Ephesians2
1एकरा से पहिले कि तूँ मसीह पर भरोसा करऽ हऽ, तूँ आत्मिक रूप से मरल हलऽ तूँ पाप करे से रुके में अलचार हलऽ।2तूँ एगो पापी के रूप में रहऽ हलऽ, ई संसार के आत्मा से चलावल जा हलऽ। तूँ ऊ बुरा आत्मा के शासक के जरिये चलावल जा हलऽ जौन ई संसार के अधिकारियन के वश में रखऽ हे। ई शासक शैतान हे, जौन अब परमेश्वर के आज्ञा उल्लंघन करे वाला लोग के जरिये काम करऽ हे।3हमनी सभे देह के ललसा में दिन बितावऽ हली आउर देह आउर मन के जईसे ई सभे लोग परमेश्वर के बात नऽ माने वाला करऽ हे; हमनी ऊ सभे बुरा चाल-चलन के काम करली जेकरा हम चाहऽ हली, अईसन काम जे हमर देह आउर हमर मन के आनन्द आउर खुशी दे हल। हमनी ई लायक हली कि परमेश्वर के हमनी के ऊपर बड़ी जादे गोस्सा होवऽ के चाहऽ हल, ठीक ओईसहीं जईसे ऊ दोसर लोग के साथे करऽ हे।4बाकि परमेश्वर हमनी के प्रति बड़ी जादे दयालु हथन काहेकि ऊ हमरा से बड़ी जादे प्रेम करऽ हथन।5परमेश्वर हमनी से एतना जादे प्रेम करऽ हथन कि जखनी हमनी आत्मिक रूप से मरल हली आउर लगातार पाप कर रहली हल, तईयो ऊ हमरा मसीह के साथे जोर के हमरा जिन्दा कर देलन। याद रखऽ, जखनी परमेश्वर तोरा आत्मिक रूप से मरे से बचईलन हल, तब ऊ तोरा साथे एक तरह से बड़ी दयालु रहलन हल, जेकर तूँ लायक नऽ हलऽ।6परमेश्वर हमनी के आत्मिक रूप से मरे से बचईलन जईसे ऊ यीशु के शारीरिक रूप से मरे से बचईलन हल आउर ऊ हमनी के आत्मिक रूप से उनका साथे जिलईलन। फिन ऊ हमनी के स्वर्ग में मसीह यीशु के साथे शासन करे लागी आदर के जगह देलन।7ऊ भविष्य के हर युग में दुनियाँ के सभे के ई देखावे लागी करलन कि ऊ हमनी के मसीह यीशु के साथे जोड़े के जरिये केतना जादे दयालु हथन।8येहिसे परमेश्वर तोरा प्रति ई तरह से बड़ी जादे दयालु हलन कि तूँ ऊ लायक नऽ हलऽ जब ऊ तोरा आत्मिक रूप से मरे से बचईलन हल। ऊ अईसन येहिसे करलन काहेकि तूँ यीशु पर विश्वास करऽ हऽ। तूँ खुद के नऽ बचईलऽ; ई परमेश्वर दने से एगो दान हे,9एगो तोहफा जेकरा कोई नऽ कमा सकल हे, येहिसे कि कोई घमण्ड नऽ कर सकलन हे आउर ई नऽ कह सकलन हे कि ऊ खुद के बचईलन हे।10ई तरह से परमेश्वर हमरा ओही बना रहलन हे, जौन ऊ चाहऽ हथन; मसीह यीशु के जरिये ऊ हमरा भला काम करे लागी नया लोग के रूप में रचलन हे अईसन काम करे लागी जेकरा परमेश्वर पहिले से ही हमनी ला मौजूद करलन हल ताकि चल सकम।11येहिसे याद रखऽ कि पहिले तूँ अन्यजाति हलऽ जेकर मुताबिक तोर पुरखावन परमेश्वर के लोग से जुड़ल नऽ हलन। यहूदियन तोरा बेईज्जती तोरा “खतनारहित” कह के करलन। ओखनी खुद के “बिन खतनावालन” कहऽ हे। एकरा से उनका कहे के मतलब ई हे कि, ऊ, तूँ नऽ, परमेश्वर के लोग हऽ, जबकि खतना एगो अईसन चीज हे जौन आदमी ही करऽ हे जौन खाली देह के बदलऽ हे, नऽ कुछ अईसन जौन परमेश्वर करऽ हथन जौन आत्मा के बदलऽ हे।12काहेकि ऊ घड़ी तोहनी मसीह से अलग हलऽ, इस्राएल के प्रजा से बाहर हलऽ, आउर प्रतिज्ञा के वाचा के प्रति अनजान हलऽ, कोई आशा नऽ हल आउर संसार में परमेश्वर रहित हलऽ।13बाकि अखनी, काहेकि तूँ यीशु मसीह पर भरोसा करलऽ हे, परमेश्वर तोरा उनकर परिवार में लहू के द्वारा लईलन हे, जबकि एकरा से पहिले कि तूँ उनका नऽ जानऽ हलऽ। ई हो सकऽ हल काहेकि मसीह तोरा लागी क्रूस पर मर गेलन।14काहेकि ओही हमनी के शान्ति हथन, जे दूनो के एक कर देलन हे आउर अपन देह में अलग करे वाला बीच के दीवार के हटा देलन। 15ऊ हमनी के अपना ला कबूल करे लागी हमनी लागी यहूदी व्यवस्था के आज्ञा आउर जरुरत के अब आगे से आउर जादे पालन करे ला जरुरी नऽ बनईलन। ऊ यहूदियन आउर गैर-यहूदियन के एगो नया समाज में शामिल करे लागी अईसन करलन, जौन उनका साथे उनकर रिश्ता के वजह से शान्ति से एक साथे रहतन।16मसीह अईसन ओखनी सभे लागी क्रूस पर मर के दूनो झुण्ड के एगो देह के रूप में परमेश्वर के साथे मेल-मिलाप करे लागी करलन। ओखनी लागी मर के, यीशु ओखनी के एगो दोसरा से आउर परमेश्वर के प्रति दुश्मनी होवे से रोके ला संभव बना देलन।17यीशु आके सुसमाचार के प्रचार करलन कि हमनी परमेश्वर के साथे शान्ति से रह सकली हे; ऊ एकरा प्रचार तोहनी गैर-यहूदी से करलऽ, जौन परमेश्वर के बारे में नऽ जानऽ हलन, आउर हमनी यहूदियन के जौन परमेश्वर के बारे जानऽ हलन।18यीशु जौन कुछ हमरा ला करलन, ओकरा चलते यहूदी आउर गैर-यहूदी लोग, अब परमेश्वर के आत्मा के मदत से पिता परमेश्वर भीर आ सकलन हे।19येहिसे अब तोहनी गैर-यहूदी परमेश्वर के लोग से बाहर नऽ हऽ, बाकि एकर बदले उनकर पवित्र लोग हऽ जिनका परमेश्वर अपना लागी अलग करलन हे, आउर तूँ परमेश्वर के परिवार से जुड़ल हऽ।20तूँ ऊ पत्थर के जईसन हऽ जेकरा परमेश्वर एगो मकान में जोर देलन हे, आउर प्रेरित आउर भविष्यद्वक्ता ऊ मकान के दावा के पत्थर के जईसन हथन। तूँ ई बात पर भरोसा कर हऽ कि ओखनी का सिखईलन हे, ठीक ओईसहीं जईसे कि मकान के पत्थर नींव के पत्थरवन के ऊपरे टिकल रहऽ हे जौन एगो दीवार के बनावऽ हे जे कि सीधा आउर मजबूत होवऽ हे। मसीह यीशु खुदे ही चट्टान के जईसन हथन, जौन मकान के सभे से खास पत्थर होवऽ हे। 21यीशु ई तय करऽ हथन कि हरेक आदमी के कहाँ जुड़ेला हे, ठीक ओईसहीं जईसे चट्टान तय करऽ हे कि हरेक पत्थर भवन में कहाँ सही बईठऽ हे। ठीक ओईसहीं जईसे एगो भवन बनावे वालन पवित्र मन्दिर के बनावे लागी एक साथे पत्थरवन के जोड़ऽ हथन, यीशु अपन विश्वासियन के परिवार के एगो पवित्र झुण्ड बनावे लागी जमा कर रहलन हे जौन प्रभु के सेवा करऽ हथन।22काहेकि तूँ यीशु से जुड़ल हऽ, ऊ तोरा यहूदी आउर गैर-यहूदी दूनो के साथे मिला के एगो परिवार बना रहलन हे, जौन एगो मकान के जईसन हे, जेकरा में परमेश्वर अपन आत्मा के द्वारा वास करऽ हथन।
Bridge Connectivity Solutions Pvt. Ltd.