Genesis13
1एहिगुने अब्राम आउर सारै मिस्र छोड़ के यहूदिया के दक्षिण के मरुभूमि में लौट गेलन। ऊ अपन सभे दौलत अपने जौरे ले गेलन, आउर लूत उनका जौरे गेलन।2अब्राम बड़ी दौलतमंद हलन। उनका भीर बड़ी सा जानवर, धन, चाँदी आउर सोना हल।3ऊ बाद में दक्खिनी यहूदा के मरुभूमि से बेतेल दने, आउर बेतेल आउर आई के बीच के ऊ जगह ला जहाँ ऊ पहिले अपन तम्बू लगईलन हल, एक जगह से दोसर जगह जाय ला चलते रहलन।4ई ओही जगह हे जहाँ अब्राम एगो वेदी बनईलन हल; ऊहाँ ऊ फिन से यहोवा के आराधना कईलन।5लूत जे अब्राम के जौरे चल रहलन हल, उनका भीर भेड़-बकरी के झुंड, गाय-बैल के झुण्ड आउर तम्बू भी हल। 6ऊ दूनो भीर एतना जानवर हल कि ऊ सभे एकजूट नऽ रह सकलन। उनकर सभे जनावरवन लागी पानी आउर चारा के व्यवस्था करावे लागी जादे जमीन नऽ हल।7एकर अलावे, जे लोग अब्राम के जानवर के देख भाल करऽ हलन, ओखनी सभे लड़ाई करे लगलन जे लूत के जनावरवन के देख भाल करऽ हलन। कनान आउर पेरेज के वंशज ऊ जगह पर रहऽ हलन।8तऽ अब्राम लूत से कहलन, हमनी तऽ अपन करीबी नाता-परिवारे में ही, एहिगुने हमनी के लड़ाई करे ला निमन नऽ हे, आउर जे आदमी तोर जनावर के रखवाली करऽ हथन ऊ लोग से, जे हमर जनावर के रखवाली करऽ हथन, उनका लड़ाई करना नऽ हे।9हमनी दूनो लागी बड़ी जमीन हे। एहिगुने हमनी के अलगे होवे के चाही। जौन भाग चाहऽ हऽ तूँ ओकरा चुन सकलऽ हे। जदि तोरा ऊहाँ के इलाका चाही तऽ हम हियाँ रह जायेम। जदि तूँ ईहाँ रहे ला चाहऽ हऽ, तऽ हम ऊहाँ चल जायेम।10लूत सोअर दने आँख उठ के का देखलन, कि यरदन नदी भीर के सभे मैदान में बड़ी पानी हे। ई ऊ बखत के बात हे जहिया यहोवा सदोम आउर अमोरा के, जे ऊ मैदान में हल, खतम कर देलन हल। ऊ बखत, यहोवा के बगईचा के जईसन हल, आउर नील नदी भीर मिस्र के धरती नियर हल।11एहिगुने लूत यरदन नदी के मैदान में अपना लागी जमीन चुनलन। ऊ अपन चाचा अब्राम के छोड़ देलन आउर पूरुब दने चल गेलन।12अब्राम तो कनान देश में रह गेलन, आउर लूत यरदन नदी के किनारे के नगर भीर जा के रहे लगलन, आउर सदोम भीर अपन तम्बू खड़ा कईलन।13अखनी जे लोग सदोम में रह रहलक हल ऊ बड़का बदमाश हल आउर ओखनी यहोवा के विरोध में खूब पाप कईलक हल।14अब्राम आउर लूत के अलगे हो गेलऽ के बाद यहोवा अब्राम से कहलन, ई सभे जमीन पर जहाँ तूँ हऽ चारो पट्टी आँख उठा के देखऽ। आउर उत्तर आउर दक्षिण दने देखऽ, पूरुब आउर पच्छिम दने देखऽ।15हम तोरा आउर तोर वंश के ऊ सभे देश देम जे तूँ देख लऽ हे; एकरा तोरा हमेशा ला दे देम। 16हम तोर वंश के धूरी के कण के जईसन अनगिनती करम! जदि कोई आदमी धूरी के कण के गिने के कोशिश करतन तऽ ई ओईसहीं होत जईसन ऊ तोर वंशज के गिने के कोशिश करतन।17अब ई देश में सगरो चलऽ फिरऽ काहेकि हम सभे कुछ तोरा दे देम।18एहिगुने अब्राम अपन तम्बू उतार देलन, आउर हेब्रोन चल गेलन, आउर मम्रे के बांजवृक्ष भीर बस गेलन। ऊ यहोवा के बलि चढ़ावे ला ऊहाँ एगो पत्थल के वेदी बनईलन।
Bridge Connectivity Solutions Pvt. Ltd.