Ezra5
1ऊ घड़ी दूगो भविष्यद्वक्ता यरूशलेम आउर यहूदा के दोसरकन शहरवन में रहेवालन यहूदी लोग के परमेश्वर के तरप से ई संदेश दे रहलन हल। ई भविष्यद्वक्ता हाग्गै आउर जकर्याह बेटा आउर इद्दो के पोता जकर्याह हलन। ओखनी अपन संदेश के ऊ परमेश्वर के परतिनिधित्व कर के देलन जिनकर इस्राएली लोग आराधना करऽ हलन।2तऽ शालतीएल के बेटा जरुब्बाबेल आउर योसादाक के बेटा येसुआ बहुते लोगवन के यरूशलेम में परमेश्वर के भवन के दोबारा बनावे ला शुरू करे में अगुवाई कईलन। आउर परमेश्वर के भविष्यद्वक्ता हाग्गै आउर जकर्याह ओखनी के साथे हलन आउर उनकर मदत कर रहलन हल।3बाकि ऊ बखत में फरात नदी के पछियारी प्रान्त के राज्यपाल तत्तनै आउर शतर्बोजनै अपन कुछ अधिकारियन के साथ येरुशलेम गेलन आउर लोगवन से उनकर साथी अधिकारी पूछे लगलन, “तोहनी के ई भवन बनावे के इजाजत कौन देलन हे?”4ओखनी यहूदियन से ऊ लोगवन के नाम बतावे ला भी कहलन जे ई भवन के बनावे के काम कर रहलन हल।5तईयो परमेश्वर के नजर यहूदी अगुवन पर हल, आउर उनकर दुश्मन उनका नऽ रोकलक। एकर जगह पर, दुसमनमन राजा दारा के एगो खबर भेजलक आउर राजा द्वारा भेजल जाय वाला राजा के हुकुम के इनतेजार कईलन जे चाहे तो उनकर इजाजत आउर हिफाजत करतन जेकरा से यहूदी अगुवन भवन के बनावे में अपन काम पूरा नऽ कर सकतन, चाहे फिर अपन काम पूरा तरह से बंद कर देतन।6ई ऊ खबर के एगो नकल हे जेकरा फरात नदी से पार पछियारी राज्य के राजपाल तत्तनै, शतर्बोजनै, आउर उनकर सहयोगियन, नदी के पार पक्षिमी वाला राज्य के उनकर अधिकारी राजा दारा फिर भेजलन हल।7जखनी ऊ उनका फिन खबर भेजलन, तऽ ओकरा में ऊ ई लिखलन:
राजा दारा हम उमीद करऽ ही कि तूँ कुशल मंगल से हऽ।8हम चाहऽ ही कि राजा ई जान लऽ कि हम यहूदा राज्य में महान परमेश्वर के भवन में गेली हल। लोग एकर निर्माण बड़का-बड़का पत्थर से कर रहलन हे आउर देवाल में लकड़ी के कड़ी जोड़ रहलन हे। ओखनी ई काम में बड़ी जादे होसियारी कर रहलन हे आउर एकरा में कामयाब होते चलल जा रहलन हे।9ई वजह से हम यहूदी अगुवन से पूछली, 'कि कौन तोरा ई भवन के दोबारा बनावे के इजाजत देलन हे?'10जेकरा से हम तोरा खबर दे सकम कि हम ओखनी से उनकर नाम भी पूछली हे। हम तोरा ओखनी के नाम भेज रहली हे जे उनकर अगुवा हथन।11आउर ओखनी हमरा जबाव में ई बतईलन हे। ऊ कहलन, कि हमनी स्वर्ग आउर धरती के रचे वाला परमेश्वर के आराधना करऽ ही। हमनी उनकर भवन के दोबारा बना रहली हे, जेकरा इस्राएल के एगो महान राजा कई साल पहिले बनईलन हल। ऊ एकर निर्माण एगो खुबसूरत भवन के रूप में कईलन हल। 12बाकि हमनी के पुरखन अईसन काम कईलन जेकरा से परमेश्वर के जे स्वर्ग में हथन, ढेर जादे गोस्सा होलन। एहिसे परमेश्वर बाबेल शहर के एक कसदी राजा, नबुकदनेस्सर, के ओखनी पर जीत दिला देलन। उनकर फौज ऊ भवन के नाश कर देलक, आउर ओखनी बहुत इस्राएलियन के बंदी बना के बाबेल ले गेलन।13जबकि अपन पहिलका साल के दौरान जहिया कुस्रू बाबेल के राजा के रूप में राज्य कईलन, तऽ ऊ हमनी के परमेश्वर के भवन के दोबारा बनावे के आज्ञा देलन हल।14परमेश्वर के भवन में कुछ सोना आउर चाँदी के कटोरा हल। नबुकदनेस्सर ओकरा यरूशलेम के भवन से उठा के बाबेल के अपन भवन में ले अईलन हल। राजा कुस्रु भी ऊ भवन में से ऊ कटोरवन के हटा के शेशबस्सर नाम के एगो आदमी के दे देलन हल, जिनका ऊ यहूदा के राजपाल बनईलन हल।15राजा कुस्रू शेशबस्सर से कहलन ई चीजवन के लेजा आउर जा के यरूशलेम के भवन में धर देत। ऊ एहु हुकुम देलन हल कि यहूदियन के ऊ जगह पर भवन के दोबारा निर्माण करे के चाही जहाँ ऊ पहिले बनल हल।16तऽ शेशबस्सर यरूशलेम में अईलन आउर भवन के नींव बनावे वालन के काम के गौर से देखलन। आउर ऊ घड़ी से लोग भवन के बनावे के काम कर रहलन हे बाकि ओखनी एकरा अखनी ला खतम नऽ कईलन हे।17येहिगुने हे महोदय, कृपया कर के अपन अधिकारियन के बाबेल में ऊ जगह पर खोज करे ला हुकुम दऽ जहाँ तूँ राज्य भर के खतियान के रख लऽ हे। जेकरा से ऊ ई पता लगईतन कि ई सच हे कि राजा कुस्रू यहूदियन के यरूशलेम में परमेश्वर के भवन के दोबारा बनावे के हुकुम देलन हल कि नऽ। तऽ तूँ हमरा बता सकलऽ हे एकरा बारे में का करे के चाही।
राजा दारा हम उमीद करऽ ही कि तूँ कुशल मंगल से हऽ।8हम चाहऽ ही कि राजा ई जान लऽ कि हम यहूदा राज्य में महान परमेश्वर के भवन में गेली हल। लोग एकर निर्माण बड़का-बड़का पत्थर से कर रहलन हे आउर देवाल में लकड़ी के कड़ी जोड़ रहलन हे। ओखनी ई काम में बड़ी जादे होसियारी कर रहलन हे आउर एकरा में कामयाब होते चलल जा रहलन हे।9ई वजह से हम यहूदी अगुवन से पूछली, 'कि कौन तोरा ई भवन के दोबारा बनावे के इजाजत देलन हे?'10जेकरा से हम तोरा खबर दे सकम कि हम ओखनी से उनकर नाम भी पूछली हे। हम तोरा ओखनी के नाम भेज रहली हे जे उनकर अगुवा हथन।11आउर ओखनी हमरा जबाव में ई बतईलन हे। ऊ कहलन, कि हमनी स्वर्ग आउर धरती के रचे वाला परमेश्वर के आराधना करऽ ही। हमनी उनकर भवन के दोबारा बना रहली हे, जेकरा इस्राएल के एगो महान राजा कई साल पहिले बनईलन हल। ऊ एकर निर्माण एगो खुबसूरत भवन के रूप में कईलन हल। 12बाकि हमनी के पुरखन अईसन काम कईलन जेकरा से परमेश्वर के जे स्वर्ग में हथन, ढेर जादे गोस्सा होलन। एहिसे परमेश्वर बाबेल शहर के एक कसदी राजा, नबुकदनेस्सर, के ओखनी पर जीत दिला देलन। उनकर फौज ऊ भवन के नाश कर देलक, आउर ओखनी बहुत इस्राएलियन के बंदी बना के बाबेल ले गेलन।13जबकि अपन पहिलका साल के दौरान जहिया कुस्रू बाबेल के राजा के रूप में राज्य कईलन, तऽ ऊ हमनी के परमेश्वर के भवन के दोबारा बनावे के आज्ञा देलन हल।14परमेश्वर के भवन में कुछ सोना आउर चाँदी के कटोरा हल। नबुकदनेस्सर ओकरा यरूशलेम के भवन से उठा के बाबेल के अपन भवन में ले अईलन हल। राजा कुस्रु भी ऊ भवन में से ऊ कटोरवन के हटा के शेशबस्सर नाम के एगो आदमी के दे देलन हल, जिनका ऊ यहूदा के राजपाल बनईलन हल।15राजा कुस्रू शेशबस्सर से कहलन ई चीजवन के लेजा आउर जा के यरूशलेम के भवन में धर देत। ऊ एहु हुकुम देलन हल कि यहूदियन के ऊ जगह पर भवन के दोबारा निर्माण करे के चाही जहाँ ऊ पहिले बनल हल।16तऽ शेशबस्सर यरूशलेम में अईलन आउर भवन के नींव बनावे वालन के काम के गौर से देखलन। आउर ऊ घड़ी से लोग भवन के बनावे के काम कर रहलन हे बाकि ओखनी एकरा अखनी ला खतम नऽ कईलन हे।17येहिगुने हे महोदय, कृपया कर के अपन अधिकारियन के बाबेल में ऊ जगह पर खोज करे ला हुकुम दऽ जहाँ तूँ राज्य भर के खतियान के रख लऽ हे। जेकरा से ऊ ई पता लगईतन कि ई सच हे कि राजा कुस्रू यहूदियन के यरूशलेम में परमेश्वर के भवन के दोबारा बनावे के हुकुम देलन हल कि नऽ। तऽ तूँ हमरा बता सकलऽ हे एकरा बारे में का करे के चाही।
Bridge Connectivity Solutions Pvt. Ltd.