Genesis23
1जखनी सारा 127 बरस के होलन,2ऊ किर्यतरवा अराबा शहर में मर गेलन अखनी कनान देश में जेकरा हेब्रोन कहल जा हे। तऽ अब्राहम सारा ला शोक मनईलन।3ऊ अपन मेहरारू के देह के छोड़ देलन आउर हित्तियन के कुछ वंशज से बात कईलन। ऊ कहलन,4“हम एगो परदेशी ही, जे तोहनी के बीच रह रहली हे येहिगुने हमरा भीर ईहाँ जमीन नऽ हे। हमरा से ईहाँ कुछ जमीन बेच दऽ ताकि हम अपन मेहरारू के देह के दफन कर सकम।”5ओखनी अब्राहम के जबाब देलन,6“प्रभु, अपने हमनी के बीच में एगो प्रधान अादमी हथिन। हमनी के बढ़ियाँ कब्रवन में से एगो चुन लेतन आउर अपन मेहरारू के देह के दफन करतन। हमनी में से कोई भी अपने के मेहरारू के देह ला एगो मकबरा ला अपने के जमीन देवे से मनाही नऽ करम।”7तऽ अब्राहम खड़ा होलन जे ऊ देश के मालिक हलन माने कि हित्तियन के वंशज के सामने झुकलन।8ऊ कहलन, “जदि तूँ कहऽ हऽ कि तूँ हमर मेहरारू के देह के दफन करे ला तैयार हऽ, तऽ हमर बात सुनऽ, आउर सोहर बेटा एप्रोन से पूछऽ,9मकपेला जगह में गुफा बेचे ला, जे उनकर जगह के अंतिम छोर में हे। ओकरा हमरा लागी पूरा दाम लगा के बेचे ला कहऽ, आउर एकरा तोहनी सभे के सामने हमरा से बेचऽ अईसे हम एगो दफन करे वाला जमीन ले सकली हे।”10अखनी एप्रोन शहर के दुआरी पर लोगन के बीच बइठल हलन जहाँ हित्तियन के केतना वंशज जमा होलन। ओखनी सुनलन हल कि अब्राहम उनका से कौची कहलन हल।11एप्रोन कहलन, “नऽ, स्वामी, हमर बात सुनऽ। हम तोरा ई जगह आउर गुफा के बेगर कोई दाम के देम, बेगर ईहाँ के लोगन के जौरे गवाह के रूप में। कृपा कर के अपन मेहरारू के दफन करऽ।”12अब्राहम फिन से ऊहाँ वासिन्दा लोगन के सामने झुकलन,13आउर एप्रोन से कहलन, जईसन कि दोसर लोग सुन रहलन हल, “नऽ, हमर बात सुनऽ। जदि तूँ तैयार हऽ, तऽ हम मैदान के दाम दे ही। तूँ हमरा बतावऽ कि दाम केतना हे, आउर हम तोरा दे देम। जदि तूँ एकरा सकार करबऽ तऽ ऊ जगह हमर हो जात, आउर हम ऊहाँ अपन मेहरारू के देह के दफन कर सकली हे।”14एप्रोन अब्राहम के जबाब देलन,15“स्वामी, हमर बात सुनऽ। जमीन चाँदी के चार सौ टुकड़ा के लायक हे। बाकि दाम अपने लागी आउर हमरा लागी जरुरी नऽ हे। हमरा पैसा दऽ आउर अपन मेहरारू के देह के दफन करऽ।” 16आउर अब्राहम दाम के बारे में एप्रोन से सहमती कईलन आउर जे चार सौ टुकड़ा चाँदी ऊ सुझाव देलन हल, ऊ एप्रोन लागी तौल देलन, आउर सभे कोई सुन रहलन हल। ओखनी चाँदी लागी ऊ नाप तौल के बटखारा के इस्तेमाल कईलन जे समान बेचेवाला लोग द्वारा इस्तेमाल करल जा हल।17तऽ मम्रे के नगीच मकपेला जगह में एप्रोन के खेत, आउर ऊ खेत के गुफा, आउर जेतना पेड़ ऊ मैदान में हल, आउर जेतना पेड़ देश के सिवाना पर लगाबल हल, ऊ सभे अब्राहम के अपन जमीन हो गेल।18अईसे अब्राहम सम्पति मोल खरीदलन, काहेकि हित्ती के वंशज नगर के फाटक पर खड़ा होके सुन रहलन हल।19ओकर बाद अब्राहम अपन मेहरारू के सारा के देह के कनान देश में मम्रे भीर मकपेला जगह में, जे आज हेब्रोन कहलऽ हे, खेत के एगो खोह में गाड़ देलन।20येहिगुने हित्तियन के वंशज ऊ खेत आउर ओकरा में के खोह अधिकार के तोर पर अब्राहम के बेचलन, ताकि ऊ कब्रस्तान के रूप में इस्तेमाल कर सकतन।
Bridge Connectivity Solutions Pvt. Ltd.