Exodus23
1अदालत में झूठा बात नऽ बोलिहऽ। अन्यायी के गवाह बन के दुष्ट के सहायता नऽ करिहऽ।2अईसन लोग के झुण्ड में शामिल नऽ होईहऽ जे कुछ बुरा करे के योजना बना रहलन हे। ऊ जे झूठ बोलऽ हथन ओईसन झूठ मत बोलिहऽ। जे न्यायाधीश के सही फैसला सुनावे से रोकऽ हे।3अदालत में केकरो खाली येहिगुने पक्ष मत लिहऽ काहेकि ऊ गरीब हे।4जदि तोरा केकरो भटकल बैल चाहे गधा घूमते देखाय पड़त, तऽ ओकरा ओकर मालिक भीर लौटा दिहऽ, चाहे ओकर मालिक तोर दुश्मन काहे नऽ होवे।5जदि तूँ केकरो गधा देखिहऽ, जे भारी वजन से नीचे गिर गेल हे, तऽ गधा के उठावे में ओकर मालिक के मदत करिहऽ, चाहे ऊ तोरा से दुश्मनी रखे वाला ही काहे नऽ रहतन। ओकर मदत कईले बिन अईसहीं नऽ चल जाय के चाही।6जे गरीब लोगवन पर मुकदमा चल रहल हे, ओकर मुकदमा के फैसला ओही न्याय से करतन, जईसे ऊ दोसरा लोगवन के मामला में करऽ हथन।7दूसरा के धोखा नऽ दिहऽ। बेकसूर आउर धर्मी लोग के घात मत करिहऽ चाहे सीधा लोगवन के मत मारिहऽ, काहेकि हम ई नऽ कहम कि बुरा लोगवन बढ़ियाँ होवऽ हथन।8घूंस नऽ लिहऽ, काहेकि जे बढ़ियाँ न्याय करे वाला घूंस ले हथन, ऊ बुद्धि से न्याय नऽ कर हथन, आउर जे धर्मी हथन ओकर खिलाफ में अन्याय से न्याय करऽ हथन। 9जे परदेशी तोरा बीच में रह रहलन हे ओकरा साथे बुरा व्यवहार नऽ करिहऽ, तूँ जानऽ हऽ कि विदेशी हमेशा कईसन महसूस कर हथन, काहेकि तूँ मिस्र में विदेशी बन के रहलन हल।10छौ बरस तक अपन जमीन में बीज रोपिहऽ आउर उपजल फसल जमा करिहऽ।11बाकि सतमा साल में तोरा परीत जमीन छोड़े पड़त। अपन गरीब परदेशी के जे अपने आप उबजऽ हे, खाय के आज्ञा दिहऽ जे कुछ बच जाय ऊ जंगली जानवर के खाय ला होवऽ हे। येही काम अपन अंगूर के लत्तड़ आउर जैतून के पेड़ के साथे भी करिहऽ।12तूँ हर सप्ताह छौ दिन काम कर सकलऽ हे बाकि सतमा दिन तोरा आराम करे के चाही आउर काम नऽ करे के चाही, आउर अईसे कर के तोर बैल आउर गधा भी आराम करे। आराम के दिन तोर दास आउर तोरा साथे रहे वाला परदेशी भी आराम करतन।13अईसन करऽ कि जे कुछ हम तोहनी के करे ला आज्ञा देली ओकरा पालन करिहऽ, दोसरा देऊतवन के आराधना मत करिहऽ, ओकर नाम भी मत लिहऽ।14हर साल तोरा हमरा आदर करे ला तीन गो परव मनावे ला हे। 15अखमीरी रोटी के परव ओईसहीं मनावे ला हे, जईसे हम तोरा सिखईली हे, अबीब नाम के महीना में सात दिन तक अखमीरी रोटी खाय ला हे, हम ई समय येहिगुने बनईली हे काहेकि ई ऊ महीना हे जब तोहनी सभे मिस्र छोड़ल हल। बिना भेंट लईले हमर आराधना करे ला नऽ आवे के चाही।16दूसरका परव बसंत ऋतू हे, फसल के परव ऊ परव के घड़ी तोरा अपन फसल के पहिला भाग हमरा अर्पित करे ला हे जे तोरा रोपल गेल बीज से फसल उगल हे।
तिसरका परव हे तैयार फसल के परव। ऊ साल के अंतिम में होत, जखनी तूँ अपन हाथ से रोपल गेल सभे चीजवन के कटनी पूरा कर लेवऽ।17सभे साल ई तीनो बार सभे परव हम प्रभु यहोवा के उपासना करे ला जमा होत।18जे रोटी तूँ खमीर से बनईलऽ हे ओकरा जानवर बलि के खून के साथे खून नऽ करे के चाही, ऊ जानवरवन के चरबियन के दूसरा भोर तक अपन भीर नऽ रखिहऽ, जे तूँ हमरा परव में बलि चढ़ईलऽ हल ओकरा पूरा-पूरा जला देवे के हे।19हर साल जखनी तूँ अपन पहिला फसल काटऽ हऽ, तऽ जे कुछ तूँ काटऽ हऽ, ओकर सभे से बढ़ियाँ भाग पहले ऊ जगह पर ले जईहऽ, जहाँ तूँ हमरा दण्डवत करऽ हऽ, आउर ओकरा हमरा, अपन परमेश्वर यहोवा के दे दिहऽ। जखनी तूँ किसी छोटका जानवर के मारऽ, तऽ ओकरा ओकर माय के दूध में उबालके नऽ पकावऽ।20देखऽ! हम तोर आगे एगो दूत भेजम जे तोर यात्रा में तोर रक्षा करतन, आउर हम तोरा ऊ जगह तक ले जायम जे हम तोर लागी तैयार कईली हे।21उनकर आदर करिहऽ आउर उनकर आज्ञा मानिहऽ। उनका गोस्सा नऽ देलावऽ, काहेकि तोर पाप मांफ नऽ करतन, काहेकि हमर अधिकार आउर उनकर मौजूदगी ओकरा में हे।22बाकि जदि तूँ उनकर आदेसवन बढ़ियाँ तरह से मानवऽ तऽ हमर दूत तोर आगे आगे चलतन, आउर तोरा उहाँ ले जईतन जहाँ अमोर, हित्त, परिज्ज, कनान, हिव, आउर यबूस लोगवन के झुण्ड रह हे आउर हम ओकरा सत्यानाश कर देम।23तब हमरा दूत तोर आगे आगे चलतन, आउर तोरा उहाँ ले जईतन जहाँ एमोरी, हित्त, परिज्ज, कनान, हिव्व, आउर यबूस लोगवन के झुण्ड रह हे आउर हम ओकरा पूरा तरह से सत्यानाश कर देम।24ओकर देऊतवन के सामने नऽ झुकिहऽ आउर नऽ ओकरा दण्डवत करिहऽ आउर ऊ काम नऽ करिहऽ जे ऊ सोंच हथन कि ओकर देउता ओकरा से करावे ला चाहऽ हे। बलुक ओकर देऊतवन के बर्बाद कर दिहऽ आउर ओकर पवित्र पत्थलवन के टुकड़ा-टुकड़ा कर दिहऽ।25तोहनी के हमरा मतलब अपन यहोवा परमेश्वर के आराधना करे के चाही, जदि तूँ अईसन करवऽ तऽ हऽ, हम तोरा भोजन आउर पानी पर आशीष करम आउर तोरा बेमार होवे से बचायेम।26तोर देश में कोई औरत के गर्भपात नऽ होत आउर नऽ कोई औरत बाँझ होत। हम तोरा जादे दिन तक जिये के योग्य बनायेम।27हम तोरा आगे आगे चलम आउर जौन समाज के देश में तूँ जाय वाला हऽ ऊ समाज के भयभीत आउर बेचैन कर देम, जखनी तूँ अपन दुश्मन से लड़वऽ, तऽ हम ओकरा तोरा से दूर भगा देम।28हम तोर आगे आगे ततैया भेजम जे हिव्व, कनान आउर हित्त लोगवन के समूहवन के तोर देश से निकाल देतन।29हम ऊ सभे के एक बरस से नजदीक समय में नऽ हटायम, जदि हम अईसन करम तऽ तोर देश उजाड़ हो जात, आउर उहाँ बहुत जंगली जानवर हो जायेत जे तोरा पर हमला करत।30हम ऊ लोगवन के समूह के धीरे-धीरे एक-एक कर के तनी-तनी कर के हटईते रहम जहिया ला कि तोर लोगवन के गिनती नऽ बढ़ जायेत, आउर तूँ देश भर में आजाद रहे के लायक नऽ हो जईवऽ।31तोर देश के बाड़ा दक्खिन, पूरुब में लाल सागर से ले उत्तर पच्छिम में पलिश्तियन के कब्जा वाला भूमध्य सागर तक आउर देश के उत्तर से पूरुब में दक्खिन पच्छिम में सीनै के जंगल से फरात नदी तक बना देम। हम तोरा रहे वाला लोगवन के हटावे के शक्ति देम ताकि जखनी तूँ देश के जादे हिस्सा पर कब्जा कर लेवऽ तऽ अईसहीं ओकरा हटा देवऽ।32तोरा ऊ लोगवन के साथे चाहे ओकर देऊतवन के साथे वाचा नऽ बाँधे के चाही।33ऊ लोग के अपन देश में नऽ रहे दिहऽ, अईसन नऽ होवे कि ऊ तोहनी के अपन देऊतवन के आराधना करावे ला फुसला के हमरा विरोध पाप करईतन।
तिसरका परव हे तैयार फसल के परव। ऊ साल के अंतिम में होत, जखनी तूँ अपन हाथ से रोपल गेल सभे चीजवन के कटनी पूरा कर लेवऽ।17सभे साल ई तीनो बार सभे परव हम प्रभु यहोवा के उपासना करे ला जमा होत।18जे रोटी तूँ खमीर से बनईलऽ हे ओकरा जानवर बलि के खून के साथे खून नऽ करे के चाही, ऊ जानवरवन के चरबियन के दूसरा भोर तक अपन भीर नऽ रखिहऽ, जे तूँ हमरा परव में बलि चढ़ईलऽ हल ओकरा पूरा-पूरा जला देवे के हे।19हर साल जखनी तूँ अपन पहिला फसल काटऽ हऽ, तऽ जे कुछ तूँ काटऽ हऽ, ओकर सभे से बढ़ियाँ भाग पहले ऊ जगह पर ले जईहऽ, जहाँ तूँ हमरा दण्डवत करऽ हऽ, आउर ओकरा हमरा, अपन परमेश्वर यहोवा के दे दिहऽ। जखनी तूँ किसी छोटका जानवर के मारऽ, तऽ ओकरा ओकर माय के दूध में उबालके नऽ पकावऽ।20देखऽ! हम तोर आगे एगो दूत भेजम जे तोर यात्रा में तोर रक्षा करतन, आउर हम तोरा ऊ जगह तक ले जायम जे हम तोर लागी तैयार कईली हे।21उनकर आदर करिहऽ आउर उनकर आज्ञा मानिहऽ। उनका गोस्सा नऽ देलावऽ, काहेकि तोर पाप मांफ नऽ करतन, काहेकि हमर अधिकार आउर उनकर मौजूदगी ओकरा में हे।22बाकि जदि तूँ उनकर आदेसवन बढ़ियाँ तरह से मानवऽ तऽ हमर दूत तोर आगे आगे चलतन, आउर तोरा उहाँ ले जईतन जहाँ अमोर, हित्त, परिज्ज, कनान, हिव, आउर यबूस लोगवन के झुण्ड रह हे आउर हम ओकरा सत्यानाश कर देम।23तब हमरा दूत तोर आगे आगे चलतन, आउर तोरा उहाँ ले जईतन जहाँ एमोरी, हित्त, परिज्ज, कनान, हिव्व, आउर यबूस लोगवन के झुण्ड रह हे आउर हम ओकरा पूरा तरह से सत्यानाश कर देम।24ओकर देऊतवन के सामने नऽ झुकिहऽ आउर नऽ ओकरा दण्डवत करिहऽ आउर ऊ काम नऽ करिहऽ जे ऊ सोंच हथन कि ओकर देउता ओकरा से करावे ला चाहऽ हे। बलुक ओकर देऊतवन के बर्बाद कर दिहऽ आउर ओकर पवित्र पत्थलवन के टुकड़ा-टुकड़ा कर दिहऽ।25तोहनी के हमरा मतलब अपन यहोवा परमेश्वर के आराधना करे के चाही, जदि तूँ अईसन करवऽ तऽ हऽ, हम तोरा भोजन आउर पानी पर आशीष करम आउर तोरा बेमार होवे से बचायेम।26तोर देश में कोई औरत के गर्भपात नऽ होत आउर नऽ कोई औरत बाँझ होत। हम तोरा जादे दिन तक जिये के योग्य बनायेम।27हम तोरा आगे आगे चलम आउर जौन समाज के देश में तूँ जाय वाला हऽ ऊ समाज के भयभीत आउर बेचैन कर देम, जखनी तूँ अपन दुश्मन से लड़वऽ, तऽ हम ओकरा तोरा से दूर भगा देम।28हम तोर आगे आगे ततैया भेजम जे हिव्व, कनान आउर हित्त लोगवन के समूहवन के तोर देश से निकाल देतन।29हम ऊ सभे के एक बरस से नजदीक समय में नऽ हटायम, जदि हम अईसन करम तऽ तोर देश उजाड़ हो जात, आउर उहाँ बहुत जंगली जानवर हो जायेत जे तोरा पर हमला करत।30हम ऊ लोगवन के समूह के धीरे-धीरे एक-एक कर के तनी-तनी कर के हटईते रहम जहिया ला कि तोर लोगवन के गिनती नऽ बढ़ जायेत, आउर तूँ देश भर में आजाद रहे के लायक नऽ हो जईवऽ।31तोर देश के बाड़ा दक्खिन, पूरुब में लाल सागर से ले उत्तर पच्छिम में पलिश्तियन के कब्जा वाला भूमध्य सागर तक आउर देश के उत्तर से पूरुब में दक्खिन पच्छिम में सीनै के जंगल से फरात नदी तक बना देम। हम तोरा रहे वाला लोगवन के हटावे के शक्ति देम ताकि जखनी तूँ देश के जादे हिस्सा पर कब्जा कर लेवऽ तऽ अईसहीं ओकरा हटा देवऽ।32तोरा ऊ लोगवन के साथे चाहे ओकर देऊतवन के साथे वाचा नऽ बाँधे के चाही।33ऊ लोग के अपन देश में नऽ रहे दिहऽ, अईसन नऽ होवे कि ऊ तोहनी के अपन देऊतवन के आराधना करावे ला फुसला के हमरा विरोध पाप करईतन।
Bridge Connectivity Solutions Pvt. Ltd.