Genesis21
1यहोवा सारा पर बड़ी कृपा कईलन, जईसन ऊ कहलन हल ओईसहीं कईलन। ऊ सभे लागी ठीक ओईसहीं कईलन जईसन ऊ करे के वादा कईलन हल,2काहेकि सारा पेट से रहलन आउर ऊ अब्राहम लागी एगो बेटा जनम देलन जहिया ऊ बड़ी बूढी हलन, तऽ ठीक ओही बखत जखनी परमेश्वर वादा कईलन हल कि अईसन होतो।3अब्राहम सारा से पईदा होल बेटा के नाम "इसहाक" रखलन। 4ऊ अपन बेटा इसहाक के भी खतना कईलन जखनी ऊ आठ दिन के हल, जईसन परमेश्वर उनका करे के आज्ञा देलन हल।5जखनी अब्राहम के बेटा इसहाक पईदा होल तऽ ऊ सौ बरस के हलन।6सारा कहलन, “बाकि हम पहिले दुखी हली काहेकि हमर एक्को गो बाल-बच्चा नऽ हल, अब परमेश्वर हमरा खुशी से हँसे लायक बनईलन हे, आउर जे कोई सुनतन कि परमेश्वर हमरा ला कौची कईलन हे तऽ ऊ हमरा जौरे हँसतन।”7ऊ ई भी कहलन, “कोई अब्राहम से नऽ कहलन होत कि सारा एक दिन बच्चा के दूध पिलायेम, बाकि जखनी अब्राहम बड़ी बूढा हो गेलन, तऽ हम एगो बेटा के जनम देली हे।”8बच्चा बड़का हो गेल। ऊ दिन भी आयेल जहिया इसहाक अपन माय से दूध छोड़ा देवल गेल। ओही दिन, अब्राहम खुशी मनावे लागी एगो बड़का दावत के इंतेजाम कईलन।9एक दिन सारा देखलन कि मिश्री हाजिरा के बेटा इश्माएल अब्राहम से जनम लेलक हल, इसहाक के मजाक उड़ा रहल हे। जे अब्राहम से जनमलन हल10तऽ ऊ अब्राहम से कहलन, “उदासी आउर ओकर बेटा के मिस्र से निकाल दऽ हम नऽ चाहऽ ही कि ऊ दासी के बेटा हमर बेटा इसहाक के जे कुछ धन विरासत में मिलत ओकरा में ऊ हिस्सा ले लेवे।”11अब्राहम ई बात से बड़ी परेशान होलन, काहेकि ऊ अपन बेटा इश्माएल के भी चिंता करऽ हलन।12बाकि परमेश्वर अब्राहम से कहलन, “अपन बेटा इश्माएल आउर अपन दासी हाजिरा के बारे में उदास नऽ होबऽ। जौन कुछ सारा तोरा से करे लागी कहतन ओकरा सुनऽ आउर करऽ, काहेकि इसहाक ही उनकर पूर्वज ठहरतन।13बाकि हम तोर दासी हाजिरा के बेटा से भी एगो बड़का गो जाति बनायेम, काहेकि ऊ भी तोर बेटा हे।”14येहिगुने अब्राहम दोसरका दिन सकेरे जल्दी उठ गेलन। ऊ कुछ खाना पकइलन, एगो बर्तन में पानी रखलन आउर हाजिरा के देलन। ऊ झोला के कन्धा पर रखलन, आउर ओकरा इश्माएल के सौप देलन, आउर उनका बेर्शेबा के जंगल में भेज देलन।15जखनी हाजिरा आउर उनकर बेटा बर्तन के सभे पानी पी गेलन, तऽ ऊ लड़का के हूँए एगो जंगल में धर देलन।16तऽ ऊ बगल में जा के बैठ गेलन, लगभग एतना दूर जेतना दूर कोई तीर मार सकलन हे। ऊ सोंचलन, "हम अपन बेटा के मरते नऽ देख सकली हे!" ऊहाँ बैठतहीं हाजिरा जोर-जोर से रोबे लगलन। 17जल्दी परमेश्वर इश्माएल के आवाज सुनलन, एहिगुने ऊ स्वर्ग में से हाजिरा के बोलावे ला एगो स्वर्गदूत के भेजलन। ऊ कहलन, "हाजिरा, तोरा कौची हो गेल हे? मत डेरा, काहेकि परमेश्वर ऊ लईका के रोबाई सुन लेलन हे।18आवऽ लईका के उठावऽ आउर ओकरा बहादूर बने में मदत करऽ, काहेकि हम ओकर वंश के एगो बड़का लोगवन के जाति बनायेम।19तऽ परमेश्वर उनका पानी के एगो कुईयाँ देखइलन। तऽ ऊ कुईयाँ भीर गेलन, आउर बर्तन में पानी भर के लईका के पीयइलन।20जखनी लईका जंगल में बड़का होल, तऽ परमेश्वर उनकर मदत कईलन, आउर ऊ बढ़ियाँ तीर-धनुष चलावे वाला बन गेलन।21ऊ पारान नाम के मरुभूमि में रहे लगलन। हाजिरा इश्माएल लागी मिस्र से एगो मेहरारू ले अईलन।22ऊ घड़ी राजा अबीमेलेक आउर उनकर फौज के मुखिया पीकोल अब्राहम से कहलन, “ई तऽ साफ हे, कि जे कुछ तूँ करऽ हऽ ओकरा में परमेश्वर तोर मदत करऽ हथन।23तऽ अखनी, परमेश्वर सुन रहलन हे, एहिगुने हमरा से वादा करऽ, कि तूँ हमरा आउर हमर लईका चाहे हमर वंश के धोखा नऽ देवऽ। हमरा पर आउर ई देश के सभे लोगन पर, जहाँ तूँ अखनी रह रहलऽ हे, ईमानदारी से काम करबऽ। जईसन हम तोरा परती करुणा कईली हे, ओईसहीं हमरो परती सच्चाई से काम करऽ।”24अब्राहम अईसन करे लागी किरिया खईलन।25एक दिन अब्राहम अबीमेलेक से अब्राहम के पानी के कुईयाँ के बारे में भी शिकायत कईलन जेकरा पर अबिमेलेक के सेवक अधिकार कर लेलन हल।26बाकि अबीमेलेक कहलन, हम नऽ जानऽ ही कि ई कौन कईलन हे। तूँ हमरा पहिले नऽ बतइलऽ, आउर हम आज ला एकरा बारे में नऽ सुनली हे।27तऽ अब्राहम कुछ भेड़ी-आउर बकरियन आउर गाय-बैल लाके अबीमेलेक के देलन, आउर ऊ दूनो आपस में मेल मिलाप करे के पक्का वादा कईलन।28अब्राहम अपन भेड़ी आउर बकरी के झुंड भीर गेलन, आउर ओकरा में से सातगो मादा मेमना चुन लेलन।29अबीमेलेक अब्राहम से पूछलन, “तूँ अपन भेड़ बकरियन में से ई सात मादा मेमना के काहे चुन लेलऽ हे?”30अब्राहम जबाब देलन, “हम चाहऽ ही कि तूँ हमरा से ई मादा मेमना के स्वीकार करऽ। अईसे, तोरा देबल गेल ई नाम सभे ला ई बात के सबूत होत कि ई कुईयाँ हमर हे काहेकि हम एकरा खंदली हे।”31येहिगुने अबिमेलेक मेमना के ले लेलन। तऽ अब्राहम ऊ जगह के नाम बेर्शेबा रखलन, जेकर माने हे कि 'किरिया के कुईयाँ', काहेकि ऊ आउर अबिमेलेक ऊहाँ एक दूसरा के परती मेल-मिलाप रखे के किरिया खईलन हल। 32बेर्शेबा में मेल मिलाप कईलऽ के बाद अबीमेलेक आउर उनकर सेना के अगुवा पिकोल चल गेलन आउर पलिस्तीनियन के देश में लौट अईलन।33फिर अब्राहम बेर्शेबा में झाऊ के पेड़ लगइलन, आउर ऊहाँ ऊ सनातन परमेश्वर यहोवा के उपासना कईलन।34अब्राहम ढेर समय ला पलिश्ती लोगवन के देश में एगो बाहरी अादमी के रूप में रहलन।
Bridge Connectivity Solutions Pvt. Ltd.