Exodus15
1तऽ मूसा आउर सभे इस्राएली यहोवा ला ई गीत गईलन, “ऊ कहलन, हम यहोवा के गीत गायेम, काहेकि ऊ बड़का महिमा से विजय होलन हे” घोड़वन के साथे ही सवारियन के ऊ समुद्र में फेक देलन हे,2यहोवा हमर बल आउर भजन के विषय हथन, आउर ओही हमर उद्धार भी ठहरलन हे, हमर परमेश्वर ओही हथन हम उनकरे स्तुति करम, हम उनका ला रहे ला घर बनायेम हमनी के पुरखावन के परमेश्वर ओही हथन, हम उनकर नाम लेम।3यहोवा योद्धा हथन; उनकर नाम यहोवा हे।4ऊ फिरौन के रथवन आउर शक्तिशाली सेनापति के ऊ समुद्र में बिग देलन हे, आउर उनकर निमन से निमन अधिकारियन के लाल समुद्र में डूबा देलन,5गहिरा पानी ओकरा झाँक लेलक; ऊ पत्थल के जईसन गहिरा जगहवन में डूब गेल।6हे यहोवा, तोर शक्ति अपरम्पार हे। यहोवा तूँ अपन शक्ति से दुश्मन के चकनाचूर कर दे हऽ।7तूँ अपन विरोधियन के अपन महाशक्ति से गिरा दे हऽ। तूँ अपन गोस्सा भड़काव हऽ, आउर भूसवन के जईसन भसम हो जा हे।8तोर नथुना के साँस से समुद्र के पानी जमा हो गेल; धारावन ढेर के जईसन रुक गेल। समुद्र के बीच में गहिरा पानी जम गेल।9हमनी के दुश्मन कहलन हल,हम पीछा करम,आउर हम ओखनी के पकड़ लेम,हम ओखनी साथ जे करे ला चाहम ओही करम। हम अपन तलवार खींच लेम आउर उनका हरा देम, आउर जे कुछ उनका से लेम हमनी बाँट लेम।10तूँ अपन साँस के चलईलऽ,तऽ समुद्र झाँक लेलक;ऊ समुद्र के पानी में शीशा जईसन डूब गेल। 11हे यहोवा, देऊतवन में तोरा जईसन कौन हथन!तोरा जईसन कोई नऽ हथन!तूँ दोसरा सभे चीज से अचरज रीति से अलग हऽ।तोर सभे हैरान करे वाला कमा के कारण सभे आदमी तोरा से डेरा हथन आउर स्तुति कर हथन।12तूँ अपन शक्ति केइस्तेमाल कर के धरती खोल देल आउर हमर दुश्मन ओकरा में समा गेल।13अपन करुणा से तूँ अपन छोड़ावल प्रजा के अगुवाई कईलऽ हे,अपन शक्ति से तूँ ओकरा पवित्र निवास स्थान पर ले चललऽ हे।14देश के लोगवन सुन के काँप उठतन,पलिश्तियन के प्राण छूट जाय।15एदोम के महाराजा गड़बड़ा जईतन।मोआब के पहलवान थरथरा जईतन सभे कनान के रहेवालन के मन पिघल जायेत।16ऊ तोर बड़का शक्ति के कारण डर आउर घबराहट में समा जईतक।तोर बाँह के तेज से ऊ पत्थल के जईसन चुप रह जईतन, जखनी तक हे यहोवा, तोर प्रजा, माने कि ऊ लोगवन के,जिनका तूँ मिस्र में दास होवे से छुड़ाईलऽ हे उनके भीर से नऽ निकलला।17तूँ उनका पहुँचा के अपन निज भाग वाला पहाड़ पर बसईवऽई ओही जगह हे, यहोवा जेकरातूँ अपन रहे वाला जगह बनईलआउर ओही पवित्र जगह हे जेकरा,हे प्रभू, तूँ अपने से खड़ा कईलऽ हे।18हे यहोवा, तूँ हमेशा राज करते रहबऽ।19राजा के घोड़वन, रथवन आउर सभे चढ़बईयन के साथे समुद्र के बीचवे में चल गेल, आउर यहोवा ओकरा उपरे समुद्र के पानी लौटा ले अईलन आउर ओकरा झाँप देलन पर इस्राएलियन समुद्र के बीच सुखले सुखल होके चल गेलन।20तब हारून के बड़ी बहिन मरियम जे भविष्यद्वक्ता हलन, ऊ अपन हाथ में डफली ले, आउर सभे औरतियन डफली लेले नाचते-नाचते उनकर पीछे हो लेलक।21आउर मरियम यहोवा लागी गीत गईलन, “कि यहोवा के भजन गावऽ काहेकि ऊ दुश्मन पर महाशक्ति ठहरईलन हे: घोड़वन पर आउर ओकरा पर चढ़ेवाला के ऊ समुद्र में डाल देलन हे।”22तब मूसा इस्राएलियन के लाल समुद्र से आगे ले गेलन, आउर ऊ शूर नाम के जंगल में अईलन; आउर जंगल जाय घड़ी तीनो दिन तक चलते रहलन बाकि पानी के सोता नऽ मिलल।23ऊ आगे बढ़लन, आउर मारा नाम एक जगह पर पहुँच गेलन। ऊहाँ पानी तऽ हल, बाकि ओखनी ऊ पी नऽ सकलन, काहेकि ऊ ऊ कड़वा हल। येहिगुने ओखनी ऊ जगह के नाम मारा रखलन, जे इब्रानी शब्द हे जेकर मतलब हे 'कड़वा'। 24लोगवन मूसा से शिकायत कर के कहलन, “हम का पियम?”25येहिगुने तऽ मूसा यहोवा के दोहाई देलन, आउर यहोवा उनका एगो पौधा देखईलन, ऊ डाली उठ के जखनी पानी डाललन तऽ ऊ पानी मीठा हो गेल। उहाँ मारा में, यहोवा ओखनी ला एगो विधि आउर खास नियम बनईलन ऊ ऊहाँ ओकर जाँच पड़ताल भी कईलन ई तय करे लागी कि ऊ उनकर आज्ञा मानतन कि नऽ।26ऊ कहलन, “हम तोर परमेश्वर यहोवा ही। जे हम तोरा से बात करऽ ही, तब जदि तूँ हमर बात मानवऽ, आउर जे हम ठीक कहऽ ही, ओही करवऽ, आउर जे कुछ हम तोरा से कहऽ ही, ऊ सभे सुनवऽ, तऽ हम ऊ सभे बेमरियन से तोरा बचायेम जे हम मिस्रियन पर लईली हे। ई मत भूला कि हम यहोवा ही, जे तोहनी के चंगा करऽ ही।”27मारा से निकल के ऊ एलीम नाम के जगह पर अईलन, जहाँ पानी के 12 गो सोता आउर 70 गो खजूर के पेड़ हल।
Bridge Connectivity Solutions Pvt. Ltd.