Genesis17
1जहिया अब्राम निनानवे बरस के होलन, तऽ यहोवा अब्राम के फिन दर्शन दे के कहलन, “हम सर्वशक्तिमान परमेश्वर ही। हम चाहऽ ही कि तूँ अपन जिंदगी अईसे बितावऽ जईसे हम चाहऽ ही। हम चाहऽ ही कि तूँ धर्मी बनऽ जा। 2हम तोरा जौरे अपन वाचा बान्हम, आउर तोर ढेर मनी वंश के पईदा करम।”3अब्राम जमीन पर मुँह के भरे गिर के दण्डवत कईलन। तऽ परमेश्वर उनका से कहलन,4“अखनी सुनऽ! ई ऊ वाचा हे जे हम तोरा से करऽ ही: तूँ बड़ी मनी जाति के मूख्य पिता बनवऽ। 5तोर नाम आज से अब्राम नऽ रहत। एकर बदले में तोर नाम अब्राहम होत, काहेकि हम तोरा लोगवन के बड़ी बड़का गो जाति के मूख्य पिता बनायेम। 6हम तोरा से बड़ी मनी वंश पईदा करम, आउर ओकरा साथे देश आउर राजा के भी पईदा करम।7हमर ई वाचा अपन आउर तोर आउर तोर बाद तोर वंश के पीढ़ी के जौरे हमेशा ला बंधल रहत। ई वाचा के चलते, तूँ परमेश्वर के रूप में हमर आराधना करबऽ आउर हमर अनुशरण करबऽ आउर तोर वंशजवन अईसहीं करतन।8आउर हम तोरा आउर तोर वंश के कनान देश, माने कि सभे कनान देश, जहाँ तूँ अखनी रह रहलऽ हे दे देम। ऊ ओखनी ला हमेशा लागी संपत्ति होत, आउर हम ओखनी के परमेश्वर रहम।”9तऽ परमेश्वर अब्राहम से कहलन, जौन वादा हम तोरा जौरे करऽ ही ओकरा तूँ अपन भाग मानऽ, आउर तोर वंसवो पीढ़ी से पीढ़ी ला ओकर पालन करतन।10जौन वाचा हम अपन आउर तोर आउर तोर वंश के बीच में बान्हली हे ओकर ई माने हे कि तोहनी में से सभे आदमी के खतना करल जाय।11ओखनी के खलड़ी काटल ई बात के चिन्हासी होत, कि जौन वाचा हम तोरा से कईली हे ओकरा तोहनी मान लऽ हे।12तोहनी में सभे लईकवन के जहिया ऊ आठ दिन के होत तऽ ओकर खतना करल जाय, माने कि आवे वाला पीढ़ी में। एकरा में तोर घर के बच्चा आउर पईसा से मोल कीनल गेल दास से जलम लेवल बाल-बच्चा आउर ऊ परदेशी जौन तोर बीच में रहऽ हथन बाकि तोर घर के नऽ हथन, सामिल हथन।13आउर चाहे उनकर माय बाप तोर घर के सदस्य नऽ हथन, चाहे पईसा तोर मोल कीनल दास होतन ओखनी सभे के खतना करल जाय के चाही। तोर देह पर ई चिन्हासी होत जे देखावत कि तूँ ई टिकाऊ वाचा के मान लेलऽ हे जेकरा हम कर रहली हे।14जौन अादमी के खतना नऽ होल होत ओकरा अपन समाज में से निकास दिहऽ, काहेकि ऊ हमर वाचा के नऽ मानलन हे। 15परमेश्वर अब्राहम से ई भी कहलन, “अपन मेहरारू के तूँ अब सारै नऽ कहिहऽ। हम उनका नाम बदल देम। आज से उनकर नाम सारा रहत। 16हम उनका आशीष देम, आउर ऊ सच में तोरा लागी एगो बेटा जलम देतन। आउर हम ओकरा एतना आशीर्वाद देम कि ऊ ढ़ेरो देश के लोगवन के पूरखा होतन। राजा आउर प्रजा समाज उनकरे वंशज होतन।”17अब्राहम परमेश्वर के सामने धरती पर औंधे मुंहे सूत गेलन। बाकि फिन ऊ हंसे लगलन आउर ऊ अपने आप से कहलन, का एगो अादमी जौन सौ साल के हे ऊ एगो बेटा के बाप बन सकल हे? आउर सारा नब्बे बरस के हे, ऊ एगो लईका के कईसे पईदा कर सकल हे?"18तऽ अब्राहम परमेश्वर से कहलन, हो सकऽ हे तूँ इश्माएल के अपन आशीर्वाद दऽ, आउर हमर सभे धन-दौलत के अधिकारी हो जायेत।19तऽ परमेश्वर जबाब देलन, “नऽ! तोर मेहरारू सारा तोरा लागी एगो बेटा पईदा करतन। तोरा ओकर नाम इसहाक रखे ला हे। हम ओकरा जौरे अपन वाचा पूरा करम, ऊ ओकर आउर ओकर वंशज के जौरे हमेशा लागी वाचा रहत। 20जहाँ ला इश्माएल के बात हे, हम सुनली हे कि तूँ हमरा से ओकरा लागी कौची करे ला कहलऽ हल। हम ओकरा आशीर्वाद देम जेकरा से ओकरो ढेर मनी वंशज होत। ओकर वंशज में बारह गोत्र के परधान होतन। आउर हम ओकर वंश से एगो बड़का गो देश बनायेम।21बाकि हम इसहाक जौरे अपन वाचा बान्हम, माने कि इसहाक जौरे, जौन बेटा के सारा अगला साल एही घड़ी जलम देतन।”22जखनी परमेश्वर अब्राहम से बात कर लेलन, तऽ परमेश्वर उनकर नजर से हट गेलन।23ओही दिन अब्राहम अपन बेटा इश्माएल के, आउर अपन घर के सभे आदमी के, आउर अपन पईसा मोल कीनल दास के बाल-बच्चा के ले जा के ओकर खतना कईलन। ऊ ओखनी के खलड़ी काट देलन, जईसन परमेश्वर उनका से करे ला कहलन हल।24जखनी अब्राहम के खतना होल, तऽ ऊ निनानवे बरस के हलन,25आउर जखनी अब्राहम के खतना होल, तऽ इश्माएल तेरह बरस के हल।26ओही दिन अब्राहम आउर उनकर बेटा इश्माएल के खतना करल गेल हल।27उनकर घराना के सभे अादमी के, जे ऊहाँ पईदा होल हल, आउर अब्राहम परदेशियन से मोल खरीदलन हल, ओखनी सभे के खतना करल गेल।
Bridge Connectivity Solutions Pvt. Ltd.