Exodus12
1फिन कुछ समय बाद यहोवा मिस्र देश में मूसा आउर हारून से कहलन,2ई महीना तोहनी लोगवन ला शुरुआत हे, माने कि साल के पहिलका महीना येही हे। 3इस्राएलियन के सभे मण्डली के ई तरह से कहऽ, कि येही महीना में दसमां दिन के तूँ अपन अपन पितरवन के घर के जईसन घर पीछू एक एक गो मेमना ले रखतन।4आउर जदि कोई के घर में एगो मेमना के खाय ला आदमी नजदीक होतन, तऽ अपन सभे से नजदीक रहे वाला पड़ोसी के साथे जानवरवन के गिनती के अनुसार एगो मेमना ले रखतन। आउर तूँ हर एगो के खाय के अनुसार मेमना के हिसाब करिहऽ।5तोर मेमना निर्दोष आउर पहिलके साल के नर होवे के चाही आउर ऊ बिना कोई दोषपूर्ण के होवे के चाही।6तोरा ई महीना के चौदहमा दिन तक ई जानवरवन के खास देख भाल करे के चाही। ऊ दिन सभे इस्राएलियन के साँझ के बखत भेड़ बकरी के बच्चा के बलि करे के चाही।7तऽ ऊ ओकर लहू में से कुछ ले जेकर घर में मेमना खईतन ओकर दुआरी के दूनो तरप आउर चौखट के ऊपरे लगईहऽ।8ऊ ओकर मांस के ओही रात आग में भूँज के अखमीरी रोटी आउर कड़वा सागपात के साथे खईतन।9ओकर मुड़ी, गोड़ आउर अँतड़ियन खईहऽ, कच्चा चाहे पानी में कुछ भी पक्का के नऽ खईहऽ।10ओकरा में से कुछ भोरे तक नऽ रहे दिहऽ, आउर जखनी भी कुछ सवेरे तक रह भी जायत आग में जला देवे ला हे।11ओकर खाय के विधि ई हे कि कमर बांधले गोड़ में जूती पहिनले आउर हाथ में लाठी लेले ओकरा फुर्ती से खायला हे, ऊ तऽ यहोवा के फसह परव होत। 12काहेकि ऊ रात के हम मिस्र देश के बीचो बीच होके जायेम आउर मिस्र देश के का आदमी, का जानवर, सभे कोई के पहिलौठवन के मार देम; आउर मिस्र के सभे देऊतवन के भी हम दंड देम; हम तऽ यहोवा ही। 13आउर जे घरवा में तूँ रहवऽ ओकरा पर ऊ लहू तोहनी लागी चिन्हासी ठहरत माने कि ऊ लहू के देख के तोरा छोड़ देम, आउर जखनी हम मिस्र देश के मारम, तऽ ऊ विपत्ति तोरा पर नऽ पड़त, आउर तूँ नाश नऽ होवऽ। 14आउर ऊ दिन तोरा याद दिलावे वाला होत, आउर तूँ यहोवा लागी परव मनईहऽ आउर ऊ दिन तोर पीढ़ियन में हमेशा लागी विधि जान के परव मनावल जाय।15सात दिन तक तूँ बिना खमीरी के रोटी खायल करिहऽ, ओकरा में से पहिलही दिन अपन अपन घर में से खमीर निकास दिहऽ। बाकि पहिलका दिन से ले सतमा दिन तक कोई खमीर के चीज खईतन ऊ अादमियन के इस्राएलियन में से नाश करल जाय।16ऊ सप्ताह के पहिलका दिन तोरा एगो पवित्र मण्डली करे के चाही। तोरा सतमा दिन भी येही काम करे ला होत। ऊ दूनो दिन में कोई काम नऽ करे के चाही;। खाली एक काम हे जे कर सकलन हे ऊ ई हे खाय लागी खाना के।17ई दिन तूँ बिना खमीर के रोटी के परव मनईहऽ काहेकि येही ऊ दिन हे, जे दिन में तोर सभे खानदान के मिस्र के गुलामी से छुड़ईली हे। येहिगुने, तोहनी लागी ई व्यवस्था हे कि इस्राएलियन के पीढ़ी से पीढ़ी ला हमेशा ईयाद कर के ई परव मनईते रहिहऽ, कि हम आज के दिन तोरा छुड़ईली हे।18साल के पहिलका महीना के चौदहमा दिन के साँझ से तूँ खमीरी रोटी खाय ला छोड़ दिहऽ। ऊ महीना के इक्कीसमा दिन के साँझ तक तूँ खमीर साथे रोटी दोबारा नऽ खईहऽ।19सातों दिन तक तोहनी के घर में कुछ भी खमीर नऽ रहत बलुक जे कोई ऊ खमीरी चीज खईतन, चाहे देशी होतन चाहे परदेशी होतन ऊ आदमी इस्राएलियन के मण्डली से नाश करल जाय।20कोई खमीरी चीज नऽ खईहऽ अपन सभे घर में बिन खमीर के खईहऽ।21तऽ मूसा इस्राएलियन के पुरनियन के बोल के कहलन, “तूँ अपन-अपन कुल के मुताबिक एगो मेमना छाँट के रखिहऽ आउर फसह के पशुबलि करिहऽ।22आउर ओकर खून जे तसला में होत ओकरा में जूफा के एगो गुच्छा डूबा के ओही तसला में के खून से अपन दुआरी के चौखट के ऊपर आउर दूनो तरप पर कुछ लगईहऽ आउर भोरे तक घर से बाहरे नऽ निकलिहऽ।23जखनी यहोवा मिस्र में सभे बूढ़ा अादमियन के मारे जईतन, तऽ ऊ तोर चौखट के खून देखतन येहिगुने ऊ घर के पार जईतन।”24फिरू तूँ ई नियम के अपन आउर अपन वंश ला हमेशा के विधि जानऽ के मानल करिहऽ।25जखनी तूँ ऊ देश में जेकरा यहोवा अपन काहेकि के अनुसार तोरा देतन ओकरा में जा, तब ऊ काम करते रहिहऽ।26जखनी तोर लईकन तोरा से कहतन ई काम से तोरा कौची माने कि हे।27तऽ तूँ ओकरा ई जबाब दिहऽ, यहोवा जे मिस्रियन के मारे के समय मिस्र में रहे वाला हमनी इस्राएलियन के घरवन के छोड़ के हमनी के घर के बचईलन हल, येहिगुने फसह के ई बलिदान करल जा हे। तऽ लोगवन सिर झुका के दण्डवत कईलन28तऽ इस्राएलियन जा के, जे आज्ञा यहोवा मूसा आउर हारून के देलन हल ओही कईलन।29अईसन होल कि आधा रतिया के यहोवा मिस्र देश में सिंहासन पर बैठे वाला फिरौन से ले गड़हा में पड़ल, गुलाम तक सभे के पहिलौठा के बलुक जानवर तक सभे पहिलौठा के मार देलन।30आउर फिरौन रात ही के उठ के बैठ गेल आउर ओकर सभे कर्मचारी, बलुक सभे मिस्री उठलन आउर मिस्र में बड़ा हाहाकार मच गेल, काहेकि एगो भी अईसन घर नऽ हल जेकरा में कोई मारल नऽ गेल हल।31तऽ राजा फिरौन ओही रातो रात मूसा आउर हारून के बोला के कहलन, “तूँ इस्राएलियन के साथे हमर प्रजा के बीच से निकल जा; आउर अपन काहेकि के मुताबिक जा के यहोवा के उपासना करऽ।32अपन कहे के मुताबिक अपन भेड़-बकरी, गाय-बैल के साथे ले जा; आउर हमरा आशीर्वाद दे के जा!”33मिस्रियन जे कहऽ हलन; हमनी तऽ सभे मर मिट गेली हे, ओखनी इस्राएलियन लोग पर दबाब डाल के कहलन कि, “देश से झटपट निकल जा।”34तऽ इस्राएलियन तुरन्त निकलला ला तैयार हो गेल, ऊ अपन सानल आटा के बिना खमीर देले कठौती में कपड़वन में बाँध के अपन अपन कंधवन पर डाल लेलन।35तऽ इस्राएलियन मूसा के काहेकि के मुताबिक मिस्रियन से सोना चाँदियन के गहनामन आउर कपड़वन माँग लेलन। 36आउर यहोवा मिस्रियन के अपन प्रजा के लोगवन पर अईसन दया कईलन कि ऊ जे माँगलन उनका सभे दे देलन। ई तरह से इस्राएलियन मिस्रियन के लूट लेलन।37तऽ इस्राएलियन रामसेस शहर से चल के सुक्कोत शहर में गेलन, आउर बाल-बच्चा आउर औरतियन के छोड़ के ऊ लोग लगभग छौ लाख पैदल चले वाला अादमी हलन।38आउर ढेर मनी लोग जे इस्राएली नऽ हलन, उनका साथ गेलन। ऊहाँ भेड़-बकरियन के झुंड आउर मवेशियन के झुण्ड सहित ढेर मात्रा में पशुधन भी।39आउर जे सानल आटा मिस्र से ले गेलन हल ओकरा ओखनी बिना खमीर देले रोटियन बनईलन काहेकि ऊ मिस्र के फिरौन ओखनी के अईसन जबरदस्ती निकाल के ओखनी के कोई समय भी नऽ मिलल कि राह में खाय ला कुछ बना सकतन, येहिगुने सानल आटा बिना खमीर के हल।40इस्राएलियन के मिस्र देश में बसल 430 बरस हो गेल हल।41ऊ 430 बरस बितला पर ठीक ओही दिन, यहोवा के सभे सेना मिस्र देश से निकल गेल।42यहोवा इस्राएलियन के मिस्र देश से निकाल के लईलन, येहिगुने ऊ रात ओखनी के माने के लायक होल, ई यहोवा के ओही रात हे जेकरा पीढ़ी-पीढ़ी में माने ला इस्राएलियन लागी जरुरी हे।43फिरू यहोवा मूसा आउर हारून से कहलन, फसह के परव के विधि ई हे; कि कोई परदेशी ओकरा में से नऽ खईतन।44बाकि जे कोई के मोल लेवल दास रहतन आउर तूँ लोगवन ओकरा खतना कईलऽ हे ऊ तऽ ओकरा में से खा सकलन हे।45बाकि परदेशी आउर मजदूर ओकरा में नऽ खईतन।46ओकरा खाय के एगो ई घर में होवे, माने कि ऊ ओकर मांस में से कुछ घर के बाहरे नऽ ले जईहऽ; आउर बलि करल जानवर के कोई हड्डी नऽ तोड़िहऽ।47परव के मनावे ला इस्राएलियन के समूचे मण्डली के काम हथन।48जदि कोई परदेशी तूँ लोगवन के साथे रह के यहोवा ला परव के मनावे ला चाहतन ऊ अपन ईहाँ के सभे मरद के खतना करईतन तऽ ऊ नजदीक आके ओकरा मानतन, आउर ऊ देशी आदमी के जईसन ठहरतन बाकि कोई बिन खतना के मरद ओकरा में से नऽ खईतन49ई व्यवस्था देशी आउर तोर बीच में रहे वाला परदेशी दूनो ला एक ही होत।50ई आज्ञा जे यहोवा मूसा आउर हारून के देलन ओकरे मुताबिक इस्राएलियन कईलन।51आउर ठीक ओही दिन यहोवा इस्राएलियन के मिस्र देश से झुण्ड के झुण्ड कर के निकाल के ले अईलन।
Bridge Connectivity Solutions Pvt. Ltd.