Deuteronomy9
1हे इस्राएल, सुनऽ; आज तूँ यरदन पार करे वाला हऽ कि अपना से बड़का आउर तागतवर जतियन के, आउर आसमान तक बड़का आउर मजबूत नगर के अपन अधिकार में लेलऽ।2आउर अनाकियन के वंश बड़का आउर लम्बा आदमी हे, जेकरा तूँ जानऽ हऽ, आउर जेकर बारे में तूँ लोग के ई कहते सुनलऽ हे, कि अनाकियन के सामने कौन ठहर सकल हे? 3येहिसे आज जान लऽ कि तोर परमेश्वर यहोवा ओही हथिन जौन भस्म करे वाला आग के जईसन तोर आगे-आगे चलते रहऽ हथिन; ऊ ओकरा नाश करतन; आउर ओकरा तोर सामने अपन काबू में कर लेतन; येहिसे जईसे यहोवा तोरा से कहलन हे, ओईसहीं तूँ ओकरा निकासवऽ, आउर जल्दिये नाश कर देवऽ। 4जब तोर परमेश्वर यहोवा ओकरा तोर सामने से निकास देलन हे, तब तूँ अपन मन में ई नऽ कहिहऽ, कि यहोवा हमरा धर्म के वजह से हमरा ई देश के अधिकारी होवे ला पहुँचलईन हे, काहेकि ई ऊ सभे जाति के बुराई के चलते होल हे। यहोवा ओकरा तोर सामने से निकास रहलन हे। 5ई तोर धरम चाहे मन के सिधाई के चलते नऽ, कि तूँ अधिकारी होवे जा रहल हे, बाकि ऊ सभे जाति के बुराई के चलते तोर परमेश्वर ओकरा तोर सामने से निकास देतन, कि ऊ ओखनी पर अधिकार कर लेवे। जौन वचन ऊ अब्राहम, इसहाक, आउर याकूब, तोर पुरखावन से किरिया खा के कहलन, ओकरा पूरा करऽ।6येहिसे समझलऽ, कि तोर परमेश्वर यहोवा तोरा धर्म के कारण तोरा ई बढ़ियाँ देश पर अधिकार करे ला नऽ देतन, काहेकि तोहनी जिद्दी लोग हऽ।7याद रखऽ आउर मत भुला कि तूँ जंगल में अपन परमेश्वर यहोवा के कौन तरह से गोस्सा दिलईलऽ; जौन दिन से तूँ मिस्र देश से निकसलऽ, ऊ दिन से लेके ई जगहिया पर पहुंचे तक तूँ यहोवा से बगावत करते अईलऽ हे। 8आउर होरेब में भी तूँ यहोवा के गोस्सा देलईलऽ, आउर यहोवा तोरा पर एतना गोस्सा होलन कि तोरा बर्बाद कर देलन। 9जखनी हम पत्थर के तख्ती मतलब कि ऊ वाचा के तख्तियन के, जौन यहोवा तोरा से बाँधलन हल, लेवे लागी पहाड़ पर चढ़ गेली, तखनी चालीस दिन आउर चालीस रात पहाड़ पर रहली; हम नऽ तऽ रोटी खईली आउर नऽ पानी पियली।10यहोवा अपन अंगूरी से लिखल पत्थर के दुगो तख्तियन हमरा देलन; ओकरा पर सभे कुछ ओईसहीं लिखल हल जईसे यहोवा सभे के दिन पहाड़ पर आग के बीच में से तोरा से कहलन हल। 11ऊ चालीस दिन आउर चालीस रात के बीतला पर यहोवा हमरा से वाचा बाँधलन कि ऊ पत्थर के दुन्नो तख्तियन देलन।12यहोवा हमरा से कहलन, उठऽ, हियाँ से जल्दिये उतर जा, काहेकि तोर प्रजा के लोग, जेकरा तूँ मिस्र से निकास लईलऽ हे, ऊ भ्रष्ट हो गेलन हे, आउर बुरा काम कईलन हे। ऊ जल्दिये ऊ राह से भटक गेलन हे जेकर आज्ञा हम उनका देली हल। ऊ अपना लागी एगो मूर्ति ढाल के बना लेलन हे।13फिन यहोवा हमरा से बात कर के कहलन, हम ई प्रजा के देखली हे; ऊ जिद्दी लोग हथन।14येहिसे हमरा छोड़ दऽ कि हम ओखनी के नाश कर दियई, आउर ओकर नाम स्वर्ग पर से मिटा दियई, आउर तोरा, ओकरा से जादे सामर्थी आउर महान एगो जाति बनायम।15तब हम घूम के पहाड़ से नीचे अईली, आउर पहाड़ जल रहल हल। वाचा के दूगो तख्तियन हल।16हम नजर उठईली, तऽ का देखली, कि तोहनी अपन परमेश्वर यहोवा के खिलाफ पाप कईल हे। तोहनी अपना लागी एगो बछड़ा बनईल हे। जौन राह के आज्ञा यहोवा तोरा देलन हल, ओकरा से तोहनी तुरते भटक गेल हे।17हम ऊ दुन्नो तख्तियन लेके अपन हाथ से फेंक देली। हम ओकरा तोर आँख के सामने तोड़ देली।18फिन हम चालीस दिन आउर चालीस रात तक यहोवा के सामने मुँह के भरे गिरल रहली; तोहनी जौन पाप कर के ऊ काम कईल हे, जौन यहोवा के नजर में खराब हे, आउर उनका गोस्सा दिलईलन हे, ई चलते हम नऽ तऽ रोटी खईली, आउर नऽ पानी पिली।19काहेकि हम ऊ कोप आउर गोस्सा से डर गेली हल जेकरा से यहोवा तोरा पर एतना गोस्सा होलन हल, कि तोरा नाश कर देतन। बाकि यहोवा ऊ घड़ी भी हमर सुन लेलन। 20यहोवा हारून पर बड़ी गोस्सा होलन, हियाँ तक कि ओकरा नाश करे ला चाहऽ हलन; हम ओही घड़ी हारून लागी भी प्रार्थना कईली।21आउर हम तोर पाप के चलते जौन बछड़ा तूँ बनईलऽ हल, ले लेली, आउर जला देली, आउर कूट कूटके पीस देली, हियाँ तक कि ऊ धूल के समान बारीक हो गेल। हम ओकर धूल ऊ पानी में फेंक देली जौन पहाड़ से नीचे गिरऽ हल।22तबेरा, मस्सा, आउर किब्रोतहत्तावा में तूँ यहोवा के गोस्सा भड़कईलन। 23जब यहोवा तोरा कादेशबर्ने भीर से ई कह के भेजलन, कि जा के ऊ देश पर अधिकार कर लऽ जौन हम तोर देली हे, तब तूँ अपन परमेश्वर यहोवा के आज्ञा के खिलाफ बगावत कईलक, आउर विश्वास नऽ कईलक, आउर नऽ उनकर बतियन के सुनलक। 24जौन दिन से हम तोरा जान लेली, ओही दिन से तूँ यहोवा से बगावत करते अईलऽ हे। 25येहिसे हम चालीस दिन आउर चालीस रात यहोवा के समाने मुँह के भरे गिरल रहली, काहेकि ऊ कहलन हल, कि हम तोरा नाश कर देम।26हम यहोवा से प्रार्थना कर के कहली, हे प्रभु यहोवा, तूँ अपन प्रजा चाहे निज हिस्सा के नाश नऽ करऽ, जेकरा तूँ अपन प्रताप से छुड़ा लेल हे, जेकरा तूँ तागतवर हाथ से मिस्र से निकास लईलऽ हे।27अपन दास अब्राहम इसहाक, आउर याकूब के याद करऽ; ई प्रजा के हठ, आउर दुष्टता, आउर पाप के नऽ देखऽ;28जेकरा से जौन देश से तूँ हमरा निकास लईलऽ हे, ऊ ई कहतन, कि यहोवा ओकरा ऊ देश में जेकरा ऊ ओकरा देलन हल, ओकरा में पहुंचा नऽ सकलन, आउर ऊ ओकरा से बैर रखलन, एकरा चलते ऊ उनका जंगल में घात करे ला ले अईलन हे।29तईयो ऊ तोर प्रजा आउर निज भाग हे, जेकरा तूँ अपन बड़का ताकत आउर शक्ति से मिस्र से बाहर निकास ले अईलऽ हे।
Bridge Connectivity Solutions Pvt. Ltd.