Esther8
1ओही दिन, राजा क्षयर्ष रानी एस्तेर के ऊ सभे दौलत देलन जे हामान से संबंधित हल। ऊ यहूदियन के दुश्मन हलन। एस्तेर राजा के बतईलन कि मोर्दकै उनकर चचेरा भाई हलन आउर ऊ उनकर पिता के जईसन हलन। जब उनका ई सब के बारे में पता चलल, तऽ राजा मोर्दकै के उनका भीर आवेला बुलवईलन।2जखनी राजा हामान के मौत के सजा सुनईलन, “राजा हामान से ऊ अंगूठी के वापस ले लेलन हल जेकरा पर राजा के आधिकारिक मुहर हल आउर राजा ओकरा फिर से पेहेन लेलन।” राजा अब अंगूठी के उतार लेलन आउर मोर्दकै के दे देलन, ई देखावे लागी कि मोर्दकै के पास काम करे लागी राजा के अधिकार वाला सामर्थ होत। एस्तेर मोर्दकै के ऊ सभे संपत्ति के प्रभारी भी रखलन जे हामान से संबंधित हल।3फिन एस्तेर राजा से बतियाय लागी दोबारा उनका पास अईलन। ऊ ई देखावे लागी कि ऊ बहुत जादे हताशा के साथ निवेदन कर रहलन हल, एस्तेर ठेहुनिया मार देलन आउर अपन मुंह ठीक उनकर गोड़ के ऊपर रख देलन। ऊ रोते हुए यहूदियन के नाश करे वालन अगागी हामान के भयानक योजना के रोके लागी उनका से विनती कईलन।4राजा एस्तेर के तरप अपन सोना वाला राजदण्ड बढ़ा देलन, येहिगुने ऊ जमीन से उठलन आउर राजा के देखते खड़ी हो गेलन।5तऽ एस्तेर राजा से विनती कईलन, “हे महामहिम, जदि तूँ सोचऽ हऽ कि ई काम करे ला सही हे, आउर जदि तूँ हमरा से प्रसन्न हऽ, तऽ कृपा कर के एगो नया चिट्ठी ऊ चिट्ठी के रद्द करे लागी लिखऽ जेकरा हम्मदाता अगागी के बेटा हामान भेजलन हल।” उनकर बेटा तोहर सभे साम्राज में सभे जगह के सभे यहूदियन के नाश करे के बात कईलन हे।6“हम अईसन येहीलागी कह रहली हे काहेकि हम अपन समाज के साथ होवे वाला भयानक काम के नऽ देख सकऽ ही जे उनका साथ घटित होवे वाला हे।” ऊ हमर मेहमान हथिन। हम समाज के उनका बर्बाद करते नऽ देख सकऽ ही।7राजा क्षयर्ष, रानी एस्तेर आउर यहूदी मोर्दकै के जबाब देलन, “जैसन कि तूँ जानऽ हऽ कि, हम एस्तेर के सभे संपत्ति देली हे जे हामान से संबंधित हल, आउर हमर सेवकवन हामान के एगो लकड़ी के खम्भा पर लटका देलन हे काहेकि ऊ सभे यहूदियन के मारे लागी चाहऽ हलन।”8“येहिसे तूँ अपन समझ के मोताबिक राजा के नाम से यहूदियन के नाम पर लिखऽ, आउर राजा के अंगूठी के छाप भी लगाव; काहेकि जौन चिट्ठी राजा के नाम से लिखल जाय, आउर ओकरा पर राजा के अंगूठी के छाप लगावल जाय, ओकरा कोई भी रद्द नऽ कर सकऽ हे।”9येहिसे राजा नऽ अपन लेखक लागी भेजलन। ऊ अईलन आउर ऊ एगो चिट्ठी लिखलन जेकरा में सबकुछ बतावल गेल जे मोर्दकै उनका लिखे लागी बतयलन हल। ऊ ई चिट्ठी के लिखलन तीसरा महीना के तेईसमा दिन, सीवान के महीना में, बारहवाँ वरिस में ई लिखल गेल जेकरा में क्षयर्ष फारस के ऊपर राजा के रूप में शासन कईलन। चिट्ठी यहूदियन के साम्राज में संबोधित कईलन, बाकि जौरे ही ओखनी चिट्ठी प्रति राजकीय अधिकारियन आउर सभे नगर के राज्यपाल आउर अगुवन के भी भेजलन। क्षयर्ष के साम्राज के 127 नगर हल, जे पूरुब में भारत से लेके पच्छिम में इथियोपिया तक फैलल हल। शास्त्रियन सभे नगर में रहे वाला आदमी के अपन भाषा में आउर सभे झुण्ड के उनकर अपन लिपि के इस्तेमाल कर के लिखलन। ऊ खास कर के यहूदियन के उनकर अपन लिपि में आउर उनकर अपन भाषा में लिखलन। 10मोर्दकै राजा क्षयर्ष के नाम चिट्ठी के सभे प्रति पर से दस्तखत कईलन, आउर ऊ, ऊ अंगूठी के साथ सभे के मुहरबन्द कर देलन जेकरा पर राजा के आधिकारिक मुहर हल। घोड़ा पर सवार हरकार चिट्ठी के पहुँचईलन। ऊ तेज घोड़ा पर सवारी कईलन जे खाली राजा के सेवा लागी हल। ई घोड़वन के जनम राजा के अपन घोड़साल में होल हल।11चिट्ठी के हर एगो प्रति कहल गेल कि राजा पूरा साम्राज में यहूदियन के एक जौरे जमा होवे आउर खुद के सुरक्षा करे लागी लड़े के अनुमति दे हथिन। राजा के बेटा जौरे ही उनका अनुमति दे हथिन कौनो भी आदमी चाहे नगर से हथियार लोगवन के केकरो भी झुण्ड के पूरा तरह से नाश करे लागी जे उनका पर आक्रमण करतन। साथहीं अनुमति दे हे कि औरतियन आउर लईकवन के मारे से जे ओखनी पर हमला करतन, आउर आदमियन के संपत्ति लेवे लागी जिनका ऊ मारऽ हथिन।12आउर ई चिट्ठी राजा क्षयर्ष के सभे यहूदियन के पूरा साम्राज के सभे प्रांत में एक हीं दिन में बारहवाँ महीना के तेरहवाँ दिन, ओही वरिस में अदार के महीना में अईसन करे लागी अनुमति देलन।13चिट्ठी अधिकारियन से कहलक कि सभे नगर में चिट्ठी के प्रति देखईतन, जहाँ हर कोई उनका देख सकऽ हलन ताकि लोग के पता चल सके कि राजा ई आदेश देलन हल, आउर जेकरा से कि यहूदी ऊ दिन के आवे में अपन दुश्मन से लड़े लागी तैयार हो जईतन।14राजा चिट्ठी के बड़ी जल्दी बांटे लागी हरकारवन के आदेश देलन। ऊ उनका अपन वेग से चले वाला घोड़वन पर भेजलन। राजा के अधिकारियन भी नया कानून के घोषणा आउर चिट्ठी के प्रति के प्रदर्शन राजधानी शहर शूशन में कईलन।15राजा मोर्दकै के पहने लागी खास सामान देलन काहेकि ऊ अब उनका सभे से महत्वपूर्ण अधिकारी हलन। ऊ उनका एगो नीला आउर उजला राजकीय पोशाक, एगो बड़कागो सोना वाला मुकुट आउर मेहीन सन से बनल बैंगनी रंग वाला एगो पोशाक देलन। मोर्दकै एकरा पेहेन लेलन आउर महल से चल गेलन। जब शूशन के लोग उनका देखलन, तऽ ऊ आनन्द से भर के चिल्लईलन।16शूशन में यहूदी बड़ी जादे आनन्दित हलन, आउर दोसरा लोग भी उनका आदर देलन।17हर एगो नगर में आउर हर एगो शहर में, जहाँ भी हरकारे राजा के राजाज्ञा के एलान कर के चिट्ठी के लईलन, यहूदियन बहुत जादे आनन्द कईलन आउर बड़ा परव मनयलन। साम्राज में दूसरा समाज के बहुत लोग यहूदियन से बड़ी जादे डेरा गेलन कि यहूदीयन उनका जौरे का करतन, येहिगुने ऊ खुद यहूदी बन गेलन।
Bridge Connectivity Solutions Pvt. Ltd.