Exodus11
1फिरू यहोवा मूसा से कहलन, “एगो आउर विपत्ति हम फिरौन आउर मिस्र देश पर डालम, ओकर बाद ऊ तोहनी के उहाँ से जाय देतन। जखनी ऊ अईसन करतन, तऽ ऊ तोहनी के मिस्र से बाहर निकल देतन।2फिर सभे इस्राएलियन से जल्दी कहऽ कि एक-एकगो मरद अपन अपन पड़ोसियन से सोना-चाँदी के गहनवन देवे लागी कहऽ।”3तऽ यहोवा मिस्रियन के अपन प्रजा पर दयालु कईलन। आउर ओकरा से जादे मरद मूसा भी मिस्र देश में फिरौन के कर्मचारियन आउर साधारण लोगवन के नजर में बहुते महान होलन।4फिरू मूसा राजा भीर जा के कहलन, “यहोवा अईसे कहऽ हथन, कि आधा रतिया के, करीब में मिस्र देश के बीचो-बीच में होके चलम।5तऽ हम मिस्र के सभे पहिलौठा के मार देम। चाहे ऊ सिंहासन पर बईठेवाला फिरौन से लेके चक्की पीसेवाली दासी तक के पहिलौठा: आउर जानवर के पहिलौठा आउर जानवर के पहिलौठा सभे बूढ़ा नर के भी।6आउर सभे मिस्र देश में बड़का हाहाकार मच जाय, ईहाँ तक कि ओकरा जईसन नऽ कहियो होल हे आउर नऽ कहियो होत।7बाकि इस्राएलियन के विरोध में, का आदमी का जानवर, कोई पर केकरो कुत्ता भी नऽ भुक्कत जेकरा से तूँ जानऽ लेवऽ कि मिस्रियन आउर इस्राएलियन में यहोवा अन्तर करऽ हथन।8तब तोर ई सभे कर्मचारी हमरा भीर पहुँच के हमरा दण्डवत कर के ई कहतन, अपन सभे लोग के साथे चल जा। आउर एकर बाद हम मिस्र से निकल जायम।” ई कह के मूसा बड़ा गुस्सा से फिरौन के नजदीक से निकल गेलन।9तऽ यहोवा मूसा से कहलन, “फिरौन तोर बात नऽ सुनतन; अईसन येहिगुने हे मिस्र देश में विनाशकारी चमत्कार करतन।”10मूसा आउर हारून फिरौन के सामने सभे चमत्कार कईलन, बाकि यहोवा फिरौन के मन कठोर कर देलन। येहिगुने राजा इस्राएलियन के अपन देश से जाय नऽ देलन।
Bridge Connectivity Solutions Pvt. Ltd.