Genesis15
1कुछ समय के बाद अब्राम के एगो दर्शन मिलल, आउर यहोवा उनका से बात कर के कहलन, हे अब्राम! मत डेराऽ, हम तोर ढाल, हम तोर बड़ी बड़का प्रतिफल ही।2बाकि अब्राम जबाब देलन, हे प्रभु परमेश्वर, तूँ हमरा ओकरा कईसे दे सकलऽ हे जे हम सच में चाहऽ ही काहेकि हमर कोई संतान नऽ हे, जे हमर सभे धन-दौलत के अधिकारी होत ऊ दमिश्क के हमर दास एलीएजेर हे!" 3अब्राम ई भी कहलन, तूँ हमरा एक्को गो बाल-बच्चा नऽ देलऽ हे, जे कुछ हमर हे ऊ सभे कुछ हमर हे ऊ सब हमर घर के एगो दास हीं ओकर अधिकारी होत।4यहोवा जबाब देलन, “नऽ! ऊ नऽ होतन जे एकर अधिकारी होतन। एकर अलावे, तूँ अपन ऊ लईका के पिता होवऽ जे तोर सभे धन-दौलत के अधिकारी होत।”5तऽ यहोवा अब्राम के उनकर तम्बू से बहारसी ले जा के कहलन, आसमान में “देखऽ! का तूँ तरेगन के गिन सकल हे? नऽ, तूँ ओकरा नऽ गिन सकलऽ हे काहेकि ऊ ढेर मनी हे, आउर तोर कुल-वंश तरेगन के जईसन अनगिनती होतन।” 6अब्राम के विश्वास हल कि यहोवा जे कहलन हे ऊ सच होत। एहिगुने यहोवा उनका अच्छा समझलन। 7यहोवा अब्राहम से ई भी कहलन, “हम यहोवा ही। हम ओही ही जे तोरा कसदीयन के देश ऊर से बाहर निकास लइली हे। हम तोरा ई जमीन पर अधिकार करे ला तोरा हिआँ लइली हे।”8बाकि अब्राम जबाब देलन, हे प्रभु यहोवा, हम कईसे सही-सही जानऽ सकली हे कि ई देश के अधिकारी होयम?"9परमेश्वर उनका से कहलन, एगो तीन बरिस के बछिया, आउर तीन साल के बकरी, आउर एगो तीन बारिस के मेढ़ा आउर कबूतर आउर एगो कबूतरी हमरा भीर ले आवऽ।10तऽ अब्राम ऊ सभे के ले अईलन। ऊ, ऊ सभे के मार देलन आउर सभे जानवर के आधा काट देलन। ऊ सभे के आधा हिस्सा के एक जौरे कर के एक जगह व्यवस्था कईलन। बाकि ऊ चिरईंयन के आधा-आधा नऽ काटलन।11जौन शिकारी चिरईं मरलका जनावरवन के खा हे ऊ लोथ के खायला आयेल, तऽ अब्राम ओकरा उड़ा देलन।12जखनी सूरज डूबे लगल, तऽ अब्राम गहिरा नींद में सूत गेलन, आउर अचानक उनकर चारो बगल सभे कुछ अंधार आउर डरावना लगे लगल।13तऽ यहोवा अब्राम से कहलन, हम चाहऽ ही कि तूँ जान लऽ, कि तोर वंश दोसरा देश में रहे वाला परदेशी हो जईतन। ओखनी ऊ देश के राजा के दास बन जईतन। देश के राजा चार सौ बरस ला ओखनी साथे बड़ी कठिन सेवा करईतन।14फिन हम ऊ देश के लोग के, जहाँ ऊ दास होक सेवा करतन, सजा देम। तऽ तोर कुल-वंश ढेर मनी धन-दौलत लेके ऊ देश के छोड़ देतन। 15बाकि जहाँ ला तोर बात हे, तूँ शांति से मरबऽ, आउर बड़ी बूढा होके दफनावल जइबऽ।16तोर वंश के चार सौ बरस ला दास रहला के बाद ओखनी इहाँ लौट अईतन। ओखनी ई देश पर कब्जा कर लेतन आउर एमोरी लोग के हरा देतन। ई ऊ बखत से पहिले नऽ होत, काहेकि अमोरी लोगवन अखनी ला अईसन पाप नऽ कईलन हे कि हम ओखनी के ई लागी ओईसन सजा दे सकम। 17जखनी सूरज डूब गेल आउर अंधार हो गेल, तऽ अचानक एगो जरते मशाल आउर एगो मट्टी के बर्तन, जेकरा में जरते कोयला हल, आउर जेकरा से धुंआ उठ रहल हल, परकट होल आउर जनावरवन के बीच में से होके निकस गेल।18ओही दिन यहोवा अब्राम से वादा कईलन। यहोवा उनका से कहलन, “हम तोर वंश के ऊ नदी के बीच के सभे देश दे देम जे मिस्र के पूरुब सीमा से लेके दक्षिण ला आउर परात नदी के उत्तर ला हे।19ई ओही जमीन हे जहाँ केनियन, कनिज्जीयन, किदमोनियन,20हित्तियन, परिज्जियन, रपाइयन,21एमोरियन, कनानियन, गिर्गाशियन आउर यबूस लोगवन के समाज रह रहलन हल।”
Bridge Connectivity Solutions Pvt. Ltd.