Genesis27
1जखनी इसहाक बूढ़ा होलन, तऽ ऊ लगभग आंधर होलन। एक दिन ऊ अपन पहिलौठा बेटा एसाव के बोला के ऊ कहलन, हे हमर बेटा? ऊ जबाब देलन, “हम ईहाँ ही!”2इसहाक कहलन, “हमर बात सुनऽ। हम बड़ी बूढ़ा ही, आउर हमरा नऽ पता हे कि हम कहिया मरम।3येहिगुने अखनी अपन धनुष आउर तीर से भरल तरकस लऽ, आउर जंगल में जा के हमरा लागी जानवर के शिकार करऽ।4एगो के मार दऽ आउर ओईसन स्वाद वाला मांस बनावऽ जे हमरा प्रिय हे। फिन ओकरा हमरा भीर ले आवऽ ताकि हम ओकरा खा के मरे से पहिले तोरा आशीर्वाद दे सकम।”5जखनी इसहाक अपन बेटा एसाव से ई कहलन, तऽ रिबका कान लगा के सुन रहलन हल। येहिगुने जखनी एसाव शिकार करेलागी तम्बू से बहारसी निकसलन,6रिबका अपन बेटा याकूब से कहलन, “हमर बात सुनऽ। हम तोर बाबू जी के तोर भईया एसाव से ई कहते सुनली हे,7तूँ जा के कोई जंगली जानवर के मार के ईहाँ ले आवऽ, आउर ओकर मांस स्वादिष्ट रीति से पकावऽ, कि हम ओकरा खायेम। तऽ मरे से पहिले हम तोरा आशीर्वाद देम, आउर यहोवा सुन रहल होतन।8तऽ अखनी, हमर बेटा, जे हम तोरा कह रहली हे ऊ करऽ।9भेड़-बकरियन भीर जा, आउर दूगो अच्छा बकरियन के मार दऽ, आउर ओकर मांस हमरा भीर ले आवऽ। फिन हम तोर बाबू जी लागी कुछ स्वाद वाला खाना बनइबो, जईसन उनका पसंद होत।10तऽ तूँ एकरा अपन बाबू जी भीर ले जइहऽ, कि ऊ ओकरा खईतन, आउर ऊ मरे से पहिले तोरा आशीर्वाद देतन।”11बाकि याकूब अपन माय रिबका से कहलन, हमर भईया एसाव के सभे देह पर मुकदमा हे, आउर हमर देह अईसन नऽ हे! हमर देह चिकना हे!12जदि हमर बाबू जी हमरा से पूछतन तऽ का होत? उनका मालूम होत कि हम उनका धोखा दे रहली हे, आउर हम अपना ऊपर आशीर्वाद नऽ, बाकि श्राप लायेम!"13उनकर माय उनका से कहलन, हे हमर बेटा, जदि अईसन होत, तऽ श्राप हमरा पर पड़त। तूँ ओही करऽ जे हम तोरा से कहऽ रहली हे जा आउर हमरा लागी बकरियन ले आवऽ!"14तऽ याकूब गेलन, आउर दूगो बकरा बलि कर के अपन माय भीर ले अईलन। फिन उनकर माय कुछ स्वाद वाला खाना पकइलन, एकदम ओईसने जईसन उनकर बाबू जी के पसंद हल।15तऽ रिबका अपन बड़का बेटा एसाव के बढ़ियाँ कपड़ा जे उनका भीर तम्बू में हल, ले लेलन आउर अपन छोटा बेटा याकूब के पेहनइलन।16आउर ऊ उनकर हँथवन आउर गर्दन के चिकन भाग पर बकरियन के बच्चा के खाल डाल देलन।17तऽ उनकर छोटका बेटा याकूब हाथ में कुछ रोटी आउर अपन बनावल सबदगर खाना देलन।18याकूब ओकरा लेके अपन बाबू जी भीर गेलन, आउर कहलन, हे हमर बाबू जी! इसहाक जबाब देलन, "हम ईहाँ ही; तूँ हमर कौन बेटा हऽ?"19याकूब अपन पिता से कहलन, “हम तोर पहिलौठा बेटा एसाव ही। हम ओही कईली जे तूँ हमरा से करे लागी कहलऽ हल। बैठऽ आउर कुछ मांस खा ताकि तूँ हमरा आशीर्वाद दे सकऽ।”20बाकि इसहाक अपन बेटा से पूछलन, हे हमर बेटा, तूँ एगो जानवर के एतना जल्दी से खोज के मार कईसे सकलऽ? याकूब जबाब देलन, “काहेकि यहोवा, जिनकर तूँ आराधना करऽ हऽ, सफल होवे में सक्षम बनईलन हे।”21इसहाक याकूब से कहलन, हे हमर बेटा नजदीक आवऽ, कि हम तोरा छू के जानऽ सकम कि तूँ सच में हमर बेटा एसाव हे कि नऽ।22येहिगुने याकूब अपन पिता इसहाक के नजदीक गेलन। इसहाक उनका छू के कहलन, “आवाज याकूब के हे, बाकि हाथ उनकर बड़का भाई एसाव के हाथवन के जईसन रोमादार लग रहल हे।”23इसहाक उनका नऽ चिन्हलन, काहेकि ऊ आंधर हलन आउर याकूब के हाथवन पर उनकर बड़का भईया एसाव के जईसन केश हल। एहिगुने इसहाक उनका आशीर्वाद देवे लागी तैयार होलन।24बाकि पहिले इसहाक पूछलन, का तूँ सच में हमर बेटा एसाव हऽ? याकूब जबाब देलन, “हाँ, हम ही।”25इसहाक कहलन, “हे हमर बेटा, जे मांस तूँ पकइलऽ हे ओकरा में से कुछ हमरा भीर ले आवऽ, कि हम ओकरा खाऊँ, आउर फिन तोरा आशीर्वाद देऊँ।” येहिगुने याकूब कुछ लइलन, आउर ऊ खईलन। याकूब उनका लागी कुछ दाखमधु लइलन, आउर ऊ पीलन।26तऽ उनकर पिता इसहाक उनका से कहलन, हे हमर बेटा, एने आके हमरा चूमऽ।27तऽ याकूब उनका भीर गेलन, आउर उनकर पिता उनकर गाल चूमलन। इसहाक के याकूब द्वारा पेहेनल कपड़वन के गंध महसूस होल। ओकरा में एसाव के कपड़वन के जईसन महक आ रहल हल। तऽ ऊ कहलन, “सच में, हमर बेटा के महक ऊ खेत के महक के जईसन हे जेकरा यहोवा आशीर्वाद देलन हे।28हम प्रार्थना करऽ ही कि परमेश्वर तोर खेतवन के पटावे लागी तोरा लागी आसमान से शीत गिरइलन, आउर तोरा धरती से ढेर मनी उपज, आउर अन्न के अच्छा उपज, आउर दाखमधु लागी अंगूर पईदा करतन।29हम विनती करऽ ही कि ढेर मनी लोगवन के झुंड तोर सेवा करतन, आउर तोरा दण्डवत करतन। हम विनती करऽ ही कि तूँ अपन भईवन पर सासन करबऽ, आउर तोर माय के संतान भी तोर आगे झुकतन। हम परमेश्वर से विनती करऽ ही कि जे तोरा श्राप देतन ऊ श्रापित होतन आउर जे तोरा आशीर्वाद देतन ऊ आशीर्वाद पइतन।”30जखनी इसहाक याकूब के आशीर्वाद दे देलन, आउर याकूब ऊ घर से निकसवे कईलन जहाँ उनकर बाबू जी हलन, उनकर बड़का भईया एसाव शिकार कर के आ गेलन।31एसाव कुछ स्वाद वाला मांस पकइलन आउर अपन पिता भीर लइलन। ऊ अपन बाबू जी से कहलन, “हमर बाबू जी, कृपा कर के बैठ जा आउर जे मांस हम पकइली हे ओकरा में से कुछ खा लऽ ताकि तूँ हमरा अपन आशीर्वाद दे सकऽ!”32उनकर बाबू जी इसहाक उनका से पूछलन, तूँ कौन हऽ? ऊ जबाब देलन, हम तोर पहिलौठा बेटा एसाव ही!"33तऽ इसहाक बहुत जोर से काँपे लगलन। ऊ कहलन, "फिन ऊ कौन हल जे हमरा लागी ऊ जानवर के मांस लइलक जेकर ऊ शिकार कर के मार देलन हल, आउर हम ऊ आशीर्वाद के वापस नऽ ले सकऽ ही।34जखनी एसाव अपन बाबू जी से ई बात सुनलन, तऽ जोर से चिकरलन। ऊ बहुत निराश होलन। ऊ अपन बाबू जी से कहलन, "हे हमर बाबू जी, हमरा आशीर्वाद दऽ!"35बाकि उनकर पिता कहलन, तोर छोटका भाई आके हमरा छल से, आउर तोर आशीर्वाद ले लेलक।36एसाव कहलन, "ओकर नाम याकूब तो ठीक हे, काहेकि ऊ दूबेरी हमरा से छल कईलन। पहिलका बेरी ऊ पहिलौठा के रूप में हमर अधिकार ले लेलक, आउर ई बेरी ऊ हमर आशीर्वाद ले लेलक!" फिन ऊ पूछलन, "का तोरा भीर हमरा लागी कोई आशीर्वाद नऽ बचल?" 37इसहाक एसाव के जबाब देलन, "हम कहली हे, कि तोर छोटा भाई तोरा पर सासन करत, आउर हम ई भी कहली हे, कि उनकर सभे कुटुम्बी उनकर सेवा करतन। आउर हम कहली हे, कि परमेश्वर उनका ढेर मनी अनाज आउर दाखमधु लागी अंगूर देतन। तऽ, हमर बेटा, हम तोरा लागी कौची कर सकली हे?"38एसाव अपन पिता से कहलन, हे हमर बाबू जी, का तोर भीर एक्के गो आशीर्वाद हे? हमर बाबू जी, हमरो आशीर्वाद दऽ!" तऽ एसाव कस के चिकरलन।39उनकर बाबू जी इसहाक उनका से कहलन, “जौन जगह पर तूँ रहबऽ ऊ उपजाऊ धरती आउर ऊ शीत से जेकरा परमेश्वर खेतवन के पटावे लागी स्वर्ग से भेजलन हे, दूर होत।40तूँ अपन जीवन लागी जौन कुछ जरुरी हे ओकरा पावे लागी लोगवन के लूटवऽ आउर मार देवऽ, आउर अईसन होत मानऽ कि तूँ अपन भाई के दास होक सेवा करवऽ। बाकि जखनी तूँ उनकर विरोध में विद्रोह करे ला तय करबऽ तऽ तूँ अपने आप के उनकर जूआ से आजाद कर देवऽ।” 41ऊ आशीर्वाद के चलते जे उनकर बाबू जी याकूब के देलन हल, एसाव अपन छोटका भाई से डाह करऽ हलन। एसाव मन ही मन में कहलन, “जहिया हमर बाबू जी मर जईतन आउर हम उनका लागी शोक करम, तऽ हम याकूब के मार देम!”42बाकि रिबका के पता चलल कि उनकर बड़का बेटा एसाव कोची सोंच रहलन हल। येहिगुने ऊ अपन छोटका बेटा याकूब के बोलईलन आउर उनका से कहलन, “हमर बात सुनऽ। तोर भाई, एसाव, तोर बाबू जी के धोखा देवे के बदला लेवे लागी, तोरा मारे के योजना बना के अपने आप के तस्सली दे रहलन हे।43येहिगुने अखनी, हे हमर बेटा, जे हम तोरा से कहऽ ही ओकरा धियान से सुनऽ। जल्दी से भाग जा आउर हारान में हमर भाई तूँ अपन मामू लाबान भीर जा के रहऽ।44जखनी तक तोर बड़का भाई के गोस्सा सांत नऽ होत तखनी तक उनका जौरे रहऽ।45जहिया ऊ भुला जईतन कि तूँ उनका जौरे कोची कईलऽ हे, तऽ हम तोरा भीर संदेश भेजम, कि ऊहाँ से आ जा। जदि भईया एसाव तोरा मार देतन, तऽ दूसरा लोग भी उनका मार देतन, आउर फिन हमर दूनो बेटा एक्के घड़ी मर जाई!”46तऽ रिबका इसहाक से कहलन, “ई पराई औरतियन, जिनका से एसाव बियाह कईलन हे, जे हित्ती के वंशज के हथन, दुखी कर रहलन हे। जदि याकूब भी ई जगह के हित्ती वंसीयन में से कोई औरत से बियाह कर लेतन, तऽ हमर जीवन खराब हो जायेत!”
Bridge Connectivity Solutions Pvt. Ltd.