Esther6
1ऊ रात राजा सूत नऽ पईलन। येहिगुने ऊ अपन सेवा करे बालन राजकीय जवान के राजकीय इतिहास वाला किताब के लावे लागी कहलन। एगो जवान केतना में से इतिहास के किताब ले अईलन आउर ओकरा राजा के सामने ऊँचा आवाज में पढ़े लागी शुरू कईलन।2इतिहास के किताब बतईलक कि बिगताना आउर तेरेश, दूगो राजकीय सिपाही, जे राजा के सेवक तौर पर कमरा में जाय वाला भीतर जाय वाला दुआरी के रक्षा करऽ हलन, राजा क्षयर्ष के मारे लागी योजना बना रहलन हल। इतिहास के किताब ई भी बतईलक हल कि मोर्दकै उनकर साजिस के खोज कईलन हल आउर राजा के एकर बारे में बतईलन हल। अईसन कर के, मोर्दकै, राजा के जान बचईलन हल।3तऽ राजा पूछलन, “हमर जीवन के बचावे लागी हम मोर्दकै के कौन बड़का तरीका से सम्मानित कईली हल?” उनकर सेवा करे वाला बालन जवान उनका जबाब देलन, कोई उनका लागी कुछ नऽ कईलन।4ओही घड़ी, हामान राजा के घर के भीतरी अगनमा में प्रवेश कईलन। ऊ राजा के ई बतावे लागी अईलन हल कि ऊ मोर्दकै के ओही खम्भा पर लटकावे लागी चाहऽ हथिन जेकरा ऊ मोर्दकै लागी खड़ा कईलन हल। राजा मोर्दकै के सम्मानित करे के सभे से बढ़ियाँ तरीका के बारे में केकरो से राय लेवे लागी चाहऽ हलन, येहिगुने ऊ पूछलन, “हूँआ अगनमा में बाहरे कौन हथिन?”5जवान लोग जबाब देलन, “हे राजा, हामान अगनमा में खड़ा हथिन।” राजा कहलन उनका भीतरे ले आवऽ।6जखनी हामान भीतरे अईलन, राजा उनका से पूछलन, हमरा ऊ आदमी लागी कौची करे के चाही जेकरा हम सच में सम्मान देवे लागी चाहऽ ही? हामान एकरा खुद लागी सोंचलन, “जरुर हम ओही आदमी ही जेकरा राजा केकरो आउर से भी जादे सम्मान देवे लागी चाहऽ हथिन!”7हामान राजा के जबाब देलन, जदि तूँ सच में केकरो सम्मान देवे लागी चाहऽ हऽ,8तऽ अपन दास से कहऽ कि ऊ तोहर राजकीय पोशाक के ले आवे जेकरा राजा पहेनऽ हथन। साथे ऊ घोड़वा भी ले आवे जेकरा तूँ पहिले से सबारी कर चुकलऽ हे आउर एकर माथा पर एगो राजकीय मुकुट रखिहऽ ई देखावे लागी कि ई तोरा से संबंधित हे।9तऽ, तोहर तरप से, तोहर सभे खास अधिकारियन में से एगो ऊ आदमी के लबादा आउर घोड़ा भेंट मे दऽ। तोहर दास ऊ आदमी के कपड़ा पेहेनइतन जिनका तूँ सही में लबादे के साथे सम्मान देवे लागी चाहऽ हऽ। ओखनी ऊ आदमी के घोड़ा पर बईठा के आउर तब शहर के सब के जाई वाला चौराहा से घोड़ा के लेके जईतन जाय। ऊ सभे लागी ऊँचा आवाज में चिल्लाय, ''राजा ई कह रहलन हे काहेकि ई सच में ई आदमी के सम्मानित करे लागी चाहऽ हथिन10राजा के ई योजना पसंद आयेल येहिगुने ऊ हामान के जबाब देलन, “हाली से जा! पोशाकवन आउर घोड़वन के ले जा आउर ओही करऽ जे तूँ अखनी यहूदी मोर्दकै लागी बखान कईल हे। ऊ हमर सेवकवन में से एगो हे जे महल के प्रवेस दुआरी पर बैठल हे। सोंच लिहऽ कि तूँ ठीक ओही सभे कुछ कर हऽ जे तूँ कहलऽ हे।”11तऽ हामान ओही कईलन, जईसन आज्ञा राजा देलन हल, ऊ पोशाक आउर घोड़ा के ले लेलन। ऊ मोर्दकै के पोशाक पेहेनइलन, उनका घोड़ा पर बईठईलन, आउर फिन घोड़ा के शहर के सार्वजनिक चौराहा से होते लेके चललन। जखनी ऊ ई कईलन, तऽ ऊ सभे के सामने चिल्लईलन, “राजा अईसन कर रहलन हे काहेकि ऊ सच में ई आदमी के सम्मानित करे लागी चाहऽ हथिन!”12तऽ मोर्दकै राजा महल के प्रवेस दुआरी तक अपन जगह पर वापस चल गेलन। बाकि हामान अपन माथा के झाँकले काहेकि कि ऊ बड़ी जादे बेईज्जती महसूस कईलन, अपन घरे जाय ला जल्दी कईलन। 13हामान अपन सभे दोस्तवन के एक बार प्यार से फिन से एक जौरे जमा कईलन। ऊ उनका आउर अपन मेहरारू जेरेश के ऊ सभे कुछ बतईलन जे उनका साथे होल हल। ऊ दिन उनकर कुछ दोस्त भी उनकर सलाह देवेवाला आउर ओखनी आउर उनकर औरत जेरेस उनका बतयलन, “मोर्दकै तोहरा हरावे लागी शुरू कर देलन हे। काहेकि ऊ यहूदी लोगवन में से एगो हथिन, तूँ उनका खिलाफ में जीत नऽ पईवऽ। एकर बदले, ऊ जरुर तोरा हरा देतन।”14जखनी ऊ एक साथ बात कर रहलन हल, कुछ राजा के संरक्षक खोजे हामान के हाली से भोज में ले जाय लागी पहुँच गेलन, जेकरा एस्तेर आउर उनकर दास लोग तैयार कईलन हल।
Bridge Connectivity Solutions Pvt. Ltd.