Ephesians4
1एही सभे के वजह से, हम ओकरा जईसन जौन जेलखाना में हे काहेकि हम प्रभु यीशु के सेवा करऽ ही, हम तोरा से एगो अईसन जिनगी के जिये ला निवेदन करऽ ही जौन यीशु के आदर करऽ हे, जौन तोहनी के उनका ला जिये लागी बोलईलन हल।2हमेशा नम्र आउर दीन रहऽ। एक दोसर के साथे धीरज रखऽ, परेशान करे वाला काम के सहन कर के जईसन दोसरा करऽ हे काहेकि तूँ एक-दोसरा से प्रेम करऽ हऽ।3जबकि परमेश्वर के पवित्र आत्मा तोरा एक करलन हे, येहिसे एक दोसरा के साथे एक बनल रहे लागी सभे संभव काम के करऽ। एक दोसरा के साथे शान्ति से बर्ताव कर के खुद के एक साथ में जोर के रखऽ।4परमेश्वर भीर खाली विश्वासियन के एगो देह आउर एगो पवित्र आत्मा हे, ठीक ओईसहीं जईसन ऊ तोहनी सभे के एगो आउर खाली एगो चीज पावे लागी बोलईलन हे, जेकरा ला लोग आशा कर सकलन हे, जौन तोरा से जुड़ल हे जिनका परमेश्वर बोलईलन हे।5खाली एगो प्रभु, यीशु, मसीह हथन, उनका पर विश्वास करे ला खाली एगो उपाय हे, आउर ऊ हमरा ई देखावे लागी बपतिस्मा देलन कि हम खाली उनका से जुड़ल ही।6एगो परमेश्वर हथन, जौन हमनी सभे के पिता हथन, चाहे ऊ यहूदी होवे चाहे गैर-यहूदी होवे। ऊ हमनी सभे पर राज करऽ हथन, हमनी सभे के जरिये काम करऽ हथन, आउर हमनी सभे में वास करऽ हथन।7हमनी में से सभे कोई के परमेश्वर आत्मिक इनाम देलन हे जईसे कि मसीह तय करलन हे कि ई अनुग्रह हमरा भीर होवे के चाही।8येहिसे पवित्रशास्त्र कहऽ हे, जईसन ऊ ऊँचा जगह पर गेलन, ऊ अपना साथे कई लोग के लईलन जिनका ऊ पकड़ लेलन हल, आउर अपन लोग के तोहफा देलन। 9शब्द "ऊ ऊँचा जगह पर गेल" पक्का तरह से हमरा बतावऽ हे कि मसीह भी पहिले धरती के निचलका हिस्सा में गेलन हल। 10मसीह, जौन स्वर्ग से धरती पर अईलन हल, ऊ भी स्वर्ग में सभे से जादे ऊँचा पद पर लौट अईलन हे जेकरा से ऊ सारा दुनियाँ के भर सकतन।11अपन लोगवन के तोहफा के रूप में, कोई के प्रेरित होवे लागी, कोई के भविष्यद्वक्ता होवे लागी, कुछ लोग के खोजे लागी कि ओखनी के यीशु के सुसमाचार के बतावल जाय आउर कोई के देख-भाल करे लागी आउर कोई के विश्वासियन के झुण्ड के सिखावे लागी नियुक्त करलन हे। 12परमेश्वर ऊ सभे के नियुक्त करलन कि ऊ सभे परमेश्वर के पवित्र लोग के दोसरा के सेवा करे के काम करे लागी तईयार करऽ ताकि सभे लोग जौन मसीह के देह हथन, ऊ सभे आत्मिक रूप से बरियार बन सकतन।13ई काम तब तक चलते रहतो जब तक हमनी सभे एक्केगो साथे ऊ नऽ बन जा ही जौन परमेश्वर हमनी से चाहऽ हथन: एगो होके हम परमेश्वर के बेटा पर पूरा रीति से विश्वास करऽ ही आउर हम अपना में उनकर काम के अनुभव करऽ ही, आउर पूरा तरह से विश्वासियन के एगो समूह के रूप में पक्का होवऽ हथन जईसन कि परमेश्वर पर भरोसा करतन आउर खुद के मसीह के रूप में जाने ला पूरा तरह से मजबूत हो जईतन।14तऽ हम आगे से आत्मिक रूप से कमजोर नऽ रहम, काहेकि छोटकन लईकवन कमजोर होवऽ हे। हम आगे से सभे नया शिक्षा के पालन नऽ करम, जौन एगो नाव के समान हमेशा बदलते रहऽ हे जईसे हवा के बहाव में एन्ने चाहे ओन्ने चलऽ हे आउर हलफा एकर दिशा के बदल दे हे। हम चतुर लोगवन के आज्ञा नऽ दे ही जौन सिखावऽ हथन कि झूठ का हे ताकि ऊ सभे हमरा अपन झूठ के साथे धोखा देवे।15एकर बदले, जईसन हमनी एक-दोसरा से प्रेम में होके सच बात करऽ ही कि सच का हे, येहिसे आवऽ हमनी हर तरह से मसीह के जईसन बनते जायेम, जईसन कि ऊ हमरा कहलन हे, ठीक ओईसहीं जईसे एगो आदमी के माथा ऊ आदमी के देह के चलावऽ हे।16ई ओही हे जौन हमनी सभे के एक साथे जोड़ऽ हे आउर हमनी के एगो दोसरा से जोर के रखऽ हे। ऊ हमनी के सिखावऽ हथन कि एगो दोसरा के मदत कईसे करियई आउर एगो जईसन ढंग से कईसे काम करवऽ जखनी ऊ ओखनी के योग्यता दे हथन जौन हमनी में से हर एगो ला सही हे, ठीक ओईसहीं जईसे कि एगो आदमी के माथा ओकर देह के कुछ अंग ला करऽ हे। येहिसे, जईसे हमनी एक दोसर से प्रेम करऽ ही, तऽ हमनी एक साथ आगे बढ़म आउर एक दोसर के जादे मजबूत बनायेम।17ई चलते, आउर प्रभु यीशु के अधिकार के साथ, हम तोरा ई आग्रह करऽ ही: अखनी से आगे तोरा अईसन जिनगी नऽ बितावे के चाही जईसन अन्यजाति लोग करऽ हे। जौन तरह से ऊ जिनगी बितावऽ हथन ऊ सोच बेकार तरीका से आवऽ हे।18ऊ सभे ई बारे में साफ तोर से सोचे में अलचार हथन कि सही चाहे गलत का हे काहेकि ऊ परमेश्वर से पूरा मन से अलग रहे के कोशिश करऽ हथन। ऊ सभे अईसन येहिसे करऽ हथन, काहेकि ऊ नऽ जानऽ हथन कि ओखनी का भूला रहलन हे, आउर काहेकि ऊ सभे अपन हठ में परमेश्वर के अपन जिनगी माने से इंकार करऽ हथन।19जदि कुछ अच्छा चाहे बुरा हे तऽ एकरा समझे में अलचार हो गेलन, आउर येहिसे जौन कुछ ओकर देह चाहऽ हे ओकर मुताबिक ओखनी लज्जापन के काम करे लागी खुद के न्योछावर कर देलन हे। ऊ सभे तरह के गलत काम के करऽ हथन आउर जादे से जादे करे ला चाहऽ हथन।20बाकि ई ऊ तरीका नऽ हे जेकरा से तूँ जिनगी जिये लागी सिखलऽ हे, जखनी तूँ मसीह के बारे में सिखलऽ हल। 21ऊ दायरा तक कि तूँ यीशु के बारे में सुसमाचार के सुनलऽ आउर समझलऽ आउर उनका से सिखलऽ हे, काहेकि उनकर तरीका जिनगी जिये के सच्चा तरीका हे।22तोहनी के गुरु तोरा ऊ तरीका से जिनगी जिये से रोके के शिक्षा देलन हल जौन-जौन चाल-चलन से तूँ जिये ला चाहऽ हलऽ। काहेकि तोहनी गलत काम के करे लागी इच्छा करलऽ हल, येहिसे तोहनी खुदे ई सोच के धोखा देलऽ कि ऊ सभे काम बढ़ियाँ हल। ऊ तरह से जिये ला खुद के आत्मिक रूप से बर्बाद करे के बराबर हल।23येहिसे तोरा खुद परमेश्वर के नया आत्मा आउर एगो नया तरीका से सोचे लागी दे देवे के चाही,24आउर तोरा नया आदमी के जईसन रहे ला शुरु करे के चाही जेकरा परमेश्वर अपन स्वरूप में बनावे लागी रचलन हे। ऊ तोरा एक-दोसरा के साथे धार्मिकता आउर पवित्रता से रहे लागी आउर यीशु के साथे सच्चा तरीका से जिये लागी बनईलन हे। 25येहिसे एक-दोसरा से झूठ बोले ला बंद करऽ। एक-दोसरा से सच्चाई से बात करऽ काहेकि हमनी एक-दोसरा के साथे परमेश्वर के परिवारिक सदस्य के रूप में ही। 26पापी वर्ताव के बारे में गोस्सा तऽ करिहऽ, बाकि पाप मत करिहऽ काहेकि तोहनी गोस्सैल हऽ। रोजदिन के खतम होवे से पहिले, जौन कोई भी तोरा गोस्सा दिलावऽ हे, ओकरा से समझौता कर लिहऽ 27ताकि तूँ शैतान के अपना जौरे गलत काम करे के इजाजत नऽ दिहऽ।28चोरी करे वाला के अब आगे से चोरी नऽ करे के चाही। एकर बदले, उनका कड़ा मेहनत करे के चाही, अपन कोशिश कर के बढ़ियाँ काम करे के चाही ताकि उनका भीर जरूरतमंद लोग के देवे लागी कुछ हो सकत।29नुकसान देवेवाला बात मत बोलिहऽ। एकर बदले, बढ़ियाँ बात बोलिहऽ, जौन लोग के हौसला बढ़ावे जखनी उनका मदत के जरुरत होवे, ताकि परमेश्वर तोर बात के जरिये सुने वालन के अनुग्रह पहुँचा सकतन।30परमेश्वर तोरा पवित्र आत्मा दे के अपन लोग के रूप में छाप देलन हे, जौन ऊ दिन तक तोरा साथे रहत जब तक मसीह तोरा ई संसार से छुटकारा नऽ लेतन। येहिसे अपन जिनगी जिये के व्यवहार से परमेश्वर के पवित्रात्मा के उदास नऽ करिहऽ। 31अईसन वर्ताव करे ला पूरा तरह से बंद करे के कोशिश करऽ: दोसरा के प्रति गोस्सैल चाहे उतावला नऽ होवऽ आउर ईहाँ तक कि दोसरा पर गोस्सा मत करिहऽ। दोसरा पर गाली-गलौज कर के नऽ चिल्लईहऽ। कहियो भी कोई के साथे निन्दा भावना से काम नऽ करिहऽ।32अईसन वर्ताव करे के बदले, एक दोसरा के प्रति दयाभाव रखिहऽ। एक दोसरा के साथे कृपालु होके के काम करिहऽ। एगो दोसरा के साथे ओईसहीं मांफ करिहऽ जईसे परमेश्वर मसीह के जरिये तोरा ला करल गेल सभे कुछ के क्षमा करलन हे।
Bridge Connectivity Solutions Pvt. Ltd.