Exodus13
1यहोवा मूसा से कहलन,2“सभे पहिलौठा के पवित्र करिहऽ, कि ऊ हमर हथन। इस्राएल के लोग के पहिलौठा नर आउर उनकर जानवर हमर होत।”3फिरू मूसा लोगवन से कहलन, “आज के दिन के हमेशा याद रखिहऽ!” येही ऊ दिन हे जहिया हम तोरा मिस्रियन के गुलामी से आजाद कईली हल। यहोवा तोरा सामर्थ से मिस्र से निकाल लईलन हे। जखनी भी तोहनी ई दिन मनईहऽ, तऽ अईसन कोई रोटी नऽ खईहऽ जेकरा में खमीर रहे।4आज के दिन, जे आबीब के महीना के पहलका दिन हे, जेकरा में तोहनी मिस्र छोड़लऽ हे। 5बाद में जखनी यहोवा तोरा ऊ देश में पहुंचईतन ऊहाँ कनान, हित्ती, एमोरी, हिब्बी आउर यबूसी के वंशज अखनी रहऽ हथन, माने कि जे देश के बारे में ऊ तोर पूर्वजवन से वादा कईलन हल, कि ऊ तोरा देतन, पशुधन पाले ला आउर फसल उगावेला बहुत बढ़ियाँ रहत, तोहनी के हर साल के पहिला महीना में ई परव जरुर मनावे के चाही। 6सतमा दिन तक जे रोटी तूँ खईबऽ ओकरा में खमीर नऽ रहत। सतमा दिन तोरा यहोवा के सम्मान में परव मनावे के चाही।7सतमा दिन तक खमीर वाला रोटी नऽ खईहऽ। तोर देश में कहूँ भी खमीर चाहे खमीर से बनल रोटी नऽ रखे के चाही।8जौन दिन तूँ परव मनईहऽ ऊ दिन तूँ अपन बाल-बच्चा से कहिहऽ, 'हम ईयाद करे लागी अईसन कर रहली हे कि यहोवा हमनी लागी मिस्र से छोड़ावे घड़ी का कईलन हल।9परव अईसे होत, कुछ अईसन जेकरा ऊ अपने माथा पर चाहे अपन कलाई पर बाँधऽ हऽ तोरा ला चिन्ह ठहरत। ई तोहनी दूसरका के याद दिलईहऽ कि यहोवा के व्यवस्था तोहनी के कौची आज्ञा देलन हल, काहेकि ऊ शक्तिशाली ढंग से तोहनी के मिस्र से बाहर लावे लागी उनकर एहसानमंद ही। 10येहिगुने तोहनी के ई परव हर साल यहोवा के ठहरावल समय पर हमेशा मनईते रहिहऽ।11यहोवा तोरा ऊ देश में पहुंचईतन जहाँ कनान के वंशज रहऽ हथ, जईसन कि ऊ तोरा आउर तोर पूर्वजवन से वादा कईलन हल कि ऊ अईसन करतन। जखनी ऊ ऊ देश तोरा देतन,12तऽ तूँ आदमी आउर जानवरवन दूनो के सभे पहिलौठा नर के यहोवा के दे दिहऽ। ई सभे यहोवा के होत।13पहिलौठा गदहवन के मामले में, तूँ ओकर बदले मेमना दे के ओकरा छुड़ा लेवे के चाही। जदि तूँ एकरा छुड़ावऽ नऽ हऽ, तऽ तूँ गदहा के मुड़ी तोड़ के ओकरा मार दिहऽ। आउर तूँ अपन सभे पहिलौठा बेटवन के बदला दे के छोड़ा लिहऽ। 14भविष्य में जखनी तोहनी के बाल-बच्चा में से कोई पूछतन, 'एकर मतलब का हे? तोरा ओकरा से ई कहे के चाही, 'यहोवा हमरा जबरदस्ती मिस्र से बहारसी निकासलन आउर हमरा उहाँ दास होवे से छुड़ा लेलऽ।15का होल: मिस्र के राजा हमरा अपन देश छोड़े ला नऽ दे हलन, येहिगुने यहोवा मिस्र के सभे पहिलौठा, आदमी आउर ओकर जानवर के सभे पहिलौठा के मार डाललन। ई कारण अखनी हम अपन जानवरवन के सभे पहिलौठा के यहोवा लागी बलिदान करऽ ही, बाकि हम अपन पहिलौठा बेटवन के बदला दे के छोड़ा ले ही।16ई परव ऊ चीज के जईसन होत जेकरा तूँ अपन कलाई पर चाहे अपन माथा पर बाँधवऽ ई चिन्ह ठहरत, जेकरा से तोहनी के याद दिलावल जा सकत कि यहोवा शक्तिशाली ढंग से एकरा लईलन हे। तूँ मिस्र से बाहर आवऽ।17जखनी मिस्र के राजा इस्राएलियन के जाय देलन, तऽ परमेश्वर पलिश्तियन के देश कि तरप जाय वाला राह में उनकर अगुवाई नऽ कईलन। भले ही ई छोटा हल, परमेश्वर सोंचलन, “जदि दुश्मन उनका पर हमला करऽ हे, तऽ ऊ अपन मन के बदल सकतन आउर मिस्र वापस जा सकतन।”18एकर बजाय, परमेश्वर उनका जंगल से लाल सागर के तरप जाय लागी प्रेरित कईलन। इस्राएलियन एगो व्यवस्थित संरचना में मिस्र छोड़ देलन। 19मूसा उनका यूसुफ के हड्डियन अपन साथे ले जाय ला कहलन, काहेकि यूसुफ बहुत पहिले इस्राएलियन से प्रतिज्ञा कईलन हल, कि ऊ अईसन करतन। ऊ उनका से कहलन हल, “परमेश्वर हमेशा तोहनी के देख भाल करतन। जखनी ऊ तोरा प्रतिज्ञा करल देश में ले अईतन, तऽ तोहनी के हमर हड्डियन अपना साथे ले जाय ला होत।” 20इस्राएली सुक्कोत से एताम में गेलन, जे जंगल के छोर पर हल। ऊ ऊहाँ अपन तम्बू गाड़लन।21जखनी ऊ दिन में चललन, तऽ यहोवा उनका राह देखावे लागी ऊँचा बादल में होके उनकर आगे आगे चललन। रात के घड़ी, ऊ उनकर सामने एगो ऊँचा लौ में चलऽ हलन जेकरा से उनका रोशनी मिलतक आउर ऊ दिन में आउर रात में भी यात्रा कर सकतन।22यहोवा उनका कभी नऽ छोड़लन। ऊ दिन के दौरान ऊँचा बादल में आउर रात के दौरान ऊँचा लौ में हलन।
Bridge Connectivity Solutions Pvt. Ltd.