Exodus6
1तऽ यहोवा परमेश्वर मूसा से कहलन, अखनी तूँ देखवऽ, कि जखनी मिस्र देश के राजा अपन प्रजा के नऽ जाय देतन, तऽ हम ओकरा साथे का करम। हम उनका अपन देश से भगावे लागी शक्तिशाली रूप से मजबूर कर देम!2परमेश्वर फिन मूसा से कहलन, “हम ही यहोवा परमेश्वर ही।3हम खुद के अब्राहम, इसहाक, आउर याकूब के सर्वशक्तिमान परमेश्वर के रूप देखईली हे, बाकि ऊ हमर नाम यहोवा के जईसन पूरा तरह से नऽ समझलन। 4हम भी उनका आशीर्वाद देवे ला तैयार ही हम उनका ऊ भूमि देवे ला वादा कईली हे जहाँ कनान के वंशज रहऽ हथन। ऊ, ऊ भूमि हे जेकरा में ऊ परदेशी के रूप रह रहलन हे।5फिन हम इस्राएलियन के ई शिकायत करते सुनली हे, मिस्रियन के इस्राएली गुलाम बनल हथन। हम सभे घड़ी ओखनी के हम याद करऽ ही कि हम कौची वादा कईली हल।6येहिगुने इस्राएलियन से कहऽ कि हम ई कहली हे कि हम यहोवा ही। हम मिस्रियन के बड़का दबाब तोरा पीठ से हटा देम, हम तोरा गुलामी से छोड़ा लेम। हम ओकरा भारी कठोर दण्ड दे के बहुते शक्तिशाली तरीका से तोरा बचा लेम। 7हम तोरा पर अपन खास प्रजा होवे ला दावा करम, आउर हम ऊ परमेश्वर रहम जिनकर तूँ आराधना करऽ हऽ। तूँ सच में जानऽ लेवऽ कि हम यहोवा तोर परमेश्वर ही, जे तोरा ऊ भारी बोझ से छोड़ावऽ ही, जे मिस्री तोरा से ढोबावऽ हथन।8हम तोरा ऊ देश में पहुँचायेम जेकरा देवे ला हम अब्राहम, इसहाक आउर याकूब से वादा कईली हल। हम ऊ तोरा दे देम आउर ई तोर हो जात हम यहोवा ई प्रतिज्ञा कर रहली हे।”9मूसा ई बात इस्राएलियन से कहलन, बाकि ऊ लोग उनकर बात पर विश्वास नऽ कईलन काहेकि ऊ निराश हो गेल हल आउर बड़ी मनी काम कर रहलन हल।10तऽ यहोवा मूसा से कहलन,11जा के मिस्र के राजा से कहऽ दऽ कि ऊ इस्राएलियन के अपन देश छोड़े ला आज्ञा देतन।12बाकि मूसा से यहोवा से कहलन, "जरुर, जदि इस्राएलियन जे कुछ हम ओखनी से कहली हे ओकरा पर धियान नऽ देतन, तऽ फिरौन भी जे कुछ ओकरा से कहम ओकर पर धियान नऽ देतन, हम तऽ बुरा बोले वाला ही।13बाकि यहोवा मूसा आउर हारून से बात कईलन आउर ऊ इस्राएलियन आउर मिस्र के राजा भीर जाय ला आज्ञा देलन कि मिस्र के गुलामी से छोड़यम।14ई मुख्य कुल के अगुवा हथन: याकूब के सभे से बड़का बेटा रूबेन के बेटा ई हथन। हनोक, पल्लू, हेस्रोन, आउर कर्म्मी।15रूबेन के कुल उनके वंशज हथन। शिमोन के बेटा ई हथन: यमूयेल, यामीन, ओहद, याकिन, सोहर, आउर शाऊल। शाऊल के माय कनान देश के एगो औरत हल। ऊ ऊ कुल के पूर्वज हल जेकर नाम एक जईसन हल।16सभे पीढ़ी के लेवी वंशज के नाम ई हे: गेर्शोन, कहात, आउर मरारी। जखनी लेवी मर गेलन तऽ ऊ 137 साल के हलन।17गेर्शोन के बेटा लिबनी आउर शिमी हल। ऊ सभे ऊ कुल के पूर्वज हलन जिनकर नाम ई सभे हे।18कहात के बेटा अम्राम, यिसहार, हेब्रोन आउर उज्जीएल हल। जखनी कहात कि मौत होल तऽ ऊ 133 साल के हलन।19मरारी के बेटा महली आउर मूशी हलन। ई ऊ कुलवन के पूर्वज हलन जे सभे पीढ़ी से लेवी के वंशज चलल।20अम्राम अपन पिता के छोटी बहिन योकेबेद फूफी से वियाह कईलन। ऊ हारून आउर मूसा के माय बनलन। अम्राम एक सौ सैंतीस साल जिन्दा रहलन।21यिसहार के बेटा कोरह, नेपेग, आउर जिक्री हल।22उज्जीएल के बेटा मीशाएल, एलसाफान, आउर सित्री हल।23हारून एलीशेबा से वियाह कईलन। ऊ अम्मीनादाब के बेटी आउर नहशोन कि बहिन हलन। एलीशेबा नादाब, अबीहू, एलीआजर आउर ईतामार के जनम देलन।24कोरह के बेटा अस्सीर, एल्काना, आउर अबीआसाप हल। ऊ कोरहियन लोगवन के पूर्वज होलन।25हारून के बेटा एलीआजर पूतीएल के एक बेटी से वियाह कर के, आउर ओकरा से पीनहास के जनम देलन। ई सभे पीढ़ी में लेवी के वंशज के अगुवा हलन।26हारून आउर मूसा ऊँही हलन। जिनका से यहोवा कहलन, सभे इस्राएलियन के सेना के टुकड़ियन संगठित कर के मिस्र से निकाल ले आवऽ।27मूसा ओही हलन, जौन इस्राएलियन के मिस्र से निकाले लागी मिस्र के राजा से बात कईलन हल।28जौन दिन यहोवा मिस्र में मूसा से बात कईलन।29ऊ मूसा से कहलन, “हम यहोवा परमेश्वर ही। जे कुछ हम तोरा से कहली हे ऊ सभे मिस्र के राजा फिरौन के बतावऽ।”30बाकि मूसा यहोवा से कहलन, “कृपया हमर बात सुनऽ। हम बढ़ियाँ बोले वाला नऽ ही। तऽ फिन राजा हमर बात कईसे मानतन?”
Bridge Connectivity Solutions Pvt. Ltd.