Exodus2
1अखनी एगो आदमी हलन जे याकूब के बेटा लेवी के वंश में एगो आदमी हलन। ऊ औरत से शादी कईलन जे लेवी के वंशज से हल।2ऊ औरत गर्भवती होल आउर एगो लड़का के जनम देलक। जखनी ऊ देखलन कि बच्चा एकदम तंदुरुस्त हे, तऽ ऊ ओकरा जिन्दा रखे ला चाहलन येहिगुने ओकरा तीन महीना ला छिपा के रखलन।3जखनी ऊ ओकरा जादे दिन ला छिपावे में असमर्थ हो गेलन, तऽ ऊ ओकरा ला सरकंडा के एगो टोकरी लेके ओकरा पर चिकन मिट्टी आउर अलकतरा लगा देलन, जेकरा से ऊ पानी में छहला सकत। ओकरा में बच्चा के रख के नील नदी के किनारे कुश के बीच में छोड़ देलन।4ओकर बड़की बहिन ओकर पीछही छिप के देखे लगल कि ओकरा साथे का होवत ओही समय में राजा के बेटी नहाय ला नदी में गेल, ओकर दासी नदी के किनारे ही आस पास घूम रहल हल, राजा के बेटी लमहर कुश भीर एगो टोकरी के देखलक।5येहिगुने ऊ टोकरी लावे ला दासियन में से एगो दासी के भेजलन, जखनी दासी ओकरा लईलक त राजा के बेटी ओकरा ले लेलक 6आउर तब ऊ ओकरा खोल के देखलक आउर हैरान हो गेल, ओकरा में बच्चा के रोते देखलक। उनका ओकरा पर तरस आ गेल आउर कहलक, “ई तऽ जरुर इब्री के लईका होत”7तब लईका के बड़की बहिन इधर अईलक जहाँ राजा के बेटी हल आउर कहलक, “कि का हम जा के इब्री औरतियन में से कोई दाई के तोरा भीर बुला लाऊँ जे तोरा ला लईका के दूध पिलइते रहतक?”8राजा के बेटी ओकरा से कहलक, "हाँ, जा आउर बुला लाव" तब लड़की जा के लईका के माय बुला लईलक जेकरा से ऊ राजा के बेटी भीर अईलक।9राजा के बेटी ओकर माय से कहलक, “कृपा कर के ई बच्चा के ले जा आउर हमरा ला एकरा सेवा करऽ, ई काम ला तोरा मजूरी देम।”10जहिया ऊ बड़ा होल, तऽ ओकर माय राजा के बेटी भीर ले अईलक, ऊ ओकरा ले लेलक आउर कहलक, “हम एकरा पानी में से निकाल के लईली हे येहिगुने हम एकर नाम मूसा रखम।” 11ऊ दिन अईसन होल कि जहिया मूसा जवान होलन, आउर बाहरे अपन भाई बंधुअन भीर जा के उनकर कड़ा मेहनत के देखे ला अपन महल से बाहर गेलन। ऊ देखलन कि एगो मिस्री आदमी हमर अादमी के मार रहल हे।12मूसा एन्ने-ओन्ने ताकलन कि कोई नऽ हे, तऽ ऊ मिस्री आदमी मार देलन आउर बालू में गाड़ देलन।13दूसरका दिन ऊ फिरू बाहर गेलन। ऊ दूगो इब्री आदमी के एक दूसरा से झगड़ते देखके अचरज कईलन। ऊ आदमी से कहलन, “काहे तूँ झगड़ रहलऽ हे, तूँ अपन इब्री साथी के काहे मार रहलऽ हे?”14ऊ आदमी ओकरा से कहलन, “कौन तोरा हमरा पर हुकुम चलावे ला कहलन हे, तूँ अईसन नऽ सोंचऽ कि जईसे कल तूँ मिस्री के मारलऽ हे ओईसहीं का तूँ हमरो मार देवऽ?”
तऽ मूसा डेरा गेलन, कारण ई कि सोंचलन, “जे हम कईली हे सभे लोग जानऽ गेलन हे!”15जखनी राजा सुनलन कि मूसा एगो मिस्री के मार देलन हे, ऊ अपन सिपहियन के मूसा के मारे के आज्ञा देलन, तब मूसा राजा भीर से भाग गेलन आउर मिस्र देश के छोड़ देलन, ऊ पूरुब के तरप मिद्यान देश में यात्रा कर के आउर ऊहाँ रहे लगलन। एक दिन मूसा एगो कुईयाँ के बगल में बैठल हलन, 16सातगो औरतियन कुईयाँ पर अईलन। ऊ सभे औरतियन मिद्यान के याजक के बेटी हल। ऊ पानी लईलक आउर एक-एक कर के अपन पिता के भेड़ आउर बकरियन लागी पानी भरे लगल।17कुछ चरवाहा आयेल आउर ओखनी के भगावे लगल बाकि मूसा खड़ा होलन आउर यित्रो के बेटियन बचईलन आउर ओकर भेड़ बकरियन के पानी पिलावे में मदत कईलन।18जखनी यित्रो के सब बेटी घर लौटल, ओकर पिता यित्रो के लोग रुएल कहऽ के बोलावऽ हलन, तऽ ऊ ओखनी से कहलन, "तूँ कईसे भेड़ियन के देख भाल कर के आज जल्दी लौट अईलऽ?"19ऊ जबाब देलन, "एगो अादमी जे मिस्र के हलन हमनी के चरवाहा के हाथ से छुड़ा लेलन ऊ हमरा ला कुईयाँ से पानी लईलन आउर भेड़वन के पानी देलन।"20ऊ अपन बेटियन से कहलन कि तूँ कुईयाँ पर उनका छोड़ देलऽ हे, तूँ ऊ आदमी के नऽ लईलऽ हे जिनका हम स्वागत करती हल। ऊ अतिथि लागी कुछ करती हल, उनका बोला लावऽ जेकरा से कि ऊ हमरा साथ खाना खईतन! येहिगुने ऊ अईसहीं कईलन आउर मूसा ओखनी के साथे भोजन कईलन।21यित्रो मूसा के साथे रहे लागी अपन परिवार के साथे रहे लागी बोलईलन आउर मूसा ई बात के मान लेलन। यित्रो अपन बेटी सिप्पोरा के उनकर मेहरारू होवे लागी दे देलन।22जखनी ऊ पहिलका बच्चा जनम देलक, तब मूसा कहलन “हम परदेशी होके ई जगह में रहली हे येहिगुने एकरा नाम गेर्शोम रखम।” 23बहुत समय बीतला पर, ऊ घड़ी मिस्र के राजा मर गेलन। मिस्र में इस्राएली बड़ी दुर्दशा में हलन ऊ लोग गुलामी के कारण कड़ा मेहनत कर रहलन हल। ऊ कड़ा मेहनत के कारण स्वर्ग में रहे वाला परमेश्वर के पुकारे लगलन।24जखनी परमेश्वर उनकर दुर्दशा सुनलन, तऽ ऊ जे अब्राहम, इसहाक, याकूब से वादा कईलन हल ओकरा याद कईलन। 25परमेश्वर, इस्राएली के साथे कईसन बुरा व्यवहार करल जा रहल हल, ऊ देखलन आउर ओकरा पर चित लगईलन।
तऽ मूसा डेरा गेलन, कारण ई कि सोंचलन, “जे हम कईली हे सभे लोग जानऽ गेलन हे!”15जखनी राजा सुनलन कि मूसा एगो मिस्री के मार देलन हे, ऊ अपन सिपहियन के मूसा के मारे के आज्ञा देलन, तब मूसा राजा भीर से भाग गेलन आउर मिस्र देश के छोड़ देलन, ऊ पूरुब के तरप मिद्यान देश में यात्रा कर के आउर ऊहाँ रहे लगलन। एक दिन मूसा एगो कुईयाँ के बगल में बैठल हलन, 16सातगो औरतियन कुईयाँ पर अईलन। ऊ सभे औरतियन मिद्यान के याजक के बेटी हल। ऊ पानी लईलक आउर एक-एक कर के अपन पिता के भेड़ आउर बकरियन लागी पानी भरे लगल।17कुछ चरवाहा आयेल आउर ओखनी के भगावे लगल बाकि मूसा खड़ा होलन आउर यित्रो के बेटियन बचईलन आउर ओकर भेड़ बकरियन के पानी पिलावे में मदत कईलन।18जखनी यित्रो के सब बेटी घर लौटल, ओकर पिता यित्रो के लोग रुएल कहऽ के बोलावऽ हलन, तऽ ऊ ओखनी से कहलन, "तूँ कईसे भेड़ियन के देख भाल कर के आज जल्दी लौट अईलऽ?"19ऊ जबाब देलन, "एगो अादमी जे मिस्र के हलन हमनी के चरवाहा के हाथ से छुड़ा लेलन ऊ हमरा ला कुईयाँ से पानी लईलन आउर भेड़वन के पानी देलन।"20ऊ अपन बेटियन से कहलन कि तूँ कुईयाँ पर उनका छोड़ देलऽ हे, तूँ ऊ आदमी के नऽ लईलऽ हे जिनका हम स्वागत करती हल। ऊ अतिथि लागी कुछ करती हल, उनका बोला लावऽ जेकरा से कि ऊ हमरा साथ खाना खईतन! येहिगुने ऊ अईसहीं कईलन आउर मूसा ओखनी के साथे भोजन कईलन।21यित्रो मूसा के साथे रहे लागी अपन परिवार के साथे रहे लागी बोलईलन आउर मूसा ई बात के मान लेलन। यित्रो अपन बेटी सिप्पोरा के उनकर मेहरारू होवे लागी दे देलन।22जखनी ऊ पहिलका बच्चा जनम देलक, तब मूसा कहलन “हम परदेशी होके ई जगह में रहली हे येहिगुने एकरा नाम गेर्शोम रखम।” 23बहुत समय बीतला पर, ऊ घड़ी मिस्र के राजा मर गेलन। मिस्र में इस्राएली बड़ी दुर्दशा में हलन ऊ लोग गुलामी के कारण कड़ा मेहनत कर रहलन हल। ऊ कड़ा मेहनत के कारण स्वर्ग में रहे वाला परमेश्वर के पुकारे लगलन।24जखनी परमेश्वर उनकर दुर्दशा सुनलन, तऽ ऊ जे अब्राहम, इसहाक, याकूब से वादा कईलन हल ओकरा याद कईलन। 25परमेश्वर, इस्राएली के साथे कईसन बुरा व्यवहार करल जा रहल हल, ऊ देखलन आउर ओकरा पर चित लगईलन।
Bridge Connectivity Solutions Pvt. Ltd.