Genesis14
1चारगो राजा सहयोगी हलन। ऊ शिनार के राजा अम्रापेल, एल्लासार के राजा अर्योक, एलाम के राजा कदोर्लाओमेर आउर गोयीम के राजा तिदाल हलन। 2ओखनी चारो रजवन एगो झुण्ड पर हमला करे ला तैयारी कईलन: सदोम के राजा बेरा, अमोरा के राजा बिर्शा, अदमा के राजा शिनाब, सबोयीम के राजा शमेबेर, आउर बेला के राजा, जे अखनी सोअर भी कहलावऽ हे।3ऊ पाँचगो राजा आउर उनकर फौज सिद्दीम के तराई में, जे मृत सागर के तराई भी कहल जा हे, चारगो राजा आउर उनकर फौज से लड़े ला जमा होलन।4राजा कदोर्लाओमेर ओखनी पर बारह बरिस राज कईलन। बाकि तेरहमा बरिस में, ओखनी राजा कदोर्लाओमेर के खिलाफ सेवा करे से बगावत कर देलन आउर जादे श्रद्धांजलि देवे से नकार देलन।5अगला बरिस, राजा कदोर्लाओमेर आउर उनका जौरे दूसरा राजा अपन फौज जमा कईलन आउर पाँच राजा के इलाका में आवेला शुरू कर देलन। ओखनी अशतारोतकेम में रपाई लोग के, हाम में जूजी लोग के, आउर शाबे किर्यातैम में एमी लोगवन के हरइलन। 6ओखनी होरी लोगवन के सेईर के पहाड़ी इलाका में, मरुभूमि के नजदीक एल्पारान ला, हरा देलन।7तऽ ऊ घूम के एन्मिशपात गेलन, जे अखनी कादेश भी कहऽ हे। ओखनी हजेजोन तामार में रहे वाला अमालेकी लोग आउर एमोरी लोग के सभे जमीन पर कब्जा कर लेलन।8तऽ सदोम, अमोरा, अदमा सबोयीम आउर बेला के राजा के जेकरा सोअर भी बोले हल फौज सिद्दीम घाटी में चारो राजा के फौज से फौज निकसलन।9ऊ एलाम के राजा कदोर्लाओमेर, गोईम के राजा तिदाल, शिनार के राजा अम्रापेल, आउर एल्लासार के राजा अर्योक के फौज से लड़लन। चारगो राजा के फौज पाँचगो राजा के फौज से लड़ते हलन।10सिद्दीम के तराई राल के गहिडा से भरल हल। एहिगुने जखनी सदोम आउर अमोरा के राजा के फौज भागे के कोशिश कईलक, तऽ केतना लोग ई गहिडा में गिर गेल। बाकि लोग बच के मोआब पहाड़ियन दने भाग गेलन।11जखनी ऊ भागलन, तऽ उनकर दुश्मन सदोम आउर अमोरा के सभे बेसकीमती चीज आउर सभे खाना भी छीन लेलन।12ओखनी अब्राम के भतीजा लूत आउर उनकर धन-दौलत के ले लेलक, काहेकि ऊ ऊ बखत सदोम में रह रहलन हल।13जे बच गेल हल, ऊ आके इब्री अब्राम के ई समाचार देलक। ऊ, ऊ बांज पेड़वन भीर रहऽ हलन, जे एमोरी मम्रे के हल, जे एशकोल आउर आनेर के भाई हलन, जे अब्राम के दोस हलन, आउर ई लोग अब्राम के जौरे वाचा बाँधले हलन।14जब अब्राम के पता चलल कि दुश्मन सब उनकर रिश्तेदार के पकड़ लेलन हे, तऽ ऊ अपन 318 प्रशिक्षित आदमियन के, जे उनकर घर में जनम लेलन हल, बाहर निकसल, आउर दान तक उनका पीछा कईलन।15रात के बखत अब्राम लोगन के कुछ झुण्ड में बाँट देलन, आउर ओखनी अलगे-अलगे दिशा से अपन दुश्मन पर हमला कईलन आउर ओखनी के हरा देलन। ओखनी होबा शहर ला ओखनी के पीछा कईलन, जे दमिश्क शहर के उत्तर पट्टी हल।16अब्राम के अादमी लूटल सभे समान वापस ले लेलन। ओखनी लूत आउर उनकर धन-दौलत के बचईलन, आउर ऊ औरतियन आउर दोसरा लोगवनो के, जिनका उनकर दुश्मन ले गेल हल।17जखनी अब्राम आउर उनकर आदमी राजा कदोर्लाओमेर आउर उनका जौरे लडे़ वाला दोसरकन राजा के हरा के घरे आ रहलन हल, तऽ सदोम के राजा शावे घाटी में उनका से मिले ला उत्तर पट्टी गेलन, जेकरा लोग राजा के तराई भी कहऽ हथन।18शालेम शहर के राजा मलिकिसिदक भी परमप्रधान परमेश्वर के पुरोहित हलन। ऊ अब्राम लागी कुछ रोटी आउर दाखमधु लइलन। 19तऽ ऊ अब्राम के आशीर्वाद देलन आउर कहलन, हम परमप्रधान परमेश्वर से, जे आकाश आउर धरती के बनईलन हे, प्रार्थना करऽ ही, कि ऊ तोरा आशीष देतन।20हम परमप्रधान परमेश्वर के स्तुति करऽ ही, काहेकि ऊ तोरा अपन दुश्मन के हरावे ला ताकत देलन हे। तऽ अब्राम मलिकिसिदक के अपन सभे धन-दौलत के दसमांश भाग देलन। 21सदोम के राजा अब्राम से कहलन, जे कुछ तूँ छोड़इलऽ हे ऊ सभे “तूँ रख सकलऽ हे। वश हमरा अपन नगर के लोगन के ले जाय दऽ जिनका तूँ पकड़ लेलऽ हे।”22बाकि अब्राम सदोम के राजा से कहलन, “हम स्वर्ग आउर धरती के रचइता परमप्रधान परमेश्वर यहोवा से गंभीर से प्रतिज्ञा कईली हे,23कि हम कोई चीज में से एक्को धागा चाहे जूता के फिता भी नऽ लेम जे तोर हे। जेकर नतीजा, तूँ कहियो ई नऽ कह पइबऽ, कि हम अब्राम के अमीर बना देली।24खाली एगो चीज जे हम सकार करम ऊ खाना हे जे हमर लोग खईलन हे। माने कि आनेर, एसकोल, आउर मम्रे हमरा जौरे गेलन आउर हमरा जौरे लड़लन हे, एहिगुने जे समान हम वापस लइली हे ओकरा में से हिस्सा देवल जाय।”
Bridge Connectivity Solutions Pvt. Ltd.