Galatians5
1मसीह हमनी के स्वतंत्र रहे ला स्वतंत्र करलन हे। येहिगुने, स्थिर रहऽ, आउर दूबारा गुलामी के जूआ में नऽ जुतऽ।2देखऽ, हम पौलुस तोरा से कहऽ ही कि जदि तूँ खतना करवईवऽ, तऽ मसीह से तोरा कुछो फायदा नऽ होत।3अखनी हम खतना करवावे वाला सभे आदमी के फिनो से गवाही दे ही कि ओखनी लागी पूरा व्यवस्था के पालन करे ला बड़ी जरुरी हे।4तूँ जे व्यवस्था के द्वारा धर्मी ठहरलऽ हे, तऽ मसीह से अलग हो गेलऽ हे; तूँ परमेश्वर के अनुग्रह से गिर गेलऽ हे।5काहेकि परमेश्वर के आत्मा के द्वारा, विश्वास से हमनी धार्मिकता के आशा के बाट जोहऽ ही।6काहेकि यीशु मसीह में नऽ तऽ खतना वाला आउर नऽ ही बिन खतना वाला कोई काम के हे, बाकि खाली विश्वास वाला जे प्रेम के द्वारा ही प्रभाव डालऽ हे।7तूँ तऽ बढ़ियाँ ढंग से दौड़ रहलऽ हल। तोरा कौन रोकलक, कि सच के नऽ मानऽ?8ई प्रोत्साहन तोरा बोलावेवाला परमेश्वर के तरफ से नऽ हे! 9जरीमनी खमीर सभे गूँथल आटा के खमीर बना दे हे। 10प्रभु में हमरा तोरा पर भरोसा हे, कि तूँ कोई दोसर बात नऽ सोचवऽ। बाकि तोरा घबरा देवे वाला आदमी परमेश्वर के जरिये सजा भोगतन, चाहे ऊ कोई भी होतन।11बाकि हे भईवन, जदि हम अखनियो खतना ला प्रचार करऽ ही, तऽ अखनियो हमरा काहे सतावल जा हे? अईसन तऽ क्रूस के ठोकर बेकार हो गेल।12हम चाहऽ ही कि जे लोग तोरा परेशान करऽ हे ओखनी खुद के नपुंसक बना लेवे!13हे भईवन, तूँ स्वतंत्रता लागी बोलावल गेलऽ हे, खाली अईसन नऽ होवे कि ई स्वतंत्रता देह लागी मौका बन जाय; बलुक, प्रेम से एगो दोसर के सेवा करऽ। 14काहेकि पूरा व्यवस्था ई एगो आज्ञा में ही पूरा हो गेल हे, कि “तूँ अपन पड़ोसी से अपन समान प्रेम रखऽ।”15बाकि जदि तूँ एक दोसर के दाँत काटवऽ आउर फाड़ खईवऽ, तऽ होशियार रहऽ कि कहीं तोहनी एगो दोसरा के चबा नऽ डालऽ।16अखनी हम कहऽ ही कि पवित्र आत्मा के मुताबिक चलऽ, तऽ तोहनी एकदम से देह के इच्छा पूरा नऽ करवऽ।17काहेकि देह पवित्र आत्मा के विरोध में आउर आत्मा देह के विरोध में ललसा करऽ हे। काहेकि एखनी एगो दोसर के विरोध करऽ हे, येहिगुने जौन काम के करे ला तूँ चाहऽ हऽ ओकरा नऽ कर पा रहलऽ हे।18बाकि जदि तूँ आत्मा के चलावल चलऽ हऽ, तऽ तोहनी व्यवस्था के अधीन नऽ हऽ।19अखनी देह के काम तऽ परकट हे, जे ई हे: व्यभिचार, अशुद्धता के काम, दुराचार,20मूर्तिपूजा, जादू टोना, बैर, झगड़ा, जलन, जलन, स्वार्थीपन, फूट, गुटबन्दी,21डाह, मतवालापन, मतवाला होके जश्न मनावे ला, आउर ई तरह के दोसर आउर भी काम हे, जेकर बारे में हम तोरा चेतौनी दे ही, जईसे कि हम पहिले भी तोरा चेतईली हल, कि जे लोग अईसन-अईसन काम करऽ हे ओखनी परमेश्वर के राज के वारिस नऽ होतन।22बाकि आत्मा के फल प्रेम, आनन्द, शान्ति, धीरज, कृपा, भलाई, विश्वासयोग्य,23नम्रता, आउर संयम हे; अईसन-अईसन काम के विरोध में कोई व्यवस्था नऽ हे।24बाकि यीशु मसीह के लोग देह के लालसावन आउर अभिलाषावन समेत क्रूस पर चढ़ा देलन हे।25जदि हम पवित्र आत्मा के द्वारा जिन्दा ही, तऽ आत्मा के द्वारा चलम भी।26हमनी घमण्ड नऽ करियई आउर नऽ एक दोसर के उसकईयई, आउर नऽ एक दोसर से डाह करियई।
Bridge Connectivity Solutions Pvt. Ltd.