Ezra7
1ई घटना के बड़ी साल के बाद, जब अर्तक्षत्र फारस के राजा हलन, एज्रा बाबुल से यरूशलेम चल गेलन एज्रा सरायाह के बेटा हलन सरायाह अजर्याह के बेटा हलन आउर अजर्याह हिल्किय्याह के बेटा हलन।2हिल्किय्याह शल्लूम के बेटा हलन, ऊ आउर शल्लूम सादोक के, बेटा हलन, ऊ अहीतूब के खानदान हलन।3ऊ अजर्याह के खानदान हलन, ऊ के बेटा आउर, ऊ मरायोत के खानदान हलन।4ऊ जरहयाह के, अहितुब अमर्याह के, अमर्याह अजर्याह के, के बेटा हलन, जे उज्जी के बेटा हल, जौन बुक्की के बेटा हलन।5ऊ अबीशू के बेटा हल, ऊ पीनहास के बेटा हल, ऊ एलीआजर के बेटा हल, ऊ हारून, पहिलका प्रधान पुरोहित के बेटा हलन।6एज्रा एगो अईसन आदमी हलन जौन मूसा के विधि-विधान के खूब बढ़ियाँ से जानऽ हलन। ई ऊ व्यवस्था हल जेकरा इस्राएल के परमेश्वर यहोवा इस्राएलियन के देलन हल। एज्रा जब बाबेल छोड़लन हल तऽ राजा लोग से कहलन कि ऊ जौन कुछ मांगतन ऊ उनका देवे ला हे। ई सभे बात में उनकर परमेश्वर उनका पर बहुत कृपा भरल नजर कईलन हल।7भवन में काम कुछ इस्राएली, कुछ पुरोहितगण, कुछ लेवीगण, कुछ गवैयन, कुछ द्वारपाल आउर कुछ लोग एज्रा के संग यरूशलेम गेलन। ऊ घड़ी सातवाँ साल में फारस राजा अर्तक्षत्र के हल।8एज्रा आउर उनका जौरे वाला समूह अर्तक्षत्र राजा के शासनकाल के सात साल के पाँचवाँ महीना के पहिलका दिन में यरूशलेम पहुँचलन जहिया अर्तक्षत्र राजा हलन।9एकरा पर ध्यान देवे के चाही: ऊ पहिलका महीना के पहिलका दिन बाबेल से निकललन। ऊ सातवाँ बरस के पाँचवाँ महिना के पहिले दिन सुरक्षित यरूशलेम पहुँच गेलन। परमेश्वर ठीक से ओकरा पर बड़ा कृपा भरल नजर रखलन हल।10अपन पूरा जीवन में, एज्रा यहोवा के विधान के अध्ययन करे ला आउर ओकरा पालन करे वाला तौर तरीका के समझे ला अपने आप के समर्पित कर देलन हल। ओखनी ऊ व्यवस्था में सभे इस्राएलियन के बड़ी साल तक सिखईलन।11राजा अर्तक्षत्र याजक आउर शास्त्री एज्रा के ई आज्ञा देलन हल जौन इस्राएल के देवल व्यवस्था के बारे में यहोवा के सभे आज्ञा के अध्ययन कईलन हल।12ई चिट्ठी राजवन में सब से महान अर्तक्षत्र के हे। हम एकरा एज्रा याजक के दे रहली हे, जे ऊ व्यवस्था के ध्यानपूर्वक अध्ययन कईलन हे जे स्वर्ग में रहे वाला परमेश्वर इस्राएलियन के देलन हल। अभिवादन। एही ऊ जे हम तोरा जाने ला चाहऽ ही।13हम आज्ञा दे ही कि हमर राज्य में रहे वाला इस्राएली में से जदि कोई जाईला चाहतन तऽ तोहरा संगे यरूशलेम में जा सकलन हे। एकरा में याजक आउर लेवी के वंशज भी सामिल रहतन।14तूँ तऽ राजा आउर उनकर सातगो सलाहकार दने से येहिसे भेजल जा हे, कि अपन परमेश्वर के व्यवस्था के बारे में जौन तोरा भीर हे, यहूदा आउर यरूशलेम के दशा जान लऽ।15हम तोरा से एहु कह रहली हे कि राजा आउर उनकर सलाहकार द्वारा देवल जाय वाला चाँदी आउर सोना अपने साथे ले जइतन। हम चाहऽ ही कि तूँ ओकरा इस्राएल के परमेश्वर के भेंट के तरह चढ़ावऽ जिनकर यरूशलेम में एगो भवन हे।16तूँ आउर चाँदी आउर सोना भी अपने साथे ले जा जे बाबेल के लोग के समूचे प्रान्त तोरा देतन। साथे ऊ धन भी अपन साथे ले लेतन जेकरा इस्राएलियन आउर याजकवन कहलन हल कि ऊ यरूशलेम में उनकर परमेश्वर के भवन के बनावे लागी दान में चढ़ावे लागी तोरा खुले मन से देतन।17आउर फिरू तूँ तूरते ई सभे धन के ले जा के ऊ बछड़ा, मेढ़वन आउर मेमनवन के मोल लेवे के हे जिनका याजक तोर परमेश्वर के भवन जे यरूशलेम में हे वेदी पर भेंट चढ़ईतन। आउर अन्न आउर दाखमधु भी मोल लिहऽ जौन भेंट के साथ चढ़ावल जा हे।18जदि ऊ सभे चीजवन के खरीदला के बाद कोई चाँदी आउर सोना बचऽ हे तऽ तूँ आउर तोर साथी एकर इस्तेमाल ऊ सभे चीजवन के मोल लेवे ला कर सकलन हे तूँ जानऽ हऽ कि तोर परमेश्वर तोरा से चाहऽ हथन कि तूँ ओकरा खरीदऽ।19हम तोरा तोर परमेश्वर के भवन में पुरोहितवन के इस्तेमाल करे ला कीमती चीजवन भी देली हे। ओकरा यरूशलेम में अपन परमेश्वर भीरु ले जा।20जदि तोरा परमेश्वर के भवन लागी तोरा कोई भी चीज के जरुरत हे तऽ राजा के खजाना से ऊ सभे चीजवन लागी धन तोरा जितना जरुरत हे लेलऽ।21आउर हम, राजा अर्तक्षत्र निजी रूप से फरात नदी के पच्छिम तरप के प्रान्त के सभे खजांची के ई आदेश दे ही: एज्रा एगो पुरोहित हे जौन ढेर होसियारी से स्वर्ग में रहे वाला परमेश्वर के बारे में जौन कानून हे उनका जानलक हे। जदि उनका कुछ कहेला हे तऽ ओकरा ला जल्दी कर दऽ।22ओकरा में से तीन से चार टन चाँदी, 10 टन गेहूँ, दू हजार लीटर दाखमधु, देवल जाय आउर दू हजार लीटर जैतून के तेल आउर जेतना निमक चाही ओतना दऽ।23ई तय करऽ तूँ ऊ सब के व्यवस्था करव के हे जौन स्वर्ग में रहे वाला परमेश्वर के उनकर भवन लागी चाही। हम एकदम नऽ चाहऽ ही कि परमेश्वर हमरा से चाहे हमर खनदान से जौन हमर बाद में राजा होतन गोस्सा होतन।24हम तोरा ई भी आज्ञा दे ही कि कोई भी पुरोहित, लेवीगण, गवैया, द्वारपाल आउर भवन के सेवकवन से लगान नऽ लेतन। ऊ लगान देवे ला छूट हे काहेकि ऊ परमेश्वर के भवन में काम करऽ हे।25एज्रा, तोरा में तोर परमेश्वर के बुद्धि हे। ई बुद्धि के काम अईसन आदमी के काम करे ला लावे के चाही जौन बाद-विवाद वाला के सुलझा सकतन, आउर फरात नदी के पच्छिम तरप के प्रान्त के आदमी लागी व्यवस्था के बखान कर सकलन हे। अईसन उनका ला करे के सिखावे के चाही जौन व्यवस्था के जानऽ हथिन।26तोर परमेश्वर के कानून चाहे राजा के कानून नऽ माने वाला सभे के कठोर दण्ड देवे के चाही आउर ओकरा समूचे धन दौलत ले लेवे के चाही आउर ओकरा कैद में रख देवे के चाही।27तब हम, एज्रा कहली, यहोवा के स्तुति करऽ, ऊ परमेश्वर के जिनकर आराधना हमनी के पूर्वज कईलन हल। ऊ राजा के यरूशलेम में अपन भवन के आदर सम्मान करे ला प्रेरित कईलन।28परमेश्वर हमरा प्रति केतना जादे दयालू रहलन कि राजा आउर ओकर सलाह देवेवाला आउर उनकर सभे सामर्थी अधिकारी हमरा मदत करे ला तईयार हलन। जब परमेश्वर ई तरह के हमर मदत कईलन, तब एकरा से हमरा हिम्मत मिलल। हम इस्राएलियन के कुछ अगुवन के अपना साथ यरूशलेम लौटे ला राजी कर सकलन।
Bridge Connectivity Solutions Pvt. Ltd.