Nehemiah13
1ऊ दिन कोई लोगवन के एक कुण्डलपत्र के जोड़ से पढ़ के सुनयलन जेकरा में ऊ व्यवस्था हल जेकरा परमेश्वर मूसा के देलन हल। ओखनी सीखलन कि व्यवस्था कहऽ हें कि अम्मोनी चाहे मोआबी लोग के समूह में कभी भी कोई जब ऊ परमेश्वर के आराधना करे लागी जमा होवऽ हथिन तऽ इस्राएलियन में सामिल नऽ होवे के चाही। 2व्यवस्था ई कहलक काहेकि अम्मोनी आउर मोआबी के लोग इस्राएलियन के कोई खाना चाहे पानी नऽ देलक हल जहिया ऊ मिस्र छोड़े घड़ी उनकर इलाका में से यात्रा कर रहलन हल। एकर बजाय, ओखनी बिलाम के धन के भुगतान कईलन ताकि ऊ इस्राएलियन के शाप देतन। बाकि हमर परमेश्वर इस्राएल के श्राप देवे के ऊ कोशिश के आशीष में बदल देलन।3एही चलते लोगवन ऊ व्यवस्था के पालन कईलन। ओखनी ऊ सभे इस्राएली समुदाय लोगवन के बिदा कर देलन, जिनकर पूर्वज दूसरा देश से अईलन हल।4जब एल्याशीब महायाजक बनलन तब उनका परमेश्वर के मन्दिर के भण्डारगृह पर कब्जा कर लेलन। अखनी उनकर रिश्तेदार तोबियाह हलन।5ऊ तोबियाह के एगो बड़ा कमरा में रहे के इजाजत देलन जेकर इस्तेमाल याजकवन के सामान के रखे लागी करल जा हल। एकरा में अन्नबलि आउर लोबान, आराधनालय के साजो-सामान, आउर अन्न, दाखमधु आउर जैतून के तेल के दशमांश भी हल। परमेश्वर लोगन के उनका लेवियन, गवैयन आउर द्वारपालवन के पास लावे के आज्ञा देलन हल। ई कमरा में याजक लागी भेंट भी रखल जा हल।6ऊ घड़ी हम यरूशलेम में नऽ हली, काहेकि अर्तक्षत्र के बत्तीसवाँ बरस में जब अर्तक्षत्र बाबेल के राजा हलन, तब हम राजा के ई बतावे लागी कि हम का कर रहली हल वापस चल गेली हाल। जब हम उहाँ कुछ समय रहली, तब हम राजा से कहली कि हमरा यरूशलेम में लौटे के इजाजत देतन।7जब हम यरूशलेम में पहुँचली, तऽ हमरा समझ आयेल कि एल्याशीब तोबियाह लागी परमेश्वर के भवन वाला जगह में ई कमरा के इस्तेमाल करे के इजाजत दे के बुराई कईलन हल।8एकरा से हमरा बड़ी जादे दुःख होल। हम तोबियाह के पूरा सामान ऊ कमरा से बाहरसी फेंक देली।9फिर हम ऊ कमरा के याजकवन के शुद्ध करे लागी एगो कर्मकाण्ड करेलागी आदेश देली आउर एकरा फिर से शुद्ध कर देवल गेल। हम साथहीं आदेश देली ऊ कमरा में परमेश्वर के भवन के साजो-सामान आउर अन्नबलि आउर लोबान के वापस जहाँ ऊ हल हूँए रखल जाय।10हमरा ई भी पता चलल कि आराधनालय के सेवा लागी जिम्मेदार गायक आउर दोसर लेवी यरूशलेम के छोड़ के चल गेलन हे। ऊ अपन खेत में लौट अईलन हल काहेकि लोग उनका अपन फसल के 10 प्रतिशत देवे लागी बंद कर देलन हल, काहेकि तोबियाह भण्डारगृह पर कब्जा जमा लेलन हल।11तब हम सहर के अधिकारियन के डाँटली। हम उनका से कहली, “तूँ परमेश्वर के भवन के काम के अनदेखा कईलऽ हे!” तब हम लेवियन आउर गवैयन के वापस आराधनालय में ले अईली आउर ऊ कहलन कि ऊ अपन काम फिर से करऽ।12तब पूरा यहूदा के लोग अन्न, दाखमधु आउर जैतून के तेल के दशमांश आराधनालय के भण्डारगृह में एक बार फिर लावे लगलन।13हम कुछ आदमियन के भण्डारगृहवन के मुंशी नियुक्त कईली। ई शेलेम्याह याजक, सादोक शास्त्री, आउर पदायाह लेवी हलन। हम उनकर सहायता लागी जक्कूर के बेटा हानान आउर मत्तन्याह के पोतवन के भी नियुक्त कईली। हम ई आदमी के येहिगुने नियुक्त कईली काहेकि सब जानऽ हलन कि ऊ भरोसा के योग्य आउर अपन सहयोगियन के बेगर पच्छपात के भेंट के बाँटतन।14हम विनती कईली कि “हे हमर परमेश्वर, कृपा कर के हमरा एकरा लागी आशीष दऽ। हाँ, ऊ भला काम लागी आशीष दऽ जौन तोर भवन आउर भवन के सेवा लागी हम प्रार्थना कईली हे।”15ओही दिन से, हम सब्त के दिन यहूदिया में कुछ लोग के देखली जे काम कर रहलन हल। कुछ दाखमधु के बनावे लागी कुण्ड में दाख रौंद रहलन हल। दूसरा अपन अनाज लेके गदहवन पर लाद रहलन हल। दोसर लोग भी दाखमधु के बोरियन, अँगूर के टोकरियन, अंजीर, आउर बहुत दोसर चीजवन के गदहवन पर लाद के सब्त के दिन यरूशलेम में ला रहलन हल। हम ओखनी के चेतावनी देली कि सब्त के दिन यहूदी लोग के भोजन वस्तु नऽ बेचत।16हम सोर शहर के कुछ लोग के भी देखली जौन उहाँ यरूशलेम में सोरी रहऽ हलन आउर सब्त के दिन यहूदा के लोग के बेचे लागी मछली आउर दोसर चीजवन यरूशलेम में ला रहलन हल।17येहिगुने हम यहूदी मुख्य अगुवन के फटकार लगईली। हम उनका से कहली, “ई तऽ बड़ी बुरा काम हे जे तूँ कर रहलऽ हे! तूँ सब्त के दिन के अपवित्र बना रहलऽ हे जेकरा परमेश्वर कहियो नऽ चाहऽ हलन कि ऊ होतन।18तूँ जानऽ हऽ कि तोहनी के पूरखन भी अईसने कईलन हल, आउर परमेश्वर हमनी के देश के ऊपर बड़ी मुसीबत लाके ई शहर के दंड देलन हे बाकि अखनी तोहूं सब्त के दिन के अपवित्र रहलऽ हे। तूँ एक बार फिर से परमेश्वर के इस्राएल देश के प्रति गोस्सा करे वाला हऽ। ऊ हमनी के आउर जादे सजा देतन!”19येहिगुने हम दरबारियन के आज्ञा देली कि जब शुक्रवार के शाम अंधार होवे लगतई तऽ यरूशलेम शहर के फाटक के बंद कर देतन। हम नौकरवन के आज्ञा देली कि ऊ शनिवार के शाम तक फाटक नऽ खोलतन। हम अपन कुछ आदमियन के भी फाटक पर तैनात कर देली हल ताकि ऊ ई तय करतन कि कोई भी सब्त के दिन ऊ घड़ी के बीच में शहर में बेचे लागी सामान नऽ लईतन।20एक चाहे दू बार सभे तरह के सामान बेचे वालन व्यापारियन आउर दुकानदारवन रात के सब्त के दिन से पहले यरूशलेम शहर के बाहर डेरा डाललन। कुछ अगला दिन बेचे लागी आशा कर रहलन हल।21हम उनका चेतावनी देली। हम उनका से कहली, “तोरा लागी शुक्रवार के रात के शहरपनाह के बाहर डेरा डाले ला बेकार हे। जदि तूँ फिर से अईसन करऽ हऽ, तऽ हम तोरा जबरदस्ती बंदी बना लेम!” ओकर बाद, ऊ सब्त के दिनमन में आगे से नऽ अईलन।22हम लेवियन के भी आज्ञा देली कि ऊ अपने आप के कर्मकाण्ड करे लागी शुद्ध करत आउर फिर शहर के फाटक के रखवाली तैनात होके करतन। हम चाहऽ हली कि ऊ तय करतन कि कारोबारियन के ऊ पवित्र दिन में शहर में ढूक्के के इजाजत नऽ दे के सब्त के दिन के पवित्र रखल जाय। हे “हमर परमेश्वर, कृपा कर के हमरा भी अईसन करे लागी आशीष देथिन! आउर हमरा प्रति दयालु रहथिन, हम प्रार्थना करऽ ही, काहेकि तोर करूना बड़ी बड़गो हे।”23ओही दिन से, हमरा ई भी पता चलल कि ढेर मनी यहूदी आदमी अश्दोद सहर से, आउर अम्मोनी आउर मोआबी लोगवन के समाज के औरतियन से बियाह कईलन हल।24एही वजह से उनकर लईकवन में से आधा अश्दोदियन के भाषा बोलऽ हल, आउर ऊ यहूदी बोले ला नऽ जानऽ हल। ओखनी जौन भी भाषा बोलऽ हल ओकर अन्यजाति के माय-बाप बोलऽ हलन।25येहिगुने हम ऊ आदमियन के फटकार लगइली। हम परमेश्वर से उनका शाप देवे लागी कहली। हम ओखनी में से कुछ के अपन मुक्का से मारली। हम उनकर बाल नोचबइली। तऽ हम उनका ई जानते भर में परमेश्वर सुन रहलन हे एगो गंभीर प्रतिज्ञा करे लागी विवश कईली। हम उनका से प्रतिज्ञा लेली कि ऊ फिनो कहियो अपन बेटी के अन्यजाति के मरद से बियाह नऽ करतन।26हम उनका से कहली, “तूँ जानऽ हऽ कि इस्राएल के राजा सुलैमान मूर्ति के पूजा करे वालीन अन्यजाति औरतियन से बियाह कर के पाप कईलन हल!” तूँ जानऽ हऽ कि दूसरा देश के कोई भी राजा से बड़ा हलन। परमेश्वर उनका से प्रेम कईलन, आउर परमेश्वर उनका इस्राएल के समूचे लोग के राजा बनईलन। बाकि उनकर विदेशी मेहरारूयन उनका भी पाप में दाल देलन!27तोरा बारे में ई सुन के हम दुखी ही! तूँ मूर्ति के पूजा करे वालीन अन्यजाति के औरतियन से वियाह कईल हे। “तूँ हमर परमेश्वर के खिलाफ बड़ी बड़का पाप कईलऽ हे!”28एक आदमी जौन योयादा के बेटा हल आउर महायाजक एल्याशीब के पोता हल, ऊ होरोनी सम्बल्लत हमर दुश्मन के बेटी से बियाह कईलक हल। येहिसे हम ई आदमी के यरूशलेम छोड़े लागी मजबूर कईली।29“हमर परमेश्वर, ई आदमियन याजक पद के अशुद्ध कईलन हे। याजक आउर लेवियन के वाचा के। उनका दण्डित करऽ काहेकि ऊ; हम प्रार्थना करऽ ही, काहेकि ऊ एकर योग्य हथन!”30आउर हम उनका हरेक विदेशी चीज से शुद्ध कईली आउर हम सेवा के पहरेदार के खड़ा कईली हे: याजक आउर लेवी के काम करे वाला के।31हम ऊ लोग लागी वेदी पर जरावे लागी तय समय पर लकड़ी के भेंट लावे ला ठहरइली, आउर पूरा साल के सभे फसल के कटाई में से पहिला भाग के ठहरा देली।
“हे परमेश्वर, कृपा कर के गौर करतन कि हम ई सभे काम कईली हे, आउर हमरा ओकरा करे लागी आशीष देथिन।”
“हे परमेश्वर, कृपा कर के गौर करतन कि हम ई सभे काम कईली हे, आउर हमरा ओकरा करे लागी आशीष देथिन।”
Bridge Connectivity Solutions Pvt. Ltd.