Ezra4
1ऊ घड़ी, यहूदा आउर बिन्यामीन के लोग अन्यजाति के लोगवन के दुश्मन सुनलन कि ओखनी बाबेल से जौन लोग बंधुआई में हलन लौट अईलन हे ऊ ईहाँ अच्छा हथन आउर इस्राएल के परमेश्वर यहोवा लागी भवन के बना रहलन हे।2तऽ ओखनी राजपाल जरुब्बाबेल आउर दोसर गोत्रवन के अगुवन भीर गेलन आउर उनका से बोललक, “हम भवन के बनावे में अपने के मदत करे ला चाहऽ ही। काहेकि हमनी ओही परमेश्वर के आराधना करऽ ही जेकर तूँ कर हऽ। जब से अश्शूर के राजा एसर्हद्दोन हमनी के ईहाँ लैलन हे, तब से हम परमेश्वर लागी बलिदान चढईते अईली हे।” 3बाकि जरुब्बाबेल, येसुआ आउर यहूदी गोत्रवन के दोसरकन अगुवन बंधुआई से लौटल लोगवन के नेता जबाब देलन, “हम अपन परमेश्वर लागी भवन बनावे में तोर मदत नऽ लेम। नऽ, खाली हमही एकरा इस्राएल के परमेश्वर लागी बनायेम। काहेकि फारस के राजा कुस्रू हमनी के अईसहीं करे ला हुकुम देलन हे।”4तऽ इस्राएलियन के लौटे से पहिले गैर-इस्राएली जे पहिले ऊ देश में रह रहलन हल ओखनी यहुदियन के निराश करे आउर डरावे के कोशिश कईलन जेकरा से कि ऊ भवन के बनावे ला बंद कर देतन।5यहुदियन के भवन के काम करते रहे से रोके लागी सरकारी अधिकारी के घूंस देलन। ओखनी ई सभे ऊ समय तक कईलन जब कुस्रू फारस के राजा हलन, आउर ठीक समय तक कईलन हल जब तक दारा फारस के राजा नऽ बन गेलन। 6तऽ दारा के बेटा क्षयर्ष के राजा होवे के पहिले साल में यहुदियन के सब दुश्मन यहूदा परदेस आउर यरूशलेम शहर में रहेवालन के बारे में उनका शिकायत से भरल एगो चिट्ठी लिखलन एकरा में कहल गेल कि ओखनी सरकार के खिलाफ लड़ाई लड़े के योजना बना रहलन हल। 7बाद में जखनी जब राजा अर्तक्षत्र फारस के राजा के शासनकाल में, बिशलाम, मिथ्रदत्त, ताबेल आउर उनकर साथियन उनका एगो चिट्ठी लिखलन। ऊ कोई से अपना लागी अरामी भाषा में अरामी भाषा के इस्तेमाल कर के चिट्ठी लिखवईलन, सीरियाई लिपि आउर सीरियाई भाषा में।8उच्च आयुक्त रहूम, राज्य प्रांतीय सचिव शिमशै ने राजा अर्तक्षत्र के ई चिठ्ठीयन लिखलक कि येरुसलेम में का घट रहल हल। 9ओखनी बोललन कि ई चिट्ठी उच्च आयुक्त रहूम, प्रांतीय सचिव शिमशै, आउर उनकर सहयोगी, न्यायी आउर दोसर अधिकारी के ओर से भेजल गेल हल, जहाँ एलाम जिला में शूशन, आउर फारस, एरेक, बाबेल से हलन।10ऊ ई भी लिखलक कि ऊ परतिनिधित्व करऽ हथन दोसर लोगवन के झुण्ड के जिनका महान आउर प्रतापी ओस्न्नप्पर निकाल देलक हल, आउर सामरियन के नगर में आउर फरात नदी के पच्छियारीवाला बाकि प्रान्त में रहे ला भेजलक हल।11जहाँ चिट्ठी ऊ ओकरा भेजलन ओकरा में ऊ लिखलन:
ई चिट्ठी राजा अर्तक्षत्र लागी हे। ई फरात नदी के पच्छियारी प्रान्त में तोरा सेवा करे वाला अधिकारियन के तरप से भेजावल गेल हे।12माहामहिम राजा, हमनी चाहऽ ही कि तूँ जान लऽ कि जौन यहूदी तोर दूसरा इलाका से ईहाँ आके यरूशलेम शहर के दोबारा बना रहलन हे। ऊ लोग बदमास हे आउर तोर खिलाफ लड़ाई करे ला चाहऽ हे। ओखनी अखनी शहर के देवाल के फिर से बना रहलन हे आउर ओकर मकानवन के पाया के मरम्मत कर रहलन हे।13तोरा राजा लागी ई जानकारी बड़ी खास हे कि जदि ई शहर के दोबारा बनावऽ हथन तऽ ऊ कोई भी तरह लगान के देवे ला बंद कर देतन। जेकर फल तोर खजाना में धन के घटी हो जाय।14अखनी काहेकि हम तोरा प्रति ईमानदार प्रजा ही, आउर काहेकि हम नऽ चाहऽ ही कि तोर राजा के बेईज्जती होवे ई वजह से हम तोरा ई जानकारी भेज रहली हे।15हम तोरा सलाह दे ही कि पुरखन के रखल गेल खतियान में से अपन अधिकारी के हुकुम दऽ कि खोजबीन करतन। जदि तूँ अईसन करऽ हऽ, तऽ तूँ पईवऽ कि ई शहर के लोग हमेशा अपन राजा के खिलाफ लड़ाई कईलन हे। तूँ जान लेवऽ कि ई लोगवन बहुत समय तक राजा आउर राज्य के हाकिम लागी परेसानी खड़ा कईलन हे। ई शहर के अगुवन लड़ाई शुरू कर देलन हे। येही वजह हे कि बाबेल के फौज ई शहर के बरबाद कर देलक हल। 16हम चाहऽ ही कि राजा तूँ ई जान लऽ कि जदि ऊ यरूशलेम के शहर के फिर से बना ले हथन आउर एकर देवालवन के बना ले हथन “तऽ तूँ फरात नदी के पछियारी ई राज्य के कोई भी अादमी के अपन अधीन में नऽ रख पैईवऽ।”17ई चिट्ठी के पढ़ के ऊ राजा बाद में उनका ई जबाब भेजलन:
हे रहूम उच्च आयुक्त, आउर सिमसै, जहाँ राज्य मंत्री, आउर सामरिया में आउर फरात नदी के पछियारी राज्य के दोसरकन हिस्सा में रहे वाला तोरे साथियन के हम अपन शुभकामना पेठावऽ ही।18हमर अधिकारी ऊ चिट्ठी के गौर से पढ़लन हल जे तूँ हमरा भेजलन हल।19तऽ हम अपन अधिकारी के खतीयान के खोजे ला हुकुम देली। हमरा पता लगल हल कि ई सच हे कि येरुशलेम के लोगवन हमेशा अपन राजा के खिलाफ लड़ाई करऽ हथन, आउर ई शहर लड़ाई करे वाला आउर परेसानी पईदा करे वाला लोगवन से भरल हे।20पिछलका घड़ी में तागतवर राजा यरूशलेम पर राज्य कईलन। ओखनी फरात नदी के पछियारी सभे राज्य पर राज्य कईलन। ओखनी उहाँ के लोगवन के हर तरह के लगान के देवे लागी मजबूर कईलन।21येहिगुने तूँ ऊ लोगवन के हुकुम दऽ कि ऊ शहर के दोबारा बनावे ला बन्द कर देतन। उनका फिर से शुरू करे के इजाजत तबहिये देवल जाई जखनी हम उनका बतायेम कि ऊ एकरा दोबारा बना सकलन हे।22ई काम के जल्दबाजी में करतन, काहेकि हम नऽ चाहऽ ही कि ऊ लोग हमर राजा के चोट पहुँचावे ला कुछ भी अईसन करतन।23जईसही खबर देवे वाला राजा अर्तक्षत्र से रहूम आउर राज्य के मंत्री सिमसै आउर उनकर सहयोगियन के चिट्ठी के नकल पढ़ के सुनईलन, ऊ जल्दी से यरूशलेम में यहूदियन भीर गेलन, आउर ओखनी उनका दोबारा बनावे ला बन्द करे लागी मजबूर कर देलन।24एकर फल ई होल कि यहुदियन यरूशलेम के भवन के दोबारा बनावे ला बंद कर देलन। ओखनी दारा के फारस के राजा बने के दूसरका साल ला भवन के फिरू से बनावे के लागी आउर कोई काम नऽ कईलन।
ई चिट्ठी राजा अर्तक्षत्र लागी हे। ई फरात नदी के पच्छियारी प्रान्त में तोरा सेवा करे वाला अधिकारियन के तरप से भेजावल गेल हे।12माहामहिम राजा, हमनी चाहऽ ही कि तूँ जान लऽ कि जौन यहूदी तोर दूसरा इलाका से ईहाँ आके यरूशलेम शहर के दोबारा बना रहलन हे। ऊ लोग बदमास हे आउर तोर खिलाफ लड़ाई करे ला चाहऽ हे। ओखनी अखनी शहर के देवाल के फिर से बना रहलन हे आउर ओकर मकानवन के पाया के मरम्मत कर रहलन हे।13तोरा राजा लागी ई जानकारी बड़ी खास हे कि जदि ई शहर के दोबारा बनावऽ हथन तऽ ऊ कोई भी तरह लगान के देवे ला बंद कर देतन। जेकर फल तोर खजाना में धन के घटी हो जाय।14अखनी काहेकि हम तोरा प्रति ईमानदार प्रजा ही, आउर काहेकि हम नऽ चाहऽ ही कि तोर राजा के बेईज्जती होवे ई वजह से हम तोरा ई जानकारी भेज रहली हे।15हम तोरा सलाह दे ही कि पुरखन के रखल गेल खतियान में से अपन अधिकारी के हुकुम दऽ कि खोजबीन करतन। जदि तूँ अईसन करऽ हऽ, तऽ तूँ पईवऽ कि ई शहर के लोग हमेशा अपन राजा के खिलाफ लड़ाई कईलन हे। तूँ जान लेवऽ कि ई लोगवन बहुत समय तक राजा आउर राज्य के हाकिम लागी परेसानी खड़ा कईलन हे। ई शहर के अगुवन लड़ाई शुरू कर देलन हे। येही वजह हे कि बाबेल के फौज ई शहर के बरबाद कर देलक हल। 16हम चाहऽ ही कि राजा तूँ ई जान लऽ कि जदि ऊ यरूशलेम के शहर के फिर से बना ले हथन आउर एकर देवालवन के बना ले हथन “तऽ तूँ फरात नदी के पछियारी ई राज्य के कोई भी अादमी के अपन अधीन में नऽ रख पैईवऽ।”17ई चिट्ठी के पढ़ के ऊ राजा बाद में उनका ई जबाब भेजलन:
हे रहूम उच्च आयुक्त, आउर सिमसै, जहाँ राज्य मंत्री, आउर सामरिया में आउर फरात नदी के पछियारी राज्य के दोसरकन हिस्सा में रहे वाला तोरे साथियन के हम अपन शुभकामना पेठावऽ ही।18हमर अधिकारी ऊ चिट्ठी के गौर से पढ़लन हल जे तूँ हमरा भेजलन हल।19तऽ हम अपन अधिकारी के खतीयान के खोजे ला हुकुम देली। हमरा पता लगल हल कि ई सच हे कि येरुशलेम के लोगवन हमेशा अपन राजा के खिलाफ लड़ाई करऽ हथन, आउर ई शहर लड़ाई करे वाला आउर परेसानी पईदा करे वाला लोगवन से भरल हे।20पिछलका घड़ी में तागतवर राजा यरूशलेम पर राज्य कईलन। ओखनी फरात नदी के पछियारी सभे राज्य पर राज्य कईलन। ओखनी उहाँ के लोगवन के हर तरह के लगान के देवे लागी मजबूर कईलन।21येहिगुने तूँ ऊ लोगवन के हुकुम दऽ कि ऊ शहर के दोबारा बनावे ला बन्द कर देतन। उनका फिर से शुरू करे के इजाजत तबहिये देवल जाई जखनी हम उनका बतायेम कि ऊ एकरा दोबारा बना सकलन हे।22ई काम के जल्दबाजी में करतन, काहेकि हम नऽ चाहऽ ही कि ऊ लोग हमर राजा के चोट पहुँचावे ला कुछ भी अईसन करतन।23जईसही खबर देवे वाला राजा अर्तक्षत्र से रहूम आउर राज्य के मंत्री सिमसै आउर उनकर सहयोगियन के चिट्ठी के नकल पढ़ के सुनईलन, ऊ जल्दी से यरूशलेम में यहूदियन भीर गेलन, आउर ओखनी उनका दोबारा बनावे ला बन्द करे लागी मजबूर कर देलन।24एकर फल ई होल कि यहुदियन यरूशलेम के भवन के दोबारा बनावे ला बंद कर देलन। ओखनी दारा के फारस के राजा बने के दूसरका साल ला भवन के फिरू से बनावे के लागी आउर कोई काम नऽ कईलन।
Bridge Connectivity Solutions Pvt. Ltd.