Exodus16
1फिन एलीम से छोड़ के इस्राएल के सभे मण्डली मिस्र देश से निकलला के बाद दूसरका महीना के पन्द्रह में दिन में सीन नाम के जंगल में जौन एलीम आउर सीनै पहाड़ के बीच में हे, उहाँ पहुँच गेलन।2ऊ जंगल में इस्राएलियन के सभे मण्डली मूसा आउर हारून के विरोध में बकझक करे लगलन।3आउर इस्राएलियन मूसा आउर हारून से कहे लगलन, “जखनी हमनी मिस्र देश में मांस के हड्डी भीर बैठ के पेट भर के खा हली, तऽ जदि हमनी यहोवा के हाथ से मार डालल जईती हल तऽ बढ़ियाँ हल; बाकि तूँ हमनी के ई जंगल में येहिगुने निकाल के लईलऽ हे कि ई सभे समाज के भूखे मार देम!”4तऽ यहोवा मूसा से कहलन, '“देखऽ, हम तोहनी ला आकाश से खाय ला चीज बरसायम आउर ई लोग रोजदिन बाहरे जा के रोजदिन के खाना जमा करतन, एकरा से हम ओखनी के परीक्षा लेम कि ई हमर व्यवस्था पर चल हथन कि नऽ।5आउर अईसन होत कि, हरेक सप्ताह के छठा दिन ऊ खाना आउर दिन से दोगुना हो जायेत, येहिगुने जे कुछ ऊ दिन जमा करतन ऊ तैयार कर के रखतन।”6तऽ मूसा आउर हारून सभे इस्राएल से कहलन, “आज साँझ के तोहनी सभे जानऽ लेवऽ कि जौन तोरा मिस्र देश से निकाल के लईलन हे, ऊ यहोवा हथन।7आउर कल भोर के तोरा यहोवा के तेज देखाई पड़त, काहेकि तोहनी जे यहोवा पर बकझक करऽ हऽ ओकरा ऊ सुनऽ हथन आउर हमनी कौन ही कि तूँ हमनी पर बकझक करऽ हऽ।”8फिरू मूसा कहलन, “ई तब होत जखनी यहोवा साँझ के तोरा खाय ला मांस आउर भोर के रोटी मन मुताबिक देतन; काहेकि तोहनी जे उनका पर बकझक करऽ हऽ, ओकरा ऊ सुनऽ हथन आउर हमनी का ही? तोर बकझक हमरा पर नऽ यहोवा पर होवऽ हे।”9फिरू मूसा हारून से कहलन, “इस्राएल के सभे मण्डली के आज्ञा दऽ, कि यहोवा के सामने बलुक उनकर नजदीक अईतन काहेकि ऊ ओखनी के बकझक करते सुनलन हे।”10आउर अईसन होल कि जखनी हारून इस्राएलियन के सभे मण्डली से अईसन बात कर रहलन हल, तऽ ऊ जंगल के तरप नजर उठा कर के देखलन, आउर ओखनी के यहोवा के तेज इंजोर बादल में देखाय देलक जौन ओखनी के राह देखा रहल हल।11तऽ यहोवा मूसा से कहलन,12“इस्राएलियन के बकझक करते हम सुनली हे; ओखनी से कहऽ, कि सूरज डूबे के घड़ी तूँ मांस खईबऽ आउर भोर के तोरा रोटी से मन भर जात; आउर तूँ ई जानऽ लेवऽ कि हम तोर परमेश्वर यहोवा ही।”13तब अईसन होल कि साँझ के बटेरवन पूरा मण्डली पर आके बैठ गेल; आउर भोर के मण्डली के चारो तरप शीत पड़ल।14जखनी धरती पर के पानी सुख गेल, तऽ उनका रेगिस्तान के धरती पर कोई चीज के एगो पतरा परत देखाय देलक, जे छोटा उजला कण के जईसन हल। ई धरती के एगो पतला परत के जईसन लग रहल हल।15ई देखके इस्राएलियन, जे ई नऽ जानऽ हलन कि “ई का चीज हे?” ऊ आपस में कहे लगलन, ई तऽ मन्ना हे।
तऽ मूसा ओखनी से कहलन, “ई तऽ ओही खाय वाला चीज हे जेकरा यहोवा तोरा खाय ला दे हथन।16जौन आज्ञा यहोवा देलन हे ऊ ई हे, कि तूँ ओकरा में से अपन-अपन खाय भर बटोरे ला हे, मानऽ अपन अपन आदमी के गिनती के अनुसार सभे आदमी के पीछे एक-एक ओमेर बटोर लईतन; जिनकर डेरा में जेतना होत ऊ ओकरा ला ओतने बटोरतन।” 17आउर इस्राएलियन ओईसने कईलन; आउर कोई जादे, आउर कोई कम बटोर लेलन।18जखनी ओखनी ओकरा ओमेर से नापलन, तऽ जिनका भीर जादे हल उनका भीर कुछ जादे नऽ रह गेल आउर जिनका भीर थोड़ा हल उनका कुछ नऽ घटल; काहेकि सभे आदमी खाय भर ही बटोरलन हल।19फिरू मूसा ओखनी से कहलन, “कोई एकरा में से कुछ भोरे तक नऽ छोड़तन!”20तऽ ऊ भी ओखनी मूसा के बात नऽ मानलन; तब येहिगुने जखनी कोई आदमी ओकरा में से कुछ भोर तक रख लेलक हल तऽ ओकरा में पिल्लू पड़ गेल आउर ऊ महके लगल; तऽ मूसा ओखनी पर गोस्सा हो गेलन।21ऊ भोर के रोजदिन अपन अपन खाय ला बटोर ले हलन आउर जखनी रौदा कड़ा हो जा हल, तऽ ऊ सड़ जा हल।22फिरू अईसन होल कि सप्ताह के छठवाँ दिन ओखनी दोगुना माने कि सभे आदमी के पीछे दू दूगो ओमेर बटोर लेलन आउर मण्डली के सभे मुखिया आके मूसा के कहऽ देलक।23ऊ ओकरा से कहलन, “ई तऽ येही बात हे जे यहोवा कहलन हल काहेकि कल पवित्र विश्राम माने कि यहोवा ला पवित्र विश्राम होत; येहिगुने तोहनी जे तंदूर में पकावेला हे ओकरा पकावऽ, आउर जेकरा सिझावेला हे ओकरा सिझावऽ। आउर एकरा में से जेतना बच जाय ओकरा सवेरे लागी रख दऽ।”24जखनी ऊ ओकरा मूसा के ई आज्ञा के अनुसार रख के छोड़लन, तब नऽ तऽ बदबू होल, आउर नऽ ओकरा में पिल्लू पड़ल।25तऽ मूसा कहलन, “आज ओकरे खा, काहेकि यहोवा के विश्रामदिन हे; येहिगुने आज तोहनी के ऊ मैदान में कुछ नऽ मिलत।26छौ दिन तक ओकरा बटोरल करिहऽ; बाकि सतमा दिन विश्राम के दिन हे, ओकरा में ऊ नऽ मिलत।”27तईयो भी लोगवन में से कोई-कोई सतमो दिन बटोरे ला गेलन, तऽ ओखनी के कुछ नऽ मिलल।28तब यहोवा मूसा से कहलन, “कि तोर आदमी से हम नाखुश ही काहेकि बहुत दिन से तोर आदमी हमर आज्ञा आउर व्यवस्था नऽ मानलन हे जे तोरा से करे ला कहली हल।29देखऽ, यहोवा जे तोहनी के विश्राम के दिन देलन हे येहिगुने ऊ छठवाँ दिन में दू दिन के खाना तोरा देलन हल; येहिगुने तूँ अपन अपन घर में बैठल रहिहऽ, सतमा दिन अपन जगह से बाहरे नऽ जईहऽ!”30येहिगुने लोगवन सतमा दिन में विश्राम कईलन।31इस्राएलियन के घराना ऊ चीज के नाम मन्ना रखलन आउर ऊ धनिया के जईसन उजला हल आउर ओकर स्वाद मधु से बनल पूआ जईसन हल।32फिरू मूसा कहलन, “यहोवा जे आज्ञा देलन हे ऊ ई हे, कि एकरा में से ओमेर भर अपन वंश के पीढ़ी-पीढ़ी ला रख लऽ। जेकरा से ऊ जानऽ लेतन कि यहोवा हमनी के मिस्र देश से निकाल के जंगल में कईसे रोटी खिलावऽ हलन।”33तऽ मूसा हारून से कहलन, “एगो बर्तन ले ओकरा में ओमेर भर लेलन ओकरा यहोवा के आगे रख दिहऽ कि ऊ तोहनी के पीढ़ियन ला रखल रहतक।”34जईसे आज्ञा यहोवा मूसा के देलन हल, ओकरे जईसन हारून ओकरा वाचा के संदूक के आगे रख देलन कि ऊ उहें रखल रहे। 35इस्राएलियन जखनी ला बसल देश में नऽ पहुँचल तब ला, माने कि 40 साल लागी मन्ना खईते रहलन। ऊ जखनी ला कनान देश के सीमा भीर नऽ पहुँचलन मन्ना खइते रहलन।36अखनी दू लीटर कहल जा हे एगो ओमेर जे एपा के दसमां भाग हे।
तऽ मूसा ओखनी से कहलन, “ई तऽ ओही खाय वाला चीज हे जेकरा यहोवा तोरा खाय ला दे हथन।16जौन आज्ञा यहोवा देलन हे ऊ ई हे, कि तूँ ओकरा में से अपन-अपन खाय भर बटोरे ला हे, मानऽ अपन अपन आदमी के गिनती के अनुसार सभे आदमी के पीछे एक-एक ओमेर बटोर लईतन; जिनकर डेरा में जेतना होत ऊ ओकरा ला ओतने बटोरतन।” 17आउर इस्राएलियन ओईसने कईलन; आउर कोई जादे, आउर कोई कम बटोर लेलन।18जखनी ओखनी ओकरा ओमेर से नापलन, तऽ जिनका भीर जादे हल उनका भीर कुछ जादे नऽ रह गेल आउर जिनका भीर थोड़ा हल उनका कुछ नऽ घटल; काहेकि सभे आदमी खाय भर ही बटोरलन हल।19फिरू मूसा ओखनी से कहलन, “कोई एकरा में से कुछ भोरे तक नऽ छोड़तन!”20तऽ ऊ भी ओखनी मूसा के बात नऽ मानलन; तब येहिगुने जखनी कोई आदमी ओकरा में से कुछ भोर तक रख लेलक हल तऽ ओकरा में पिल्लू पड़ गेल आउर ऊ महके लगल; तऽ मूसा ओखनी पर गोस्सा हो गेलन।21ऊ भोर के रोजदिन अपन अपन खाय ला बटोर ले हलन आउर जखनी रौदा कड़ा हो जा हल, तऽ ऊ सड़ जा हल।22फिरू अईसन होल कि सप्ताह के छठवाँ दिन ओखनी दोगुना माने कि सभे आदमी के पीछे दू दूगो ओमेर बटोर लेलन आउर मण्डली के सभे मुखिया आके मूसा के कहऽ देलक।23ऊ ओकरा से कहलन, “ई तऽ येही बात हे जे यहोवा कहलन हल काहेकि कल पवित्र विश्राम माने कि यहोवा ला पवित्र विश्राम होत; येहिगुने तोहनी जे तंदूर में पकावेला हे ओकरा पकावऽ, आउर जेकरा सिझावेला हे ओकरा सिझावऽ। आउर एकरा में से जेतना बच जाय ओकरा सवेरे लागी रख दऽ।”24जखनी ऊ ओकरा मूसा के ई आज्ञा के अनुसार रख के छोड़लन, तब नऽ तऽ बदबू होल, आउर नऽ ओकरा में पिल्लू पड़ल।25तऽ मूसा कहलन, “आज ओकरे खा, काहेकि यहोवा के विश्रामदिन हे; येहिगुने आज तोहनी के ऊ मैदान में कुछ नऽ मिलत।26छौ दिन तक ओकरा बटोरल करिहऽ; बाकि सतमा दिन विश्राम के दिन हे, ओकरा में ऊ नऽ मिलत।”27तईयो भी लोगवन में से कोई-कोई सतमो दिन बटोरे ला गेलन, तऽ ओखनी के कुछ नऽ मिलल।28तब यहोवा मूसा से कहलन, “कि तोर आदमी से हम नाखुश ही काहेकि बहुत दिन से तोर आदमी हमर आज्ञा आउर व्यवस्था नऽ मानलन हे जे तोरा से करे ला कहली हल।29देखऽ, यहोवा जे तोहनी के विश्राम के दिन देलन हे येहिगुने ऊ छठवाँ दिन में दू दिन के खाना तोरा देलन हल; येहिगुने तूँ अपन अपन घर में बैठल रहिहऽ, सतमा दिन अपन जगह से बाहरे नऽ जईहऽ!”30येहिगुने लोगवन सतमा दिन में विश्राम कईलन।31इस्राएलियन के घराना ऊ चीज के नाम मन्ना रखलन आउर ऊ धनिया के जईसन उजला हल आउर ओकर स्वाद मधु से बनल पूआ जईसन हल।32फिरू मूसा कहलन, “यहोवा जे आज्ञा देलन हे ऊ ई हे, कि एकरा में से ओमेर भर अपन वंश के पीढ़ी-पीढ़ी ला रख लऽ। जेकरा से ऊ जानऽ लेतन कि यहोवा हमनी के मिस्र देश से निकाल के जंगल में कईसे रोटी खिलावऽ हलन।”33तऽ मूसा हारून से कहलन, “एगो बर्तन ले ओकरा में ओमेर भर लेलन ओकरा यहोवा के आगे रख दिहऽ कि ऊ तोहनी के पीढ़ियन ला रखल रहतक।”34जईसे आज्ञा यहोवा मूसा के देलन हल, ओकरे जईसन हारून ओकरा वाचा के संदूक के आगे रख देलन कि ऊ उहें रखल रहे। 35इस्राएलियन जखनी ला बसल देश में नऽ पहुँचल तब ला, माने कि 40 साल लागी मन्ना खईते रहलन। ऊ जखनी ला कनान देश के सीमा भीर नऽ पहुँचलन मन्ना खइते रहलन।36अखनी दू लीटर कहल जा हे एगो ओमेर जे एपा के दसमां भाग हे।
Bridge Connectivity Solutions Pvt. Ltd.