Exodus9
1तऽ यहोवा मूसा से कहलन, राजा भीर जा के ओकरा से कहऽ, “जे परमेश्वर यहोवा के हम इब्री आराधना करऽ ही, ऊ ई कहऽ हथन, कि हमर प्रजा लोगवन के जाय दऽ, कि ऊ हमर आराधना करतन।2नऽ तऽ, जदि तूँ उनका आजाद करे से मना करबऽ आउर उनका अपन दास के रूप में रखले रहबऽ,3हम यहोवा तोरा चेतावनी दे ही कि हम जल्दी ही तोर सभे पालतू जानवर पर एगो भयानक बेमारी भेज के ओकरा बेमार करम आउर ओकर बेमार कर के तोरा भयानक दंड देम। तोर घोड़ा, तोर, गदहा, ऊँट, तोर मवेशी, आउर भेड़-बकरियन पर मरी पड़त।4बाकि हम, यहोवा, इस्राएली लोग के पालतू जानवर के साथे मिस्री लोग से अलग व्यवहार करम। इस्राएली लोग के पालतू जानवर में से कोई भी नऽ मरतक।”5यहोवा बता देलन कि ऊ ई कखनी करतन। ऊ कहलन, “कल हम मिस्र के साथे ओही करम जे हम कहली हे।”6दूसरका दिन यहोवा अपन काहेकि के अनुसार रोग भेजलन, आउर मिस्रियन के सभे पालतू जानवर मर गेल, बाकि इस्राएलियन के पालतू जानवरवन में से कोई भी नऽ मरल।7राजा ई देखे लागी आदमी के भेजलन कि का होल हे, आउर ऊ ई देखके हैरान रह गेलन, कि इस्राएलियन के कोई भी जानवर नऽ मरल। बाकि जखनी ओखनी राजा के ई बता देलन, तऽ ऊ जिद्द पर अड़ल रहलन, आउर इस्राएलियन के जाय नऽ देलन।8तऽ यहोवा हारून आउर मूसा से कहलन, “भट्टी में से कुछ मुट्ठी राख लेलऽ। मूसा के ऊ राजा के सामने हवा में फेंक देवे के चाही।9राख सभे मिस्र देश में फैल जायत, काहेकि ऊ बारीक धूरी हे। देश में हर जगह, राख से चमड़ा पर घाव हो जायत, जे लाल हो जायत आउर लोग आउर जानवर दूनो पर फूट पड़त।”10येहिगुने ऊ भट्टी में से कुछ राख ले राजा के सामने खड़ा होलन। मूसा राख के हवा में उछला देलन। जईसही राख मिस्र के लोग आउर उनके जानवर दूनो पर गिरल, ऊ उनकर चमड़ा पर घाव कर देलक जे लाल हो गेल आउर फूट गेल।11काहेकि जादू करे वालन लोगवन के चमड़ा पर घाव हो गेल हल आउर सभे मिस्रियन के साथ, येहिसे ऊ मूसा के चुनौती नऽ दे सकलन।12बाकि यहोवा राजा के जिद्दी बनईले रहलन। ऊ मूसा आउर हारून के बात नऽ मानलन, जईसन यहोवा मूसा से कहलन हल, ओईसहीं होल। 13तऽ यहोवा मूसा से कहलन, “कल भोर के सवेरे उठिहऽ। आउर जा के राजा के सामने खड़ा हो जईहऽ आउर उनका से कहिहऽ कि यहोवा परमेश्वर, जिनकर इब्री लोग आराधना करऽ हथन, ई कहऽ हथन: 'हमर लोग के जाय दऽ जेकरा से ऊ जंगल में हमर आराधना कर सकतन।14जदि तूँ अईसन नऽ करबऽ, तऽ ई समय हम भयानक विपत्ति के योजना बना रहली हे, जे नऽ खाली तोर हाकिम आउर तोर बाकि लोग के, बलुक तूँ भी बड़ी दुखी हो जईबऽ, जेकरा से तूँ जानऽ लेवऽ कि हमर बराबरी करे वाला देउता दुनियाँ में कहूँ नऽ हथन।15येही घड़ी हम तोरा पर आउर तोर प्रजा पर अईसन भयानक बेमरियन पहुँचा सकली हे, जे तोर देश के बर्बाद कर देत।16बाकि हम तोरा जिन्दा रहे देली। हम तोरा जिन्दा येहिगुने रहे देली हे कि हम तोरा देखायम कि हम केतना बलशाली ही आउर हम सभे संसार में मशहूर हो जायम। 17तूँ अखनियो भी घमण्ड से काम कर रहल हे आउर हमर अादमी के जाय देवे से इनकार कर रहलऽ हे।18येहिगुने ई सुनऽ: कल येही घड़ी हम मिस्र में बर्फ के बड़का बड़का गोला गिरायम। मिस्र के पहिलका बार एगो देश बने से ले आज तक, कहियो अईसन भयानक तूफान नऽ आयेल हल जेतना ई आयेल हे।19येहिगुने तोरा सभे नौकरवन के सन्देश भेजे के चाही कि ऊ अपन पालतू जानवरवन आउर खेतवन में जे कुछ उनकर हे, ओकरा छिपा देतन। बर्फ हर ऊ आदमी आउर हर जानवर पर गिरत जे छिपावल नऽ गेल हे। ऊ सभे मर जायत।”20मूसा ओही कईलन जे यहोवा कहलन हल। राजा के कुछ हाकिम विश्वास कईलन आउर यहोवा जे कहलन हल ओकरा से डेरा गेलन। येहिगुने ऊ जल्दी से अपन सभे सेवक आउर जानवर के छिपेवाला जगह में ले अईलन।21बाकि जे यहोवा के बात पर विश्वास नऽ कईलन, ऊ अपन सेवकवन आउर जानवरवन के मैदान में छोड़ देलन।22तऽ यहोवा मूसा से कहलन, “अपन हाथ आसमान के तरप उठावऽ, कि बर्फ के गोला सभे मिस्र देशवा के लोग, जानवरवन आउर खेतवन के सभे फसल पर गिरत।”23तऽ मूसा अपन लाठी आसमान के तरप उठईलन, आउर यहोवा गरजन, बर्फ के गोला, आउर बिजली के साथे तूफान चलईलन। यहोवा पूरा मिस्र देश पर बर्फ के गोला गिरईलन।24जखनी बर्फ के गोला गिर रहल हल, बिजली चमक रहल हल। मिस्र के एगो देश बने से बाद से उहाँ एतना बड़का तूफान कहियो नऽ आयेल हल। 25मिस्र में सभे जगह बर्फ गिरल, जेकरा से बाहर मौजूद सभे चीज, जानवर, आदमी पर असर पड़ल। बर्फ खेतवा के पैदावार बर्बाद कर देलक आउर फलवन के पेड़वा के टुकड़ा कर देलक।26खाली गोशेन जगह में, जहाँ इस्राएली रहऽ हलन, बर्फ नऽ हल।27तऽ राजा मूसा आउर हारून के बोलावे ला भेजलन। ऊ उनका से कहलन, “ई बार हम ई कबूल करऽ ही हम पाप कईली हे। यहोवा धर्मी हथन जे कईलन ऊ ठीक हे, आउर हम आउर हमर प्रजा जे कईलक ऊ गलत हे।28यहोवा से प्रार्थना करऽ काहेकि ओकर गड़गड़ाहट आउर बर्फ भयानक हे! हम तोर आउर तोर प्रजा के जाय देम; अखनी तोहनी के मिस्र में रहे के जरुरत नऽ हे।”29मूसा जबाब देलन, “जईसही हम ई रामसेस शहर के बाहरे जायम, हम हाथ उठ के यहोवा से प्रार्थना करम। तऽ गड़गड़ाहट बंद हो जात आउर बर्फ नऽ गिरत। अईसन येहिगुने होत कि तूँ जानऽ लेवऽ कि यहोवा, तोर देउता नऽ हथन, ऊ धरती पर होवे वाला हर चीज के काबू कर हथन।30बाकि हम जानऽ ही, कि जखनी यहोवा परमेश्वर निकट आवऽ हथन, तईयो भी तूँ आउर तोर हाकिम नऽ काँपऽ हथन।”31जखनी बर्फ गिरल तऽ ई सन के बर्बाद कर देलक जेकरा में फूल लग रहल हल। ई जौ के भी बर्बाद कर देलक काहेकि एकर दाना पक चुकल हल।32बाकि ऊ गेहूँ के कोई भी किस्म के बर्बाद नऽ कईलन, काहेकि ऊ साल के अंतिम में उबजऽ हे।33येहिगुने मूसा राजा के छोड़ के नगर के बाहरे चल गेलन। ऊ यहोवा के तरप हाथ उठईलन आउर प्रार्थना कईलन। गड़गड़ाहट आउर बर्फीला तूफान बंद हो गेल। मिस्र के जमीन पर वर्षा भी रुक गेल।34बाकि जखनी राजा देखलन, कि वर्षा, बर्फीला तूफान, आउर गरजन बन्द हो गेल, तऽ ऊ फिरू पाप कईलन। ऊ आउर उनकर अधिकारियन खुद के जिद्दी बना लेलन।35येहिगुने जईसन यहोवा मूसा से कहलन हल, ओईसहीं राजा हठ पर अड़ल रहलन, आउर इस्राएलियन के जाय नऽ देलन।
Bridge Connectivity Solutions Pvt. Ltd.