Esther1
1ई ऊ दिन में घटल हल जखनी एगो राजा जिनकर नाम क्षयर्ष फारस के जमीन पर शासन कईलन। ई राजा क्षयर्ष के साम्राज में 127 प्रांत हल आउर एकरा में भारत के बीच के सभे इलाका पूरुब में आउर इथियोपिया पच्छिम में सामिल हल।2ऊ घड़ी राजा क्षयर्ष अपन साम्राज के शूशन राजधानी, फारस के राजधानी से राजगद्दी पर विराजमान होके शासन कर रहलन हल।3तिसरका वरिस के घड़ी, जखनी क्षयर्ष अपन साम्राज पर शासन कर रहलन हल, तऽ ऊ अपन सभे अधिकारियन लागी आउर उनका लागी काम करे वाला सभे खास आदमी लागी एगो भोज के आयोजन कईलन। ऊ धनी जमीनदार, आउर आस पास के अधिकारियन आउर ऊ अधिकारियन के भी निमंत्रित कईलन, जिनखनी फारस आउर मादै के राज्य के सभे सेना में सेवा दे रहलन हल। राजा खुद भोज के मेजबानी करे लागी उहाँ मौजूद हलन।4क्षयर्ष अपन मेहमान के जमके मनोरंजन कईलन, काहेकि ऊ देखाबे लागी चाहऽ हलन कि उनकर साम्राज्य बड़ी भरल पूरल हे आउर ऊ एगो बहुत जादे धनवान आउर तागतवर राजा हथन। भोज छः महीना तक चलते रहल।5ऊ छः महीना के आखरी में, ओकर बाद पहिला बड़ा भोज के दिन खतम हो गेल, राजा एगो दूसरा भोज के आयोजन कईलन। ई भोज शूशन में शाही राजगढ़ के सभे लोग लागी हल, जेकरा में धनवान आउर गरीब दूनो मिलल जुलल हलन। ऊ ई भोज के अपन महल के वाटिका के अँगना में आयोजित कईलन। ई पूरा एक सप्ताह तक चलते रहल।6अंगना में संगमरमर के खंभा पर चाँदी के छल्ला से लगल सफेद आउर बैंगनी रंग के डोरी से सफेद आउर नीला परदा लटक रहल हल। मेहमान के सोना आउर चाँदी से बनल सोफा पर बईठाबल गेल। ई पच्चीकारी कईल गेल भूंईयाँ पर रखल हल जे लाल संगमरमर, सफेद संगमरमर आउर मोती से मिला के बनल हल, आउर जेकर किनारा करिया संगमरमर से घेरले हल।7सेवकवन मौजूद आदमी के सोना के कटोरा में दाखमधु परोसलन। राजा एतना जादे धनवान हलन कि उनका भीर ई प्यालवन में से केतना हल, आउर ओखनी में से कोई भी एक जईसन नऽ हलन। राजा के नजदीकी मेहमान लोग लागी जादे मात्रा में उनकर अपन राजकीय दाखमधु मौजूद हल।8क्षयर्ष अपन मेहमान लोग के एगो खास सौभाग्य देलन हल। राजा अपन आदमियन के दाखमधु परोसे लागी भण्डारी ला ई नियम के देलन: “केकरो पीये ला जरुरी नऽ हे जदि ऊ पिये लागी नऽ चाहऽ हे।” सभे मेहमान जेतना चाहतन ओतना कम चाहे जादे खुशी से पी सकलन हल।9बाकि राजा अंगना में लोग के मनोरंजन कर रहलन हल, रानी वशती, उनकर मेहरारू, औरतियन लागी एगो भोज आयोजित कर रहलन हल। ऊ राजकीय महल के भीतर एकर आयोजन कईलन, जहाँ राजा क्षयर्ष रहऽ हलन।10राजा के भोज के दसमां दिन, जखनी राजा क्षयर्ष दाखमधु पिये से बढ़ियाँ महसूस कर रहलन हल, तऽ ऊ सातगो सेवा टहल करे वालन के बोलइलन जे उनकर सेवा खास तौर से करऽ हलन। उनकर नाम महूमान, बिजता, हर्बोना, बिगता, अबगता, जेतेर आउर कर्कस हल। 11रानी वशती एगो खूब सुन्दर औरत हलन। क्षयर्ष राजकीय दरबार में सेवा करे वालन लोग आउर अधिकारियन के देखावे लागी चाहऽ हलन कि ऊ केतना जादे सुन्दर हथन। येहिगुने राजा अपने सात व्यक्तिगत सेवकवन से कहलन कि रानी वशती के उनका भीर से ले आवऽ। ऊ उनका से कहलन कि ऊ उनका राजमुकुट पेहनईतन।12बाकि जखनी सेवा टहल करे वालन आके रानी वशती के बतईलन कि राजा का आदेश देलन हे, तऽ ऊ आवे से मानऽ कर देलन सेवा टहल करे वालन राजा के एकर खबर देलन, आउर राजा खुब जादे गोस्सा हो गेलन।13राजा के ई आदत हल कि ऊ थोड़ा सलाहकार से सलाह ले हलन, जे कानून के जानऽ हलन आउर बढ़ियां फैसला ले सकऽ हलन। येहिगुने ऊ ओखनी सलाहकरवन से बात कईलन, जे काम के करे के सही तरीका जानऽ हलन।1414 राजा के सभे करीबी सलाहकरवन में कर्शना, शेतार, अदमाता, तर्शीश, मेरेस, मर्सना, आउर ममूकान हलन। ई सातों अधिकारी फारस आउर मादै के राज्य के अलग-अलग जगह से हलन। ऊ राजा के व्यक्तिगत रूप से सलाह दे हलन। ऊ साम्राज के सभे से शक्तिशाली अधिकारी हलन।15राजा उनका कहलन, “हम ऊ सेवा टहल करे वालन के राजा क्षयर्ष के देबल हुकुम से रानी वशती भीर भेजली हल, जबकि ऊ हमर बात नऽ मानलन। कानून के मुताबिक, हमरा उनका जौरे का करे के चाही?”16तऽ ममूकान राजा के जबाब देलन, एतना जोर से बोललन कि जेकरा ऊ आउर उनकर अधिकारी दूनो सुन सकतन। ऊ कहलन, “रानी वशती खाली राजा के खिलाफ ही नऽ, अपितु सभे सहर के सभे अधिकारी आउर लोग के समूह के खिलाफ भी गलत काम कईलन हे जहाँ राजा क्षयर्ष राज्य करऽ हथन।”17“अखनी अईसन होत। महारानी जे कईलन ओकर बारे में सभे साम्राज के औरत सुनतन। ऊ कहतन, 'राजा क्षयर्ष अपन सेवकवन के रानी वशती के उनका भीर लाबे के हुकुम देलन हल, बाकि ऊ नऽ अईलन!” येहिगुने जदि रानी भी राजा के आज्ञा उल्लंघन कर सकऽ हथन, तऽ हमरा अपन मरद के हुकुम काहे माने के चाही? 'तऽ औरतियन अपन मरद के आदर देवेलागी बंद कर देतन।18“हिंयाँ तक कि आज, जखनी फारस आउर मादै के आगेवाली औरतियन सुनथिन कि रानी का कईलन हे। तऽ ऊ अपन मरद के, हिंयाँ तक कि उनकर राजा के अधिकारी होवे पर भी आज्ञा के उल्लंघन करे लगतन।” ऊ उनकर साथ पराया जईसन व्यवहार करतन, आउर एकरा से उनकर मर्दाना उनका से गोस्सा हो जयतन। ई अपन खुदे में ही बहुत बुरा होत, चाहे ई खबर के केज्जो भी आउर जादे नऽ फैलत।19जदि तूँ हमरा खुश करऽ हऽ अईसन करे से तऽ तोहरा खास तौर से एगो राजकीय राजा के आदेश देवे के चाही आउर एकरा फारस आउर मादै के कानून में जोड़े के चाही, जेकरा कोई भी नऽ बदल सकलन हे। ई राजा क्षयर्ष अईसन कहतन कि वशती तोहर सामने फिन कहियो नऽ आ सकऽ हथिन। तऽ तोहरा अपन रानी बनावे लागी एगो दोसरा औरत के चुनाव करे के चाही, जे तोहर बात मानतक20ई तरह से, जबकि तोहर साम्राज खूब बड़ा हे, तईयो हर कोई तोहर आदेश राजा के आदेश के बारे में सुनथिन आउर जानथिन कि जदि कोई मेहरारू अपन मरद के आदेश नकारथिन तऽ उनका दूर करल जा सकऽ हे आउर तलाक देबल जा सकऽ हे जईसन कि तूँ बस्ती के साथे कईल हे। “तऽ सभे मेहरारू अपन मरद के आदेश मानत। ई राजपाट में हर मरद लागी सच ठहरत।”21ई राजा आउर उनकर अधिकारियन के एगो बढ़ियाँ सुझाव मालूम होल येहिगुने राजा क्षयर्ष ममूकान के सुझाब के पालन कईलन।22राजा अपन राजपाट के हर शहर में चिट्ठी के भेजलन ऊ हर शहर के उनकर अपन वर्णमाला आउर सभे आदमी झुण्ड के अपन भाषा के इस्तेमाल कर के लिखलन गेल चिट्ठी में कहल गेल हल कि पतियन के अपन मेहरारू आउर लईकन पर स्वामी होवे के चाही। ऊ ई भी कहलन कि एगो मरद के अपन मेहरारू के अपन भाषा में हुकुम के देवे के लायक होवे के चाही आउर ई कि ओकरा एकरा समझे के चाही आउर ओकरा माने के चाही।
Bridge Connectivity Solutions Pvt. Ltd.