Exodus24
1तऽ यहोवा मूसा से कहलन; “तूँ आउर हारून आउर ओकर बेटा नादाब आउर अबीहू, हमरा भीर ई पहाड़ पर आवऽ। इस्राएल के सत्तर पुरनियन के भी साथे ले अईहऽ। तूँ सभे सही दूरी रह के हमर आराधना करिहऽ।2हे मूसा, तूँ अकेलहीं यहोवा भीर अईहऽ। दोसरा लोगवन हमर भीर नऽ अईतन, आउर बाकि लोग तोरा साथे पहाड़ पर नऽ चढ़तन।”3मूसा जा के लोगवन से ऊ सभे बात बता देलन जे यहोवा कहलन हल। आउर जे कुछ आज्ञा देलन हल। सभे लोगवन एक साथे जबाब देलन, “हम ऊ सभे करम जे यहोवा हमनी के करे लागी कहलन हे।”4तऽ मूसा ऊ सभे कुछ लिख देलन जे यहोवा आज्ञा देलन हल, मूसा अगले सुबह भोरे उठ के आउर पहाड़ के नीचे वेदी बनईलन ऊ बारा गो पत्थर खड़ा कईलन जे सभे इस्राएली गोत्रवन ला हल।5तऽ मूसा कुछ जवान इस्राएली मरद के यहोवा ला होमबलि करे ला आउर यहोवा के साथे के सम्बन्ध के वचन देवे ला कुछ बैलवन के बलि चढ़ावे ला देलन।6मूसा जानवर के आधा खून लेलन जे ओकरा मारलन हल आउर कटोरा में रख देलन आउर खून के दूसरका भाग ऊ वेदी पर बिग देलन।7तऽ ऊ पुस्तक के जोर आवाज में पढ़ के जेकरा में ऊ ई सभे कुछ लिखल हल जेकर वादा यहोवा आउर लोग एक दूसरा से कहऽ रहलन हल ताकि सभे लोग ऊ सुन लेतन। तऽ सभे लोग कहलन, "हम ई सभे कुछ करम जे यहोवा हमनी से करे ला कहलन हे। हमनी सभे बात मानम।8तऽ मूसा कटोरवन में खून लेके लोगवन पर फेंक देलन। ऊ कहलन, "ई ऊ वाचा के खून हे जे साबित करऽ हे कि यहोवा तोरा से का सहमत हथन, जे तोहनी अखनी सुनल आउर सहमत होलऽ हे। 9तऽ मूसा आउर हारून, नादाब, अबीहू, आउर सत्तर इस्राएलियन के पुरनियन पहाड़ पर चढ़ गेलन।10आउर ऊ परमेश्वर के दर्शन कईलन, जिनकर इस्राएली उपासना करऽ हलन उनकर गोड़ के तरे नीलमणि नाम के नीला पत्थर से बनल फूटपात जईसन कुछ हल। ऊ एतना साफ हल जेतना बादल नऽ होवऽ हे बाकि आसमान होवऽ हे।11ऊ इस्राएली पुरनियन के कोई हानि नऽ पहुँचईलन बलुक ऊ उनकर दर्शन कईलन हल। ऊ परमेश्वर के दर्शन कईलन आउर एक साथे खईलन पियलन।12तऽ यहोवा मूसा से कहलन, ई पहाड़ के चोटी पर हमरा भीर आवऽ। आउर ऊहें रहऽ। हम तोरा पत्थर के पटिया, आउर व्यवस्था आउर अपन आज्ञा देम जे हम लिखली हे, जेकरा से कि तूँ ओकरा लोग के सिखईवऽ।13तऽ मूसा अपन सहयोगी यहोशू के साथ गेलन, ऊ पहाड़ पर चढ़ गेलन जहाँ परमेश्वर हलन।14मूसा पुरनियन से कहलन, "हमरा आवे तक येही रुकिहऽ। ई मत भूलईहऽ कि हारून आउर हूर तोरा साथ रहतन येहिगुने जदि कोई हमरा जाय के बाद अपन पड़ोसी से बकझक करतन, तऽ ऊ उनका भीर जा सकलन हे आउर ऊ उनकर न्याय करतन।15तऽ मूसा दूसरा राह से पहाड़ पर चढ़ गेलन, आउर बादल पहाड़ के झाँक लेलक।16यहोवा के इंजोर पहाड़ पर उतर आयेल आउर बादल छौ दिन तक ओकरा पर छायल रहल। सतमा दिन यहोवा बादल के बीच में से मूसा के बोलईलन।17इस्राएलियन के यहोवा के इंजोर आग के जईसन देखाय देलक, जे पहाड़ के चोटी के भसम कर रहल हल18मूसा पहाड़ के चोटी पर बादल में प्रवेश कईलन आउर चालीस दिन आउर रात ला ऊँही रहलन।
Bridge Connectivity Solutions Pvt. Ltd.