Ephesians1
1हम पौलुस ही, परमेश्वर के इच्छा से मसीह यीशु के प्रेरित, ऊ पवित्र के जौन इफिसुस के शहर में रह रहलन हे आउर जौन मसीह यीशु के प्रति विश्वासयोग्य हथन।2हम प्रार्थना करऽ ही कि परमेश्वर हमनी के पिता आउर यीशु हमनी के मसीह आउर हमनी के प्रभु तोरा प्रति हमेशा दया बना के रखतन आउर तोरा एगो शान्ति से भरल आत्मा देतन।3हमनी के प्रभु यीशु मसीह के पिता परमेश्वर के बड़ाई होवे! ऊ हमरा सभे तरह के आत्मिक आशीष देलन हे जौन स्वर्ग से आवऽ हे काहेकि हमनी मसीह से जुड़ल ही।4सचमुच में, एकरा से पहिले कि परमेश्वर दुनियाँ के रचना करलन, ऊ हमनी के मसीह से रिश्ता जोड़ल जाय लागी चुनलन, जेकरा से मसीह हमरा पूरा तरह से पवित्र बना सकतन। काहेकि परमेश्वर हमनी से प्रेम करऽ हथन,5ऊ बड़ी पहिले यीशु मसीह के द्वारा अपन लईकन के रूप में हमनी के गोदी लेवे ला फईसला करलन। अईसन करे से उनका खुशी होल, येहिसे ऊ ओही करलन जौन ऊ करे ला चाहऽ हलन।6येही ऊ कारण हे, कि हमनी अखनी परमेश्वर के महिमा करऽ ही कि ऊ हमनी के प्रति एतना दयालु हथन, कि ऊ ओकरा से भी कहीं जादे करऽ हथन जेकरा पावे के हम लायक नऽ हो सकली हे, काहेकि ऊ हमनी के अपन बेटा के द्वारा आशीषित करलन हे जेकरा से ऊ प्रेम करऽ हथन।7जब यीशु हमनी के जगह पर मर गेलन, तऽ ऊ हमनी के पाप के दाम लहू के द्वारा चुका देलन। मतलब कि, जखनी ऊ हमनी लागी मर गेलन, तऽ परमेश्वर हमनी के पाप से लहू के द्वारा छुटकारा मतलब पापवन से मांफ कर देलन काहेकि ऊ येही तरह से अनुग्रह से भरपूर आउर उदार हथन।8परमेश्वर जानऽ हलन कि हमनी के उनकर ई तरह से बड़ी जरुरत होत जौन तरह से ऊ हमनी के प्रति बड़ी ज्यादा दयालु हथन, काहेकि परमेश्वर सभे कुछ जानऽ हथन आउर पूरा तरह से बुद्धिमान हथन।9ई तरह से, परमेश्वर अब हमनी पर अपन योजना के प्रकट करलन हे जेकरा ऊ पहिले कोई के सामने परकट नऽ करलन हल-एगो अईसन योजना जेकरा ऊ मसीह के काम के द्वारा पूरा करे में खुश हलन।10ई योजना में, जब समय ठीक हल, मसीह सभे चीज के अपन अधिकार में कर लेतन, ताकि स्वर्ग के सभे चीज आउर धरती के सभे चीज मसीह से जुड़ल रहत।11मसीह जौन कुछ करलन हे, ओकर चलते परमेश्वर भी हमनी के उनका अपना होवे के दावा करलन हे। ऊ बड़ी पहिले ई करे के योजना बनईलन हल, आउर ऊ हमेशा सटीक ओही करऽ हथन जौन ऊ करे ला चाहऽ हथन।12परमेश्वर के योजना में, हम यहूदी, जौन मसीह पर भरोसा करे वालन में पहिला हली, परमेश्वर के महिमा करे लागी जिन्दा रहम काहेकि ऊ बड़ी जादे महान हथन।13तऽ तूँ गैर-यहूदियन के भी सच्चा सुसमाचार सुनावऽ, ई शुभ समाचार कि परमेश्वर तोहनी के कईसे उद्धार करऽ हथन, आउर तोहनी मसीह पर विश्वास करलऽ। जखनी तूँ अईसन करलऽ, तऽ परमेश्वर तोरा पवित्र आत्मा दे के मसीह से जुड़ल रहे के रूप में छाप देलन, जईसन कि ऊ करे के प्रतिज्ञा करलन हल।14पवित्र आत्मा एगो बयाना के जईसन हे, जौन ई साबित करऽ हे कि परमेश्वर भी हमनी के छुटकारा देतन, जौन ऊ ऊ घड़ी देवे के वादा करलन हल, जखनी ऊ, ऊ सभे कुछ के छोड़ देतन, जौन उनका भीर हमरा ला हे। परमेश्वर के महिमा होवे काहेकि ऊ बड़ी जादे महान हथन!15काहेकि परमेश्वर ई सभे तोरा ला करलन हे, आउर काहेकि लोग हमरा बतईलन हे कि तूँ कईसे प्रभु यीशु पर विश्वास करऽ हऽ आउर तोहनी सभे पवित्र लोग से केतना जादे प्रेम करऽ हऽ,16हम तोरा ला परमेश्वर के हर घड़ी धन्यवाद करऽ ही, जखनी हम तोरा बारे में परमेश्वर से बात करऽ ही तऽ जखनी हम उनका से प्रार्थना करऽ ही।17हम प्रार्थना करऽ ही कि हमनी के प्रभु यीशु मसीह के परमेश्वर, महिमामय पिता, तोरा अपन आत्मा में बुद्धिमान बनावे आउर परमेश्वर के तोहनी के सामने प्रकट करे लागी देतन, जेकरा से तूँ उनका लगातार आउर बढ़ियाँ ढंग से जान सकऽ। 18हम प्रार्थना करऽ ही कि परमेश्वर तोर मन के देखे के लायक बनईतन, काहेकि ऊ सच में हे जेकरा से तूँ जान सकवऽ कि परमेश्वर भीर हमनी लागी आशा हे, काहेकि ऊ हमनी के अपन लोग होवे लागी बोलईलन हे। हम प्रार्थना करऽ ही कि तूँ जान सकऽ कि ऊ केतना जादे अनोखा हथन आउर ऊ सभे बात कईसे भरपूरी से हे, जेकरा ऊ हमनी के आउर सभे पवित्र लोग में उनकर महिमामय विरासत धन देवे लागी वादा करलन हे।19आउर हम प्रार्थना करऽ ही कि तूँ ई जान लऽ कि परमेश्वर हमनी ला केतना जादे सामर्थी तरीका से काम करऽ हथन, जौन मसीह में विश्वास करऽ हथन ऊ हमनी ला उतना जादे सामर्थी हथन।20जेतना कि ऊ मसीह लागी हलन जे उनका मरला के बाद मसीह के फिन से जिन्दा होवे के कारण बन गेलन, आउर ऊ उनका स्वर्ग में सभे से ऊँचा सम्मान पावे लागी ऊपरे उठईलन। 21मसीह ऊहाँ राजा के जईसन सभे राजा के ऊपर आउर अधिकार के सभे स्तर के ऊपर पावल जाय वाला सामर्थी आत्मा आउर सभे प्राणी के ऊपर राज करऽ हथन जेकरा प्रति लोग श्रद्धा रखऽ हथन। ऊ नऽ खाली ई युग में, बाकि आवे वाला युग में भी।22आउर ऊ सभे चीज के उनकर गोड़ के नीचे रख देलन आउर उनका सभे चीज के ऊपर प्रमुख बना के कलीसिया के दे देलन, 23हम विश्वासी मसीह से जुड़ल ही ओईसहीं जईसे एगो आदमी के देह के भाग ओकर माथा से जुड़ल होवऽ हे। ऊ सभे विश्वासियन लागी जौन चीज के कमी होवऽ हे ओकरा पूरा करऽ हथन ठीक ओईसहीं जईसे ऊ सभे जगह पर सभे कुछ पूरा करऽ हथन।
Bridge Connectivity Solutions Pvt. Ltd.