Genesis36
1ई ओखनी सभे हथिन जे एसाव के वंशज के हलन, जेकर दोसर नाम एदोम हल, आउर ओकर बारे में का हल।2एसाव कनान देश के तीनगो औरत से बियाह कईलन, माने कि आदा, हित्ती एलोन के बेटी; ओहोलीबामा, जे अना के बेटी आउर हिव्वी सिबोन के पोती हल;3आउर बासमत इश्माएल के बेटी आउर नबायोत के बहिन हल।4एसाव के मेहरारू आदा एलीपज के जनम देलन। बासमत रुएल के जनम देलन।5ओहोलीबामा यूश, यालाम, आउर कोरह के जनम देलन। एसाव के ई सभे बेटा तखनी पईदा होल जखनी ऊ कनान देश में रहऽ हलन।6याकूब आउर एसाव भीर बड़ी धन हल। एही चलते उनका अपन पशुधन लागी जादे जमीन के जरुरत हल। जौन जमीन पर ऊ सभे रह रहलन हल ऊ उनकर सभे जानवर लागी बड़ी भरपूर नऽ हल। ई तरह एसाव, जेकर दूसरा नाम एदोम हल, अपन मेहरारू, बेटवन-बेटियन, आउर अपन घर के सभे सदस्यवन, भेड़-बकरियन, दोसर जनावर, आउर दोसर सभे चीजवन के जौन ऊ कनान देश में हासिल कईलन हल, सभे ले लेलन, आउर ऊ सब के अपना भीर धर लेलन। एगो अईसन इलाका में चल गेलन जे याकूब से दूर हल।8एसाव जे एदोम भी कहलऽ हथन आउर सभे सेईर के पहाड़ी देश में रहे चल गेलन।9ई ऊ सभे हथन जे सेईर इलाका में रहेवालन एदोम लोगवन के झुण्ड के वंशज एसाव के वंशज हल।10एसाव के मेहरारू आदा से एलीपज के जनम होल, आउर एसाव के मेहरारू बासमत से रुएल के जनम होल।11एलीपज के बेटा तेमान, ओमर, सपो, गाताम आउर कनज हल।12एसाव के बेटा एलीपज के भी एगो रखैली हल। ओकर नाम तिम्ना हल ऊ अमालेक के जनम देलन। ऊ छठा आदमी एसाव के मेहरारू आदा के पोता हलन।13रुएल के बेटा नहत, जेरह, शम्मा आउर मिज्जा हल। ऊ सभे एसाव के मेहरारू बासमत के पोतवन हल।14एसाव के मेहरारू ओहोलीबामा, जे अना के बेटी आउर सिबोन के पोती हल, ओकरा से तीन बेटा के जनम होल: यूश, यालाम, आउर कोरह।15एसाव के वंशज में मुख्य पुरुष एही सभे हलन। ओकर पहिलौठा बेटा एलीपज के वंश में ई सभे मुख्य हलन: तेमान, ओमर, सपो, कनज,16कोरह, गाताम, आउर अमालेक लोगवन के झुंड। ई सभे एदोम में रहे वालन एलीपज के वंसज के मुखिया हलन; ऊ सभे आदा के पोतवन हलन।17एसाव के बेटा रुएल के बेटा नहत, जेरह, शम्मा, आउर मिज्जा लोगवन के झुंड के वंशज हलन। ऊ एसाव के मेहरारू बासमत के वंशज हलन। ऊ सभे एदोम में भी रहऽ हलन।18एसाव के मेहरारू ओहोलीबामा, जेकर माय अना हल, के बेटा यूश, यालाम, आउर कोरह लोगवन के झुण्ड के पूर्वज हलन।19ई एसाव के बेटा हल, जे एदोम के नाम से प्रसुद्ध हल, आउर एखनी ओखनी के प्रधान हल20ई सेईर के वंसजवन के सूची हे, जे होर लोग के झुण्ड से हलन, जे एदोम के इलाका में रहे वालन पहिले लोगवन के झुंड हलन: लोतान, शोबाल, सिबोन, अना,21दिशोन, एसेर आउर दिशान। ई होरी लोगवन के कुल हल, जे एदोम देश में सेईर के निवाशी हल।22लोतान के बेटा होरी आउर हेमाम हल। लोतान के बहिन तिम्ना हल।23शोबल के बेटा आल्वान, मानहत, एबाल, शपो आउर ओनाम हल।24सीदोन के बेटा अय्या आउर अना हल। ई अना ओही हल जे रेगिस्तान में गरम झरना के खोज कईलन हल जखनी ऊ अपन बाबू जी सिबोन के गदहवन के देख भाल कर रहलन हल। 25अना के दूगो बाल बच्चा हल, एगो बेटा दीशान आउर एगो बेटी के ओहोलीबामा नाम हल।26दीशान के बेटा हेमदान, एश्बान, यत्नान आउर करान हल।27एसेर के बेटा बिल्हान, जावान, आउर अकान हल।28दिशान के बेटा ऊस आउर अरान हल।29होरी के वंशज लोगवन के झुंड सेईर देश में रहऽ हलन। लोग के झुंडवन के नाम लोतान, शोबाल, सिबोन, अना, दीशोन, एसेर, आउर दीशान हे।31ई सभे ऊ सभे रजवन के नाम हे जे एदोम में इस्राएलियन पर राज करे वाला रजवन से पहिले राज करऽ हलन।32बोर के बेटा बेला एदोम में पहिलका राजा बनलन। जौन घरेलू शहर में ऊ रह हलन ओकर आयेम दिन्हाबा हल।33जखनी बेला मरलन, तब जेरह के बेटा योबाब राजा होलन। ऊ बोस्रा शहर से हल।34जखनी योबाब मर गेल, तऽ हूशाम राजा होलन। ऊ, ऊ इलाका से हलन जहाँ तेमान लोगवन के झुंड रहऽ हल।35जखनी हूशाम मरलन, तखनी बदद के बेटा हदद राजा होलन। हूशाम के सेना मोआब के इलाका में मिद्यान लोगवन के झुंड के सेना से युद्ध कईलन आउर ओखनी के हरा देलन। हूशाम जौन शहर में रह हलन ओकर नाम अबीत हल।36जखनी हदद मर गेलन, तऽ सम्ला राजा होलन ऊ मस्रेकावासी के रहे वाला हलन।37जखनी सम्ला मर गेल, तऽ शाऊल राजा होलन। ऊ फरात नदी के किनारे के रहोबोत से हलन।38जखनी शाऊल मर गेलन, तऽ अकबोर के बेटा बाल्हानान राजा होलथिन।39जखनी अकबोर के बेटा बाल्हानान मर गेलन, तऽ हदर राजा होलन। ऊ जौन शहर में रहऽ हलन जेकर नाम पऊ हल। उनकर मेहरारू के नाम महेतबेल हल। ऊ मत्रेद के बेटी हल, जौन मेजहाब के बेटी हल।40हियाँ ऊ सभे लोगवन के झुंड के सूची देवल गेल हे जे एसाव के वंशज हलन: तिम्ना, अल्वा, यतेत, ओहोलीबामा, एला, पीनोन, कनज, तेमान, मिबसार, मग्दीएल आउर इराम। ऊ सभे एदोम देश में रहऽ हलन। जौन जमीन पर सभे आदमी के झुंड रहऽ हल ओकर ओही नाम हो गेल जौन आदमी जौन आदमी झुंड के नाम पर हल।
Bridge Connectivity Solutions Pvt. Ltd.