Esther2
1ई चीजवन के घटित होवे के बाद, जखनी राजा क्षयर्ष के गोस्सा कम हो गेल, तऽ ऊ वशती के याद करे लागी शुरू कर देलन। बाकि जखनी ऊ उनकर आदेश के नकार देलन हल, तऽ ऊ उनका एगो राजा के आदेश देलन हल कि ऊ फिन उनकर सामने नऽ आ सकऽ हथिन2तऽ राजा के सेवा टहल करे वालन में से थोड़ा जबान लोग उनका से कहलन, हे महाराजा धिराज तोरा अपना लागी एगो नया मेहरारू लावे के चाही। तूँ अपन सेवकवन से कहऽ सकऽ हऽ कि ओखनी ऊ जवान कुँवारी के खोज करत जे बहुत जादे सुन्दर हथिन।3एकर बदले, राजा अपन राजपाट के सभे शहर में अधिकारियन के सब ऊ कुवाँरी के हिंयाँ तोहर राजधानी शूशन में लावे लागी नियुक्त कर सकऽ हथिन जे बहुत जादे सुन्दर हथिन। ऊ राजकीय संरक्षक, हेगे होतन कि हिफाजत में कुवाँरियन के झुण्ड में रह सकऽ हथिन, जे हूँआ रहे बाली जबान औरत के देख रेख करऽ हलन। ऊ उनका लागी सुन्दरता उपचार हासिल करे के व्यवस्था करऽ हलन।4“तऽ तूँ फैसला ले सकऽ हऽ कि तोहरा कौन जबान औरत जादे पसंद हे, आउर तूँ वशती के जगह पर उनका रानी बना सकऽ हऽ।” राजा के उनकर देबल सुझाब पसंद आयेल, येहिलागी ओखनी ओईसहीं कईलन।5ऊ घड़ी राजधानी शूशन में मोर्दकै नाम के एगो यहूदी आदमी रहऽ हलन। ऊ बिन्यामीन के गोत्र से हलन। उनकर पिता के नाम याईर हल, उनकर दादा के नाम शिमी हल आउर उनकर परदादा के नाम कीश हल।6कई बरस पहिले, बाबेल के राजा नबूकदनेस्सर कीश के यरूशलेम से निकाल देवल गेल हल आउर उनका कुछ दुसर कैदियन साथे बेबीलोन ले अईलन हल। नबूकदनेस्सर उनका यरूशलेम से ओही घड़ी ले लेलन हल जखनी ऊ यहूदा के राजा यकोन्याह के यरूशलेम से दूर ले गईलन आउर उनका बेबीलोन ले अईलन।7अखनी मोर्दकै अपन भतीजी के देख रेख कर रहलन हल, जे एगो अनाथ हलन। उनकर इब्रानी नाम हदास्स हल, आउर उनकर फारसी नाम एस्तेर हलन। जखनी उनकर पिता आउर माय के मौत हो गेल, तऽ मोर्दकै उनका अपन बेटी के रूप में गोद ले लेलन हल। एस्तेर अखनी एगो जबान लड़की हल, आउर ऊ असाधारण रूप से खुबसूरत हल।8आउर ई ढंग से अईसन होल: कि सन्देशवाहक सभे राजपाट में चल गेलन आउर राजा द्वारा बोलल गेल नयका कानून के ऐलान कईलन। ओही घड़ी, अधिकारियन जिनका राजा सभे शहर में नियुक्त कईलन हल कईगो सुन्दर जवान औरतियन के राजधानी शूशन में लइलन आउर उनका हेगे के देख रेख में रखल गेल। ऊ ओही आदमी हलन जे जवान औरतियन के निगरानी करऽ हलन ऊ कुंवारी लड़कियन के हरम में रहऽ हलन। काहेकि एस्तेर असाधारण रूप से खुबसूरत हलन, अधिकारीगण उनका भी राजा के महल में लईलन आउर ऊ हेगे के देख रेख में रखलन।9हेगे ई एस्तेर से बहुत जादे प्रभावित होल, आउर ऊ उनकर साथ कृपा भरल व्यवहार कईलन। ऊ एस्तेर लागी जल्दी से सौंदर्य उपचार आउर खाना के भोज के व्यवस्था कईलन। ओखनी राजा के महल से सात औरत सेविकावन के भी चुनलन आउर उनका उनकर निजी सेवा करे वाली के रूप में नियुक्त कईलन। ऊ एस्तेर आउर उनकर सेवा करे वाली के कुँवारियन के हरम में बनल बढ़ियाँ महल में भेजलन।10मोर्दकै एस्तेर के चेतावनी देलन हल कि ऊ केकरो ई नऽ बताबे कि ऊ कौन आदमियन के झुण्ड से हलन। येहिलागी ऊ केकरो नऽ बतईलन कि ऊ एगो यहूदिन हलन चाहे उनकर रिश्तेदार कौन हथिन।11मोर्दकै जाने लागी चाहऽ हलन कि एस्तेर के का हालचाल हे आउर उनका जौरे का हो रहल हल। येहिलागी ऊ सब दिन, कुँवारियन के हरम के अँगना के सामने शांति से घूमऽ हलन। अईसे ऊ, ओखनी लोगवन से पूछ सकऽ हथिन जे हरम जा रहलन हल आउर एकरा से बाहरे आ रहलन हल, कि उनकर हालचाल कईसन हे।12हरम के सभे जवान औरत, एगो तय समय पर, राजा क्षयर्ष के जौरे शारीरिक संबंध बनावे लागी जा हल आउर उनकर रखैलियन में से एगो बन जा हल। वाकी अपन बारी आवे से पहिले, सभे औरत के सौंदर्य उपचार लागी एगो पूरा वरिस, ऊ उपचार तकनीक कर इस्तेमाल करे लागी मिलऽ हल जे फारस में औरतियन लागी विकसित करल गेल हल। ई जईसन सौंदर्य उपचार पूरा होवऽ हलन: पहले छः महीना तक, गन्धरस मिलल जैतून के तेल के साथे एगो औरत के सेवा करे वाली सब दिन उनकर देह के रगड़ऽ हल। अगला छः महीना तक, औरतियन लागी बनावल गेल सुगन्ध-द्रव्य, मलहम के साथे उनकर सेवा करे वाली रोज उनका देह के रगड़ऽ हल।13ई तरीका से ऊ एगो जवान औरत के राजा भीर जाय आउर उनका साथे शारीरिक संबंध बनावे आउर उनकर रखैलियन में एगो हो जाय लागी तैयार करऽ हल। ऊ कुँवारियन के हरम से जे भी कपड़ा आउर गहना ले जाय लागी चाहऽ हल, ले जा सकऽ हल आउर राजा के महल में जाय पर ओकरा पेहेन सकऽ हल।14राजा के सेवक शाम के उनका राजा के खास कमरा में ले आवऽ हलन। अगला दिन बिहने, ऊ उनका दूसरा हरम में ले आवऽ हलन, ऊ जे रखैलियन लागी हे। हूँआ शशगज नाम के एगो आदमी ओकरा अपन अधिकार में लेले हल, काहेकि ऊ राजकीय संरक्षक हल, जे रखैलियन के देख भाल करऽ हल। जवान औरत अपन वाकी जीवन भर हुएं रहऽ हलन। ऊ जखनी तक राजा भीर नऽ जा हलन, आउर राजा के फिन तखनी तक नऽ देखऽ हल जखनी तक कि उनका उनकर नाम से नऽ बुलाबल जा हल काहेकि ऊ उनकर साथे रहे के आनन्द प्राप्त कईलन हल।15अंतिम में, ऊ रात आयेल जब ई एस्तेर के राजा के पास जाय के बारी हल, जेकरा मोर्दकै अपन बेटी के जईसन गोद लेलन हल। ऊ मोर्दकै के चाचा अबीहैल के बेटी हल। जखनी एस्तेर राजा के पास गेलन, तऽ ऊ खाली ओही माँगलन जेकरा कुँवारियन के हरम के प्रभारी राजकीय संरक्षक हेगे सिफारिश कईलन हल कि उनका का पहनावे के चाही। एस्तेर के जेतना भी देखलन ऊ ओकरा से ढेर प्रभावित होलन।16राजा के सेवक एस्तेर के वरिस दसवे महीना तेबेत के महीना में उनकर राज्य फारस के राजा के रूप में सतवाँ वरिस में राजा क्षयर्ष के राजमहल में लेके अईलन।17राजा दोसरा औरत के तुलना में एस्तेर से जादे प्रेम कईलन। ऊ केकरो दोसरा जवान औरत जे उनकर रखैलियन बनावल गेल हल के तुलना में उनका जादे दयालुता भरल आउर जादे कृपापूर्ण पेश आयेल। येहिलागी राजा क्षयर्ष ने उनकर सिर पर एगो राजकीय मुकुट रख देलन, आउर ऊ उनका वशती के जगह पर रानी बना देलन।18तऽ राजा एगो बड़का भोज के व्यवस्था कईलन आउर अपन सभे अधिकारियन आउर सेवकवन के निमंत्रित कईलन। ई एस्तेर के रानी बने लागी परव भोज हल। ऊ घोषणा कईलन कि ई उनकर राजपाट के सभे शहर में लोग के खुशी मनावे के समय होत जखनी उनका लगान के जमा करे नऽ पड़त, आउर ऊ दया से लोग के तोहफा देलन। 19बाद में, क्षयर्ष के अधिकारियन शूशन में आउर जादे कुंँवारियन के लईलन। ई घड़ी, मोर्दकै राजा लागी काम कर रहलन हल, आउर ऊ राजा के फाटक भीर बैठऽ हलन। 20एस्तेर अखनियो केकरो नऽ बतईलन हल कि ऊ कौन लोग के झुण्ड हे, काहेकि मोर्दकै ऊ केकरो नऽ बतावे लागी चेतावनी देलन हल। सचमुच में, ऊ मोर्दकै के सभे आदेश के पालन करते रहलन, जईसन कि ऊ तखनी कईलन हल जखनी ऊ अपन घर में बड़ा हो रहलन हल।21ऊ घड़ी, जखनी मोर्दकै राजा के फाटक पर अपन काम कर रहलन हल, राजा के दूगो सिपाही, जे राजा के सेवक कमरा में जाय वाला महल के राह के हिफाजत करऽ हलन राजा से नाराज हो गेलन। ओखनी राजा क्षयर्ष के हत्या करे लागी योजना बनईलन। उनकर नाम बिगताना आउर तेरेश हे।22बाकि मोर्दकै पता लगा लेलन कि ऊ का योजना बना रहलन हे। ऊ रानी एस्तेर के एकर बारे में बतईलन, आउर ऊ राजा के बतयलन। ऊ बखान कईलन कि मोर्दकै उनका जानकारी देलन हल।23येहीलागी राजा के अधिकारियन मोर्दकै के खबर के जांच कईलन आउर पईलन कि ई सच हल। ई कारण से राजा अपन सेवकवन के आदेश देलन कि ऊ दूनो आदमी के लकड़ी के खम्भा पर लटका देबल जाय जखनी तक कि ऊ मर नऽ जाय। राजा के शास्त्री लोग राजा के मौजूदगी में राजकीय इतिहास के किताब मे एकर बारे में भाषा में सजवईलन।
Bridge Connectivity Solutions Pvt. Ltd.