतईलन।13ओकर बाद जे होल हल ओकर पूरा ओही अर्थ हल जे ऊ हमरा बतईलन हल: तूँ कहलऽ हल कि हम अपन पिछला नौकरी फिनो से हासिल कर सकली हे, बाकि दोसरका आदमी के फांसी दे के मार देवल गेल।14जखनी राजा ई सुनलन, तऽ ऊ कुछ सेवकवन से यूसुफ के हमरा भीर लावे ला कहलन, आउर ऊ तुरते यूसुफ के जेल से बहारसी ले अईलन। यूसुफ दाढ़ी बनईलन आउर बढ़ियाँ कपड़ा पेहेनलन, आउर जा के राजा के सामने खड़ा होलन। 15राजा यूसुफ से कहलन, “हम दूगो सपना देखली, आउर कोई भी हमरा नऽ बता सकलन हे कि ओकर का अर्थ हे। बाकि कोई हमरा से कहलन कि जखनी तूँ कोई के अपन सपना के बारे में बतइते सुनलन हे, तऽ तूँ ऊ आदमी के बता सकलऽ हे कि सपना के का अर्थ हे।”16बाकि यूसुफ शांति से राजा के जबाब देलन, “नऽ, हम अईसन नऽ कर सकली हे। ई परमेश्वर हथन जे सपना के अर्थ जानऽ हथन, बाकि ऊ हमरा तोरा से ओकर बारे में बतावे में सक्षम करतन।”17राजा यूसुफ से कहलन “अपन पहिलका सपना में हम नील नदिया के तट पर खड़ा हली।18अचानक सातगो निरोग मोटा गाय नदी से निकल के बहारसी आयेल, आउर ऊ सभे नदी के किनारे वाला नरकट खाय लगल।19जल्दी ही सातगो आउर गाय, बदसूरत आउर पतला, नदी में से ओकर पीछे आ गेल। हम मिस्र देश में अईसन बदसूरत गाय कहियो नऽ देखली।20पतलकन बदसूरत गाय ऊ सातो मोटकीन गइयन के निंगल गेल जे सभे से पहिले आयेल हल।21बाकि बाद में, कोई के पता नऽ चलल कि पतलका गाय ओकरा खा लेलक, काहेकि ऊ सभे ओतने बदसूरत हल जेतना पहिले हल। फिनो हम जाग गेली।”22फिनो हम सुत गेली, तऽ एगो आउर सपना देखली। “हम अनाज के सातगो बाली के देखली। ऊ अनाज के दाना से भरल हल आउर पकल हल, आउर ऊ सभे एक ही डंठल पर उग रहल हल।23तखनी हमरा अचरज लगल कि सातगो दोसर अनाज के बलियन निकलल। जे सभे पतला हल आउर गरम पूरबईया हवा से सूख गेल हल।24अनाज के पतलकन बाल सातो निमन बाल के निंगल गेल। हम ई सपना के बारे में जादूगरवन के बतईली, बाकि ओकरा में से कोई भी हमरा ई नऽ बता सकलन कि ओकर का अर्थ हे।”25तखनी यूसुफ राजा से कहलन, अपने के दूनो सपना के अर्थ एक ही हे। परमेश्वर तोर सपना में तोरा प्रकट कर रहलन हे कि ऊ का करे वाला हथिन।26सातो निरोगी गाय सात साल के देखावऽ हे। अनाज के सातो निमन बलियन सात साल के देखावऽ हे। दूनो सपना के अर्थ एक्के हे।27ऊ सभे सातो दुबला-पतला बदसूरत गाय आउर ऊ सभे सातो बेकार अनाज कि बाली जौन गरम पूरबईया से सुख गेल हल, सभे अकाल के सात बरस के देखावऽ हे।28जईसन हम अपने से कहली हे ओईसहीं होत, काहेकि परमेश्वर राजा फिरौन के ऊपर प्रकट कर के देलन हे कि ऊ का करे वाला हथिन।29सात वरिस अईसन होत जेकरा में समूचे मिस्र देश में बड़ी जादे अनाज होत।30तऽ सात वरिस के अकाल परत। तऽ मिस्र देश में लोगवन ऊ सभे साल के भूल जईतन जखनी बड़ी जादे अनाज होवऽ हल, काहेकि ओकर बाद जे अकाल पड़त ऊ देश के बर्बाद कर देत।31लोग भूला जईतन कि पहिले केतना जादे भोजन हल, काहेकि अकाल बड़ी भयानक होत।32परमेश्वर फिरौन के दूगो सपना एहिसे देलन, कि ऊ मजबूती से पक्का कर लेलन हे कि जरुरी होत, आउर ऊ एकरा जल्दी पूरा कर देतन।33अखनी हमर सलाह हे कि तोरा अईसन आदमी के चुने के चाही जे समझदार रहतन आउर बढ़ियाँ फैसला ले सकतन। हमर विचार हे कि तूँ उनका पूरा मिस्र देश के मामला के अगुवाई करे लागी नियुक्त करऽ।34फिरौन के पूरा देश में देख-रेख करे वाला के भी नियुक्त करे के चाही, जेकरा से ऊ सभे सातो साल के दौरान जखनी भोजन भरपूर मात्रा में रहत, उपजावल गेल सभे अनाज के पांचवाँ हिस्सा जमा करे के व्यवस्था कर सकतन।35ओखनी के आवे वाला सात साल के दौरान ई मात्रा में अनाज जमा करे के चाही, जखनी भरपूर मात्रा में भोजन होत। सभे नगर के जमा करल गेल भोजन फिरौन के वश में कर के देख-रेख करे लागी सुरक्षा करे के चाही।36ई अनाज एहिसे रखल जाई कि ऊ सातो साल के दौरान जखनी मिस्र में अकाल पड़त, खाल जा सकत, आउर ई देश के लोग भूख से नऽ मरतन।37राजा आउर ओकर सभे अधिकारियन सोंचलन कि ई एगो अच्छा योजना हे।38राजा उनका से कहलन, का हम यूसुफ के समान कोई दूसरा आदमी ढूंढ सकली हे, जेकरा परमेश्वर अपन आत्मा देलन हे?39तखनी राजा यूसुफ से कहलन, “परमेश्वर ई सभे बतियन तोरा पर प्रकट कईलन हे, एहिसे हमरा अईसन विश्वास होवऽ हे, कि तोरा जईसन कोई समझदार नऽ हे, आउर जे बुद्धिमानी से हर बात के फैसला ले सकतन।40एहिसे हम तोरा अपन महल के सभे चीज के मालिक बनायेम। मिस्र में सभे लोग के तोर आज्ञा के पालन करे के चाही। खाली एहिसे कि हम राजा ही आउर राजगद्दी हे, हमरा भीर तोरा से जादे अधिकारी होतन।” 41तऽ राजा यूसुफ से कहलन, अखनी हम तोरा मिस्र के समूचे देश के अधिकारी ठहरावऽ ही।42राजा अपन अँगुली से ऊ अंगूठी निकाल के जेकरा पर उनकर मोहर हल, आउर ओकरा यूसुफ के अँगुली में पहना देलन। आउर ऊ उनका बढ़ियाँ मलमल के बनल कपड़ा पेहनइलन, आउर उनकर गला में सोना के सिकड़ डाललन।43फिनो ऊ यूसुफ लागी रथ में घूमे ला व्यवस्था कईलन जेकरा से पता चलत कि ऊ देश के दूसरा सभे से खास आदमी हथन। जखनी यूसुफ रथ पर सवार होलन, तखनी लोग जेतना लोग उनकर आगे सड़क पर हलन, चिल्ला के कहलन, “प्रणाम करऽ!” एहिसे यूसुफ समूचे मिस्र में ई काम के देख-रेख करे ला निकललन।44राजा यूसुफ से कहलन, हम राजा ही, बाकि जदि तूँ उनका अईसन करे नऽ देवऽ, तऽ समूचे मिस्र देश में कोई कुछ नऽ करतन।45राजा यूसुफ के एगो नया नाम सापनतपानेह देलन। ऊ अपन बेटी आसनत के उनकर मेहरारू बने लागी भी देलन। ऊ पोतिपर के बेटी हल, जौन ओन नगर के एगो मंदिर में याजक हलन। ई तरह से यूसुफ समूचे मिस्र देश में नामी हो गेलन। 46जहिया यूसुफ मिस्र के राजा के काम करे ला शुरू कईलन तहिया ऊ तीस साल के हलन। अपन काम करे लागी, ऊ राजा के महल छोड़ देलन आउर पूरा मिस्र के यात्रा कईलन।47अगला सात बरिस के दौरान, खेत में भरपूर मात्रा में अनाज पईदा होल, एहिसे भरपूर मात्रा में भोजन हल।48जखनी यूसुफ उनकर देख-रेख करऽ हलन, तऽ उनकर मदतगार ऊ साल मिस्र में पईदा होवे वाला सभे अनाज के पाँचवाँ हिस्सा जमा करऽ हलन, आउर ई नगर में जमा करऽ हलन। सभे नगर में ऊ अपन मदतगार से ऊ अनाज के भंडारण कईलन उनका नगर के चारो तरप के खेतवन में उगावल जा हल।49यूसुफ उनका लागी भारी मात्रा में अनाज के भंडारण करबईलन। ई समुद्र के किनारे के बालू के तरह भरपूर मात्रा में लग रहलन हल। उहाँ एतना अनाज हल कि कुछ समय के बाद ऊ एकर लेखा रखे ला बंद कर देलन कि केतना अनाज भंडारण करल गेल हल, काहेकि जेतना ऊ माप सकलन हल बाकि ओकरा से कहीं जादे अनाज हल।50अकाल के सात साल शुरू होवे से पहिले, यूसुफ के मेहरारू आसनत जे ओन के याजक पोतिपेरा के बेटी हल जे दूगो बेटवन के जनम देलन।51यूसुफ पहिलका के नाम मनश्शे रखलन, जे हिब्रू सब्द के जईसन लग हे जेकर मतलब हे "भूल जा" काहेकि ऊ कहलन, “परमेश्वर हमरा हमर समूचे समस्या आउर हमर पिता के परिवार के भूला जायला प्रेरित कईलन हे।” 52ऊ अपन दूसरा बेटा के नाम एप्रैम रखलन, जेकर मतलब हे कि "बच्चा पईदा करे ला" काहेकि ऊ कहलन, “परमेश्वर हमरा ई देश में, जहाँ हम दुःख सहली हे, बच्चा देलन हे।” 53मिस्र देश अंतिम में ऊ सभे सात साल खतम हो गेल जेकरा में भरपूर भोजन हल।54फिन सात साल के अकाल शुरू होल, जईसन यूसुफ भविष्यवाणी कईलन हल। अगल-बगल के दोसर सभे देश में भी अकाल पड़ल, बाकि जबकि अनाज नऽ बढ़ल, मिस्र में हर जगह भोजन हल, काहेकि ऊ नगरवन में अनाज जमा कर के रखलन हल। 55जखनी मिस्र के सभे लोगवन अपन समूचे भोजन खा चुकलन, आउर फिन भी भूखा हलन, तखनी ओखनी सभे राजा से भोजन ला प्रार्थना कईलन। एहिसे राजा मिस्र के सभे लोगवन से कहलन, “यूसुफ भीर जा आउर जे कुछ ऊ तोरा से करे ला कहतन ओही करऽ।” 56जखनी पूरा देश में अकाल बड़ी बुरा हल, तखनी यूसुफ अपन मदतगार लोग के भण्डार खोले के आज्ञा देलन। तखनी ओखनी अनाज के मिस्र के लोग के बेच देलन, काहेकि पूरा मिस्र में अकाल बड़ी भयंकर हल।57मिस्र के अगल-बगल के ढेर देश से लोग यूसुफ से अनाज खरीदे लागी मिस्र अईलन, काहेकि सभे जगह अकाल बड़ी भयंकर हल।
Bridge Connectivity Solutions Pvt. Ltd.