Esther9
1ओही साल के बारहवाँ महीना मतलब कि अदार के महीना, के तेरहमा दिन, सभे कोई लागी ऊ करे के समय हल जेकरा राजा के चिट्ठी कहलन हल जेकरा से ऊ उनका ऊ काम के करे के राजाज्ञा देलन हल। यहूदियन के दुश्मन ऊ दिन यहूदियन के नाश कर देवे के आशा कईलन हल। बाकि एकर ठीक उल्टा ही होल। उनकर जगह पर, यहूदियन अपन दुश्मन के हरा देलन।2राजा क्षयर्ष के समूचे साम्राज में, यहूदियन लोग उनकर अपन नगर में ऊ लोग के खिलाफ उनका से बचे लागी एक साथे एकजूट हो गेलन, जे उनका नुकसान पहुंचावे लागी चाहऽ हलन। कोई भी उनकर खिलाफ लड़े में सक्षम नऽ हलन, काहेकि साम्राज में हर कोई उनका से बहुत जादे डरऽ हलन, येहिसे कोई भी यहूदियन पर हमला करे वाला कोई के भी सहायता नऽ कईलन।3सभे नगर के सभे अगुवन, राजकीय अधिकारीगण, राज्यपाल आउर राजा लागी काम करे वाला सभे लोग यहूदियन के सहायता कईलन, काहेकि ऊ अधिकारी मोर्दकै से बड़ी जादे डर गेलन हल।4ऊ मोर्दकै से डरऽ हलन काहेकि ऊ एगो बहुत जादे खास राजा के अधिकारी हलन। सभे साम्राज में, हर कोई उनकर बारे में सुन रहलन हल कि ऊ केतना जादे महान हथिन, काहेकि मोर्दकै जादे से जादे असरदार होल जा रहलन हल।5ओही दिन उनका अपन हिफाजत करे लागी अनुमति देवल गेल हल, यहूदियन अपन तलवार उठा लेलन हल आउर अपन सभे दुश्मन के खिलाफ लड़ाई लड़लन। यहूदियन उनका पूरा तरह से बर्बाद कर देलन। ओखनी ऊ सभे कुछ करे में सक्षम हलन जे ऊ प्रसन्न होक अपन दुश्मन के खिलाफ करे लागी चाहऽ हलन।6राजधानी शूशन में यहूदियन 500 लोग के मार देलन।7यहूदियन हामान के दसगो बेटवन के भी मार देलन। उनकर बेटवन के नाम ई हलन पर्शन्दाता, दल्पोन, अस्पाता,8पोराता, अदल्या, अरीदाता,9पर्मशता, अरीसै, अरीदै आउर वैजाता,10यहूदियन के दुश्मन हम्मदाता के बेटा हामान के ई दसगो बेटा हलन। यहूदियन उनका मार देलन, बाकि उनकर ऊ सामान के नऽ लेलन जे उनकर हलन।11दिन के अंतिम में कोई भीतर अईलन आउर ऊ राजा के सूचना देलन ऊ कि राजधानी शूशन में यहूदियन केतना लोग के मार देलन हे।12राजा रानी एस्तेर से कहलन, “ईहाँ राजधानी शूशन में ही यहूदियन 500 लोग के मार देलन हे, जेकरा में हामान के दसगो बेटा भी सामिल हलन। हमर बाकी बचल साम्राज में, ओखनी एकरा से भी जादे मार देलन हे! अब, एकरा से जादे तोरा आउर कौची चाही? हमरा बतावऽ, आउर हम तोरा लागी ऊ भी करम। हम तोरा लागी सबकुछ करम, जे तूँ कहवऽ, येहिगुने कृपा कर के हमरा बतावऽ कि तूँ का चाहऽ हऽ।”13एस्तेर जबाब देलन, “जदि तोरा ई एगो बढ़ियाँ योजना प्रतीत होल हे, तऽ हे राजा, कृपा कर के यहूदियन के शूशन में हिंयाँ रहऽ हथिन बिहान फिन से अईसन करे के आदेश देथिन जे अपने उनका आज करे लागी देलथिन हल। एकर बदले, तोहर दास के हामान के दसो बेटवन के लाश के लकड़ियन के खंभवन पर लटकावे के आज्ञा देथिन।”14राजा ओही कईलन जईसन एस्तेर कहलन हल। ऊ यहूदियन के आदेश दे के शूशन में एक राजाज्ञा निकाललन कि ओकर अगला दिन फिर से ऊ अपन दुश्मन से लड़लन, आउर ऊ अपन सेवकवन के हामान के दसगो बेटवन के लाश के लटकावे के आदेश देलन।15आउर येहिसे अदार महीना के चौदहवाँ दिन, जे यहूदी शूशन में रहऽ हलन, ऊ फिन से एक जौरे एकजूट हो गेलन आउर शूशन में 300 आउर जादे लोग के मार देलन। बाकि एक बेरा फिर से ओखनी उनकर सामान के नऽ लेलन जे ऊ लोगवन के हल।16राजा के साम्राज के दोसरा हिस्सा में जे यहूदी रहऽ हलन, जे अपन जीवन के बचावे लागी लड़े लागी एक जौरे अदार महीना के तेरहवाँ दिन एकजूट हो गेलन हल, अपन दुश्मन के विफल कर देलन आउर पचहत्तर हजार लोगवन के ऊ दिन मार डाललन। बाकि ऊ उनकर सामान नऽ लेलन जे उनकर दुश्मन के हल।17अदार महीना के तेरहवमा दिन, अपन दुसमन के विफल कईलऽ के बाद, ऊ चौदहमा दिन विश्राम कईलन। ऊ आनन्दपूर्वक चौदहमा दिन के त्योहार मनावे लागी समर्पित कईलन।18बाकि यहूदीयन जे शूशन में रहऽ हलन अपन दुश्मन से लड़े लागी अदार महीना के तेरहवाँ आउर चौदहवाँ दिन में एक साथे जमा हो गेलन हल। ऊ पंद्रहवाँ दिन विश्राम कईलन। ओखनी ऊ दिन के आनन्द मनावे लागी समर्पित कईलन।19येहिसे गाँव में रहे वाला ग्रामीण यहूदी ई छुट्टी के पालन अदार के महीना के चौदहवाँ दिन पंद्रहवाँ दिन के अपेक्षा करऽ हथिन। ऊ एकरा आनन्द सहित मनाव हथिन आउर अईसन एक-दोसरा के उपहार दे के करऽ हथिन।20मोर्दकै ऊ सभे बात लिखलन जे घटित होल हल। तऽ ऊ राजा क्षयर्ष पूरा साम्राज में सभे यहूदियन के सभे ऊ जगह पर चिट्ठी भेजलन, जहाँ ऊ रहऽ हलन।21ऊ अदार महीना के चौदहवाँ आउर पंद्रहवाँ दिन एगो छुट्टी के स्थापना कईलन। ऊ यहूदियन से कहलन कि ऊ हर बरिस एकरा पालन करते रहथिन।22काहेकि ई ऊ दिन हल जब यहूदियन विश्राम कईलन हल आउर अब उनका आउर जादे अपन दुश्मन से लड़े के नऽ हल। ई ऊ महीना हल जब उनका लागी सभे कुछ बदलल गेल हल। ऊ बहुत जादे दुखी हो गेलन हल काहेकि उनकर दुश्मन उनका बर्बाद करे वाला हल। बाकि तऽ ऊ अपन सभे दुश्मन से सुरक्षित होला के बाद बहुत जादे आनन्दित हो गेलन। ई कारण मोर्दकै उनका कहलन ऊ दिन के आनन्द से मनावे आउर अईसन एक दूसरा के उपहार दे के करते रहतन। मोर्दकै उनका से ई भी कहलन कि उनका ऊ दिन में गरीब लोग के सहायता करे के चाही23यहूदी पहिले से ही ई तरह के ऊ दिन के परव मना रहलन हल। येहिगुने ऊ जल्दीबाजी से अईसन करे लागी तैयार होलन, जेकरा मोर्दकै लिखलन हल।24ओखनी ऊ दिन के याद करे लागी मनावऽ हथिन कि कईसे अगागी हम्मदाता के बेटा हामान, सभे यहूदियन के दुश्मन उनका बर्बाद करे के कोशिश कईलन हल। ऊ यहूदियन पर आक्रमण करे ला आउर उनका पूरा तरह से बर्बाद करे लागी एगो "पुर" नामके मतलब कि चिट्ठी ई पता लगावे लागी कि सभे से बढ़ियाँ दिन कौन होत डाललन हल।25ओखनी जौरे ई भी याद करतन कि एस्तेर राजा के सामने आवे के कईसे हिम्मत कईलन हल जबकि ऊ उनका नऽ बोलईलन हल। तऽ राजा मोर्दकै के अनुमति देलन एगो चिट्ठी के पूरा साम्राज में भेज के ई कहलन कि राजा हामान के द्वारा यहूदियन के नाश करे लागी हामान के ही बुरा योजना के पलट देतन। राजा अपन सेवकवन के हामान के लकड़ी के खंभा पर टांगे के आदेश देलन। जब शूशन में यहूदियन उनकर दसो बेटवा के मार देलन, तऽ राजा के सेवकवन उनकर शरीरवा के भी लटका देलन हल।26फारसी शब्द "चिट्ठी" लागी "पूर" हे। येहिगुने यहूदियन ई परव के नाम पूरीम रखलन। ऊ सभे अद्भुत बात के मतलब जेकरा ओखनी तुरन्त मालूम कईलन हल आउर काहेकि तब मोर्दकै उनका ई छुट्टी के पालन करे लागी कहलन हल, लिखलन हल,27यहूदियन ऊ दू दिन के छुट्टी के रूप में मनावे लागी स्थापना कईलन आउर उनका पालन अईसे करे लागी सहमति बनईलन, जे जईसन से मोर्दकै ऊ खास दिन में करे लागी उनका कहलन हल। ऊ सहमत होलन कि ऊ आउर उनकर पीढ़ी आउर हर कोई जे यहूदी लोग के हिस्सा बन गेलन हल, पूरीम के ई त्योहार के हर साल एकरा हमेशा मनयतन।28येहिगुने सभे पीढ़ी में कुल यहूदी परिवार आउर उनकर बाद ई दिन के छुट्टियन के रूप में सभे ऊ जगह पर मानवऽ हथिन, जहाँ ऊ रहऽ हथिन। यहूदी समुदाय आउर उनकर खानदान हमेशा पूरीम के ई त्योहार के विश्वासयोग्यता से पालन करतन।29तऽ रानी एस्तेर, जे अबीहैल के बेटी हथिन, जे यहूदी मोर्दकै के सहयोग से पूरीम के बारे में एगो दूसरा चिट्ठी लिखलन। काहेकि एस्तेर रानी हलन, ऊ यहूदियन के पुरीम उनकर चिट्ठी में उनकर बारे में जेकरा मोर्दकै लिखलन हल आदेश देवे में सक्षम हलन।30ओखनी क्षयर्ष के पूरा साम्राज में सभे यहूदियन के ई दूसरका चिट्ठी के प्रति भेजलन। ई उनका प्रोत्साहित कईलन कि उनकर हालत अब शान्तिपूर्ण आउर सच्चा हल।31ई दूसरका चिट्ठी में यहूदी मोर्दकै आउर रानी एस्तेर साबित कईलन कि पूरीम त्यौहार के दिन अदार महीना के चौदहवाँ आउर पंद्रहवाँ दिन में मनावल जाय के चाही। ओखनी ई बात भी साबित कईलन कि यहूदियन के उपवास आउर विलाप के घड़ी के हमेशा बनईले रखे के चाही जेकरा यहूदियन अपन आउर अपन वंसजवन लागी स्थापित कईलन हल।32एस्तेर पूरीम के त्योहार यहूदियन लागी छुट्टी के रूप में स्थापित करे लागी एगो राजाज्ञा निकललन, आउर राजकीय शास्त्रियन ई कानून के चर्मपत्र में लिखलन।
Bridge Connectivity Solutions Pvt. Ltd.