Exodus14
1तऽ यहोवा मूसा से कहलन,2“इस्राएली लोग से कहऽ, कि ऊ पीहाहीरोत के तरप मुड़तन, आउर ओकरा भीर डेरा खड़ा करतन। ऊ जगह मिगदोल आउर लाल सागर के बीच, बाल-सपोन भीर हे। ऊहाँ समुद्र के निकट अपन तम्बू लगावऽ।3जखनी राजा जानऽ लेतन कि तूँ अईसन कईल हे, तऽ ऊ सोचतन, इस्राएली नाश हो गेलन हे। ऊ इधर-उधर भटक रहलन हे, आउर रेगिस्तान उनकर राह रोक देलक हे।4हम राजा के फिरू जिद्दी बना देम आउर ऊ अपन सेना समेत तोरा पीछा करतन तऽ लोग राजा आउर ओकर सेना जादे हमर इज्जत करतन, आउर मिस्री जानऽ लेतन कि हम यहोवा ही।” तऽ मूसा इस्राएलियन के ई बतईलन, आउर ओखनी ऊहें कईलन जे ऊ ओखनी से करे ला कहलन हल।5जखनी कोई मिस्र के राजा के बतईलन कि इस्राएली भाग गेलन हे तऽ ऊ आउर उनकर हाकिम लोग ओकर बारे में अपन विचार बदल देलन आउर कहलन, “हम का कईली हे? इस्राएली अखनी हमर सेवा नऽ करत काहेकि हम उनका जाय देली हे!”6एहिगुने राजा अपन घोड़वन के अपन रथ में बाँध लेलन आउर ऊ अपन सेना के साथे निकल गेलन।7जखनी ऊ चल गेलन, तऽ ऊ मिस्र के सभे रथवन के, ईहाँ ला कि सभे से बढ़ियाँ 600 रथवन के भी ले लेलक। सभे रथ में ऊ एगो सारथी के रखलन, आउर एगो सिपाही एगो सेनापति।8यहोवा मिस्र के राजा के जिद्दी बना देलन, येहिगुने ऊ आउर ओकर सेना इस्राएलियन के पीछा कईलक। इस्राएली निडर होके आगे बढ़लक।9मिस्र के सेना, सभे सेना समेत राजा के घोड़वन, रथवन, आउर घोड़सवर इस्राएलियन के पीछा कईलक, जखनी ऊ पीहाहीरोत भीर, बाल-सपोन के सामने, समुद्र भीर डेरा डालले हलन, तऽ ओखनी ओकरा पकड़ लेलक।10जखनी राजा के सेना इस्राएली लोग भीर अईलक, तऽ ई देख के अचरज होल कि मिस्री हमनी के तरप बढ़ रहलन हे। ओखनी डर गेलन आउर यहोवा से हमनी के सहायता करे ला प्रार्थना करे लगलन।11तब ऊ मूसा से कहे लगलन, “का मिस्र में कब्र नऽ हल, जे तूँ हमनी के ईहाँ मरे ला जंगल में ले अईलऽ हे, तूँ हमनी से ई का कईल हे कि हमनी के मिस्र से निकाल के लईलऽ हे?12जखनी हम तोर मिस्र में हली तऽ ई बात नऽ कहली कि हमनी के रहे दऽ। आउर हमनी के रेगिस्तान में मरे से बढ़ियाँ हल कि हमनी मिस्री के सेवा करते रहती हल। हमनी ला जंगल में मरे से बढ़ियाँ हल!”13मूसा लोगवन से कहलन, “डरऽ मत, खड़ा-खड़ा ऊ उद्धार के काम देखऽ, जे आझे यहोवा तोहनी ला करतन काहेकि जौन मिस्रियन के तूँ आज देख रहल हे ओकरा फिरू कहिनो नऽ देखबऽ14यहोवा खुद ही तोरा ला लड़तन, येहिगुने तूँ चुपचाप रहऽ एकर अलावे तोहनी के आउर कुछ करे ला नऽ हे।”15तऽ यहोवा मूसा से कहलन, “तूँ काहे हमर दुहाई दे रहलऽ हे? इस्राएलियन से कहऽ दऽ कि ईहाँ से ऊ चल जईतन।16आउर तूँ अपन लाठी उठ के अपन हाथ समुद्र के उपरे बढ़ावऽ, आउर ऊ दू भाग हो जायत; तऽ इस्राएलियन लाल समुद्र के बीच होके जमीन ही जमीन पर चल जईतन।17आउर देखऽ, हम खुद मिस्रियन के मन के कठोर करऽ ही, आउर ऊ उनका पीछा कर के समुद्र में घूंस पड़तन, तऽ फिरौन आउर उनकर सेना आउर रथवन आउर सवारवन के द्वारा हमर महिमा होत।18आउर जखनी फिरौन, आउर ओकर रथवन आउर सवारियन से हमर महिमा होत, तऽ मिस्रियन जानऽ लेत कि हम यहोवा ही। जे कुछ भी कर सकली हे।”19तऽ परमेश्वर के दूत जौन इस्राएल सेना के आगे आगे चलऽ हलन जा के पीछे हो गेलन बादल के खम्भा ओकर आगे से हट के ओकर पीछे आ गेल।20ई तरह से ऊ मिस्रियन के सेना आउर इस्राएलियन के सेना बीचो बीच आ गेल; बादल मिस्री सेना के अंधकार में डाल देलक, बाकि इस्राएलियन के इंजोर देते रहलक। आउर ऊ रात भर एक दूसरा भीर नऽ आ सकलन21तऽ मूसा अपन हाथ समुद्र के उपरे बढ़ईलन आउर यहोवा रातो भर खूब जोड़ से आंधी चलईलन, पूरा रात आंधी चलते रहल, आउर समुद्र के दूगो भाग कर के पानी अईसन हटईलन, जेकरा से कि ओकर बीच में सुखल जमीन हो गेल।22तऽ इस्राएलियन समुद्र के बीच जमीने जमीन होके चले लगल, आउर पानी उनकर दहिना आउर बायाँ बगल दीवार के काम करे लगल।23तऽ मिस्रियन, माने फिरौन के सभे घोड़वन, रथवन, आउर सवारियन जे ओखनी के पीछा कर रहलन हल ऊ जा के समुद्र के बीच में हो गेल।24आउर रात के अन्त के घड़ी में यहोवा बादल आउर आग के खम्भा में से मिस्रियन के सेना पर नजर डाल के ओकरा घबरा देलन।25आउर ऊ उनकर रथ के पहिया अईसन धँसा देलन जेकरा से ओकरा चले में मुश्किल हो गेल, तऽ मिस्रियन अपने में कहे लगल, आवऽ, हमनी इस्राएलियन के सामने से भाग जायेम काहेकि “यहोवा ओकरा तरप से मिस्रियन के विरोध में युद्ध कर रहलन हे। हमनी के उनका से बचे पड़त!”26फिरू यहोवा मूसा से कहलन, “अपन हाथ लाल समुद्र के उपरे बढ़ावऽ कि पानी मिस्रियन, ओकर रथवन आउर सवारियन पर फिरू से बहे लगे।”27तऽ मूसा अपन हाथ समुद्र उपरे बढ़ईलन आउर भोरे होते का होल कि समुद्र फिरू ओईसने के ओईसन अपन बल पर आ गेल आउर मिस्रियन पीछे के तरप भागे लगलन, बाकि यहोवा ओखनी के समुद्र के बीच हीं में डूबा देलन।28आउर पानी फिरू से लौट आयेल आउर रथवन आउर सवार आउर मिस्र के सभे फौज जेतना इस्राएलियन के पीछे अईलन हल ऊ सभे के सभे बलुक फिरौन के समूचे सेना ओकरा में डूब गेल, आउर ओकरा में से एगो भी नऽ बचल।29बाकि इस्राएलियन सुखल भूमि से चल के समुद्र पार कर चुकलन हल। आउर जल ओखनी के बायाँ आउर दायाँ बगल दीवार के काम दे रहल हल।30ई तरह यहोवा ऊ दिन इस्राएलियन के मिस्रियन के वश से ई तरह से छुड़ईलन; आउर इस्राएलियन मिस्रियन के समुद्र के किनारे मरल पड़ल देखलन।31आउर यहोवा मिस्रियन पर जे अपन ताकत दिखावऽ हलन ओखनी के देख के इस्राएली यहोवा के भय मानलन आउर यहोवा के आउर उनकर दास मूसा पर भरोसा कईलन।
Bridge Connectivity Solutions Pvt. Ltd.