Ephesians3
1काहेकि परमेश्वर तोहनी अन्यजाति लागी ई योजना लेके काम कर रहलन हे, हम, पौलुस, तोरा ला पिता से प्रार्थना करऽ ही, ईहाँ तक कि हम जेल में ही काहेकि हम तोरा ला मसीह यीशु के सेवा करऽ ही।2हम मानऽ ही कि लोग तोरा हमरा बारे में बतईलन होत, कि परमेश्वर तोहनी गैर-यहूदियन के अपन योजना बतावे लागी हमरा काम देलन हे जौन तोरा प्रति बड़ी जादे दयालु हथन।3परमेश्वर हमरा ई समाचार सुनईलन जेकरा लोग हमरा पर सीधे प्रकट होवे के पहिले नऽ समझलन हल, जईसन कि हम तोरा छोटा रूप में पहिले लिखली हल। 4जखनी तूँ ओकरा पढ़ऽ हऽ, तऽ तूँ समझ सकलऽ हे कि हम ऊ सभे बात के साफ तोर से समझऽ ही जेकरा परमेश्वर मसीह के बारे में पहिले नऽ बतईलन हल।5पहिले ही, परमेश्वर लोग के ई समाचार के पूरा तरह से प्रकट नऽ करलन हल, बाकि अब उनकर आत्मा अपन पवित्र प्रेरित आउर भविष्यद्वक्ता के सामने एकरा प्रकाशित करलन हे।6ई कि अन्यजाति साथी उत्तराधिकारी आउर देह के साथी सदस्य हे, आउर शुभ समाचार के जरिये मसीह यीशु में प्रतिज्ञा के साथी सहकर्मी हथन।7हम अब लोगवन के येही सुसमाचार के सुनईते परमेश्वर के सेवक ही। परमेश्वर हमरा प्रति बड़ी जादे दयालु हथन आउर हमरा ई काम के करे लागी देलन हे जबकि हमनी ई काम के लायक नऽ ही, आउर ऊ एकरा सामर्थी ढंग से हमरा द्वारा काम करे के हमरा योग्य बनावऽ हे।8जबकि हम परमेश्वर के सभे पवित्र लोग में सभे से छोटा ही, परमेश्वर हमरा अनुग्रह से ई तोहफा देलन हे: ऊ हमरा अन्यजाति के सुसमाचार के हमेशा ला आत्मिक आशीष के प्रचारक ठहरईलन हे जौन मसीह भीर हमरा ला हे,9आउर सभे लोग के ई समझे के काबिल बनावे लागी परमेश्वर के योजना का हे। ई योजना कुछ अईसन हे कि परमेश्वर, जौन सभे कुछ रचलन हे, बड़ी पहिले से छिपा के रखलन हे।10परमेश्वर ई योजना के येहिसे छिपईलन जेकरा से जब ऊ अखनी ई सभे कलीसिया के लोग पर परकट करऽ हथन जौन विश्वास करऽ हथन, तऽ ऊ साथे ही आत्मिक अधिकारी के ऊपरे भी स्वर्गीय स्थान में परकट करऽ हथन कि ऊ केतना जादे बुद्धिमान हे।11ई ऊ योजना हे जौन परमेश्वर भीर हमेशा से रहल हे, आउर ई ऊ हे जेकरा ऊ हमनी के प्रभु, मसीह यीशु के काम-काज के जरिये पूरा करलन हे।12येहिसे अखनी, यीशु जौन कुछो करलन हे, ओकरा चलते हमनी आजादी आउर भरोसा के साथे परमेश्वर भीर आ सकऽ ही, काहेकि जखनी हमनी यीशु पर विश्वास करऽ ही, तऽ ऊ हमरा खुद से जोड़ऽ हथन।13येहिसे कृपया कर के ऊ सभे बात से निराश नऽ होवऽ कि हम तोहनी दने से ई कैद में दुःख उठा रहली हे, काहेकि ऊ तोहनी ला एगो महिमामय नतीजा के पईदा करऽ हे।14काहेकि परमेश्वर ई सभे कुछ तोरा ला करलन हे, येहिसे ठेहुनियाँ मारऽ ही आउर पिता परमेश्वर से प्रार्थना करऽ ही।15ऊ मुख्य पिता हथन, जौन स्वर्ग में आउर धरती पर पालन करे लागी हर परिवार के नमूना देलन हे।16हम प्रार्थना करऽ ही कि परमेश्वर अपन महिमा के धन तोरा उनकर आत्मा तोर आत्मा के ऊ मात्रा में मजबूत करे लागी सामर्थ देतन कि ऊ केतना जादे महान हथन।17हम प्रार्थना करऽ ही कि मसीह ओतना ही जादे तोहनी के निकट वास करतन जेतना कि तोर मन हे काहेकि तूँ उनका में विश्वास करऽ हऽ, आउर ई जौन कुछ तूँ करऽ हऽ आउर कहऽ हऽ ऊ तूँ आउर तोरा ला उनकर दोसर लोग के प्रति परमेश्वर के प्रेम के नींव होत।18जेकरा से तूँ परमेश्वर के सभे पवित्र लोगवन के साथे सही ढंग से समझ सकलऽ हे, कि मसीह हमनी से केतना जादे प्रेम करऽ हथन।19हम प्रार्थना करऽ ही कि तोरा पता हो जाय कि मसीह हमनी से केतना जादे प्रेम करऽ हथन, जबकि ऊ हमनी से एतना जादे प्रेम करऽ हथन कि हम उनका समझ नऽ सकऽ ही। हम प्रार्थना करऽ ही कि परमेश्वर तोरा हर ऊ चीज के पूरा-पूरा समझ देतन जौन ऊ हथन।20परमेश्वर के बड़ाई प्रशंसा होवे, जौन ऊ बात से बड़ी जादे करे में लायक हे जौन हम उनका करे लागी कहऽ ही, चाहे ईहाँ तक कि हमनी सोचऽ ही कि ऊ कर सकलन हे, काहेकि ऊ हमनी के भीतर में बड़ी जादे सामर्थ से काम करऽ हथन!21सभे विश्वासी कलीसिया में उनकर प्रशंसा करतन कि ऊ केतना जादे महान हथन आउर मसीह यीशु के द्वारा करल गेल अचरज काम लागी उनकर प्रशंसा करऽ! ऊ सभे हमेशा ला समूचे पीढ़ी में उनकर प्रशंसा करऽ!आमीन।
Bridge Connectivity Solutions Pvt. Ltd.