Ezra6
1तब राजा दारा कोई अधिकारी के आज्ञा देलन कि ऊ जगह में खोजतन जहाँ ऊ बाबेल के महत्त्वपूर्ण अभिलेख रखले गेल हल।2ओकरा मादै नाम के प्रान्त के गढ़ वाला नगर अहमता में एगो कुण्डलपत्र मिलल जेकरा में ऊ जानकारी हल जेकर ऊ जाने ला चाहऽ हलन ई कुण्डलपत्र में अईसन कहल गेल हल।3“राजा कुस्रू के शासनकाल के पहिलका साल जब कुस्रू अपन साम्राज पर राज कईलन, तब ऊ परमेश्वर के भवन के बारे में जे यरूशलेम में हल, एगो राजा के तरप से हुकुम निकाललन हल। ऊ कहलन कि यहुदियान के ओही जगह पर एगो नया भवन बनावे के चाही जहाँ एगो ऊ लोग बलिदान के पहिले ही चढ़ावल करऽ हल। ई भवन लगभग 90 फिट ऊँचा आउर 90 फिट चौड़ा बनावे के चाही।4ऊ ओकरा बड़का पत्थरवन से भवन बनावे ला कहलक हल। पत्थरवन के तीन परत नीचे रखला के बाद नयका लकड़ियन के एगो पटरा ओकरा ऊपर रखे के चाही। ई काम के खरचा करे ला राजा के खजाना से पैसा देवल जाई।5ऊ सोना आउर चाँन्दी के चीज के ऊपर भी हुकुम देलन जे परमेश्वर के भवन से लगाव रखऽ हल। नबूकदनेस्सर ई बरतन के यरूशलेम के भवन से ले लेलन हल आउर बाबेल ले अईलन हल। कुस्त्रु यहुदियन से कहलन ऊ ओकरा ले जईतन आउर फिर यरूशलेम में परमेश्वर के भवन में रख देतन। ऊ ओकरा से कहलन कि ऊ सभे के भवन में ओकर सही जगह पर फिर रख दिहऽ।”6एकरा पढ़ला के बाद, राजा दारा यरूशलेम में यहूदियन के दुश्मन के अगुवा के भीर ई सन्देश भेजलन: ई सन्देश तोरा ला हे, फरात नदी के पच्छियारी प्रान्त के राज्यपाल, ततनै तोरा ला शतर्बोजनै आउर तोर सभे साथियन, ऊ प्रान्त के अधिकारी लागी हे कि ई काम से अलग रखे के हे।7ओकरा परमेश्वर के ऊ भवन के फिर से बनावे ला काम चालू रहे देवे के चाही। यहूदियन के राज्यपाल आउर उनकर अगुवन के ई नयका भवन के काम में अपन लोग के अगुवाई ओही जगह पर बनावे ला कराल देवल जाय जहाँ पहिले वाला भवन बनावल गेल हल।8एकरा अलावे, हम तोरा परमेश्वर के ई भवन के फिर से नया बनावे ला यहूदियन के ई अगुवन के मदत करे के आज्ञा दे ही। तोरा ई सभे राजा के धन देवे ला तय करे पड़त ताकि ऊ बनावे के काम करते रहतन। एकरा ला तूँ जे लगान फरात नदी के पच्छिम वाला प्रान्त में जमा करऽ हे, ओकरा हमर राज्यकोष में से ले सकलऽ हे। ताकि ओकरा में कोई बाधा नऽ आवे9यरूशलेम के पुरोहित तोरा बतईतन कि ओकरा कौन-कौन चीजवन के जरूरत हे। एकरा में बछड़ा आउर मेंढा आउर मेमना शामिल कईल जा सकल हे। जौन स्वर्ग में रहे वाला परमेश्वर के होमबलि के रूप में चढावल जा हे। ओकरा में गेहूँ, नमक, दाखमधु, आउर जैतून के तेल भी ऊ बलिदान के चढ़ावे ला शामिल हो सकल हे। ओकरा में चीजवन रोजदिन देवे के चाही।10जदी अईसन करवऽ, त ऊ बलिदान के चढा सकवऽ जे स्वर्ग में रहे वाला परमेश्वर के खूश करऽ हे आउर राजा आउर प्रार्थना करतन कि परमेश्वर हमरा आउर हमर बेटवन के आशीष देतन।11ई राजा के आज्ञा नऽ माने वाला सभे आदमी ला ई आदेश दे ही। हमर सैनिक ओकर घर से एगो कड़ी निकालतन। आउर ओकरा एगो छोर के तेज करतन फिर ऊ आदमी के उपरे लटका देतन। आउर ओकर देह में एकर नोकिला सिर के आरपार कर देतन आउर ऊ कड़ी के हवा में लटका देतन। तब ऊ आदमी के घर के तब ला करते रहतक जबकि एगो गेनौरा के ढेर बन के ऊ नऽ रह जाय, काहेकि ऊ आदमी बात नऽ मानलक हल।12परमेश्वर खुद जे यरूशलेम के ऊ जगह के चुनल हे जहाँ लोग उनका आदर करतन। ऊ ऊ राजा आउर ऊ जाति से बचल रहत जे ई राजा के आज्ञा के बदलेला आउर यरूशलेम में ई भवन के बर्बाद करे के कोशिस करऽ हे। हम, दारा, ई आदेश दे देली हे। तोहनी सभे के पूरा तरह से पालन करे के चाही। 13फरात नदी के पच्छिम वाला प्रान्त के राज्यपाल ततनै, आउर शतर्बोजनै आउर ओकर साथियन राजा दारा के सन्देश के पढ़लन आउर तूरते आ के आज्ञा के पालन कहलन।14येहिगुने यहूदी अगुवन भवन के बनावे ला काम करते रहलन। भविष्यद्वक्ता हाग्गै आउर इद्दो के बेटा जकर्याह के द्वारा सुनावल गेल सन्देश उनका बहुत जादे उत्साहित कईलक। लोग भवन के बनइते रहलन, ठीक ओही तरह से जईसे परमेश्वर अपन आज्ञा में बोललन हल, आउर जईसन कि फारसी राजागण राजा कुस्रु दारा आउर अर्तक्षत्र आदेश देलन हल, ओखनी आराधना स्थल के बनावे ला पूरा कर लेलन।15राजा दारा के शासन के छठवा साल के अदार महीने के तिसरका दिन ऊ ई भवन के बनावे ला पूरा कर लेलन। 16तब इस्राएल के लोग, पुरोहित, लेवीगण, आउर बाबेल से लौटल सभे आदमी ई भवन के समर्पण के परव के खूबे आनन्द के साथे मनईलन।17ई भवन के समर्पण के घड़ी समारोह में, ओखनी सभे 100 गो बछड़ा, 200 मेंढा आउर 400 मेम्ना के बलिदान चढ़ईलन। ऊ सभे लोग 12 गो बकरवन के भी भेंट के रूप में बलिदान कर के चढ़ईलन ताकि परमेश्वर सभे लोग के पापवन के क्षमा करतन, काहेकि इस्राएल में 12 गो गोत्र हल।18तब यहूदी अगुवा, पुरोहित आउर लेवियन के झुण्ड में बाँट देलन जौन फेरा-फेरी कर के यरूशलेम में परमेश्वर के भवन में सेवा करऽ हलन। ई सभे लोग अईसहीं कईलन जईसन मूसा के व्यवस्था में केतना दिन पहिले ही लिखल हल। 19उनकर वापसी के पहिलका महीना के चौदहवां दिन, बाबेल से लौटे वाला यहूदी लोग फसह के परव मनईलक। 20बलिदनवन के चढ़ावा के पवित्र होवे लायक, सभे पुरोहित आउर लेवियन पहिले ही से ठीक कर्मकाण्ड कर के अपने आप के गलतफहमी से बचे लागी शुद्ध कर लेलन हल। तब ऊ दूसरका पुरोहित लागी आउर अपना लागी ऊ सभे के फईदा ला मेम्ना के फसह के बलिदान कर के चढ़ईलन, जौन बाबेल से लौटलन हल। 21बाबेल से लौटे वाला इस्राएली लोग अपने आप के चारो तरप के अशुद्ध लोगवन से अलग कर लेलन जेकर संस्कृति, भाषा आउर आराधना अलग-अलग हल। आउर येहिगुने ऊ काबिल हलन कि इस्राएल के परमेश्वर यहोवा के आराधना कर सकऽ सकलन आउर फसह के भोज खा सकलन हल।22ऊ सभे लोग अखमीरी रोटी के परव सातो दिन तक मनईलन। ऊ लोग आनन्दित होलन काहेकि यहोवा अश्शूर के राजा के मन के बदल देलन हल। जेकर कारण राजा इस्राएली लोग के परमेश्वर यहोवा के भवन के फिर से बनावे में मदत कईलन।
Bridge Connectivity Solutions Pvt. Ltd.