Genesis40
1कुछ समय के बाद अईसन होल, मिस्र के राजा के दूगो अधिकारी अईसन काम कईलक जेकरा से ऊ नाखुश होलन। दूगो में एगो ओकरा मुख्य पानी पीये ला परोसे वाला हल आउर दोसरका ओकर खाना पकावे वाला अपन मालिक के खिलाफ पाप कईलन हल।2मिस्र के राजा दूनो अधिकारियन पर गोस्सा हो गेलन। 3एहिसे राजा ओखनी के पहरेदारवन के मुख्य घर में जेल में डलवा देलन, ऊ ओही जगह हे जहाँ यूसुफ के रखल गेल हल।4दुन्नो आदमी बड़ी दिन लागी जेल में हलन। ऊ घड़ी, भवन के रक्षक के मुखिया यूसुफ के उनकर जरुरत के समान लावे लागी ठहरइलन।5एक रात मिस्र के राजा के मुख्य परोसे वाला आउर मुख्य पकावे वाला एगो सपना देखलन। सभे सपना के एगो अलगे मतलब होवऽ हल।6अगला भोर जखनी यूसुफ ओखनी भीर अईलन तऽ ऊ देखलन कि दुन्नो उदास दिख रहलन हल।7तऽ ऊ फिरौन के हाकिम से पूछलन “आज तोहनी एतना काहे उदास दिख रहलऽ हे?”8ओकरा में से एगो जबाब देलन, “हमनी दूनो कल के रात सपना देखली हे, बाकि कोई नऽ हे जे हमर सपना के अर्थ बता सकल हे।” युशूफ ओखनी से कहलन, ई स्वपन के बतावे वाला केवल परमेश्वर हे, त हमरा बतावऽ कि तोहनी स्वपन में का देखला हे, आउर परमेश्वर हमरा ई स्वपन के अर्थ बतईतन।9एहिसे राजा के मुख्य पिलावे वाला यूसुफ के अपन सपना के बतईलन। ऊ कहलन, “हम एगो सपना में अपन आगे एगो अंगूर के लता देखली हे।10दाखलता के उपरे तीनगो डाली हल। डाली में कलियन फुटल, फिन ऊ खिलल, आउर ओकरा में अंगूर के गुच्छा लगल।11हमर हाथ में राजा के प्याला हल, एहिसे हम पकल अंगूर के लेली आउर ओकर रस प्याला में गार लेली। फिरू हम रस पीये लागी राजा के प्याला देली।”12परमेश्वर तुरते यूसुफ से कहलन सपना के अर्थ का हे। येहिगुने यूसुफ कहलन उनका से कहलन, “तोर सपना के मतलब ई हे: कि दाखलता के तीनो डालियन तीन दिन के दिखावऽ हे13तीन दिन के अन्दर राजा तोरा जेल से छोड़ देतन। ऊ तोरा ऊ काम करे में देर करतन जे तूँ पहिले कईलऽ हल। तूँ राजा के दाखमधु के बारे में ओईसहीं सुनईहऽ जईसन तूँ पहिले करऽ हलऽ, जखनी तूँ उनकर पिलावे वाला हलऽ।14बाकि जखनी तूँ जेल से बहारसी अईवऽ आउर तोरा साथे सभे बात सही हो जायेत तऽ कृपा कर के हमरा नऽ भूलईहऽ। आउर फिरौन से चर्चा कर के हमरा छुड़वा दिहऽ15लोग हमरा जबरदस्ती ऊ देश से उठ के ले गेलन जहाँ हमर संगी यहूदियन रहऽ हथिन। हम उहाँ कुछ भी गलती नऽ कईली हे, आउर जखनी हम मिस्र में हली, तईयो हम अईसन कुच्छो नऽ कईली हे जेकरा ला हमरा जेल में डालल जाय के चाही। हमरा पर दया करऽ आउर राजा के हमरा बारे में बतावऽ, जेकरा से हमरा ई जेल से रिहा कर देतन!”16जखनी मुख्य पकावे रूप से पकावे वाला सुनलन कि राजा के पिलावे वाला के सपना के अर्थ बड़ी बढ़ियाँ हे, तऽ ऊ यूसुफ से कहलन, “हम भी एगो सपना देखली हल। सपना में हम रोटी के तीन गो टोकरी देखके चकित हो गेली। कि हमर माथा पर रखल हे।17उपरे वाला टोकरी में राजा लागी बड़ी तरह के पकावल चीज हल, बाकि उपरे वाला टोकरी में से जे हमर माथा पर हल, पक्षी ओकरा खा रहल हल!”18परमेश्वर फिन से युसूफ के कहलन सपना के अर्थ का हे, एहिसे ऊ कहलन, “तीनो टोकरी भी तीन दिन के दिखावऽ हे।19तीन दिन के भीतर राजा आज्ञा देतन कि तोर मुड़ी काटल जाय। तऽ तोर लाश पेड़ पर लटका देवल जायेत, आउर पक्षी तोर मांस खा जायेत।”20ओकर बाद तेसरका दिन राजा के जन्मदिन हल। ऊ दिन राजा अपन सभे अधिकारियन के अपन जन्मदिन मनावे लागी नेउता देलन। खुशी के दौरान, जखनी ऊ सभे उहाँ एक जगह जमा होलन हल, राजा अपन मुख्य दाखमधु परोसे वाला आउर मुख्य पकावे वाला के बोलईलन।21ऊ अपन मुख्य दाखमधु परोसे वाला से कहलन कि ओकर फिन से पिछला नौकरी मिल सकल हे, एहिसे एक बार फिन से राजा भीर दाखमधु के प्याला ले जाय ला शुरू कर देलक।22जबकि ऊ आज्ञा देलन, कि मुख्य पकावे वाला के फांसी पर चढ़ा के मार देवल जाय, जईसन कि यूसुफ कहलन हल कि अईसन तखनी होत जखनी ऊ ओखनी दुन्नो आदमियन के सपना के मतलब बतईलन।23बाकि मुख्य पानी परोसे वाला यूसुफ के बारे में नऽ सोंचलन। एकर बदले, ऊ, ऊ करे ला भूला गेलन जे यूसुफ ओकरा करे ला कहलन हल।
Bridge Connectivity Solutions Pvt. Ltd.