Ezra3
1जखनी इस्राएली बेबीलोन से लौट अईलन आउर ओकर अपन-अपन नगरवन में रहे लगलन, तऽ ऊ साल के जाड़ा के मौसम में, ओखनी सभे अब अपन नगर यरूशलेम में बस गेलन। 2तऽ योसादाक के बेटा येशुआ आउर उनकर संगी पुरोहित आउर शालतीएल के बेटा जरुब्बाबेल आउर उनकर मददगार सभे मिल के इस्राएली परमेश्वर के वेदी फिन से बनावे लगलन। ओखनी अईसन एही ला कईलन कि ओखनी ओकरा पर होमबलि चढ़इतन। ऊ व्यवस्था के ऊ बात के पालन करे ला चाहऽ हलन जेकरा भविष्यद्वक्ता मूसा लिखलन हल जे परमेश्वर उनका देलन हल। 3जबकि ओखनी बंधुआई से लौटे वालन से डरऽ हलन जे पहिलहीं से ऊ इलाका में रहऽ रहलन हल, ओखनी वेदी के ओही जगह पर फिन से बनईलन जहांँ पहिलका वेदी हल। ऊ रोजदिन सवेरे आउर साँझ के ओकरा पर यहोवा लागी बलिदान के चढ़ावे लगलन। 4ई बलिदान के चढ़ावे के पन्द्रह दिन के बाद, लोगवन झोपड़ी के परब मनईलन। मूसा उनका ई आज्ञा देलन हल कि ओखनी परमेश्वर के देवल गेल विधियन के मुताविक करतन। रोजदिन पुरोहित ऊ दिन लागी जरुरी बलिदान के चढ़ावऽ हलन। जईसे कि मूसा के व्यवस्था में लिखल हे।5तहिया से ओखनी रोजदिन होमबलि आउर दोसर जरुरी भेंटवन चढ़ईलन। नया चाँद के त्यौहार आउर दूसरा त्योहार लागी ई हल जेकरा ओखनी हर साल यहोवा के देवे लागी खास समय के रूप में मनईलन। ऊ यहोवा लागी दोसर भेंट के भी खाली येहिसे ले अईलन काहेकि कि ऊ चाहऽ हलन, ई से नऽ कि उनका एकरा लावे ला जरुरी हे। 6बाकि जबकि ओखनी पतझड़ शुरुआत में यहोवा लागी होमबलि लावे ला शुरू कर देलन हल, तइयो ओखनी अखनी तक भवन के दोबारा बनावे ला शुरू नऽ कईलन हल।7ई वजह से इस्राएली राजमिस्त्रियन आउर बढ़ई के भवन बनावे के काम करे लागी काम पर रखलन कारीगरवन के पईसा। ओखनी सोरी आउर सिदोनी के नगरवन के लोगवन से देवदारु के पेड़वन के लठ्ठा भी खरीदलन। ओखनी ऊ सभे लोगवन के बदला में, खाय पिये वाला चीज आउर जैतून के तेल देलन। ऊ लोग लठ्ठा के लबानोन के पहाड़वन से भूमध्य सागर के किनारा तक ले अईलन आउर फिन ओकरा अरार के किनारे याफा तक ले अईलन। राजा कुस्रू बोललन हल कि ऊ अईसन कर सकलन हे। तऽ ऊ लठ्ठा के भीतर राह से याफा से यरूशलेम तक ले अईलन।8उनकर परमेश्वर के मन्दिर में इस्राएलियन यरूशलेम में लौटला के बाद दोसरका साल के बसंत ऋतु में मंदिर के दोबारा बनावे ला शुरू कईलन। शालतिएल के बेटा जरुब्बाबेल, योसादाक के बेटा येसुआ आउर उनकर साथी पुरोहित अगुवा आउर लेवियन, आउर जेतना लोग येरुशलेम लौट गेलन हल, ऊ सभे ई काम में मदत कईलन। ओखनी बीस साल चाहे ओकरा से जादे उमर वाला लेवियन के भवन के दोबारा बनावे के काम के देख रेख करे ला रख देलन। 9येसुआ, उनकर बेटवन आउर उनकर दोसर परिवरवन, आउर कदमिएल आउर उनकर बेटवन मिल के भवन के काम के देख रेख करे में मदत कईलन। ओखनी सभे यहूदा के खानदान हलन जे लोग हेनादाद के खानदान हलन, आउर उनकर बेटा आउर उनकर परिवार, परमेश्वर के मन्दिर में जहाँ सभे लेवि भी हलन, उनकर साथे आके जुड़लन।10जब राजमिस्त्रियन भवन के दावा के काम खतम कईलन, तऽ पुरोहित अपन कपड़ा पेहेन लेलन, आउर अपन जगह पर तुरही के बजावे लागी खाड़ा हो गेलन। तऽ आसाप के खानदान लेवियन यहोवा के स्तुति करे ला अपन झांझवन के बजईलन। केतना साल पहिले, राजा दाऊद आसाप आउर दोसर गबइयन के अईसहीं करे ला बोललन हल।11ओखनी यहोवा के स्तुति कईलन आउर उनका धन्यवाद कईलन आउर करुणा इस्राएल पर हमेशा बनल रहे, ओखनी उनका बारे में ई भजन गईलन: “परमेश्वर” हमरा लागी बड़ी बढियाँ हथन ऊ इस्राएल के साथ अपन बनावल वाचा के विश्वास के इज्जत करऽ हथन, आउर ऊ हमनी से हमेशा प्रेम करतन। “तऽ सभे कोई जोर से ऊँचा आवाज में चिल्लाय लगलन। ओखनी यहोवा के स्तुति कईलन, काहेकि ओखनी उनकर भवन के दावा डाले ला खतम कर लेलन हल।” 12बहुत बूढ़ा पुरोहितवन, लेवियन आउर परिवार के अगुवन याद कईलन कि पहिलका भवन कईसन हल। जखनी ऊ सेवकवन के ई भवन के नीव डालते देखलन तऽ ऊ विरोध दिखावे लागी जोर-जोर से रोवे लगलन काहेकि उनका लगल कि नयका भवन पुरनका भवन जेतना सुन्दर नऽ होत। बाकि दोसर लोग खुशी के मारे जोर-जोर से चिलाए लगलन।13जबकि हल्ला ढेर जोड़ से हो रहल हल, एहिसे कोई नऽ बता सकलन हल कि कौन हल्ला कर रहलन हे आउर कौन रो रहलन हे। हल्ला एतना जादे हल कि दूर दराज के लोग भी एकरा सुन सकलन हल।
Bridge Connectivity Solutions Pvt. Ltd.