Esther7
1अईसे राजा आउर हामान रानी एस्तेर द्वारा तैयार करल गेल भोज में गेलन जेकरा रानी एस्तेर उनका लागी इंतेजाम कईलन हल।2ऊ दूसरका भोज में, जखनी ऊ दाखमधु पी रहलन हल, राजा एस्तेर से फिर पूछलन “हे रानी एस्तेर, अखनी तूँ हमरा से वतावऽ कि तूँ सच में का चाहऽ हऽ। हमरा वतावऽ, आउर हम तोरा लागी करम। तूँ जे कुछ भी मागवऽ हम तोरा देम, चाहे ऊ केतना भी बड़का काहे नऽ होत।”3तऽ रानी एस्तेर कहलन, जदि तूँ हमरा से प्रसन्न हऽ तऽ, हे राजा, हमरा उमीद हे कि हम तोरा से जे कुछ भी मांगम ओकरा तूँ करे लागी तैयार हो जईबऽ। कृपा कर के अईसन होवे दऽ कि हम जिन्दा रहियई, आउर हमर समाज के बचा लऽ। हम येही माँगऽ ही।4''हम तोरा से विनती करऽ ही काहेकि कोई हमर समाज के आउर हमरा हमर दुश्मन के हथवा में दे देलन हे, आउर ऊ हमरा पूरा तरह से नाश करे वाला हे। जदि कोई मरद आउर हिंयाँ तक कि औरतियन के दास बनावे लागी बेचतन हल, तऽ हम तोरा एकर बारे में कुछ नऽ कहती हल काहेकि ओकरा साथे, हे राजा तोरा परेशान करे लागी बड़ी जादे जरुरी नऽ होते हल।5तऽ राजा क्षयर्ष रानी एस्तेर के जबाब देलन, ''अईसन कौन कईलन हे? अईसन काम करे वाला के हिम्मत वाला आदमी कहाँ हे?6एस्तेर जबाब देलन, ''ऊ अादमी जे हमर विरोधी दुश्मन हे, ई दुष्ट हामान हे! एकरा से हामान राजा आउर रानी के मौजूदगी से भय खा गेलन।7राजा एतना बेसी गोस्सा होलन कि उठ गेलन आउर दाखमधु के भोज के छोड़ के चल गेलन। ऊ महल के फुलबारी में बाहरी चल गेलन ई फैसला करे कि का करतन के चाही बाकि हामान अपन जान बचावे लागी रानी एस्तेर से निवेदन करे लागी भीतरही रहऽ गेलन, काहेकि ऊ जान गेलन हल राजा उनका मारे लागी चाहऽ हथिन8जखनी ऊ अपन जान बचावे लागी विनती कर रहलन हल, तऽ हामान एस्तेर के बहुत जादे भीरी में पहुँच गेलन काहेकि ऊ एगो भोज वाला सोफा पर झुकल हलन। जब राजा महल के फुलबारी से ऊ कमरा में लौटलन, जँहा ऊ दाखमधु पी रहलन हल, ऊ ई देखलन राजा हैरानी से कहलन, ''ऊ हमरा मौजूदगी में आउर हमर घर में रानी के बेपानी करे के कोशिश कर रहल हे! जईसहीं राजा ई कहलन उनकर कुछ दास हामान के मुंह झाप देलन एगो निसानी के रूप में कि उनका मार देबल जायेत।9तऽ हर्बोना, जे कि राजा के सेवक तौर से सेवा करे बालन पहरदार में से एगो हलन, जे कहलन, “हे राजा! हामान अपन घर पर पचीस मीटर ऊंँचा एगो खम्भा भी खड़ा कईलन हे काहेकि ऊ मोर्दकै के ओही पर लटकावे लागी चाहऽ हथिन। बाकि मोर्दकै तोहर जान बचईलन हल।” राजा हुकुम देलन, ''हामान के ओकरा पर लटका दऽ!10येहिगुने ओखनी हामान के खम्भा पर लटका देलन जे ऊ मोर्दकै लागी खड़ा कईलन हल। तऽ राजा ढेर जादे गोस्साय से रुक गेलन।
Bridge Connectivity Solutions Pvt. Ltd.