Esther4
1जखनी मोर्दकै के हामान के योजना के बारे में पता चलल सभे यहूदियन के मारे लागी, तऽ ऊ दुःख के इशारा के रूप में अपन कपड़वा फाड़लन आउर अपना ऊपरे मोटा टाट डाल लेलन आउर अपन उपरे राख फेंकलन। फिन ऊ शहर के बीच, राजा के महल के तरफ पीड़ा में रोते चले लागी शुरू कर देलन।2बाकि जे कोई भी टाट के कपड़ा पहनले हलन, ओकरा राजा के फाटक के भीतर जाय के इजाजत नऽ हल। येहिसे जखनी मोर्दकै फाटक भीर पहुँचलन, तऽ उनका ओकर बाहरे ही रहे पड़ल।3राजा के सब नगर में, ऊ चिट्ठी जेकरा में यहूदियन के खतम करे लागी कहल गेल हल जखनी सभे लागी एलान करल गेल। तऽ यहूदियन एकर बारे में सुनलन, तऽ ओखनी बड़ी जादे विलाप कईलन। ऊ बिना खाना खईले आउर ऊँचा आवाज में रोलन। उनका में से ढेरो अपन ऊपरे टाट भी डाल लेलन आउर अपन ऊपरे राख डाललन आउर भुईयां में पर सूत गेलन। 4एस्तेर के देख रेख करे वाली औरत अपन सुरक्षा करे वाली के साथे अईलन आउर ओकरा बतईलन कि मोर्दकै फाटक के बाहरे टाट ओढ़ के बैठल हलन। जखनी ऊ उनकर बारे में सुनलन, तऽ रानी एस्तेर खुद बड़ी जादे डेरा गेल। ऊ टाट के जगह मोर्दकै के पहने लागी थोड़ा बढ़ियाँ कपड़ा भेजलन, बाकि ऊ ओकरा पहने से इनकार करऽ देलन।5राजा एस्तेर लागी कुछ राज दरबार के संरक्षक के खास तौर पर खड़ा कईलन हल। येहिगुने एस्तेर उनका से एगो हताक नाम वाला आदमी के बोलईलन। ऊ उनका कहलन कि ऊ बाहरे जा के मोर्दकै से बतियईतन आउर पता लगईतन कि ऊ एतना जादे बेचैन काहे हथिन कि ऊ राजा के फाटक पर टाट ओढ़ के बैठल हथिन।6येही वजह हताक मौर्दकै के साथे बात करे लागी बाहर गेलन, जे राजा नगर के प्रवेस दुआरी के सामने मैदान में हलन।7तऽ मोर्दकै उनका पूरा हाल बता देलन, आउर एहु कि हामान यहूदियन के नाश करे लागी राजा के भण्डार में केतना चाँदी लौल के देवे लागी कहलन हल।8मोर्दकै हताक के ऊ चिट्ठी के एक प्रति भी देलन जेकरा आगे वाला अग्रदूत ऊँचा बोली से शूशन में पढ़लन हल आउर कहलन हल कि लोगवन के सभे यहूदियन के मारे के चाही। ऊ हताक के एस्तेर के चिट्ठी देखावे लागी कहलन जेकरा से ऊ अच्छा से जान सकतन कि ऊ का कहलन हे। ऊ उनका ई भी कहलन कि ऊ राजा से खास तौर से विनती करतन आउर अपन लोग के नाश होवे से बचावे लागी उनका से दया देखावे लागी निवेदन करतन।9येहिलागी हताक एस्तेर भीर वापस लउट अईलन आउर उनका बतयलन कि मोर्दकै उनका से का कहलन हल।10तऽ एस्तेर हताक के ई संदेश के साथे मोर्दकै भीर वापस जाय लागी कहलन:11“राजा के सामने जाय के बारे में एगो नियम हे जे कि राज्य में सभे लागी, मरदवन आउर औरतियन दूनो पर लागू होवऽ हे। जदि कोई भी महल के भीतरी अँगना में जा हे, जहाँ राजा उनका देख सकऽ हथिन, आउर जदि राजा उनका नऽ बुलईलन होत, तऽ ऊ आदमी मार देवल जा हे। खाली जदि राजा अपन सुतेवाला राजदण्ड के उनका भीर आगे बढ़ावऽ हथिन, तऽ ऊ जिन्दा रहथिन। पूरा राजपाट में सब कोई ई कानून के जानऽ हलन। येहिगुने हम राजा भीर नऽ जा सकऽ ही आउर ओकरा नऽ बोल सकऽ ही जईसन कि तूँ अनुरोध कईल हे। एक महीना से जादे समय से राजा हमरा नऽ बोलईलन हे, आउर जदि हम बिना बुलईले चल जा ही, तऽ हम मारल जा सकऽ ही।”12तऽ जब हताक मोर्दकै के एस्तेर के संदेश देलन आउर उनका बतयलन कि एस्तेर कौची कहलन हल।13मोर्दकै हताक से एस्तेर के ई बतावे लागी कहलन: “तूँ खाली ई नऽ सोंचऽ कि काहे तूँ राजा के महल में रहऽ हऽ येहिगुने तूँ बचल रहबऽ जखनी ऊ दुसर सभे यहुदियन के मारतन।”14“जदि तूँ अखनी कुछ नऽ बोलावऽ, तऽ कोई दोसरा जगह से कोई नऽ कोई यहूदियन के छुड़इतन, बाकि तूँ आउर तोहर संबंधी नऽ बच पईतन। कौन जानऽ हे कि, शायद ई खाली अईसन घड़ी लागी होल कि तूँ रानी बनलऽ हे।”15हताक द्वारा बतईला के बाद एस्तेर, उनका मोर्दकै भीर वापस जाय लागी कहलन आउर उनका से ई काहे लागी कहलन:16“सभे यहूदियन के जमा करऽ, जे हिंयाँ शूशन में रहऽ हलन आउर उनका उपवास करे आउर हमरा लागी प्रार्थना करे लागी कहऽ। ऊ कहलन कि तीन दिन आउर तीन रात कुछ भी नऽ खईतन चाहे पितन। हमरा देख रेख करे वालीन औरतियन आउर हम भी ओईसहीं उपवास करम। तीन दिन के आखिर में, हम राजा भीर बात करे लागी जायेम, भले ही अईसन करे लागी फारसी कानून के खिलाफ ही काहे नऽ रहे। हम अईसन करम, चाहे एकरा लागी हमरा अपन जान काहे नऽ देवे पड़त।”17येहिसे हताक द्वारा बतईला के बाद मोर्दकै, चल गेलन आउर ऊ, ऊ सभे कईलन जेकरा करे लागी एस्तेर कहलन हल।
Bridge Connectivity Solutions Pvt. Ltd.