Galatians6
1हे भईवन, जदि कोई आदमी कोई अपराध में पकड़ल भी जाय, तऽ तूँ, जे आत्मिक लोग हऽ, अपने आप के धियान रख के नम्रता से ओकरा सम्हारऽ, कहीं अईसन नऽ होवे कि तूँ भी परीक्षा में पड़ जा।2एक दोसर के बोझा उठावऽ, आउर अईसे कर के तूँ मसीह के व्यवस्था के पूरा करवऽ।3काहेकि जदि कोई अपने आप के कुछ नऽ होके भी कुछ समझे, तऽ ऊ अपने आप के धोखा दे हे।4बाकि सभे आदमी अपनहीं काम के जाँचतन, तऽ ओकरा कोई दोसरा पर नऽ, बाकि अपने आप पर ही गर्व करे के मौका मिलत।5काहेकि सभे आदमी अपन अपन बोझ उठईतन।6बाकि जेकरा परमेश्वर के वचन सिखावल जा हे, ऊ सिखावे वाला के जौरे सभे अच्छा चिजवन के साझेदारी करतन।7धोखा नऽ खईहऽ। परमेश्वर के ठट्ठा नऽ उड़ावल जा हे, काहेकि आदमी जे कुछ रोपतन, ओही काटतन।8काहेकि जे कोई अपन देह लागी रोपतन, ऊ देह के द्वारा विनाश के कटनी काटतन। बाकि जे कोई आत्मा लागी रोपतन, ऊ पवित्र आत्मा से अनन्त जिनगी के कटनी काटतन।9बाकि भलाई करे में हमनी निराश नऽ रहम, काहेकि जदि हमनी थकम नऽ तऽ ठीक समय पर कटनी काटम।10येहिगुने जबकि हमनी भीर समय हे, तऽ हमनी के सभे के जौरे भलाई करे के चाही, बाकि खास कर के विश्वासी परिवार के लोग के जौरे।11देखऽ, हम अपन हाथ से तोरा केतना बड़गो-बड़गो अक्षरवन में लिखली हे।12जे आदमी देह में रह के बढ़ियाँ असर छोड़े ला चाहत रखऽ हे, ओखनी तोरा खतना करवावे लागी मजबूर करऽ हे, खाली येहिगुने कि यीशु मसीह के क्रूस के कारण ओखनी पर सताव नऽ होवे।13काहेकि खतना करवावे वाला भी खुद व्यवस्था पर नऽ चल हथन, बाकि तोहनी के खतना येहिगुने करवावे ला चाहऽ हथन, ताकि तोर देह पर घमण्ड करतन।14बाकि अईसन नऽ होवे कि हमनी अपन प्रभु यीशु मसीह के क्रूस के छोड़ के कोई आउर बात पर घमण्ड करीयई, जेकरा द्वारा संसार हमर नजर में आउर हम संसार के नजर में क्रूस पर चढ़ावल गेली हे।15काहेकि नऽ तऽ खतना वाला कुछ हे, नऽ बिन खतना वाला कुछ हे, बाकि एगो नया रचना हे। 16आउर जेतना लोग ई नियम पर चलतन, उनका पर आउर परमेश्वर के इस्राएल पर शान्ति आउर दया होत17अखनी से कोई हमरा परेशान नऽ करतन, काहेकि हम यीशु के चिन्हासी अपन देह में लेले चलऽ ही। 18हे भईवन, हमनी के प्रभु यीशु मसीह के अनुग्रह तोर आत्मा के जौरे रहत। आमीन।
Bridge Connectivity Solutions Pvt. Ltd.