Exodus7
1यहोवा मूसा के जबाब देलन, सुनऽ, हम तोरा परमेश्वर के जईसन राजा के सामने खड़ा करऽ ही, आउर तोर बड़का भाई हारून तोरा लागी भविष्यद्वक्ता के जईसन बात करतन।2जे कुछ हम तोरा सिखायम ऊ सभे तोरा अपन बड़का भाई हारून के बतावे ला हे, आउर ऊ राजा के सभे कुछ बतईतन। ओकरा राजा से काहेकि के चाही कि ऊ इस्राएलियन के अपन देश छोड़ देवे देतन।3बाकि हम राजा के हठी बनायम। ई कारण से हम ईहाँ मिस्र में बहुत तरह के चमत्कार करम, 4तईयो राजा तोर आज्ञा नऽ मानतन। तऽ हम मिस्रियन के बहुत कड़ा दण्ड देम, आउर अपन प्रजा इस्राएलियन के सेना बना के मिस्र से बाहरे ले आयेम।5एक बार जखनी हम इस्राएलियन के उनकर गुलाम होवे से बचा के ई साबित कर देम कि हमनी मिस्रियन केतना बलशाली ही, तऽ ऊ जानऽ लेतन कि हमहीं यहोवा ही।6मूसा आउर हारून ऊ सभे कुछ कईलन, जे यहोवा उनका करे ला कहलन हल।7जखनी परमेश्वर ओकरा मिस्र के राजा से बात करे ला भेजलन, तब मूसा 80 साल के आउर हारून 83 साल के हलन।8यहोवा मूसा आउर हारून से कहलन,9“जदि राजा तोरा से कहतन, 'हमरा देखावऽ, कि परमेश्वर कोई चमत्कार करे ला भेजलन हे, तऽ हारून से कहिहऽ, 'राजा के आगे अपन लाठी के नीचे गिरा दऽ, कि ऊ सांप बन जाय।”10येहिगुने हारून आउर मूसा राजा के भीर गेलन, आउर जईसे यहोवा ओकरा से करे ला कहलन हल ऊ ओईसहीं कईलन। हारून अपन लाठी के राजा आउर ओकर हाकिम लोग के सामने नीचे फेंक देलक, आउर ऊ एगो सांप बन गेल।11तऽ राजा अपन विद्वान आउर जादूगर के बोलईलन। ऊ अपन जादू से ओईसहीं कर देलक।12ऊ सभे अपन अपन लठियन नीचे फेंक देलक, आउर लाठी साँप बन गेल। तऽ हारून के साँप ओकर साँपवन के निंगल गेल!13बाकि, जईसन यहोवा कहलन हल, राजा कठोर बनल रहलन आउर हारून आउर मूसा के बात नऽ मानलन।14बाकि, यहोवा जईसन मूसा से कहलन हल, राजा बहुत कठोर हथन। ऊ हमर लोगवन के अपन देश से जाय से मना कर देलन।15येहिगुने जखनी ऊ भोरे-भोरे नील नदी के तरप जायत रहतन तऽ, जा के उनका से भेंट करऽ। नदी के किनारे पर ओकर इंतेजार करऽ ऊ लाठी के अपने साथे ले जा जे साँप बन गेल हल।16ऊ उनका से कहलन कि जौन परमेश्वर यहोवा के हमनी यहूदी उपासना करऽ ही ओही हमरा तोरा भीर ई काहेकि ला भेजलन हे कि, उनकर प्रजा के जाय दऽ, कि ऊ लोग जंगल में उनका उपासना करतन। बाकि तूँ अखनियो आज्ञा नऽ मान लऽ।17तऽ यहोवा ई कहऽ हथन: “ई तरह से तूँ जानवऽ कि हम यहोवा ही। बाहरे देखऽ! हम अपन हाथ में ले लेली, लाठी से नील नदी के पानी पर मारे जा रहली हे। जखनी हम अईसन करम, पानी खून बन में बदल जायत।18तऽ नील नदी के मछलियन मर जायत, आउर नदी के पानी से बदबू आवे लगत। मिस्र में रहे वालन नदी के पानी पीये ला पानी खोजते-खोजते थक जईतन।”19यहोवा मूसा के आगे कहलन, “तऽ हारून से कहऽ, कि अपन लाठी के मिस्र के समूचे पानी के ऊपरे, नदियन, नहरवन, तलाबवन आउर सभे पानी भण्डार के उपरे अईसे कर के रखले रहऽ, जईसे तूँ ओकरा पकड़ले हऽ, जेकरा से ऊ खून बन जायत जखनी हारून अईसन करतन, तऽ समूचे मिस्र में खून हो जायत ईहाँ तक कि लकड़ी आउर पत्थर के बर्तन में भी” 20येहिगुने हारून आउर मूसा ओही कईलन जे यहोवा उनका से करे ला कहलन हल। जखनी राजा आउर उनकर हाकिम देख रहलन हल, तऽ हारून अपन लाठी उठईलन, आउर नील नदी के पानी पर ओकरा से मारलन। नदी के समूचे पानी खून में बदल गेल।21तऽ नदी के सभे मछलियन मर गेल। पानी से एतना बदबू अईते हल कि मिस्री लोग नदी के पानी नऽ पी सकलन हल। मिस्र के समूचे पानी खून बन गेल हल। 22बाकि मिस्रियन जे जादू करऽ हलन, ऊ भी अपने जादू से ओईसहीं कईलन। येहिगुने, जईसन कि यहोवा कहलन हल, राजा जिद्द पर अड़ल रहलन आउर ऊ हारून आउर मूसा के बात नऽ मानलन।23तऽ राजा लौटके अपन महल में चल गेल, आउर ऊ एकरा बारे में आउर कुछ नऽ सोंचलन।24सभे मिस्रियन पानी पीये ला नील नदी के भीर जमीन खोदलन, काहेकि ऊ नदी के पानी नऽ पी सकलन हल।25जखनी यहोवा परमेश्वर नील नदी पर प्रहार कईलन, तब एगो सप्ताह बीत गेल हल।
Bridge Connectivity Solutions Pvt. Ltd.