Exodus3
1दूसरका तरप मूसा ऊ भेड़ बकरी के देख भाल कर रहलन हल जे यित्रो ओकर ससुर मिद्यानी लोगवन के याजक के हल। एक दिन ऊ झुंड के जंगल में दूर से देखलन ऊ एगो पहाड़ पर अईलन, जहाँ परमेश्वर खुद के मूसा के सामने प्रकट कईलन जेकरा होरेब कहल जा हल। 2जखनी ऊ उहाँ हलन, यहोवा परमेश्वर के दूत मूसा के एगो जरते झाड़ी भीर देखलन। मूसा जरते झाड़ी के देख के अचरज होलन कि झाड़ी जल रहल हे बाकि ऊ भस्म नऽ हो रहल हे। 3मूसा सोंचलन, "हम ई अचरज चीज के देखे ला भीरी में जायेम, झाड़ी काहे नऽ जल रहल हे?" 4जखनी यहोवा परमेश्वर मूसा के करीब अईते देखलन, तऽ ऊ झाड़ी में से पुकार के कहलन, “हे मूसा, हे मूसा!” मूसा जबाब देलन, “हाँ! हम हियां ही।”5यहोवा परमेश्वर कहलन, “हमरा भीर आवेला सभे से पहिले जूतवन उतार दऽ काहेकि तूँ जौन जगह पर खड़ा हऽ ऊ पवित्र हे काहेकि ऊ हमरा नजदीक हे। 6हम ओही परमेश्वर ही, जिनकर आराधना तोहनी के पिता अब्राहम, इसहाक आउर याकूब सभे करऽ हलन।” मूसा के डर हल कि अईसन नऽ होवे कि परमेश्वर हमरा देख लेतन तऽ मार देतन, येहिगुने ऊ अपन मुँह झाँक लेलन।7फिरू यहोवा परमेश्वर कहलन, ''हम अखनी देख रहली हे कि मिस्री आदमी मिस्र देश में हमर आदमी के साथे केतना बड़का जुलुम कर रहलन हे। हम अपन अादमी के जे गुलाम बनल हथन, दबाब के कारण निराशा से चिकरते सुनली हे। हमरा जरुर ई बात मालूम हे कि हमर आदमी केतना दुःख में हथन।8हम ओकरा मिस्री के गुलाम बनावे से बचावे ला स्वर्ग से नीचे उतर अईली हे। हम ओकरा मिस्र से पैदावार से भरल जमीन पर ले जायेम, ऊ जानवर पाले ला आउर खेती करे ला बहुत बढ़ियाँ होत। कनानी, हित्ती, एमोरी, परिज्जी, हिब्बी, आउर यबूसी कहायवाला लोग अखनी ऊहाँ रहतन। 9सचमुच अखनी हम इस्राएलियन के रोते सुनली हे। हम ई भी देखली हे कि मिस्र के आदमी ओकरा साथे केतना बड़का जुलुम कर रहलन हे।10येहिगुने अखनी हम तोरा अईसन करे ला भेजम मिस्र के राजा भीर जा आउर हमर आदमी इस्राएलियन के मिस्र से बाहरे ले आवऽ। 11बाकि मूसा परमेश्वर से कहलन, हम एतना बढ़ियाँ नऽ ही कि इस्राएलियन के मिस्र से निकाले ला राजा भीर जाऊँ।12परमेश्वर कहलन, “हम जरुर तोरा जौरे साथ रहबो। ई तोरा लागी एगो संकेत होत कि हम तोरा भेजली हे। जखनी तूँ लोगवन के मिस्र से बाहर निकासबऽ, तऽ तूँ ई पर्वत पर हमर आराधना करबऽ।”13मूसा परमेश्वर से कहलन, जदि हम इस्राएली भीर जा के हम कहम कि जौन परमेश्वर के उपासना तोर पूरखा करऽ हलन ओही हमरा भेजलन हे तब ऊ हमरा से पूछतन कि उनकर का नाम हे? फिन हम उनका से का कहम?14परमेश्वर मूसा से कहलन, "हम जे ही से ही" इस्राएलियन से कहऽ कि जौन परमेश्वर के नाम के मतलब हे 'हम ही', ओही तोरा भीर हमरा भेजलन हे।15परमेश्वर मूसा से ई भी कहलन तोरा इस्राएलियन के ई कहेला हे कि यहोवा परमेश्वर तोहनी भीर हमरा भेजलन हे, ऊ परमेश्वर अब्राहम, इसहाक, याकूब आउर तोर दूसरा पूरखन के आराधना करऽ हथन। यहोवा हमर सनातन नाम हे, आउर ई ऊ नाम हे जेकरा से कोई भी युग में रहे वाला आदमी हमरा याद रखतन। 16जा आउर सभे इस्राएली पुरनिया के साथ एगो सभा बुलावऽ। ओखनी से कहऽ, यहोवा परमेश्वर हमनी से खुश हथन, ऊ अब्राहम, इसहाक, याकूब आउर तोर दूसरा पूरखन के परमेश्वर हथन। ऊ कहलन: “मिस्र के लोग तोरा साथ का कर रहलन हे ओकरा हम ठीक से देखली हे आउर ओकरा बारे में कुछ करे ला नीचे उतर अईली हे।17हम वादा करऽ ही कि हम तोरा ऊ मिस्रियन से बचायेम जे तोरा साथे बुरा व्यवहार करऽ हथन, हम तोहनी के ऊ देश में ले चलम, जहाँ कनानी, हित्ती, एमोरी, परिज्जी, हिब्बी, आउर यबूसी नाम के जाति अखनी रहऽ हथन, ई जमीन पशु पाले ला आउर खेती बारी करे ला बड़ी बढ़ियाँ हे।”18पुरनिया ओही करतन जे तूँ कहवऽ।
तऽ तूँ आउर तोर सरदार मिस्र के राजा के भीर जईतन, आउर उनका से कहिहऽ, यहोवा, जौन परमेश्वर के हमनी यहूदी आराधना करऽ ही, ऊ हमनी पर बड़ी धियान देलन हे। जरुर हमनी के तीन दिन ला जंगले में कोई जगह पर जाय ला कहऽ दऽ जेकरा से कि हम उहाँ यहोवा जौन परमेश्वर के हम आराधना करऽ ही उनका ला बलिदान चढ़ाम। 19बाकि हम जानऽ ही कि मिस्र के राजा तोरा जाय नऽ देतन, कोशिश कईलऽ पर भी। 20येहिगुने हम बहुते ताकत से काम करम, आउर मिस्रियन के बहुते बुरा चीजवन से चोट पहुँचाएम जे खाली हम ही कर सकली हे। फिरू ऊ तोरा भगा देतन।21जखनी अईसन होत, तब हम मिस्रियन के तोहनी इब्रियन के मदत आउर अनुग्रह करे ला तैयार करम, जखनी तोरा मिस्र से निकासतन, तऽ अलचार सेवक जईसन नऽ निकसवऽ।22ऊ घड़ी, सभे इब्रानी औरत आस भीर रहे वालन आउर आवे जाय वालन औरतियन से चाँदी आउर सोना से बनल चीजवन आउर कपड़ा माँगतन। तूँ अपन बाल बच्चा के ऊ सभे चीज पेहेनईहऽ “जे ऊ तोहनी के देतन। अईसे कर के तूँ मिस्रियन से सभे कुछ ले लिहऽ।”
तऽ तूँ आउर तोर सरदार मिस्र के राजा के भीर जईतन, आउर उनका से कहिहऽ, यहोवा, जौन परमेश्वर के हमनी यहूदी आराधना करऽ ही, ऊ हमनी पर बड़ी धियान देलन हे। जरुर हमनी के तीन दिन ला जंगले में कोई जगह पर जाय ला कहऽ दऽ जेकरा से कि हम उहाँ यहोवा जौन परमेश्वर के हम आराधना करऽ ही उनका ला बलिदान चढ़ाम। 19बाकि हम जानऽ ही कि मिस्र के राजा तोरा जाय नऽ देतन, कोशिश कईलऽ पर भी। 20येहिगुने हम बहुते ताकत से काम करम, आउर मिस्रियन के बहुते बुरा चीजवन से चोट पहुँचाएम जे खाली हम ही कर सकली हे। फिरू ऊ तोरा भगा देतन।21जखनी अईसन होत, तब हम मिस्रियन के तोहनी इब्रियन के मदत आउर अनुग्रह करे ला तैयार करम, जखनी तोरा मिस्र से निकासतन, तऽ अलचार सेवक जईसन नऽ निकसवऽ।22ऊ घड़ी, सभे इब्रानी औरत आस भीर रहे वालन आउर आवे जाय वालन औरतियन से चाँदी आउर सोना से बनल चीजवन आउर कपड़ा माँगतन। तूँ अपन बाल बच्चा के ऊ सभे चीज पेहेनईहऽ “जे ऊ तोहनी के देतन। अईसे कर के तूँ मिस्रियन से सभे कुछ ले लिहऽ।”
Bridge Connectivity Solutions Pvt. Ltd.