Exodus25
1यहोवा मूसा से कहलन,2"इस्राएलियन से कहऽ, कि जे कोई चाहतन ऊ हमर चढ़ावा देतन। तूँ हमरा ला उनकर चढ़ावा पईवऽ।3अईसन चढ़ावा जे तोरा ओखनी से लेवे के चाही: सोना, चाँदी, पीतल,4नीला रंग के कपड़ा, बैंगनी रंग के कपड़ा, चमके वाला लाल रंग के कपड़ा, बढ़ियाँ, मखमल, बकरी के बाल से बनल कपड़ा,5लाल मेढ़वन के खाल, बढ़ियाँ चमड़ा के खाल, बबूल के पेड़वन के कड़ा लकड़ी।6दीया में जरावे ला जैतून के तेल, जैतून के साथे मिलावे ला मसाला, पुरोहितवन के अभिषेक करे ला तेल, आउर सुगन्ध-द्रव्य, वाला धूप में मिलावे वाला मसाला।7पुरोहित के पवित्र अंगोछा पर लगावे ला आउर अंगोछा से जुड़ल संदूक के थैली पर लगावे ला सुलैमानी पत्थर आउर दोसरा बेसकीमती मणि।8लोगवन के हमरा ला एगो पवित्रस्थान बनावे के चाही, कि हम ओकरा में ओखनी के बीच में रह सकम।9ऊ हमर मंडप आउर ओकरा भीतर जे कुछ भी इस्तेमाल में लावल जईतक, ठीक ओही योजना के अनुसार बनावे के चाही जे हम तोहनी के देखायम।10लोगवन से बबूल के लकड़ी के एगो पवित्र संदूक बनवईहऽ। ओकरा 125 लम्बा आउर 75 सेंटीमीटर चौड़ा आउर 75 सेंटीमीटर ऊँचा बनावे के चाही।11संदूक के भीतरे आउर बाहरे शुद्ध सोना से मढ़वईहऽ, आउर ओकर चारो पट्टी सोना के बाड़ा लगईहऽ।12आउर सोना के चारगो कड़ा बनवा के संदूक के चारो गोड़िया पर लगईहऽ, छाती के दूनो पट्टी दू दूगो कड़ा रखिहऽ।13बबूल के दू लकड़ी के दू डंडा बनवईहऽ, आउर ऊ सोना से मढ़वईहऽ।14डंडा के सन्दूक के बगल के कड़ा में डालिहऽ, कि लेवी संदूक के डंडा के द्वारा उठा सकतन।15डंडा के संदूक के कड़वा में हमेशा ला लगल रहे दिहऽ; डंडा के कड़ा से बाहरे मत निकालिहऽ।16जे पत्थर के पटिया हम तोरा देली हे, आउर जेकरा पर हम अपन 10 गो आज्ञा लिखली हे, ओकरा संदूक के भीतरे रखिहऽ।17फिन संदूक चोखा सोना के ढक्कन बनवईहऽ, जे 125 सेंटीमीटर लम्बा आउर 175 सेंटीमीटर चौड़ा होत। 18ढक्कन के दूनो छोर पर सोना के हथौड़ा से ठोक के दूगो करुब के आकार बना दिहऽ। 19पवित्र संदूक के ढक्कन के दूनो छोर पर सोना के पंखधारी करुब बनवईहऽ। एक छोर पर एगो आउर दूसरका छोर पर दूसरा।20करुब के पंख फैलल रहे के चाही आउर ढक्कन के झाँके ला ऊपर के तरप बढ़े के चाही। ओकरा एक दूसरा के सामने रहे के चाही, संदूक के ढक्कन के सामने होवे के चाही जे ओकरे बीच में हे।21जे व्यवस्था के पत्थर के पटिया हम तोरा दे ही ओकरा पवित्र संदूक के भीतरे रखिहऽ फिन ढक्कन के संदूक के ऊपरे रखिहऽ।22हम उहाँ तोरा से बातचीत करे के समय ठहरायम, हम तोरा अपन सभे आज्ञा बतायम कि तूँ इस्राएलियन के पवित्र संदूक के ढक्कन के ऊपरे से, ऊ दूनो करुबवन के बीच से आज्ञा दिहऽ। जे ऊ पवित्र संदूक के ऊपर हे जेकरा में हमर व्यवस्था के पटरवन हे।23बबूल के लकड़ी के एगो मेज बनवईहऽ। ई एक मीटर लम्बा आधा मीटर चौड़ा आउर तीन चौथाई मीटर ऊँचा होवे के चाही।24मेज के शुद्ध सोना से मढ़े ला हे। आउर ओकर चारो पट्टी सोना के बाड़ा लगईहऽ।25ओकर चारो पट्टी आठ सेंटीमीटर चौड़ा एगो किनारी बनवईहऽ, आउर किनारी के चारो तरप सोना के बाड़ा बनवईहऽ। 26सोना के चारगो कड़ा बनवईहऽ, ओकरा मेज के चारो कोना पर बाँध दिहऽ। सभे अंगूठी सभे मेज के गोड़ के नगीच होवे के चाही।27कड़ा भीर उनकर मेज ले जाय लागी डंडा के पकड़े ला होत।28बबूल के लकड़ी के दूगो डंडा बनवईहऽ आउर ओकरा सोना से मढ़वईहऽ, मेज ले जाय ला ओकरा इस्तेमाल करिहऽ।29आउर पुरोहित के हमरा ला दाखमधु उझले ला बर्तन, प्याला, घड़ा आउर कटोरा भी बनवईहऽ ऊ सभे के शुद्ध सोना से बनवईहऽ।30मेज पर रोजदिन रोटी हमरा ला परोसिहऽ। 31शुद्ध सोना हथौड़ा से पिट के एगो दीवट बनवईहऽ। एकर पेंदी आउर डंडा बनावे ला सोना के एगो बड़का गांठ ठोक ला हे। ऊ गांठ से फूलवन के कलियन आउर पंखुड़ियन जे ओकरा सजाव हे से प्याला बनवईहऽ32दीवट पर छौगो डाली रहत, आउर डंडा के दूनो तरप तीन-तीन गो डाली रहत।33सभे डाली पर तीन सोना के प्याला होत जे बादाम के फूलवन के जईसन जनायत, फूलवन के कलियन आउर पंखुड़ियन होत अईसन दीवट के कुल छौगो डालियन ला करिहऽ।34दीवट के डंडी पर बादाम के फूल के जईसन चारगो फूल के घूच्चा रहत, आउर एक एक में फूल के कलियन आउर पंखुड़ियन होवे।35हर दूगो डालियन के नीचे एगो फूल के कली बनावऽ। एकरा डालियन के सभे जोड़ा के साथे जोड़ दिहऽ जईसे कि ऊ एकरा से बढ़ते रहत, दीवट के सभे छोगो डालियन येही तरह से बनावऽ।36ई सभे कलियन आउर डंठल के साथे शुद्ध सोना के एगो बड़ा टुकड़ा के हथौड़ी से पीट के तराशऽ।37आउर सातगो दीया बना के दीवट पर रख दिहऽ कि ओकर इंजोर ओकर चारो तरप चमकत।38शुद्ध सोना के चिमटा बनावऽ जेकरा से जरल बत्तियन के हटावल जाय, आउर थालियन भी बनावल जाय, जेकरा में जरल बत्ती रखल जाय।39दीवट, चिमटा, आउर थाली बनावे ला तैंतीस किलोग्राम शुद्ध सोना के इस्तेमाल करल जाय। 40ई चीजवन के ऊ निर्देश के अनुसार बनावे ला तय करिहऽ जे हम तोरा ईहाँ ई पहाड़ पर दे रहली हे।
Bridge Connectivity Solutions Pvt. Ltd.